شیعیان علی ابن ابی طالب ع

02/08/2026

السّلام علیکم
حضرت امام حسین علیہ السّلام نے فرمایا:
جو شخص ہم سے *محبت* کرتا ہے، ہم اور وہ (روز محشر) اپنے نبی اکرم صلی اللہ علیہ و آلہ وسلم کے پاس اس طرح وارد ہونگے؛ ( یہ کہتے ہوئے آپؑ نے اپنی دونوں انگلیوں کو ملا دیا)

بحوالہ: امالی الطوسی،ص 354

🚩 *سلام یا حسین علیہ السّلام* 🚩

ہفتہ کے دن کا ذکر:
یا رب العالمین سو مرتبہ

29/07/2026

زاکر وسیم عباس بلوچ 14 صفر المظفر | مصائب و فضائل 14صفر 2026 امام بارگاہ قصرِ سیدالشہدا منہالہ چکوال
https://youtube.com/watch?v=CArqTUwdMsk&si=NrcA6l9W_T4-LegX

29/07/2026

29/07/2026

کل رات کے آل سعود و یہود کے مشترکہ حملوں میں نشانہ بنائی جانے والی کربلا کے قریب واقع مسجد کا دل دہلا دینے والا منظر دیکھیے۔۔قرآنِ مجید کی بےحرمتی، خدا کے گھر کی پامالی..💔

28/07/2026

اسلام آباد: سپاہِ صحابہ کے رہنما اورنگزیب فاروقی کے ایک بیان نے سوشل میڈیا اور سیاسی حلقوں میں نئی بحث چھیڑ دی ہے۔ اپنے بیان میں انہوں نے سعودی عرب میں ایران کے حملے میں ہلاک ہونے والے امریکی فوجیوں کو "شہید" قرار دیا، جس کے بعد مختلف حلقوں کی جانب سے اس بیان پر ردعمل سامنے آنا شروع ہوگیا۔

یہ بیان ایسے وقت میں سامنے آیا ہے جب مشرقِ وسطیٰ کی صورتحال پہلے ہی کشیدہ ہے اور ایران، امریکہ اور خطے کے دیگر ممالک کے درمیان بڑھتی ہوئی کشیدگی عالمی توجہ کا مرکز بنی ہوئی ہے۔ اورنگزیب فاروقی کے الفاظ پر سوشل میڈیا صارفین نے مختلف آراء کا اظہار کیا، جہاں عوام نے شدید تنقید کرتے ہوئے اس بیان کو متنازع قرار دیا۔

تاحال اس بیان پر حکومتِ پاکستان یا متعلقہ ریاستی اداروں کی جانب سے کوئی باضابطہ ردعمل سامنے نہیں آیا۔ دوسری جانب مبصرین کا کہنا ہے کہ بین الاقوامی تنازعات سے متعلق اس نوعیت کے بیانات سیاسی اور سفارتی سطح پر حساسیت پیدا کر سکتے ہیں، اس لیے ان پر مختلف حلقوں کی جانب سے مزید ردعمل متوقع ہے۔

25/07/2026

YA ALI AS MADAD
Follow Us on 👇🏻👇🏻👇🏻👇🏻👇🏻👇🏻👇🏻
YouTube channel 🔔
https://www.youtube.com/
TikTok 🔔
tiktok.com/

25/07/2026

السلام علیکم و رحمت اللہ و برکاتہ

*قبر اور برزخ سے متعلق سوالات*
( حصہ اول )

کراچی سے میرے مہربان دوست جناب سلمان رضوی صاحب نے *قبر پر تلقین* کا اردو ترجمہ مجھے بھیجا جو میں نے تمام احباب سے شئیر کر دیا ۔
اس پر ایک بیٹی نے مجھ سے یہ تین سوالات پوچھے تھے۔
1 ۔ شیعہ میت کو دفنا کر تلقین پڑھتے ھیں ۔ اور اسے سناتے ھیں کیونکہ وہ سن رھا ھوتا ھے ۔
کیا غیر شیعہ یعنی اھل سنت بھی تلقین پڑھتے ھیں ۔ یا وہ صرف مردہ کیلئے دعائے خیر پڑھتے ھیں ؟
2 ۔ عالم برزخ کیا قبر میں جانے کے بعد شروع ھوتا ھے اور فرشتے سوالات پوچھنے قبر میں آتے ھیں ؟
لیکن جن کو قبر نصیب نہیں ھوتی ۔ ان سے سوالات کب ھوتے ھیں اور انکا برزخ کا عالم کب شروع ھوتا ھے ؟
3 ۔ جن کو قبر نصیب نہیں ھوتی ۔ ان پر قبر کا عذاب کیسے ھوتا ھے ؟

