Masjid e Aysha & Madrsatul Mazhar

Masjid e Aysha & Madrsatul Mazhar Contact information, map and directions, contact form, opening hours, services, ratings, photos, videos and announcements from Masjid e Aysha & Madrsatul Mazhar, Mosque, masjid e aysha pukhton Abad near manghopir Road Karachi, Karachi.

السلام علیکم ان شاءاللہ ہفتہ اور اتوار کو مسجد عائشہ میں بعد نماز عشاء درس قرآن شروع ہونے جارہا ہے کل سے تمام حضرات سے ش...
26/06/2026

السلام علیکم
ان شاءاللہ ہفتہ اور اتوار کو مسجد عائشہ میں بعد نماز عشاء درس قرآن شروع ہونے جارہا ہے کل سے تمام حضرات سے شرکت کی درخواست ہے

#مسجد #درس #درس

السلام علیکم مسجد عائشہ اور مدرسۃ المظہر میں بجلی کی بڑھتی طلب کے پیش نظر موجود سسٹم کو اپگریڈ کرنے کا ایک منصوبہ زیر غو...
18/06/2026

السلام علیکم
مسجد عائشہ اور مدرسۃ المظہر میں بجلی کی بڑھتی طلب کے پیش نظر موجود سسٹم کو اپگریڈ کرنے کا ایک منصوبہ زیر غور ہے تمام ساتھی صدقہ جاریہ کے تحت اس میں حصہ شامل کر سکتے ہیں

