03/09/2025
کراچی : عزاداری کوآرڈینیشن کمیٹی ضلع ملیر کے توسُط سے پاکستان تحریک انصاف اور مجلس وحدت مسلمین کا اہلیان غازی ٹاؤن فیز 1 یوسی 3 سے کیا گیا ایک اور وعدہ پورا۔
پی ٹی آئی کے منتخب وائس چیئرمین یونین کمیٹی 3 جعفرطیار سید رضا حسین رضوی کے فنڈ سے چیئرمین ٹاؤن میونسپل کارپوریشن ملیر جان محمد بلوچ صاحب کی ہدایت پر غازی ٹاؤن فیز 1 کی گلیوں میں سی سی پیور بلاک کی تنصیب کا کام شروع کردیا گیا۔
اس موقع پر یوسی وائس چیئرمین رضا حسین کے ہمراہ مجلس وحدت مسلمین ضلع ملیر کے صدر سیّد احسن عباس رضوی ، ممتاز مہدی اور علی عباس زیدی نے ترقیاتی کام کا معائنہ کیا اور اہل محلہ سے ملاقات کی۔
اہل علاقہ نے گلیوں میں ٹف ٹائلز کی تنصیب کے کام کے آغاز پر پی ٹی آئی اور ایم ڈبلیوایم خصوصاً یوسی وائس چیئرمین رضا حسین کا شُکریہ ادا کیا۔
واضح رہے کہ اِس سے قبل click کی جانب سے وائس چیئرمین یوسی جعفرطیار رضا حسین کی زیر نگرانی اس علاقے کی تمام گلیاں پختہ کردی گئی تھیں فقط دو سڑکیں اور گلیاں باقی رہ گئی تھیں جن کو پختہ کرنے کا عمل شروع ہو چکا ہے۔
