Darul Quran Online Academy

Darul Quran Online Academy Contact information, map and directions, contact form, opening hours, services, ratings, photos, videos and announcements from Darul Quran Online Academy, Religious Center, Online | Teaching Worldwide (USA, UK, Canada, Gulf, etc.), Karachi.

#بحقِ_فلاں_دُعاکرنے_کاشرعی_حکمسوال: ... بحقِ فلاں اور بحرمتِ فلاں دُعا کرنا کیسا ہے؟ کیا قرآن و سنت سے اس کا ثبوت ملتا ...
02/06/2026

#بحقِ_فلاں_دُعاکرنے_کاشرعی_حکم
سوال: ... بحقِ فلاں اور بحرمتِ فلاں دُعا کرنا کیسا ہے؟ کیا قرآن و سنت سے اس کا ثبوت ملتا ہے؟
جواب: ... بحقِ فلاں اور بحرمتِ فلاں کے ساتھ دُعا کرنا بھی توسل ہی کی ایک صورت ہے، اس لئے ان الفاظ سے دُعا کرنا جائز اور حضراتِ مشائخ کا معمول ہے۔ "حصنِ حصین" اور "الحزب الاعظم" ماثورہ دُعاؤں کے مجموعے ہیں، ان میں بعض روایات میں "بحق السائلين عليك، فإن للسائل عليك حقاً" وغیرہ الفاظ منقول ہیں، جن سے اس کے جواز و استحسان پر استدلال کیا جا سکتا ہے، ہماری فقہی کتابوں میں اس کو مکروہ لکھا ہے،

#اکابرِدیوبندکامسلکسوال: ... کیا فرماتے ہیں علمائے دین ایسے شخص کے بارے میں جو ایک مسجد کا امام ہے اور وہ ربّ قرآن کریم...
01/06/2026

#اکابرِدیوبندکامسلک
سوال: ... کیا فرماتے ہیں علمائے دین ایسے شخص کے بارے میں جو ایک مسجد کا امام ہے اور وہ ربّ قرآن کریم بھی دیتا ہے، مسجد علمائے دیوبند کے منتسبین کی تھی اور اس امام صاحب کو بھی ایک دیوبندی ہونے کی حیثیت سے رکھا گیا تھا، مگر ان کے خیالات یہ ہیں:
سورۂ یوسف کے درس میں حضرت یوسف علیہ السلام اور زلیخا کے نکاح کی بحث میں زلیخا کے متعلق کہا کہ: وہ زانیہ، بدکارہ اور کافرہ تھی۔ بعض شرکائے درس نے جب عرض کیا کہ فلاں فلاں تفسیر میں لکھا ہے کہ نکاح ہوا تھا، مثلاً: معارف القرآن میں۔ تو فرمانے لگے کہ: جنہوں نے لکھا ہے، وہ بھی بے ایمان لعنتی ہیں!
تبلیغی جماعت کی سخت مخالفت کرتا ہے، جماعت کو مسجد میں ٹھہرنے نہیں دیتا ہے اور حضرت شیخ الحدیث رحمۃ اللہ کے متعلق کہا کہ: وہ مشرک مر گیا اور گالی دے کر کہا کہ: اس نے تبلیغی نصاب میں گند اور شرک بھر دیا ہے۔ تبلیغی نصاب کی توہین کرتے ہوئے اس کو "کتابڑی"، "شنابڑی" کے نام سے یاد کرتا ہے۔
بعض اکابرینِ علمائے دیوبند مثلاً: حضرت مولانا احمد علی لاہوریؒ اور حضرت محدث العصر مولانا محمد یوسف بنوریؒ کے بارے میں کہا کہ یہ حضرات مشرک تھے اور حالتِ شرک ہی میں مرے ہیں۔
وسیلہ بالذوات الفاضلہ (مثلاً: انبیاءِ کرام علیہم السلام اور صلحائے امت) کو شرک اور کفر کہتا ہے اور جو کوئی کسی بزرگ کے وسیلے سے دُعا مانگے، اس کو مشرک کہتا ہے۔
انبیاءِ کرام علیہم الصلوٰۃ والسلام کی حیاتِ برزخی فی القبر کا انکار کرتا ہے اور قائلینِ حیات علمائے دیوبند کو مشرک کہتا ہے۔
سماعِ موتیٰ کے قائلین کو بھی مشرک کہتا ہے۔.. اپنی رائے کے متعلق کہتا ہے کہ: وہ آخری اور حتمی ہے، میں کسی اور عالم حتیٰ کہ اپنے اساتذہ تک کو بھی نہیں مانتا ہوں۔
اب اہلِ محلہ اشتعال میں ہیں کہ ایسے آدمی کو ہم امام نہیں رکھیں گے، اب اس سلسلے میں آپ سے مندرجہ ذیل سوالات کے جوابات مطلوب ہیں:
کیا ایسا آدمی اہل سنّت والجماعت میں سے ہے؟
کیا ایسا آدمی دیوبندی کہلائے گا؟
کیا ایسے آدمی کو مستقل امام رکھنا اور اس کے پیچھے نمازیں ادا کرنا جائز ہے یا نہیں؟
آیا وہ آدمی عامی کفر کے حکم کا مستحق ہوگا اور اس کی بیوی مطلقہ ہوگی؟
جواب: ... سوال میں جس صاحب کے نظریات درج کئے گئے ہیں، اگر وہ واقعی ان نظریات کا حامل ہے تو یہ اہل سنت والجماعت سے خارج ہے، کیونکہ کسی مسلمان کو (خصوصاً کسی مسلم الثبوت عالم اور بزرگ کو) بے ایمان، لعنتی اور مشرک جیسے الفاظ کے ساتھ یاد کرنا عقیدۂ اہل سنت کے خلاف ہے۔ وسیلہ بالوجہ المشروع کے اہل سنت قائل ہیں، اسی طرح اہل سنت والجماعت حضرات انبیاءِ کرام کی حیات فی القبور کو مانتے ہیں، اور سماعِ موتیٰ صحابہؓ کے دور سے مختلف فیہ چلا آرہا ہے، اس لئے سماعِ موتیٰ کے قائلین کو مشرک کہنا، گویا... نعوذ باللہ... صحابہؓ کو مشرک قرار دینا ہے، نعوذ بالله من الزيغ والضلال!
الغرض اس شخص کے نظریات روافض و خوارج کا سرقہ ہیں، اس لئے اہل سنت سے اس کا کوئی واسطہ نہیں۔
۲:... حضرات اکابرِ دیوبند بھی اہل سنت ہی کا ایک مکتبِ فکر ہے، جو کتاب و سنت پر عامل، حنفیت کا شارح، سنت کا داعی، بدعت کا ماحی، ناموسِ صحابہؓ کا علمبردار، حضراتِ اولیاء اللہ کا کفش بردار ہے، لہذا جو شخص اہل سنت سے منحرف ہو، وہ دیوبندی نہیں ہوسکتا، اکابرِ دیوبند کے نظریاتِ زیرِ بحث مسائل میں وہی ہیں جو "المهند على المفند" میں ہمارے شیخ المشائخ حضرت اقدس مولانا الحاج الحافظ الحجة الثقة الأمين السید خلیل احمد سہارنپوری ثم مہاجر مدنی قدس سرہ نے قلمبند فرمائے ہیں، اور اس پر ہمارے تمام...اکابر کے دستخط اور تصدیقات ہیں، جو شخص اس رسالے کے مندرجات سے متفق نہیں، وہ دیوبندی نہیں ۔

