Tafheem e Nau

24/08/2026

کیا آپ جانتے ہیں کہ اسلامی عقائد کو عقلی اور استدلالی بنیادوں پر سمجھنے کے لیے علم الکلام کی کیا اہمیت ہے؟

پروگرام علم الکلام کے پہلے حصے میں ہم اسلامی علمی روایت کی ایک نہایت اہم کتاب شرح العقائد النسفیہ کا تعارف پیش کر رہے ہیں۔

اس گفتگو میں ہم کتاب کے پس منظر، مصنفین، علمی مقام اور علم الکلام کی بنیادی ضرورت پر بات کریں گے۔

یہ سلسلہ خاص طور پر ان لوگوں کے لیے مفید ہے جو:

📚 اسلامی عقائد کو گہرائی سے سمجھنا چاہتے ہیں
🧠 عقیدہ اور عقل کے تعلق پر غور کرنا چاہتے ہیں
🔍 فلسفہ اور علم الکلام میں دلچسپی رکھتے ہیں
⚖️ جدید فکری اعتراضات اور اسلامی جوابات کو سمجھنا چاہتے ہیں

پروگرام: علم الکلام
حصہ اول: شرح العقائد النسفیہ کتاب کا تعارف

ویڈیو دیکھیں، اپنی رائے ضرور دیں اور اسے ان دوستوں تک پہنچائیں جو اسلامی فکر اور عقائد کے علمی مطالعے میں دلچسپی رکھتے ہیں۔



#عقیدہ #تحقیق

21/08/2026

مانسہرہ میں گستاخی کے واقعہ، الراشدون اور سادات کی تحریک سے متعلق ایک پروگرام رجب علی آزاد کے ہاں ریکارڈ ہوا ہے بہت جلد اپلوڈ ہوگا ۔
ان شاءاللہ العزیز

12/08/2026

زیرِ بحث تجزیے میں سید مودودیؒ کی معرکۃ الآراء تالیف 'خلافت و ملوکیت' کے فکری و تاریخی ابعاد کا ایک غائرانہ اور بصیرت افروز جائزہ لیا گیا ہے۔ اس تنقیدی مطالعے کی اساس کتاب کے چار بڑے اور اصولی مباحث پر استوار کی گئی ہے۔
ان مباحث کو ایک جامع فکری ترازو میں تولتے ہوئے یہ حقیقت واشگاف کی گئی ہے کہ اس بحرِ تاریخ کے کن مقامات سے علم و رہنمائی کے موتی چنے جا سکتے ہیں، اور کن گردابوں سے گزرتے ہوئے قاری کو ایک محتاط، بالغ نظر اور تنقیدی نگاہ کی ضرورت پیش آتی ہے۔
اس کے ساتھ مولانا مودودیؒ کے قلم کی قوت، انشاء پردازی اور خطیبانہ اسلوب پر بھی گفتگو کی گئی ہے، اور مولانا محمد یوسف لدھیانوی شہیدؒ کی تنقید کی روشنی میں اس اسلوب کے مثبت اور حساس پہلوؤں کو زیرِ بحث لایا گیا ہے۔
اس کتاب کا سب سے وقیع اور لائقِ التفات پہلو جو ابھر کر سامنے آتا ہے، وہ یہ ہے کہ اس کے اوراق میں تاریخ کو محض گزرے ہوئے واقعات کے بے جان مجموعے یا داستانِ پارینہ کے طور پر پیش نہیں کیا گیا۔
مصنف کی بالغ نظری نے بکھرے ہوئے تاریخی حقائق کو ایک مخصوص فکری نصب العین اور ایک طے شدہ نظم کے تحت اس طرح پرویا ہے کہ عہدِ ماضی کے ان اوراق سے حال کی رہنمائی کے لیے مخصوص اور مطلوبہ نتائج اخذ کیے جا سکیں۔
یہی وجہ ہے کہ 'خلافت و ملوکیت' کو محض ایک تاریخی دستاویز سمجھ لینا فکری کوتاہ بینی ہوگی۔ درحقیقت، یہ ایک مخصوص فکری مقدمہ اور تاریخ کی ایک ایسی تعبیرِ نو ہے، جو ہر قاری سے محض ورق گردانی کے بجائے ایک بیدار مغز، محتاط اور شعور افروز مطالعے کا خراج مانگتی ہے۔
آپ کی رائے میں خلافت و ملوکیت کی سب سے اہم خوبی کیا ہے؟ کمنٹ میں ضرور بتائیں۔

