22/11/2025
بارموسیٰ کا فخر — ڈسٹرکٹ لیول پر شاندار کامیابی
اللہ کے فضل و کرم سے گاؤں بارموسیٰ نے ایک بار پھر تعلیم کے میدان میں اپنی شناخت ثابت کر دی ہے۔
ڈسٹرکٹ منڈی بہاؤالدین میں ہونے والے انگلش تقریری مقابلہ بعنوان “The Last Sermon of Holy Prophet (PBUH)” میں پہلی پوزیشن ہمارے ہونہار اور باصلاحیت طالبعلم محمد ریبال حسن نے حاصل کر کے پورے علاقے کا سر فخر سے بلند کر دیا۔
گورنمنٹ بوائز ہائی سکول بارموسیٰ کے اس طالبعلم نے نہ صرف اپنی قابلیت کا لوہا منوایا بلکہ اپنے اساتذہ، والدین اور ادارے کی محنت کو بھی سچ ثابت کیا۔ یہ کامیابی اس بات کی گواہی ہے کہ محنت، یقین اور بہترین رہنمائی ہمیشہ کامیابی کی ضمانت بنتے ہیں۔
ہمارے نوجوانوں کی یہ پیش قدمی پوری قوم کے لیے امید کی کرن ہے۔
ہم محمد ریبال حسن کو اس شاندار کامیابی پر دلی مبارکباد پیش کرتے ہیں اور دعا کرتے ہیں کہ اللہ تعالیٰ انہیں مزید عزتیں اور کامیابیاں عطا فرمائے۔ آمین۔