۳:... چونکہ یہ شخص طائفۂ منصورہ اہل سنت سے منحرف ہے، اس لئے اس کی اقتداء میں نماز جائز نہیں ، اور یہ اس لائق نہیں کہ اس کو امام بنایا جائے، اہلِ محلہ کا فرض ہے کہ اس کو امامت کے منصب سے معزول کر دیں۔
۴:... تکفیر کے مسئلے میں یہ ناکارہ احتیاط کرتا ہے، اس لئے اس شخص کو توبہ و انابت کو اور اہلِ حق سے وابستگی کا مشورہ دیتا ہے، اس شخص کا اصل مرض خود رائی ہے، جس کی طرف سوال کے جزو نمبر: ۷ میں ان الفاظ میں اشارہ کیا گیا ہے:
"اپنی رائے کے متعلق کہتے ہیں کہ: وہ آخری اور حتمی ہے، میں کسی اور عالم حتیٰ کہ اپنے اساتذہ تک کو نہیں مانتا۔"
یہی خود رائی اکثر اہل علم کے ضلال و انحراف کا سبب بنتی ہے، خوارج و روافض سے لے کر دورِ حاضر کے کجرو لوگوں کو اسی خود رائی نے ورطۂ حیرت میں ڈالا ہے، اس لئے جو شخص صراطِ مستقیم پر چلنے اور راہِ ہدایت پر مرنے کا متمنی ہو، اس کو لازم ہے کہ اپنی رائے پر اعتماد کرنے کے بجائے اکابر کے علم و تقویٰ پر اعتماد کرے کہ یہ حضرات علم و معرفت، فہم و بصیرت، صلاح و تقویٰ اور اتباعِ شریعت میں ہم سے بدرجہا فائق تھے، واللہ اعلم!


