27/08/2026
تحفظِ ناموسِ رسالت صلی اللہ علیہ وسلم کے قانون کے دفاع میں متفقہ قرارداد ـــــــــــ
(تحصیل تخت بھائی ضلع مردان)
عالمی مجلس تحفظ ختم نبوت مردان کے زیر اہتمام سہ روزہ ختمِ نبوت کورس، تحصیل تخت بھائی، ضلع مردان کے اختتامی اجتماع میں مفتی رحیم اللہ حفظہ اللہ نے ڈاکٹر فرزانہ باری کی جانب سے تحفظِ ناموسِ رسالت صلی اللہ علیہ وسلم سے متعلق تعزیراتِ پاکستان کی دفعہ 295-C کو ’’کالا قانون‘‘ قرار دینے کی شدید مذمت کرتے ہوئے ایک قرارداد پیش کی، جسے اجتماع کے شرکاء نے متفقہ طور پر منظور کیا۔
مفتی رحیم اللہ حفظہ اللہ نے پُرجوش اور مدلل خطاب میں واضح کیا کہ قانونِ تحفظِ ناموسِ رسالت صلی اللہ علیہ وسلم کے تحفظ کے لیے ہر راستہ اختیار کیا جائے گا۔ انہوں نے حکومت اور متعلقہ اداروں سے مطالبہ کیا کہ ایسے عناصر کے خلاف فوری اور مؤثر قانونی کارروائی کی جائے جو اس قانون کے خلاف منظم پروپیگنڈا کرتے، اس کی توہین کرتے یا اسے ’’کالا قانون‘‘ قرار دے کر عوام کے جذبات کو مجروح کرتے ہیں۔
ناموسِ رسالت صلی اللہ علیہ وسلم ہمارے ایمان کا بنیادی تقاضا ہے؛ اس کے تحفظ کے لیے بھرپور آواز اٹھائی جائے گی۔
استاد حدیث مفتی رحیم اللہ حفظہ اللہ جنرل سیکرٹری یوسی ساڑوشا تخت بھائی مردان
