Madadgaar Team

10/05/2026

السلام علیکم پنجاب میں مستق بیوہ اور بے سہارا یتیم بچوں کے لیے رحمت کارڈ تمام مستحقین کو اس میں لازمی اپلائی کرنا چاہیے اگر اپ کے ارد گرد کوئی بھی فیملی یا رشتہ دار اس کا موقف ہے تو اس کو لازمی مطلاح کریں

10/05/2026

الحمدللہ رب العالمین ،
اللہ کے فضل و کرم سے اور بھائیوں اور بھائیوں کے تعاون سے روات اسلام آباد میں انتہائی مستحق اور غریب فیملی کو ویل چیئر کا تحفہ

10/05/2026

15/11/2025

‎Surah Al-Ahzab Urdu Translation
#قرآن

11/10/2025

احباب کل ایک یتیم بچے سے مدد گار ٹیم کے سلسلے میں ملاقات ہوئی جس کی ریڑھ کی ہڈی کے علاج کے لیے راڈ ڈالے گئے بد قسمتی سے راڈ بھی کھل گیا اور بچہ شدید تکلیف میں مبتلا ہے اب دوبارہ سی ایم ایچ میں آپریشن ہو گا۔ اللہ پاک ان کے لیے آسانی والہ معاملہ فرمائے صحت وتندرستی عطا فرمائے آمین
دوستو!! ہمیں سبق حاصل کرنا چاہیے کہ دوسروں کی مشکلات کو دیکھ کر ہمیں اپنی خوش قسمتی کا احساس کرنا چاہیے اور اللہ کا شکر ادا کرنا چاہیے. اس سے یہ بھی ظاہر ہوتا ہے کہ ہمیں دوسروں کے دکھوں سے سبق سیکھنا چاہیے اور اپنی زندگی میں صبر اور شکر اختیار کرنا چاہیے

08/10/2025

اللہ ہمیں ثابت قدم رکھے ۔ قرائن بتا رہے ہیں کہ عالمِ کفر کی کوکھ میں پلنے والے دو جڑواں سانپ ایک بار پھر متحرک ہونے کو ہیں۔ صہیونیت ایران پر اور ہندوتوا پاکستان پر دوبارہ حملہ آور ہو سکتی ہیں۔ سر دست یہ سانپ اپنے زخم چاٹ رہے ہیں اور اپنی خفت مٹانا چاہتے ہیں۔ اس ضمن میں یروشلم پوسٹ نے ایک رپورٹ بھی شائع کی ہے۔
اللہ ہمیں ثابت قدم رکھے۔

20/06/2025

اس بھائی کا نام محمد آصف ہے۔ آصف صاحب کے ورثاء کی تلاش ہے۔
محمد آصف صاحب کے بارے میں بتایا گیا کہ انکو 1992 میں امام بری سرکار کے مزار سے اغواء کرکے لایا گیا تھا۔
رات کے وقت مزار میں والدین کے درمیان سویا ہوا اٹھا والدین بھی نیند کی حالت میں کسی نے بچے کو اُٹھالیا اور جاکر فروخت کردیا۔
آصف نام شاید بعد میں رکھا گیا ہو انکو جب چوری کیا گیا تھا اس وقت یہ شیرخوار تھے۔
آصف کے دل میں امید کی ہلکی سے کرن موجود ہے کہ آپ اپنے پیج پر میری پوسٹ چلائیں اگرچہ معلومات نا ہونے کے برابر ہیں لیکن میری قسمت آزمائیں، کیا پتہ میرے خونی رشتے مل جائیں۔
ملک بھر میں خاص طور پر پنجاب بھر میں اگر یہ پوسٹ شئیر ہو تو ضرور کچھ ہوسکتا پے۔
آپ کے عزیزوں میں سے یا کسی بھی جاننے والے کا بچہ 1992 میں امام بری سرکار سے گم ہوا ہو تو نیچے دئیے گئے نمبر پر رابطہ کریں کیا پتہ یہ انکا بچہ ہو،
ڈی این اے ٹیسٹ کرکے کنفرم ہوجائےگا۔
کسی بھی اطلاع کے لیے نیچے دئیے گئے نمبر پر وٹس ایپ کریں
03162529829

20جون2025

08/05/2025

ایک بات ذہن نشین کر لیں۔۔۔
ایک سرویلنس ڈرون کی قیمت 5000 سے 50000 ڈالرز تک ہو سکتی ہے۔
جبکہ اسے گرانے کے لیے استعمال ہونے والے انٹرسیپٹر میزائل کی قیمت کروڑوں میں ہوتی ہے۔۔۔۔

اگر انڈیا پاکستان کی جانب بیسیوں یا سینکڑوں ڈرونز بھیج رہا ہے تو اس کے مقاصد بالکل یہی ہیں:
1- پاکستانی ائیر ڈیفنس سسٹمز کی لوکیشن کھوجنا۔۔۔ ( انٹرسیپٹر میزائل داغے جانے پر اس مقام کی لوکیشن باآسانی کمپرومائز ہو جاتی ہے کہ جہاں سے اسے داغا گیا ہو).