ُعاؤں_میں_وسیلہ_بناناسوال: ... ایک صاحب نے اپنی کتاب "وسیلے واسطے" میں لکھا ہے کہ: جو لوگ مُردہ بزرگوں، انبیاء یا شہداء...
31/05/2026

ُعاؤں_میں_وسیلہ_بنانا
سوال: ... ایک صاحب نے اپنی کتاب "وسیلے واسطے" میں لکھا ہے کہ: جو لوگ مُردہ بزرگوں، انبیاء یا شہداء کو اپنی دُعاؤں میں وسیلہ بناتے ہیں، یہ شرک ہے۔
جواب: ... ان صاحب کا یہ کہنا کہ بزرگوں کے وسیلے سے دُعا کرنا شرک ہے، بالکل غلط ہے۔ بزرگوں سے مانگا تو نہیں جاتا، مانگا تو جاتا ہے اللہ تعالیٰ سے، پھر اللہ سے مانگنا شرک کیسے ہوا...؟

ُعامانگناسوال:... میں قرآن کے ذریعے سے یہ پوچھنا چاہتا ہوں کہ واحد اللہ سے دُعا طلب کرنی چاہئے یا اللہ کے حبیب صلی اللہ...
30/05/2026

ُعامانگنا
سوال:... میں قرآن کے ذریعے سے یہ پوچھنا چاہتا ہوں کہ واحد اللہ سے دُعا طلب کرنی چاہئے یا اللہ کے حبیب صلی اللہ علیہ وسلم کے وسیلے سے؛ دُعا مانگنا جائز ہے؟ اور ایک لاکھ چوبیس ہزار پیغمبروں کے وسیلے سے بھی دُعا مانگ سکتا ہوں یا نہیں؟ اور پھر جتنے بزرگ گزرے ہیں، جیسے داتاؒ اور بابا اور خواجہ غریب نوازؒ اور بھی بہت ہیں، ان کے وسیلے سے دُعا مانگنا غلط ہے یا صحیح؟ میں اس طرح دُعا مانگتا ہوں: "اے اللہ! تو میرے گناہ کو معاف کر دے، اپنے حبیب کے صدقے اور ایک لاکھ چوبیس ہزار پیغمبروں کے، اور بزرگانِ دین کے صدقے میرے گناہ معاف کر دے" یہ دُعا مانگنا جائز ہے یا نہیں؟ غلط ہے یا صحیح؟
جواب:... دُعا تو اللہ تعالیٰ ہی سے مانگی جاتی ہے، اور اللہ تعالیٰ کے مقبول بندوں کے طفیل دُعا کرنا صحیح ہے۔ جس طرح آپ نے دُعا لکھی ہے، یہ دُرست ہے۔

؟سوال:... قرآن شریف میں صاف صاف آیا ہے کہ جو کچھ مانگنا ہے مجھ سے مانگو، لیکن پھر بھی یہ وسیلہ بنانا کچھ سمجھ میں نہیں ...
29/05/2026

؟
سوال:... قرآن شریف میں صاف صاف آیا ہے کہ جو کچھ مانگنا ہے مجھ سے مانگو، لیکن پھر بھی یہ وسیلہ بنانا کچھ سمجھ میں نہیں آتا۔
جواب:... وسیلہ کی پوری تفصیل اور اس کی صورتیں میری کتاب "اختلافِ امت اور صراطِ مستقیم" حصہ اول میں ملاحظہ فرما لیں۔ بزرگوں کو مخاطب کر کے ان سے مانگنا تو شرک ہے، مگر خدا سے مانگنا اور یہ کہنا کہ: "یا اللہ! بطفیل اپنے نیک اور مقبول بندوں کے میری فلاں مراد پوری کر دیجئے"، یہ شرک نہیں۔

صحیح بخاری ج: ۱ ص: ۱۳۷ میں حضرت عمر رضی اللہ عنہ کی یہ دعا منقول ہے:
"اللّٰهُمَّ إِنَّا كُنَّا نَتَوَسَّلُ إِلَيْكَ بِنَبِيِّنَا صَلَّى اللّٰهُ عَلَيْهِ وَسَلَّمَ فَتَسْقِينَا، وَإِنَّا نَتَوَسَّلُ إِلَيْكَ بِعَمِّ نَبِيِّنَا فَاسْقِنَا"
ترجمہ: "اے اللہ! ہم آپ کے دربار میں اپنے نبی صلی اللہ علیہ وسلم کے ذریعے توسل کیا کرتے تھے، پس آپ ہمیں بارانِ رحمت عطا فرماتے تھے۔ اور (اب) ہم اپنے نبی کے چچا (عباسؓ) کے ذریعے توسل کرتے ہیں تو ہمیں بارانِ رحمت عطا فرما۔"
اس حدیث سے توسل بالنبی صلی اللہ علیہ وسلم اور توسل باولیاء اللہ دونوں ثابت ہوئے، جس شخصیت سے توسل کیا جائے، اسے بطورِ شفیع پیش کرنا مقصود ہوتا ہے۔

