Moula Ali (a.s.) Mushkil Kusha

25/05/2026

ہائے شام کا بازار 😭💔

23/05/2026

بنو امیہ کے خلیفہ ہشام بن عبدالملک نے جب امام محمد باقر صلواۃ اللّہ علیہ کی علمی عظمت اور بڑھتی ہوئی مقبولیت کو دیکھا تو اس نے آپ کو زہر کے ذریعے شہید کرنے کا فیصلہ کیا۔ اس مقصد کے لیے آپ کے گھوڑے کی زین کو زہر آلود کیا گیا ۔
معتبر روایات کے مطابق ، جیسے ہی وہ زہر امام کے جسمِ مبارک میں سرایت کر گیا ، آپ کے جسمِ اطہر پر شدید ورم ( سوجن ) آ گیا اور زہر کی حدت و تکلیف کے باعث آپ کی رنگت متغیر (بتبدیل ) ہو گئی ۔ آپؑ کئی روز تک شدید علالت کی حالت میں بستر پر رہے اور زہر کے اثر سے آپ کے اندرونی اعضاء شدید متاثر ہوئے ۔
جب شہادت کا وقت قریب آیا تو آپ نے اپنے فرزند امام جعفر صادق کو اپنے پاس بلایا اور وصیتوں میں ایک یہ وصیت فرمائی ؛
اے جعفر ! اس مال سے دس سال تک مکہ ( منیٰ ) کے میدان میں حج کے دنوں میں میرے مصائب پر عزاداری کا انتظام کرنا تاکہ دنیا بھر سے آئے ہوئے مسلمان یہ جان سکیں کہ خاندانِ رسول پر بنو امیہ نے کتنے مظالم ڈھائے تھے اور اسی طرح تڑپتے تڑپتے جام شہادت نوش کیا "
۔۔۔۔۔
( بحار الانوار ، جلد ۴۶، صفحہ ۲۱۳ ۔ اصولِ کافی ۔ جلد ۱، کتاب الحجۃ، حدیث نمبر ۳ ۔ فروعِ کافی ۔ جلد ۵، صفحہ ۱۱۷ / جلاء العیون )

*زہرِ قاتل*
" اکثر ائمہ معصومینؐ کو دغا کر کے زہر پلایا گیا جو جسم کے اندر پہنچتے ہی شدید ترین اثر دکھاتا رہا مگر امام محمد باقر صلواۃ اللہ علیہ کو گھوڑے کی زین پر لگایا گیا اور یہ اتنا خطرناک تھا کہ صرف چھونے پر پورے جسم میں سرایت کر گیا اور فوراََ شدید ورم ( سوجن ) آ گیا اور زہر کی حدت و تکلیف کے باعث آپ کی رنگت تبدیل ہوگئی اور کئی دن تک بستر پر تڑپتے تڑپتے شہید ہو گئے "
" یہ کیسا زہر تھا ہائے مولؐا "
۔۔۔۔۔
*سات ذالحج - شب شہادت امام محمد باؐقر*
*اہل البیت ص ، امام زمانہ (عج ) اور کل مومنین و مومنات کو پرسہ پیش کرتے ہیں*

17/05/2026

سلام مولا تقی الجواد ع کی ذاتِ حق پے جن کو زہر دینے کے بعد مولا ع کی لاش پے بے حیاء فحاشہ عورتیں رقص کرتی رہی۔۔!!💔

16/05/2026

اَلسَّلَامُ عَلَيْكَ يَا إِمَامَ مُحَمَّدِ التَّقِيِّ الْجَوَادِؑ 💔

زہرِ قاتل آہستہ آہستہ آپؑ کے جسمِ اطہر میں سرایت کر رہا تھا…
امامؑ کا نحیف وجود درد سے ٹوٹ رہا تھا، مگر لبوں پر صبر اور نگاہوں میں رضا تھی۔
وہ زہر جو دشمنوں نے دیا تھا، بدن میں باقی رہ جانے والی آخری طاقت کو بھی خاموشی سے ختم کرتا جا رہا تھا۔

مولا امام محمد تقی الجوادؑ دیواروں کا سہارا لیتے ہوئے گھر کی سیڑھیاں ایک ایک قدم چڑھ رہے تھے…
گویا ہر قدم دنیا سے آخری جدائی کا اعلان کر رہا ہو۔
کبھی تھوڑی دیر بیٹھ جاتے، کبھی درد سے نڈھال ہو کر لیٹ جاتے، جبکہ آسمان اس مظلومیت کا گواہ تھا۔

پھر وہ لمحہ آیا کہ جب گھر کی چھت پر فرزندِ رضاؑ کی روحِ پاک قفسِ عنصری سے پرواز کر کے اپنے ربّ کی بارگاہ میں پہنچ گئی… 🥀