2- چند ہزار ڈالرز کے ڈرونز کو " ڈیکوے " کے طور پر استعمال کرتے پوئے کروڑوں مالیت کے قیمتی اور محدود سٹاک کے انٹرسیپٹر میزائلز کو ضائع کرنا۔۔۔ تاکہ اصل حملے تک زیادہ سے زیادہ ائیر ڈیفنس میزائل ضائع ہو چکے ہوں۔

3- زیادہ سے زیادہ افراتفری کا ماحول پیدا کرنا ۔۔۔ عوام کو یہ سوال اٹھانے پر مجبور کرنا کہ ہمارا ائیر ڈیفنس سسٹم کہاں ہے اور کیا کررہا ہے۔

چنانچہ۔۔۔۔ عقل سے کام لیں!!

یہ مت سوچیں کہ سرحد سے اتنے دور ڈرونز کیسے پہنچ گئے یاد رہے سستے ڈرونز کو گرانے کے لیے لو-ٹیک ائیر ڈیفنس جیسے طیارہ شکن گنز، اس کے علاؤہ عام فائر آرمز اور پھر مین پیڈز یعنی کندھے پر رکھ کر داغے جانے والے طیارہ شکن میزائلز کا استعمال کیا جاتا ہے۔۔۔۔ اور۔۔۔۔ ان سب کی حدِضرب بہت محدود ہوتی ہے۔۔۔۔ چنانچہ۔۔۔۔ فورسز کے پاس اس کے سوا کوئی چارہ نہیں ہوتا کہ دیٹٹیکٹ ہو جانے کے باوجود بھی ڈرون کو اتنا نزدیک آجانے دیا جائے کہ وہ ان لو-ٹیک ائیر ڈیفنس مئیژرز کی حدِ ضرب میں آجائے۔

مزید۔۔۔۔ اگر آپ دھماکوں کی آوازیں سنیں تو حوصلہ رکھیں ہر دھماکہ ایک حملہ نہیں بلکہ آج ہونے والے اکثریت دھماکے انٹرسیپشن کے دوران ہوئے۔

مزید۔۔۔ شدید فائرنگ کی آواز کا مطلب بھی یہ ہوسکتا ہے کہ کسی ڈرون کو گرایا جانے کے لیے طیارہ شکن گنز یا دیگر فائر آرمز کا استعمال کیا جارہا ہو۔

لہذا۔۔۔ ایک تو Chaos مت پیدا کریں۔

اور۔۔۔ ہرگز ہرگز ان واقعات کی پکچرز یا ویڈیو کلپس بنا کر سوشل میڈیا پر مت ڈالیں کہ اس طرح آپ دشمن کی مدد کے مرتکب ہوں گے۔

08/05/2025

‏منافق کی ایک نشانی یہ بھی ہے کہ وہ عین لڑائی کے وقت مسلمانوں کے حوصلے پست کرتا ہے۔
یقین نہیں تو غزوات رسول صلی اللہ علیہ وسلم کا مطالعہ کر لیں۔

08/04/2025

امت کو اے آئی کی ٹرک کی بتی کے پیچھے لگاکر ٹرک فل سطین پر چڑھا دیا!!! - بلال شوکت آزاد

یہ ایک عجیب زمانہ ہے۔ یہاں سچائی کی لاش پر ٹیکنالوجی کے تاج رکھے جا رہے ہیں، اور جھوٹ کی گود میں بیٹھا "علم" تالیاں پیٹ رہا ہے۔ جہاں قاتل کو ڈیجیٹل تاج پہنایا جا رہا ہے، اور مقتول کی تصویر پر فریم لگا کر سوشل میڈیا پر ٹرینڈ بنایا جا رہا ہے۔ ایسے میں اگر تمہیں کوئی کہے کہ یہ دور “جدید ترقی” کا ہے، تو جان لو کہ وہ یا تو بے شعور ہے یا دانستہ مجرم۔

یہ وہ وقت ہے جہاں تم AI کے دیوانے بنے ہوئے ہو، اور AI تمہارے بچوں کے جنازے گن رہا ہے۔ یہ وہ وقت ہے جب تم GPT سے شاعری لکھوا رہے ہو، اور GPT بمباری کے مقام طے کر رہا ہے۔ یہ وہ وقت ہے جب تم سمجھ رہے ہو کہ تمہیں نئی دنیا کے ہتھیار مل گئے ہیں، جبکہ حقیقت یہ ہے کہ انہی ہتھیاروں سے تمہیں عبرتناک انجام تک لے جایا جا رہا ہے۔

