26/11/2024
حضرت علامہ مولانا محمد الیاس عطار قادری صاحب کے نام ایک اور ایوارڈ
شعبہ فیضان گلوبل ریلیف فاؤنڈیشن (FGRF) دنیا بھر میں قدرتی آفات، غربت، اور مظلوم مسلمانوں کو درپیش مشکلات کے وقت ان کی مدد کرنے کے ساتھ ساتھ مختلف کمیونٹی مسائل کے حل میں اسلامی تعلیمات کے مطابق اپنا کردار ادا کر رہا ہے۔
ایف جی آر ایف دعوت اسلامی کا وہ شعبہ ہے جس کی خدمات کو دنیا بھر میں سراہا جا رہا ہے اور مختلف سطح پر حوصلہ افزائی بھی کی جا رہی ہے۔ نومبر 2024 میں ایک بار پھر فیضان گلوبل ریلیف فاؤنڈیشن (FGRF) کو ایوارڈ سے نوازا گیا۔
یہ ایوارڈ کی تقریب برطانیہ کے شہر برمنگھم میں منعقد ہوئی۔ دعوت اسلامی ویلز اور FGRF UK کے نگران سید فضیل رضا عطاری نے اس ایوارڈ کو حضرت علامہ مولانا محمد الیاس عطار قادری صاحب، نگران شورہ، اور اراکین شورہ کے نام ڈیڈیکیٹ کیا۔
دعوت اسلامی معاشرے میں اپنا بہترین کردار ادا کر رہی ہے۔
کیا ہم بھی دعوت اسلامی کی ان کامیابیوں میں اپنا کردار ادا کر رہے ہیں؟
دعوت اسلامی کا ساتھ ضرور دیجئے۔