*جوابات*

1۔ دفن کے بعد "تلقین" کا حکم - شیعہ اور اہل سنت

*شیعہ عقیدہ:*
دفن کے فوراً بعد میت کے سرہانے کھڑے ہو کر تلقین پڑھی جاتی ھے۔ اس کی بنیاد روایات پر ھے کہ میت سنتا ھے اور منکر نکیر کے سوالات کے جواب میں یہ تلقین اسے یاد دھانی کیلئے کی جاتی ھے ۔
میت کے سننے کی سب سے بڑی دلیل یہ ھے کہ رسول پاک صلی اللہ علیہ و آلہ وسلم نے بدر میں قتل ھونے والے کفار کی لاشوں کو مخاطب کرکے کلام فرمایا تھا ۔ اصحاب نے پوچھا کہ کیا یہ سنتے ھیں تو آپ نے فرمایا کہ یہ تم سے زیادہ اچھی طرح سنتے ھیں ۔
مفاتیح الجنان میں بھی "تلقین میت" کا پورا باب موجود ہے۔

*اہل سنت کا موقف:*
اکثر فقہاء اہل سنت کے نزدیک دفن کے بعد اجتماعی "تلقین" ثابت نہیں۔ وہ اسے بدعت کہتے ہیں۔
البتہ وہ میت کے لیے *دعائے مغفرت، استغفار اور قرآن خوانی* کرتے ہیں۔ کچھ علماء انفرادی طور پر "اے فلاں بن فلاں، اپنا دین یاد کرو" کہنے کو جائز سمجھتے ہیں، لیکن اجتماعی تلقین نہیں پڑھتے۔
دونوں ھی اس بات پر متفق ھیں کہ میت کو دعا کا ثواب پہنچتا ھے۔

*2۔ عالمِ برزخ کب شروع ہوتا ہے اور سوال کہاں ہوتے ہیں؟*

*عالمِ برزخ* موت اور قیامت کے درمیان کی زندگی ھے ۔
*سورہ المومنون 100: وَمِن وَرَائِهِم بَرْزَخٌ إِلَىٰ يَوْمِ يُبْعَثُونَ*
یعنی موت کے ساتھ ھی برزخ شروع ہو جاتا ھے، قبر میں دفن ھونے سے نہیں۔

*سوال کس سے ہوتے ہیں؟*
احادیث کے مطابق منکر نکیر روح سے سوال کرتے ہیں۔ اب روح کا جسم سے تعلق 3 طرح ہو سکتا ہے:

1. *قبر والا*: روح کو قبر سے تعلق دیا جاتا ھے، وھیں سوال ہوتے ھیں۔
2. *بغیر قبر والا*: جیسے جل کر راکھ ھو گیا، سمندر میں ڈوب گیا، جانور کھا گیا۔
علماء کہتے ہیں اللہ ھر جگہ روح کو حاضر کر کے سوال کرا سکتا ہے۔ روح کے لیے جگہ کی قید نہیں۔ قبر صرف مومن کے لیے باغ اور کافر کے لیے گڑھا بن جاتی ھے، لیکن سوال روح سے ھیں۔
3. *وقت*: موت کے فوراً بعد ھی برزخ اور سوال شروع ہو جاتے ھیں۔

*3۔ جن کو قبر نصیب نہیں ان پر "عذابِ قبر" کیسے؟*

عذابِ قبر سے مراد صرف "مٹی کی قبر کا دباؤ" نہیں ھے۔

*اہل سنت اور شیعہ دونوں کا مشترکہ عقیدہ:*
عذاب روح پر ہوتا ھے اور روح ھر جگہ موجود ہو سکتی ہے۔ جس طرح جنت کی نعمت بغیر قبر کے شہید کو ملتی ھے، اسی طرح عذاب بھی روح کو ملتا ھے چاھے جسم کہیں بھی ھو۔

*مثالیں:*
1. فرعون کے بارے میں قرآن کہتا ھے: *النَّارُ يُعْرَضُونَ عَلَيْهَا غُدُوًّا وَعَشِيًّا* سورہ غافر 46 - یعنی صبح شام انہیں آگ پر پیش کیا جاتا ھے۔ یہ برزخ کا عذاب ھے حالانکہ ان کی قبر نہیں۔
2. شہید زندہ ہیں اور رزق پا رہے ھیں - *وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا* سورہ آل عمران 169

ان تینوں سوالات کے جوابات ایک اور طریقے سے دیتا ھوں ۔ میں نے قول امام پڑھا ھے کہ موت کے بعد ایک خاص جسم انسان کو دیا جاتا ھے ۔ جس سے حساب کتاب اور عذاب وغیرہ ھوتا ھے ۔ یہ جسم ھر مردہ کو ملتا ھے اگرچہ وہ قبر میں دفن ھوتا ھے یا نہیں ۔
اسے *"جسد مثالی" یا "بدن برزخی"* کہتے ہیں۔ شیعہ روایات میں اس کا ذکر واضح ہے۔

