18/08/2026
کہوٹہ:دس ربیع الاول بعد نماز مغرب بمطابق 24 اگست بروز سوموار کے مرکزی جلوس اور بارہ ربیع الاول بمطابق 26اگست بروز بدھ کے مرکزی جلوس کے امن و امان کو برقرار رکھنے اور سیکیورٹی فراہمی کے حوالہ سے اہم اجلاس آج تھانہ کہوٹہ میں منعقد ہوا.
کہوٹہ: ایس ڈی پی او تھانہ کہوٹہ و کلر سیداں سرکل وقار احمد اور ایس ایچ او تھانہ کہوٹہ چوہدری جمیل کی زیرِ صدارت مرکزی انجمن تاجران، ممبران امن کمیٹی اور علمائے کرام کہوٹہ سٹی و میلاد کمیٹی کے نمائندگان کی، 10ربیع الاول اور 12 ربیع الاول کے جلوسوں کے موقع پر امن و امان کو برقرار رکھنے کے حوالے سے تھانہ کہوٹہ میں اہم میٹنگ منعقد ہوئی۔
میٹنگ میں ان دو مرکزی جلوسوں کے علاوہ تحصیل کہوٹہ میں دیگر انعقاد ہونے والے جلوس ،محافلِ میلاد اور دیگر مذہبی پروگرامز کے دوران امن و امان برقرار رکھنے، سکیورٹی انتظامات اور باہمی تعاون کے حوالے سے تفصیلی گفتگو کی گئی۔ اس موقع پر تمام شرکاء نے امن و بھائی چارے کے قیام کے لیے پولیس اور انتظامیہ کے ساتھ بھرپور تعاون کی یقین دہانی کرائی۔