؟سوال:... تعلیم یافتہ جدید ذہن کے لوگ "گوتم بدھ" کو بھی پیغمبروں میں شمار کرتے ہیں، یہ کہاں تک درست ہے؟جواب:... قرآن و ...
28/05/2026

؟
سوال:... تعلیم یافتہ جدید ذہن کے لوگ "گوتم بدھ" کو بھی پیغمبروں میں شمار کرتے ہیں، یہ کہاں تک درست ہے؟
جواب:... قرآن و حدیث میں کہیں اس کا ذکر نہیں آیا، اس لئے ہم قطعیت کے ساتھ کچھ نہیں کہہ سکتے۔ شرعی حکم یہ ہے کہ جن انبیائے کرام علیہم السلام کے اسمائے گرامی قرآنِ کریم میں ذکر کئے گئے ہیں، ان پر تو تفصیلاً قطعی ایمان رکھنا ضروری ہے، اور باقی حضرات پر اجمالاً ایمان رکھا جائے کہ اللہ تعالیٰ شانہ نے بندوں کی ہدایت کے لئے جتنے انبیائے کرام علیہم السلام کو مبعوث فرمایا، خواہ ان کا تعلق کسی خطۂ ارضی سے ہو، اور خواہ وہ کسی زمانے میں ہوئے ہوں، ہم سب پر ایمان رکھتے ہیں۔

سوال:... اسلامی لٹریچر میں غوث، قطب، ابدال کے الفاظ پڑھنے کو ملتے ہیں، کیا اولیاء کے یہ مراتب احادیث کی رُو سے مقرر ہیں...
27/05/2026


سوال:... اسلامی لٹریچر میں غوث، قطب، ابدال کے الفاظ پڑھنے کو ملتے ہیں، کیا اولیاء کے یہ مراتب احادیث کی رُو سے مقرر ہیں؟ اگر نہیں تو کس نے مقرر کئے ہیں اور ان الفاظ کی حیثیت کیا ہے؟

جواب:... یہ اصطلاحات بزرگانِ دین کے کلام سے منقول ہوئی ہیں، حدیث میں بھی ان کا تذکرہ ملتا ہے۔چونکہ یہ اصطلاحات عوام کے موضوع کی چیزیں نہیں، نہ ان اصطلاحات پر کسی عقیدے وعمل کا مدار ہے، اس لئے ان کی تشریح کے درپے ہونے کی ضرورت نہیں۔

؟سوال:... کیا ولی اللہ پیدائشی ولی ہوتے ہیں یا ان کو یہ مرتبہ وقت کے ساتھ ساتھ ملتا ہے؟جواب:... بعض ولی اللہ پیدائشی ول...
26/05/2026

؟
سوال:... کیا ولی اللہ پیدائشی ولی ہوتے ہیں یا ان کو یہ مرتبہ وقت کے ساتھ ساتھ ملتا ہے؟
جواب:... بعض ولی اللہ پیدائشی ولی ہوتے ہیں، اور بعض کو محنت وریاضت سے یہ مرتبہ ملتا ہے۔

ؓ_کے_برابرنہیںسوال:... ولی، غوث، قطب، کوئی بڑا صاحبِ تقویٰ، عالمِ دین، امام وغیرہ ان سب میں سے کسی کے درجے کو پیغمبروں ...
25/05/2026

ؓ_کے_برابرنہیں
سوال:... ولی، غوث، قطب، کوئی بڑا صاحبِ تقویٰ، عالمِ دین، امام وغیرہ ان سب میں سے کسی کے درجے کو پیغمبروں کے درجے کے برابر کہا جا سکتا ہے؟
جواب:... کوئی ولی، غوث، قطب، امام، مجدد کسی ادنیٰ صحابیؓ کے مرتبہ کو بھی نہیں پہنچ سکتا، نبیوں کی تو بڑی شان ہے، علیہم الصلوٰۃ والسلام۔
ولی اور نبی میں کیا فرق ہے؟

؟سوال:... اولیاء اور انبیاء میں فرق کس طرح واضح کیا جائے؟جواب:... نبی براہِ راست خدا تعالیٰ سے احکام لیتا ہے، اور 'ولی'...
24/05/2026

؟
سوال:... اولیاء اور انبیاء میں فرق کس طرح واضح کیا جائے؟
جواب:... نبی براہِ راست خدا تعالیٰ سے احکام لیتا ہے، اور 'ولی' اپنے نبی (صلی اللہ علیہ وسلم) کے تابع ہوتا ہے۔

Address

Online | Teaching Worldwide (USA, UK, Canada, Gulf, Etc.)
Karachi

Website

Alerts

Be the first to know and let us send you an email when Darul Quran Online Academy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category