#مسجد #سولر
#بجلی

01/02/2026

*مسائل شرعیہ*
*سلسلہ نمبر* :116

*شب برات*

شعبان کی پندرہویں رات ”شبِ برأت“ کہلاتی ہے، یعنی وہ رات جس میں مخلوق کوگناہوں سے بری کردیاجاتاہے۔تقریبًا دس صحابۂ کرام رضی اللہ عنہم سے اس رات کے متعلق احادیث منقول ہیں، حضرت عائشہ رضی اللہ عنہافرماتی ہیں:
" شعبان کی پندرہویں شب میں میں نے نبی کریم ﷺ کواپنی آرام گاہ پرموجود نہ پایا تو تلاش میں نکلی، دیکھاکہ آپ "جنت البقیع" میں ہیں ... پھرآپ ﷺ نے مجھ سے فرمایاکہ آج شعبان کی پندرہویں رات ہے ،اس رات میں اللہ تعالیٰ آسمانِ دنیاپرنزول فرماتاہے اور قبیلہ بنی کلب کی بکریوں کے بالوں کی تعدادسے بھی زیادہ گناہ گاروں کی بخشش فرماتاہے"۔
اسی طرح ایک روایت میں ہے:
"اس رات میں تمام مخلوق کی مغفرت کردی جاتی ہے سوائے سات اشخاص کے، وہ یہ ہیں:مشرک،والدین کانافرمان،کینہ پرور،شرابی،قاتل،شلوارکوٹخنوں سے نیچے لٹکانے والا اورچغل خور،ان سات افرادکی اس عظیم رات میں بھی مغفرت نہیں ہوتی، جب تک کہ یہ اپنے جرائم سے توبہ نہ کرلیں"۔
بعض روایات میں "قطع رحمی کرانے والے" اور بعض میں "زانی" کا بھی ذکر ہے کہ ان کی بھی بخشش نہیں ہوتی۔
حضرت علی رضی اللہ عنہ سے ایک روایت میں منقول ہے کہ :
"اس رات میں عبادت کیاکرواوردن میں روزہ رکھاکرو،اس رات سورج غروب ہوتے ہی اللہ تعالیٰ اپنے بندوں کی طرف متوجہ ہوتے ہیں اوراعلان ہوتاہے کون ہے جو گناہوں کی بخشش کروائے؟کون ہے جورزق میں وسعت طلب کرے؟کون مصیبت زدہ ہے جومصیبت سے چھٹکاراحاصل کرناچاہتاہو؟ ۔۔۔ یہاں تک کہ فجر طلوع ہوجاتی ہے۔"
ان احادیثِ کریمہ اورصحابہ کرام رضی اللہ عنہم اوربزرگانِ دین رحمہم اللہ کے عمل سے اس رات میں تین کام ثابت ہیں:
1- قبرستان جاکرمردوں کے لیے ایصالِ ثواب اورمغفرت کی دعا۔لیکن یادرہے کہ نبی کریم صلی اللہ علیہ وسلم سے ساری حیاتِ مبارکہ میں صرف ایک مرتبہ شبِ برأت میں جنت البقیع جاناثابت ہے، اس لیے اگرکوئی شخص زندگی میں ایک مرتبہ بھی اتباعِ سنت کی نیت سے چلاجائے تو اجر و ثواب کاباعث ہے۔لیکن پھول پتیاں، چادر چڑھاوے، اور چراغاں کا اہتمام کرنا اور ہرسال جانے کو لازم سمجھنا اس کوشب برأت کے اعمال میں سمجھنا ، ٹھیک نہیں ہے۔جو چیزنبی کریم صلی اللہ علیہ وسلم سے جس درجے میں ثابت ہے اس کواسی درجہ میں رکھنا چاہیے، اس کانام اتباع اوردین ہے۔
۲۔اس رات میں نوافل،تلاوت،ذکرواذکارکااہتمام کرنا۔ یہ واضح رہے کہ نفل عبادت میں تنہائی مطلوب ہے، یہ خلوت کی عبادت ہے، اس کے ذریعہ انسان اللہ کاقرب حاصل کرتاہے؛ لہذانوافل وغیرہ تنہائی میں اپنے گھرمیں اداکرکے اس موقع کوغنیمت جانیں۔نوافل کی جماعت اورمخصوص طریقہ اپنانادرست نہیں ہے۔ یہ فضیلت والی راتیں شوروشغب اورمیلے، اجتماع منعقدکرنے کی راتیں نہیں ہیں، بلکہ گوشۂ تنہائی میں بیٹھ کراللہ سے تعلقات استوارکرنے کے قیمتی لمحات ہیں، ان کوضائع ہونے سے بچائیں۔
3- شعبان کی پندرہ تاریخ کو دن میں روزہ رکھنابھی مستحب ہے، ایک تواس بارے میں حضرت علی رضی اللہ عنہ کی روایت ہے اور دوسرا یہ کہ نبی کریم صلی اللہ علیہ وسلم عمومًا ہرماہ ایامِ بیض (۱۳،۱۴،۱۵) کے روزوں کااہتمام فرماتے تھے،لہذااس نیت سے روزہ رکھاجائے تو موجبِ اجر و ثوب ہوگا۔ نیز نبی کریم ﷺ شعبان المعظم کے مہینے میں کثرت سے روزے رکھتے تھے، لہٰذا اس مہینے میں جتنے ہوسکیں روزے رکھنے چاہییں، البتہ جس کا معمول روزے رکھنے کا نہ ہو اس کے لیے شعبان المعظم کے دوسرے نصف حصے میں روزے نہ رکھنا زیادہ بہتر ہے، خاص طور پر شعبان کی تیس تاریخ (یوم الشک) میں روزہ نہ رکھے، الا یہ کہ شعبان کی تیس تاریخ ایسے دن میں آجائے جس میں کسی کا روزے کا معمول ہو، مثلًا پیر یا جمعرات کا دن۔
باقی اس رات میں پٹاخے پھاڑنا،آتش بازی کرنا اورحلوے کی رسم کا اہتمام کرنا یہ سب خرافات اوراسراف میں شامل ہیں۔شیطان ان فضولیات میں انسان کومشغول کرکے اللہ کی مغفرت اورعبادت سے محروم کردیناچاہتاہے اوریہی شیطان کااصل مقصدہے۔
بہر حال اس رات کی فضیلت بے اصل نہیں ہے اور سلفِ صالحین نے اس رات کی فضیلت سے فائدہ اٹھا یا ہے۔
ماخذ-
فتاویٰ بینات،جلد :اول،صفحہ:۵۵۲تا۵۵۷۔
فقط واللہ اعلم
✍️ حضرت مولانا مفتی محمد زوہیب صاحب

Address

Masjid E Aysha Pukhton Abad Near Manghopir Road Karachi
Karachi
75890

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Saturday 08:00 - 17:00
Sunday 08:00 - 17:00

Website

Alerts

Be the first to know and let us send you an email when Masjid e Aysha & Madrsatul Mazhar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category