مگر ظلم کی انتہا دیکھیے…
اپنے جدِ مظلوم امام حسینؑ کی طرح، امام تقی الجوادؑ کا جسدِ اطہر بھی تین دن تک چھت پر تنہا پڑا رہا۔
نہ کوئی پرسہ دینے والا، نہ کوئی آنسو بہانے والا…
بس آسمان روتا رہا، فرشتے گریہ کرتے رہے، اور تاریخ مظلومیتِ آلِ محمدؐ کا یہ دردناک باب لکھتی رہی۔

شہادتِ امام محمد تقی الجوادؑ پر لاکھوں کروڑوں سلام 🖤

14/05/2026

10/05/2026

اے میرے مولا ع!!!!
میں ایک ٹوٹا ہوا عزادار، خالی ہاتھ اور اشکبار آنکھوں کے ساتھ آپؑ سے التجا کرتا ہوں۔
دل میں ہزاروں حسرتیں ہیں، مگر سب سے بڑی خواہش فقط ایک ہے…
کہ ایک بار مجھے کربلا بلا لیجیے مولا ع!

مولاؑ!
زندگی میں بہت سے راستے دیکھے، بہت سی خواہشیں آئیں اور چلی گئیں،
مگر جو تڑپ آپؑ کی زیارت کیلئے دل میں ہے، وہ کبھی کم نہیں ہوئی۔
جب بھی کسی زائر کے لبوں پر "السلام علیک یا اباعبداللہؑ" سنتا ہوں،
تو دل بے اختیار رونے لگتا ہے۔

مولاؑ!
میں جانتا ہوں کہ میں گناہگار ہوں، کمزور ہوں، عبادت میں بھی کوتاہی کرتا ہوں،
مگر آپؑ تو محروموں کے سہارے ہیں۔
اگر آپؑ نہ بلائیں تو یہ دروازے کون کھولے گا؟

بس ایک بار…
صرف ایک بار مجھے اپنے روضے کے سامنے کھڑا ہونے دیجئے۔
میں بھی چاہتا ہوں کہ نجف سے کربلا تک کے راستے میں
آپؑ کی محبت میں بہتے ہوئے آنسوؤں کے ساتھ "لبیک یا حسینؑ" کہوں۔

مولاؑ!
دنیا کی ساری خوشیاں ایک طرف،
اور آپؑ کی زیارت ایک طرف۔
اگر زندگی میں کربلا نصیب ہوگئی،
تو سمجھوں گا میری روح کو اس کی منزل مل گئی۔

یا اباعبداللہؑ…
اپنے اس غمزدہ عزادار کو خالی نہ لوٹائیے۔
اپنے حرم کی حاضری عطا فرمائیے،
کیونکہ اب زندگی کی سب سے بڑی آرزو اور زندگی کا مقصد فقط کربلا ہے۔

