Sufi Rang,صُوفی رَنگ

28/05/2026

اور وہ جب کوی بے ہودا بات سنتے ہیں تو اس سے کنارہ کش ہو جاتے ہیں۔
سورت القصص 55

22/05/2026

ہر وہ شخص جو تمہارے دل میں داخل تو ہو لیکن تمہارے (باطنی) نور میں کوئی اضافہ نہ کرے ، اسے وقتی اور عارضی مہمان ہی سمجھنا ، اس کے لیے دروازہ دل کی کنجی کبھی مت رکھ چھوڑنا۔
(مولانا جلال الدین رومی)

10/05/2026

انا للہ وانا الیہ راجعون۔
یہ ایک انتہائی دلدوز خبر ہے کہ مفسرِ قرآن، محدثِ کبیر، شیخِ طریقت، امام السالکین حضرت مفتی محمد عبیداللہ نہرکاریزی قادری المعروف حضرت سیدی مولانا اعظم رحمہ اللہ اب ہم میں نہیں رہے۔
علم و عرفان کا وہ سورج جو ایک طویل عرصے تک تشنگانِ علم اور طالبانِ حق کو سیراب کرتا رہا، آج غروب ہو گیا ہے۔ آپ جیسی عظیم علمی و روحانی شخصیت کا وصال نہ صرف متعلقین بلکہ پوری ملتِ اسلامیہ کے لیے ایک بہت بڑا سانحہ ہے۔
اللہ کریم حضرت کے درجات بلند سے بلند تر فرمائے، ان کی تمام دینی و علمی خدمات کو اپنی بارگاہ میں قبول فرمائے اور انہیں جنت الفردوس میں اعلیٰ مقام عطا فرمائے۔ اس گھڑی میں تمام پسماندگان، تلامذہ اور مریدین کے لیے صبرِ جمیل کی دعا ہے۔

07/05/2026

تصوف میں لطائف دل کے وہ پوشیدہ مراکز ہیں جہاں سے انسان کی باطنی بیداری شروع ہوتی ہے۔ سلسلۂ قادریہ میں اگرچہ طریقِ ذکر سادہ اور قلبی ہوتا ہے، مگر اہلِ سلوک نے لطائف کے ساتھ اذکار کو ترتیب دے کر ایک باطنی نقشہ بھی بیان کیا ہے۔
یہ فہرست اسی نسبت سے پیش ہے
مختصر، مگر معنی خیز

لطائف، مقام اور اذکار

1. لطیفۂ قلب
مقام: بائیں سینے میں (دل کی جگہ)
ذکر: اللّٰہ، اللّٰہ
کیفیت: محبت، نرمی، اور حضورِ قلب کی ابتدا،
دل کی زمین یہاں نرم ہوتی ہے، جیسے پہلی بار بارش پڑے۔

2. لطیفۂ روح
مقام: دائیں سینے میں
ذکر: یا حیّ، یا قیّوم
کیفیت: زندگی کی اصل روحانی حرارت، باطن کی بیداری
یہاں سانس بھی ذکر بننے لگتی ہے۔

3. لطیفۂ سرّ
مقام: بائیں سینے کے اوپر
ذکر: یا حقّ
کیفیت: حقیقت کی جھلک، باطنی رازوں کا ادراک
پردے ہلکے ہلکے اٹھنے لگتے ہیں۔

4. لطیفۂ خفی
مقام: دائیں سینے کے اوپر
ذکر: یا قیّوم، یا ودود
کیفیت: محبتِ الٰہی میں گہرائی، خاموش قرب
یہاں الفاظ کم اور حضوری زیادہ ہوتی ہے۔

5. لطیفۂ اخفی
مقام: سینے کے وسط یا قلب کے اندرونی مرکز
ذکر: یا احد، یا صمد
کیفیت: وحدت کا شعور، فنا کی جھلک
یہاں “میں” مدھم ہو کر “وہ” میں ڈھلنے لگتا ہے۔

6. لطیفۂ نفس
مقام: ناف کے نیچے
ذکر: لا إلہ إلا اللّٰہ
کیفیت: خواہشات کی تطہیر، نفس کی اصلاح
یہیں سب سے بڑی مجاہدہ گاہ ہے۔

7. لطیفۂ قالب (جسم)
مقام: پورا جسم
ذکر: اللّٰہ، اللّٰہ (ضرب کے ساتھ یا سانس کے ساتھ)
کیفیت: ہر عضو کا ذکر میں شامل ہونا
جب بدن بھی ذکر کرنے لگے تو روح کو پرواز ملتی ہے۔