10/08/2026

08/08/2026

ہم اختلافِ رائے کو دشمنی کیوں سمجھنے لگے ہیں؟
ایک معمولی اختلاف کب غصے، نفرت، الزام تراشی اور پھر باقاعدہ دشمنی میں بدل جاتا ہے؟

آج ہمارے معاشرے میں عدمِ برداشت، غصہ، انتقام اور اختلافِ رائے کا احترام نہ کرنا ایک سنگین مسئلہ بنتا جا رہا ہے۔ کبھی معمولی بات پر رشتے ٹوٹ جاتے ہیں، کبھی اختلاف دشمنی بن جاتا ہے اور کبھی ایک چھوٹا سا واقعہ بڑے فساد کا سبب بن جاتا ہے۔

کیا مسئلہ صرف ہمارے رویّوں میں ہے؟
یا اس کے پیچھے نفسیاتی، سماجی، اخلاقی اور دینی عوامل بھی کارفرما ہیں؟

آدابِ معاشرت — سلسلہ نمبر 02 میں اسی اہم سوال پر گفتگو:

معاشرے میں عدمِ برداشت کیوں؟

ویڈیو دیکھیے، اپنی رائے دیجیے اور کمنٹس میں بتائیے:
آپ کے خیال میں ہمارے معاشرے میں عدمِ برداشت کی سب سے بڑی وجہ کیا ہے؟

#برداشت #غصہ #معاشرہ #اخلاق #تربیت

07/08/2026

فتویٰ مختلف ادوار میں مختلف کیوں؟
کیا ایک زمانے میں کسی مسئلے کو ناجائز کہنا اور بعد میں جائز کہنا اس بات کی دلیل ہے کہ مفتیانِ کرام سمجھتے نہیں؟
یہ ایک عام غلط فہمی ہے۔
بعض مسائل میں فتویٰ مسئلے کی حقیقت اور اس کے بارے میں ماہرین کی تحقیق تبدیل ہونے کی وجہ سے مختلف ہو سکتا ہے۔
لہٰذا ہر مختلف فتویٰ کو فوراً تضاد، علمی کمزوری یا رائے بدلنے کا نام دینا درست نہیں۔ پہلے یہ دیکھنا ضروری ہے کہ:
کیا فتویٰ واقعی بدلا ہے یا مسئلے کی حقیقت کے بارے میں معلومات بدلی ہیں؟
اسی اہم نکتے کو اس قسط میں آسان انداز میں سمجھتے ہیں۔
🎙️ سلسلہ اغلاط العوام — نمبر (08)
#فتویٰ #فقہ #مفتی #علماء #فتویٰ_کی_تبدیلی

02/08/2026

تاریخِ اسلام کا وہ روشن ترین باب جس کے بغیر ہر مسلمان کا ایمان ادھورا ہے، وہ "اہلِ بیت" کی سچی محبت ہے۔ جس طرح جسم روح کے بغیر بے جان ہے، بالکل اسی طرح ایمان محبتِ اہل بیت کے بغیر نامکمل ہے۔ لیکن اکثر یہ سوال ذہنوں میں ابھرتا ہے کہ اس نورانی قافلے میں دراصل کون کون سی ہستیاں شامل ہیں؟