السلام علیک یا اباعبداللہ الحسین ع
السلام علیک یا ابا الفضل العباس ع 💙🥀

25/04/2026

بحق چہاردہ معصومین علیہم السلام آمین یارب العالمین 🤲🏽

20/04/2026

‏جن اور شیطان کھجور سے نفرت کیوں کرتے ہیں
رسولِ اکرم ﷺ نے وصیت فرمائی ہے کہ روزانہ کھجور کھایا کرو، خاص طور پر صبح کے وقت 3، 5 یا 7 دانے۔
آپ ﷺ نے یہ بھی فرمایا کہ کھجور کو طاق عدد (یعنی 1، 3، 5، 7...) میں کھاؤ، جفت عدد میں نہیں۔
یہ کیوں؟
تحقیقات سے پتا چلا ہے کہ جب انسان کھجور کھاتا ہے تو اس کے جسم میں ایک نیلی غیر مرئی توانائی پیدا ہوتی ہے جو پورے جسم کو گھیر لیتی ہے، اور اس توانائی کی وجہ سے جن، شیطان، جادو اور نظرِ بد سے حفاظت ہوتی ہے۔
لیکن یہ اثر صرف تب ہوتا ہے جب کھجور کو طاق عدد میں کھایا جائے (3 یا 5 یا 7 عدد)۔
اگر کوئی شخص کھجور کو جفت عدد میں کھائے (مثلاً 2، 4 یا 6)،
تو وہ جسم میں شکر کی شکل میں ذخیرہ ہو جاتی ہے،
اور اس سے ذیابطیس یعنی شوگر کا مرض پیدا ہونے کا خطرہ ہوتا ہے۔
دنیا کے سائنس دان حیران ہیں کہ
نبی کریم ﷺ نے صدیوں پہلے جن و شیطان کے اثر سے بچنے کا یہ قدرتی علاج بتایا۔
رسول اللہ ﷺ کا فرمان ہے:
"کھجور واقعی ایک عجیب دوا ہے۔"
اگر کسی کو خون کی کمی (انیمیا) ہو تو کیمیائی دواؤں کی ضرورت نہیں،
صرف روزانہ چند کھجوریں کھاؤ، خون کی کمی دور ہو جائے گی۔
اگر جگر چربی والا یا بڑا ہو گیا ہے تو روزانہ صبح کے وقت سات کھجوریں کھاؤ،
ان شاءاللہ چربی ختم ہو جائے گی۔
اگر تم سرد مزاج ہو تو روزانہ تین کھجوریں کھاؤ۔
کینسر ہر مسلمان کے لیے ایک خطرہ ہے —
لیکن کیا تم جانتے ہو کہ کینسر سے بچاؤ کا بہترین علاج بھی کھجور ہے؟
حدیثِ مبارک میں ہے:
رسول اللہ ﷺ نے فرمایا:
"جس گھر میں کھجور نہیں، وہ گھر یقیناً بھوکا ہے۔"
نصیحتیں (قیمتی مشورے)
پہلی نصیحت:
صبح بیدار ہوتے ہی جو بھی کام کرو، چھوٹا ہو یا بڑا،
ہمیشہ "بسم اللہ الرحمن الرحیم" سے شروع کرو،
اللہ تمہیں کامیابی عطا کرے گا۔
دوسری نصیحت:
ہمیشہ پانی اتنا ہی پیو جتنی جسم کو ضرورت ہو۔
زیادہ پانی پینے سے جسم ٹھنڈا ہو جاتا ہے اور بیماریوں کا سبب بنتا ہے۔
جدید سائنس یہ کہتی ہے کہ روزانہ آٹھ گلاس پانی پینا چاہیے،
لیکن حقیقت میں پانی صرف ضرورت کے مطابق پینا چاہیے۔
جب پیاس لگے تب پانی پیو۔
تیسری نصیحت:
ہمیشہ ورزش کرو،
چاہے کتنے ہی مصروف کیوں نہ ہو۔
جسم کو ہمیشہ حرکت میں رہنا چاہیے۔
چاہے چہل قدمی ہو، تیراکی ہو یا کوئی اور ورزش۔
چوتھی نصیحت:
کھانے کو کم کرو۔
حدیث میں ہے:
آدمی کے لیے اتنا کھانا کافی ہے جتنا اس کی کمر کو سیدھا رکھے۔"
زیادہ کھانا چھوڑ دو،
کیونکہ اس میں کوئی فائدہ نہیں بلکہ نقصان ہی نقصان ہے۔
سادی زندگی اپناؤ اور کھانے میں اعتدال رکھو۔
پانچویں نصیحت:
جہاں تک ممکن ہو،
گاڑی صرف ضروری موقعوں پر استعمال کرو۔
مسجد، دکان یا کسی عزیز کے گھر جانے کے لیے
ممکن ہو تو پیدل چلو۔
چھٹی نصیحت:
غصہ نہ کرو۔
غصہ نہ کرو۔
غصہ نہ کرو۔
پریشان مت ہو، درگزر کرو۔
غم اور غصہ تمہاری صحت کے لیے نقصان دہ ہیں اور خوشی کو ختم کر دیتے ہیں۔
ان لوگوں کے ساتھ رہو جن کے پاس تمہیں سکون ملتا ہے۔
*ساتویں نصیحت:*
جیسے کہا جاتا ہے:
"اپنا مال دھوپ میں رکھو، خود سایہ میں بیٹھو۔"
زندگی کو اپنے اوپر اور دوسروں پر تنگ نہ کرو۔
مال اس لیے ہے کہ زندگی گزارنے کے لیے استعمال ہو،
نہ کہ زندگی کو برباد کرنے کے لیے۔
آٹھویں نصیحت:
اس چیز پر حسرت نہ کرو جو تم حاصل نہیں کر سکتے۔
بھول جاؤ، اگر وہ تمہارے نصیب میں ہے تو
تمہارے پاس ضرور آئے گی،
چاہے تم اپنے بستر پر ہی کیوں نہ ہو۔
اور جو چیز تمہارے نصیب میں نہیں،
اللہ تعالیٰ تمہیں اس سے روک دیتا ہے،
کیونکہ وہ تمہارے لیے نقصان دہ ہوتی ہے۔
نویں نصیحت:
عاجزی اختیار کرو،
عاجزی اختیار کرو۔
غرور اور تکبر مال و طاقت دونوں کو ختم کر دیتا ہے۔
تواضع تمہیں لوگوں میں محبوب بناتی ہے
اور اللہ کے نزدیک تمہارا درجہ بلند کرتی ہے۔
دسویں نصیحت:
سفید بالوں کا آنا زندگی کے خاتمے کی علامت نہیں،
بلکہ ایک نئی اور بہتر زندگی کی شروعات ہے۔
مثبت سوچ رکھو،
سفر کرو،
اور حلال روزی سے لطف اٹھاؤ۔
ایک اور نصیحت:
جلدی سو جاؤ
رات گئے جاگنا چھوڑ دو
یہ عادت صحت کے لیے بہتر ہے۔
آخری اور سب سے اہم نصیحت:
نماز کبھی مت چھوڑو۔
نماز کو اول وقت میں ادا کرو۔ کیونکہ نمازِ اول وقت دنیا اور آخرت دونوں میں تمہارے لیے نفع کا سود نامہ ہے۔
اس دن جب نہ مال فائدہ دے گا، نہ اولاد۔