ایک لطیف اشارہ

لطائف کا سفر صرف نقشہ بنا لینے سے نہیں، نسبت سے طے ہوتا ہے۔ ذکر صرف لفظ سے نہیں، توجہ اور اجازت سے زندہ ہوتا ہے۔ اسی لیے کامل شیخ کی رہنمائی میں یہ راستہ زیادہ محفوظ اور مؤثر ہوتا ہے۔

26/04/2026

استنبول میں واقع جامع الفاتح کے ستونوں پر عربی زبان میں ایک نصیحت صدیوں پہلے کندہ کی گئی، جو آج تک باقی ہے۔ اس میں لکھا ہے:
“مر جاؤ مگر کسی کمینے شخص سے روزی طلب نہ کرو۔”
یہ الفاظ عثمان چلبی نے سن 1017 ہجری (مطابق 1604 عیسوی) میں تحریر کروائے۔ یہ دور دولتِ عثمانیہ کی قوت اور عروج کا زمانہ تھا، جب نہ صرف فنِ تعمیر بلکہ اخلاقی تعلیمات کو بھی مساجد کی دیواروں اور ستونوں پر نقش کیا جاتا تھا، تاکہ آنے والی نسلیں ان سے سبق حاصل کریں۔
سلطان محمد الفاتح کے نام سے منسوب یہ عظیم مسجد عثمانی تہذیب کا ایک اہم مرکز رہی ہے، جہاں علم، عبادت اور اخلاقی تربیت کو یکجا کیا جاتا تھا۔ اس طرح کی نصیحتیں اس بات کی عکاسی کرتی ہیں کہ اس دور میں عزتِ نفس، خودداری اور باوقار زندگی کو کس قدر اہمیت دی جاتی تھی۔
یہ عبارت ہمیں یاد دلاتی ہے کہ انسان کی اصل دولت اس کی غیرت اور خودداری ہے، اور مشکل حالات میں بھی اپنی عزت کو برقرار رکھنا ایک اعلیٰ اخلاقی قدر سمجھا جاتا تھا۔
منتخب تحریر
post

14/04/2026

حضرت شیخ میاں میر ولی
هر خفی از نور جان او جلی
بر طریق مصطفی محکم پئی
نغمه ی عشق و محبت را نئی

27/03/2026

10/03/2026

21 رمضان یوم شہادت
اسد اللّٰہ الغالب ، امام المشارق و المغارب ، امیر المومنین ، امام الواصلین ، ابو الحسن ، حیدر کرار ، مولائے کائنات ، ابو الحسنین ، شوہر بتول ، بابائے حسنین ، اخی رسول الثقلین ، داماد خاتم النبیین ، امام المسلمین ،
خلیفةالمسلمین ،خلیفہ چہارم ، باب العلم ، امام القضاء ، امام الاتقیاء ، فاتح و خیبر شکن ، مرحب کشا
سیدنا و مولانا علی بن ابی طالب مولا مشکل کشا شیر خدا (کرم اللّٰہ تعالیٰ وجہہ الکریم)

25/02/2026

یہ کیسا روحوں پر حسن قرآن طاری کرتا خوبصورت انداز ہے؟ یہ کتنا پیارا نظارہ ہے؟کیا یہ منظر قلب و روح کو مسرور کرنے کے لیے کافی نہیں ہے؟
زاویہ شیخ عرفات الشاذلی سے بلند ہونے والی اس نوع کی قرآنی صدائیں جو یکجائی کا اظہار ہیں اگر پوری امت اختیار کر لے تو ہمارے حالات بدل جائیں۔
درحقیقت یہ اس حدیثِ مبارکہ کا من بھاتا عملی اظہار ہے۔
"جب اہل ایمان جمع ہو کر باہم قرآن پڑھتے ہیں تو اُن پر رحمت خداوندی کے بادل سایہ فگن ہوتے ہیں اور سکون واطمینان کی برکھا برسائی جاتی ہے اور فرشتے ایسی مجلس کو گھیر لیتے ہیں ۔"
تحریر
عطاء المصطفے مظہری

21/02/2026

نُور، بنتِ نُور، زوجِ نُور، اُمِّ نُور و نُور
نُورِ مطلق کی کنیز اللّٰہ رے لہنا نُور کا
مجھ کو کیا منہ عرض کا لیکن ملائک یوں کہیں
شاہ زادی در پہ حاضر ہے یہ منگتا نور کا
کہہ دو فضا دے دو سونے کا نوالہ نور کا
اپنے بچوں کا تصدق دے دو صدقہ نور کا

3 رمضان المبارک یومِ وصال سیدہ طیبہ طاہرہ عابدہ زاہدہ سیدہ فاطمۃ الزھراء رضی اللہ تعالی عنہا