غ زہ میں جب پہلی عمارت گری، کسی فلس طینی ماں کی چیخ زمین سے نہیں، بلکہ Azure کلاؤڈ سے ٹکرائی۔ اور تم یہ سمجھتے رہے کہ کوئی میزائل گرا ہے، حالانکہ وہ ایک API کال تھی۔ مائیکروسافٹ کے کسی انجینئر نے رات کے کسی پہر ایک لائن کوڈ اپڈیٹ کی، اور اگلی صبح ایک بستی مٹی میں دفن ہو چکی تھی۔ یہ جنگ اب بموں اور بارود کی نہیں رہی، یہ اب ڈیٹا، کوڈ اور الگورتھم کی جنگ ہے۔ اور اس میں سب سے کمزور کردار، سب سے بے حس تماشائی، سب سے بے ضمیر سامع… وہی ہے جسے دنیا "امت مسلمہ" کہتی ہے۔

مائیکروسافٹ نے صرف کمپیوٹنگ اور اسٹوریج نہیں دی، اُس نے اس رائیلی فوج کو جنگی دماغ فراہم کیا۔ Azure صرف ایک کلاؤڈ نہیں رہا، وہ ایک ڈیجیٹل جہنم بن چکا ہے، جہاں ہر کلک کے نتیجے میں کوئی فلس طینی جسم جُدا ہو رہا ہے۔ یہ سروسز صرف ڈیٹا محفوظ کرنے کے لیے نہیں تھیں، یہ سروسز فضائی حملوں، زمینی کارروائیوں، سمندری نگرانی، اور انٹیلیجنس کی ہر سطح پر استعمال ہوئیں۔ یہ صرف تعاون نہیں، بلکہ شراکت داری تھی، ایک شیطانی اتحاد، جس میں ٹیکنالوجی کا چہرہ صہ یونی خون سے رنگا جا چکا ہے۔

اور تمہارا محبوب GPT؟ وہ جو تمہارے نصاب کے سوالات حل کرتا ہے، تمہیں بلاگ لکھ کر دیتا ہے، CV بناتا ہے، تھری ڈی کارٹون ویڈیوز بناکر دیتا ہے, وہی GPT اب اس رائیلی دفاعی مشن کا دماغ ہے۔ GPT-4 کے ذریعے اس رائیل نے فلسطینیوں کی نقل و حرکت، آوازوں، زبانوں، جذبات، اور یہاں تک کہ سوشل میڈیا کی پوسٹس کو بھی فوجی اہداف میں بدلا۔ یہ کوئی تخیل نہیں، یہ مارچ 2024 کی وہ حقیقت ہے جہاں GPT-4 کا استعمال 20 گنا بڑھ چکا تھا، اور غ زہ کی زمین 64 گنا زیادہ تباہ ہو چکی تھی۔

اکتوبر 2023 سے جون 2024 کے دوران مائیکروسافٹ نے اس رائیلی انٹیلیجنس کے ساتھ انیس ہزار گھنٹے صرف کیے۔ انیس ہزار گھنٹے! یہ کوئی عام کلائنٹ میٹنگز نہیں تھیں، یہ وہ اوقات تھے جن میں فیصلے کیے گئے کہ کون زندہ رہے گا، کون مرے گا، کہاں سے حملہ ہوگا، کس گلی میں بم گرے گا۔ اور ان انجینئرز کو بعض محفلوں میں "Unit 8200" یعنی اس رائیلی سائبر انٹیلیجنس کا غیر رسمی رکن کہا جانے لگا۔ مائیکروسافٹ کے اندر اب صرف پروگرامر نہیں، قاتل بیٹھے ہیں۔ وہ قاتل جو نہ خون دیکھتے ہیں، نہ چیخ سنتے ہیں، صرف "Success" کے سگنل پر خوش ہو جاتے ہیں۔

اور OpenAI؟ جو کل تک یہ اعلان کرتا تھا کہ اس کی ٹیکنالوجی کا جنگی استعمال ممنوع ہے، اُس نے 2024 میں وہ شق اپنی ویب سائٹ سے خاموشی سے ہٹا دی۔ جیسے کوئی مجرم رات کے اندھیرے میں اپنے جرم کا سراغ مٹا دے۔ اب GPT باقاعدہ فوجی مقاصد کے لیے کھلا ہے، لیکن اس پر نہ کوئی احتجاج ہوا، نہ کوئی فتویٰ، نہ کوئی مذمت۔ وہ امت جو ہر بات پر فتوے بانٹتی ہے، یہاں خاموش تماشائی بن گئی۔ کیوں؟ کیونکہ AI کے عشق نے عقل چھین لی، اور ایمان کو پس پشت ڈال دیا۔

