Sheikh Hadi Hussain Nasri

31/07/2026

اناللہ واناالیہ راجعون
نہایت ہی افسوس ناک خبر
ڈاکٹر سید التجاء حسین کاظمی رح کا مختصر علالت کے بعد آج صبح فوجی فاؤنڈیشن راولپنڈی میں انتقال ھو گیا ھے ۔جنازہ آج مورخہ 31 جولائی شام کو انکے آبائی گاؤں سکوٹ سیداں کلر سیداں میں ادا کی جاۓ گی

وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ (الرحمن: 27)

14/06/2026

سوانح حيات آيت الله العظمى سيد مجتبى على الخامنائى (دام ظلہ)

07/06/2026

انتخابات میں شرکت: شرعی فریضہ اور قومی ذمہ داری

ہر انتخابی موسم کے ساتھ ایک بار پھر یہ سوالات سامنے آتے ہیں کہ انتخابات میں حصہ لینے کا شرعی حکم کیا ہے؟ کیا ووٹ دینا ضروری ہے یا نہیں؟ اور ایک مؤمن و ذمہ دار شہری کی حیثیت سے ہمارا کردار کیا ہونا چاہیے؟

حقیقت یہ ہے کہ انتخابات میں شرکت محض ایک سیاسی عمل نہیں، بلکہ بہت سے مواقع پر یہ ایک شرعی فریضہ اور قومی ذمہ داری بن جاتی ہے۔

شرعی اعتبار سے ووٹ دینا اور صالح، دیانتدار اور عوامی مفاد کے لیے کام کرنے والے امیدوار کی حمایت کرنا امر بالمعروف اور نہی عن المنکر کے مصادیق میں شمار ہوتا ہے۔ کیونکہ انتخابات کے ذریعے معاشرے کی سمت متعین ہوتی ہے، فیصلے کرنے والے افراد منتخب ہوتے ہیں اور عوامی زندگی پر اثر انداز ہونے والی پالیسیاں تشکیل پاتی ہیں۔ ایسے میں نیک اور اہل افراد کی تائید اور نااہل یا بدعنوان عناصر کی راہ روکنا ایک دینی ذمہ داری ہے۔

اسی طرح یہ ایک قومی ذمہ داری بھی ہے، کیونکہ ملک کے سیاسی، معاشی اور سماجی مستقبل کی تشکیل میں ہر شہری کا حصہ ہوتا ہے۔ ووٹ دراصل امانت ہے اور اس کے ذریعے انسان اپنے معاشرے اور آنے والی نسلوں کے مستقبل کے بارے میں اپنی رائے اور ذمہ داری کا اظہار کرتا ہے۔

انتخابات سے کنارہ کشی مسائل کا حل نہیں۔ اگر ذمہ دار اور باشعور لوگ میدان میں موجود نہ ہوں تو فیصلہ دوسروں کے ہاتھ میں چلا جاتا ہے۔ سیاست اور عوامی نمائندگی میں پیدا ہونے والا خلا کبھی خالی نہیں رہتا؛ اگر ہم اس خلا کو پُر نہیں کریں گے تو دوسرے لوگ اسے پُر کر دیں گے، اور پھر نتائج کی ذمہ داری بھی ہم سب پر عائد ہوگی۔

لہٰذا ضروری ہے کہ ہم انتخابات کو سنجیدگی سے لیں، حالات کا درست جائزہ لیں، اہل اور دیانتدار امیدواروں کا انتخاب کریں اور اپنی شرعی و قومی ذمہ داری ادا کریں۔

●ھادی حسین ناصری

07/06/2026

خبر رساں ایجنسی ابنا نے پاکستانی محقق و مصنف علامہ شیخ ہادی حسین ناصری کی کتاب "الشيعة في باكستان" کی اشاعت کی خبر فارسی زبان میں بھی شائع کر دی۔

یہ کتاب حال ہی میں دار الولاء، بیروت سے عربی زبان میں شائع ہوئی ہے اور پاکستان کے شیعہ معاشرے کی تاریخ، فکری و سماجی ارتقاء، اہم دینی اداروں اور معاصر چیلنجز کا جائزہ پیش کرتی ہے۔

کتاب 222 صفحات پر مشتمل ہے اور پاکستان کے شیعہ معاشرے پر عربی زبان میں شائع ہونے والی نمایاں تحقیقی کاوشوں میں شمار کی جا رہی ہے۔

کتاب «الشیعه فی باکستان؛ مسار التشکّل والبحث عن مشروع جامع» یکی از اولین آثار تخصصی به زبان عربی محسوب می‌شود که به واقعیت جامعه شیعیان پاکستان و تحولات تاریخی، فکر...