*روایت - امام جعفر صادقؑ*
*قَالَ أَبُو عَبْدِ اللَّهِ الصَّادِقُ عَلَيْهِ السَّلَامُ: إِنَّ لِلْقَبْرِ كَلَاماً، إِنَّ لِلْقَبْرِ ضَغْطَةً، وَلَيْسَ أَحَدٌ يَنْجُو مِنْ ضَغْطَةِ الْقَبْرِ...*
*وَسُئِلَ عَنْ أَرْوَاحِ الْمُؤْمِنِينَ، فَقَالَ: فِي حَوَاصِلِ طُيُورٍ خُضْرٍ، تَسْرَحُ فِي الْجَنَّةِ حَيْثُ شَاءَتْ*

*دوسری روایت:*
*قَالَ الصَّادِقُ عَلَيْهِ السَّلَامُ: إِنَّ لِلْمَيِّتِ خَمْسَةَ أَجْسَادٍ... وَأَمَّا الْجَسَدُ الرَّابِعُ فَجَسَدٌ مِثَالِيٌّ يُنْعَمُ فِيهِ وَيُعَذَّبُ*

_ترجمہ:_
امام صادق علیہ السلام سے پوچھا گیا: موت کے بعد روح کہاں رہتی ھے؟
فرمایا: "مومن کی روحیں سبز پرندوں کے پوٹوں میں ھیں، جنت میں جہاں چاہیں سیر کرتی ھیں۔ اور کافر کی روحیں سجین میں ھیں۔"
اور فرمایا: "میت کے 5 جسم ہوتے ہیں... چوتھا جسم 'جسدِ مثالی' ہے جس میں اسے نعمت یا عذاب دیا جاتا ھے"۔

آیت اللہ سیستانیؒ اور دیگر علماء کے مطابق یہ وہی "مثالی بدن" ھے جو خواب میں ھمیں ملتا ھے۔ نہ یہ دنیاوی گوشت کا جسم ھے نہ آخرت والا اصلی جسم ۔ یہ برزخ کا جسم ھے۔

2. *کس کو ملتا ھے؟*
*ھر مردہ کو*۔ چاھے وہ قبر میں دفن ھو، جل گیا ھو، ڈوب گیا ھو، ٹکڑے ھو گئے ھوں۔ کیونکہ حساب روح + جسد مثالی سے ھوگا، نہ کہ مٹی والے جسم سے۔

3. *قرآن سے دلیل:*
*سورہ یٰسین 78-79: قُلْ يُحْيِيهَا الَّذِي أَنشَأَهَا أَوَّلَ مَرَّةٍ*
اللہ اسی طرح دوبارہ جسم بنائے گا جس طرح پہلی بار بنایا۔ برزخ میں بھی اللہ ایک لطیف جسم عطا کر دیتا ہے۔

*خلاصہ:*
موت کے بعد فوراً روح کو ایک "لطیف برزخی جسم" پہنا دیا جاتا ہے۔
- مومن کے لیے یہ جسم نورانی ہوتا ہے → راحت
- کافر کے لیے یہ جسم تاریک ہوتا ہے → عذاب
اسی لیے عذابِ قبر ھر ایک پر ھوتا ھے، قبر ہو یا نہ ہو۔

اس لیے ہم کہتے ہیں "عذابِ برزخ" نہ کہ صرف "عذابِ قبر"۔

اللہ ہم سب کو اس جسدِ مثالی میں راحت نصیب فرمائے۔ آمین

*آپکو تحریر اچھی لگی ھو تو روز اول اول سے لے کر روز آخر تک کے تمام مسلمان کیلئے عمومی اور میری زوجہ کیلئے خصوصی ایک سورہ فاتحہ اور تین مرتبہ سورہ اخلاص کی تلاوت فرما دیں* ۔

محتاج دعا : گناھگار بندہ خدا

08/03/2026

https://youtube.com/watch?v=2ugOARfL1d4&si=icXVjgzs3ITaWHWa

ساحل عدیم کا ایران کی اسرائیل اور عرب ممالک سے جنگ پر اہم پروگرام ایران کے عرب ممالک پر حملے کی وجہ ...

03/03/2026

وہ امریکی بمباری میں زخمی تھا، جسم درد سے ٹوٹ رہا تھا۔ اسی لمحے ماں کا فون آیا۔
اس نے ہمت جمع کی اور آواز سنبھال کر بولا:
“السلام علیکم امّی جان، میں بالکل ٹھیک ہوں… بس ایک صلوات پڑھ دیں، سب خیر ہے۔ اللہ حافظ۔”
فون بند ہوتے ہی آنکھوں سے آنسو بہہ نکلے…
خود درد میں تھا، مگر ماں کو بےفکر رکھنا ضروری تھا۔ 🤍💔

وہ امریکی بمباری میں زخمی تھا، جسم درد سے ٹوٹ رہا تھا۔ اسی لمحے ماں کا فون آیا۔اس نے ہمت جمع کی اور آواز سنبھال کر بولا:“السلام علیکم امّی جان، میں بالکل ٹھی...

01/03/2026

یا حسین علیہ السلام یا شہید #کربلا #ایران