ایسے میں امت کیا کر رہی تھی؟ ایک طرف غ زہ کی گلیوں میں لاشوں کے ڈھیر لگ رہے تھے، اور دوسری طرف امت GPT سے "رمضان کی مبارک شاعری" لکھوا رہی تھی۔ کہیں کوئی "AI سے لوگو بنوانا" سیکھ رہا تھا، کہیں کوئی "AI سے شادی کارڈ" ڈیزائن کر رہا تھا۔ اور کہیں کوئی مفتی، GPT سے فتویٰ نکالنے کی مشق کر رہا تھا۔ یعنی AI سے رشتہ جوڑا جا چکا تھا، اور رشتہ ایسا کہ اگر وہ قاتل بھی نکلے تو بھی محبوب ہی رہے گا۔

یہ امت AI کی ٹرک کی بتی کے پیچھے ایسے لگی کہ سچ، جھوٹ، حلال، حرام، خون، ناپاکی، سب کا ہوش کھو بیٹھی۔ اور جب وہ ٹرک غ زہ کے معصوم بچوں پر چڑھا، تو امت کی نظریں اب بھی AI کی روشنی پر جمی رہیں۔ نہ کسی نے سوال کیا، نہ کسی نے مزاحمت کی۔ بلکہ اب تو نئی نئی خبریں آ رہی ہیں: "AI سے کیسے دین سکھایا جائے"، "AI سے قرآن کی تلاوت کیسے ہو"، "AI سے سیرت نبوی کیسے سمجھی جائے"… گویا جو قاتل ہے، اُسے ہی استاد بنایا جا رہا ہے۔

اور تم کہتے ہو کہ یہ ترقی ہے؟ نہیں! یہ ترقی نہیں، یہ تباہی ہے۔ یہ ایمان کا انحطاط ہے۔ یہ وہ مقام ہے جہاں اُمت نے اپنے قاتل کو اپنا رہبر بنا لیا ہے۔ وہ AI جو غ زہ میں خون بہا رہا ہے، وہی تمہیں "علم" دے گا؟ وہ GPT جو بچوں کی گردنیں گن رہا ہے، وہ تمہیں مستقبل دکھائے گا؟ نہیں، ہرگز نہیں! تمہاری خاموشی، تمہارا علم، تمہارا فخر… سب اب اُس کوڈ کا حصہ ہے جو فل سطین میں تباہی لکھ رہا ہے۔

تمہارے ٹیکس، تمہاری کمپنیوں کا ڈیٹا، تمہاری خاموشی، تمہارے سافٹ ویئر، تمہاری پوسٹس، تمہارے پرزے… سب اب اس شیطانی نظام کے ایندھن ہیں۔ اور تم اب بھی سمجھتے ہو کہ AI ایک موقع ہے؟

نہیں، یہ موقع نہیں، یہ امتحان ہے۔ ایک ایسا فتنہ جس پر اگر تم آج خاموش ہو گئے تو کل وہ تم پر چڑھ دوڑے گا۔ آج اگر تم نے AI کو اپنا قبلہ مانا تو کل یہ AI تمہارے ایمان کا راستہ بدل دے گا۔ آج اگر تم نے AI کو اپنا مستقبل سمجھا تو کل یہ AI تمہاری تاریخ مٹا دے گا۔

اب بھی وقت ہے۔ قلم تیز کرو۔ سوال اٹھاؤ۔ بائیکاٹ کرو۔ مت خریدوں اُن کا سافٹ ویئر۔ مت ڈالو اُن کی کوڈنگ۔ مت اپناؤ اُن کی AI۔ کیونکہ یہ AI وہی ہے جس نے غ زہ کو قبرستان میں بدلا، اور اگر تم نے ہوش نہ کیا، تو کل تمہاری مسجد، تمہاری بستی، تمہارا ملک، تمہارا دین… سب کسی کوڈ کی ایک لائن بن جائیں گے۔

یہ تحریر کسی خلاصے کی محتاج نہیں، کیونکہ خلاصہ وہ ملبہ ہے جو غ زہ کی گلیوں میں بکھرا پڑا ہے۔ وہ ماں جس کی گود خالی ہے، وہی اس تحریر کی دلیل ہے۔ اور وہ بچہ جس کی آنکھوں میں خاک ہے، وہی اس کالم کا اختتام ہے۔

خدا تمہارے ضمیر کو زندہ کرے… اگر ابھی کچھ سانس باقی ہے۔





#آزادیات

#بلال #شوکت #آزاد