29/07/2026

📚 کتابوں کی درسگاہ مشہدی کے سنگ | Books Review with Mashhadi
الحمدللہ! تفہیمِ نو ایک نئے علمی و تحقیقی سلسلے "کتابوں کی درسگاہ مشہدی کے سنگ" کا آغاز کر رہا ہے۔
اس سلسلے کا مقصدمعاشرے میں مطالعہ کا شوق بیدار کرنے کے ساتھ ساتھ اہم اور مؤثر کتابوں کو ان کے اصل تناظر، علمی پس منظر اور تحقیقی بنیادوں پر سمجھنے کی ایک سنجیدہ کوشش کرنا ہے۔
اس نئی سیریز کی پہلی قسط میں جناب اسد مشہدی صاحب نے سید ابو الاعلیٰ مودودیؒ کی معروف کتاب "خلافت و ملوکیت" کا مطالعہ پیش کیا ہے۔
اس گفتگو میں جناب مشہدی صاحب کی کوشش رہی ہے کہ کتاب کو پسند و ناپسند، گروہی وابستگی یا پہلے سے قائم شدہ تصورات سے ہٹ کر دیکھا جائے، اور یہ سمجھا جائے کہ مصنف کا اصل مقدمہ کیا ہے، کتاب کس تناظر میں لکھی گئی، اور اسے کس علمی زاویے سے پڑھا جانا چاہیے۔ مقصد کسی رائے کو مسلط کرنا نہیں بلکہ ایک سنجیدہ علمی مکالمے کی بنیاد رکھنا ہے۔
یہ اس سلسلے کی پہلی قسط ہے۔ ان شاء اللہ اسی کتاب پر مزید دو یا تین اقساط بھی پیش کی جائیں گی، جن میں اس کے مختلف علمی، تاریخی اور فکری پہلوؤں کا تفصیلی جائزہ لیا جائے گا۔
آپ سے گزارش ہے کہ ویڈیو مکمل دیکھیے، گفتگو کو پورے تناظر میں سنیے، اور پھر اپنی رائے ضرور پیش کیجیے۔
اپنی دلیل کے ساتھ کمنٹ میں ضرور لکھیے۔ آپ کی علمی آراء نہ صرف ہمارے لیے قیمتی ہے بلکہ اس مکالمے کو مزید بامعنی بنانے میں بھی مددگار ثابت ہوگی۔
اگر آپ سمجھتے ہیں کہ اختلاف کے باوجود علمی انداز میں گفتگو ہونی چاہیے، تو اس ویڈیو کو اپنے دوستوں تک ضرور پہنچائیں تاکہ اس مکالمے میں مزید اہلِ علم بھی شریک ہو سکیں۔

28/07/2026

خلافت و ملوکیت پہ اسد مشہدی صاحب کی جانب سے غیر جانبدارانہ علمی اور تحقیقی تجزیہ ۔
حصہ اول
جلد ہی
ان شاءاللہ

21/07/2026

فلسفہ کی پانچویں شاخ: اخلاقیات (Ethics)
کیا صحیح ہے اور کیا غلط؟ کیا اچھائی اور برائی کا کوئی مستقل معیار موجود ہے، یا یہ صرف انسان کی رائے اور معاشرے کے بدلتے ہوئے نظریات پر منحصر ہے؟ یہی وہ بنیادی سوالات ہیں جن کا جواب اخلاقیات (Ethics) تلاش کرتی ہے، جو فلسفہ کی پانچویں اور نہایت اہم شاخ ہے۔

اس ویڈیو میں ہم انتہائی آسان انداز میں جانیں گے:

✅ اخلاقیات (Ethics) کیا ہے؟
✅ اخلاقیات کی تعریف اور اس کی اہمیت
✅ معروضی اخلاقیات (Objective Ethics) کیا ہوتی ہے؟
✅ موضوعی اخلاقیات (Subjective Ethics) کیا ہوتی ہے؟
✅ اخلاقیات کی بنیادی اقسام اور نظریات
✅ روزمرہ زندگی میں اخلاقیات کا عملی کردار

اگر آپ فلسفہ کو آسان اور مستند انداز میں سمجھنا چاہتے ہیں تو اس ویڈیو کو آخر تک ضرور دیکھیں۔

** #اخلاقیات **