07/06/2026

خدا مرحومہ کی درجات بلند فرمائیں

04/06/2026

عيد غدير مبارک🌷

04/06/2026

انا للہ وانا اليه راجعون

مرجع الديني حضرت آیةاللّٰه العظمى سماحة الشيخ إسحاق الفياض صاحب رحمة الله تعالى عليه دارفنا سے دار بقاء کی طرف انتقال فرما گئے ہیں

03/06/2026

۳ جون ۱۹۸۹ء

محققِ خوابِ انبیاءؑ، احیاءِ اسلام کے عظیم علمبردار، اور اسلامی جمہوریہ ایران کے بانی حضرت امام روح اللہ الموسوی الخمینیؒ کی رحلت کی برسی۔

امام خمینیؒ نے اپنے افکار، قیادت اور اسلامی انقلاب کے ذریعے امتِ مسلمہ میں بیداری، عزتِ نفس اور استکبار کے خلاف مزاحمت کا ایک نیا باب رقم کیا، جس کے اثرات آج بھی عالمِ اسلام میں محسوس کیے جاتے ہیں۔

01/06/2026

علامہ شیخ ہادی حسین ناصری کی نئی تصنیف "الشیعہ فی پاکستان" شائع ہو کر منظرِ عام پر آ گئی ہے۔

یہ کتاب 222 صفحات پر مشتمل ہے اور ، #بیروت سے شائع ہوئی ہے۔

اس کتاب کی اہمیت دو بنیادی پہلوؤں سے نمایاں ہوتی ہے: اول یہ کہ یہ مکمل طور پر #عربی زبان میں تحریر کی گئی ہے، اور دوم یہ کہ یہ بیروت کی اُن ممتاز علمی و تحقیقی اشاعتی اداروں میں سے ایک سے شائع ہوئی ہے جو عموماً بڑے اور معتبر اہلِ قلم کی کتب شائع کرنے کے لیے معروف ہیں۔

یہ کتاب اپنی علمی اہمیت کے ساتھ ساتھ پاکستان میں شیعہ معاشرے کے تاریخی، سماجی اور فکری پہلوؤں کو اجاگر کرتی ہے، اور اس اہم مذہبی و سماجی مکوّن(طبقہ) کی بہتر تفہیم میں مدد فراہم کرتی ہے۔

یہ کاوش نہ صرف علمی سطح پر ایک اہم اضافہ ہے بلکہ شیعہ قوم کی خدمات اور ان کے تاریخی کردار کو اجاگر کرنے کی ایک قابلِ قدر کوشش بھی ہے۔

دعا ہے کہ اللہ تعالیٰ اس علمی خدمت کو قبول فرمائے اور اسے اہلِ علم و تحقیق کے لیے نافع بنائے۔

29/05/2026

بسم اللہ الرحمن الرحیم

إِنَّا لِلّٰهِ وَإِنَّا إِلَيْهِ رَاجِعُونَ

ہمیں انتہائی رنج و غم کے ساتھ یہ خبر موصول ہوئی کہ محترم و مکرم عالمِ دین، علامہ شیخ خورشید انور جوادی صاحب کے خاندان میں ان کی خوشدامنِ(ساس) محترمہ کا انتقال ہوگیا ہے۔ یہ سانحہ یقیناً اہلِ خانہ کے لیے ایک عظیم صدمہ اور آزمائش ہے۔

اس موقع پر ہم علامہ شیخ خورشید انور جوادی صاحب، تمام اہلِ خانہ اور پسماندگان کی خدمت میں دلی تعزیت اور ہمدردی پیش کرتے ہیں۔ ہم دعاگو ہیں کہ اللہ تعالیٰ مرحومہ کو اپنی وسیع رحمتوں میں جگہ عطا فرمائے، اُن کی مغفرت فرمائے، جنت الفردوس میں اعلیٰ مقام نصیب کرے، اور تمام سوگواران کو صبرِ جمیل عطا فرمائے۔

بلاشبہ موت ایک اٹل حقیقت ہے، مگر اہلِ ایمان کے لیے صبر، رضا اور دعا ہی بہترین سہارا ہیں۔ ہم اس غم کی گھڑی میں اہلِ خانہ کے ساتھ برابر کے شریک ہیں اور ان کے لیے بارگاہِ الٰہی میں اجر و ثواب کی دعا کرتے ہیں۔

والسلام

|| ھادی حسين ناصرى