Silsila Naqashbandia Owaisia Nashar o Ishayat Fsd Div Official

12/09/2025

حرام کو حرام سمجھ کر کھانا گناہ ہے اور حرام کو حلال سمجھ کر کھانا کفر ہے

حضرت مولانا امیر محمد اکرم اعوان رحمۃ اللہ علیہ

12/09/2025

میری دلی ارزو ہے کہ خواب میں نبی کریم صلی اللہ علیہ وسلم کی زیارت نصیب ہو جائے

حضرت مولانا امیر محمد اکرم اعوان رحمۃ اللہ علیہ

05/09/2025

ان شاء اللہ 12 ربیع الاول بروز ہفتہ دن 12:30 بجے

04/09/2025

*✨ نبی کریم ﷺ سے محبت کرنے والوں کا حال۔۔۔!!! ❤️🕋🤲*

حضرت امیر عبدالقدیر اعوان مدظلہ العالیٰ

04/09/2025

ان شاء اللہ 7 ستمبر بروز اتوار دن 1:00 بجے
ملتان سے براہ راست دیکھنے کے لیے سلسلہ عالیہ کے دئیے گئے آفیشل لنکس پر کلک کیجیے ۔۔۔۔
https://web.facebook.com/oursheikh.official
https://www.youtube.com/

04/09/2025

04/09/2025

02/09/2025

🌹🌹– *بِسْمِ اللّٰهِ الرَّحْمٰنِ الرَّحِيْمِ* –🌹🌹

*تفسیر اسرارالتنزیل (جلد 5) (قسط 268)*

*سُورَة بنی اسرائیل پارہ 15 آیات 94 تا 100*

*مفسر : حضرت مولانا امیر محمد اکرم اعوان*
*🌹 رحمة الله علیہ 🌹*
____________________________________

🌹 *بِسۡمِ اللّٰہِ الرَّحۡمٰنِ الرَّحِیۡمِ* 🌹

*وَمَامَنَعَ النَّاسَ اَنۡ یُّؤۡمِنُوۡۤا اِذۡ جَآءَھُمُ الۡھُدٰۤی اِلَّاۤ اَنۡ قَالُوۡۤا اَبَعَثَ اللّٰہُ بَشَرًا رَّسُوۡلًا ْ۞ ۔۔۔۔ الیٰ ۔۔۔۔ قُلۡ لَّوۡ اَنۡتُمۡ تَمۡلِکُوۡنَ خَزَآئِنَ رَحۡمَةِ رَبِّیۡۤ اِذًا لَّاَمۡسَکۡتُمۡ خَشۡیَةَالۡاِنۡفَاقِ ؕ وَکَانَ الۡاِنۡسَانُ قَتُوۡرًا ۞*

*اسرار و معارف*
انہیں آپ ﷺ کو اللّٰہ کا رسول ماننے میں ہی رکاوٹ پیش آ رہی ہے کہ کیا اللّٰہ کریم نے بشر کو ایک انسان کو اپنا رسول بنایا ہے یعنی ان کے خیال میں جو انسان کھاتا پیتا ہے ، سوتا جاگتا ہے ، گرمی سردی محسوس کرتا ہے ، اس کے بیوی بچے ، گھر بار اور خاندان ہے تو گویا سارے احوال میں ایسا ہی ہے ، جیسے ہم لوگ ہیں ، تو بھلا اسے اللّٰہ کا رسول کیونکر مان لیں ، اللّٰہ تو ہمارے سامنے آنے سے رہا تو پھر اللّٰہ کا حکم اس کے رسول سے ہی ملے گا تو گویا اللّٰہ کے نام پر بھی اقتدار تو رسول اللّٰہ (ﷺ) کے ہاتھ میں چلا گیا تو ہم ایسا کیوں ہونے دیں گے ہاں کوئی فرشتہ ہوتا جو عام اوصاف میں ہم سے بہت بڑھ کر ہوتا تو بات بھی تھی ، اس جاہلانہ سوچ اور محض اقتدار کی ہوس کے لیے مختلف حیلوں کا جواب بھی بہت خوبصورت انداز میں ارشاد ہوا ، بغیر غصہ کئے ، بغیر کسی طنز کے فرمایا ٹھیک ہے فرشتہ بھی رسول ہو سکتا تھا لیکن اس صورت میں جب زمین پر بھی فرشتے آباد ہوتے اور انسانوں کی طرح اس عالمِ آب و گل میں مکلف زندگی گزارتے انہیں ایسی ہی ضرورتیں لگائی جاتیں پھر ان کی تکمیل کے اسباب و ذرائع کائنات میں پیدا کئے جاتے تو ان کو اپنانے یا اختیار کرنے کے طریقوں پر اللّٰہ کی رضا مندی کا مدار ہوتا تو یقیناً ان کی طرف رسول بھی فرشتوں ہی کو بنایا جاتا مگر اب جبکہ زمین پہ انسان بستے ہیں تو رسول بھی یقیناً انسان ہی ہو گا جسے ویسی ہی سب ضرورتیں درپیش ہوں اور ان میں اطاعتِ الہٰی اختیار کرکے ثابت کرے کہ انسانی فلاح اسی میں ہے اور یہ سب ممکن ہے ، اتباع شریعت محال نہیں۔

*نبی اور ولی انسان ہوتے ہیں ، اور عام انسانی زندگی گزارتے ہیں*

اس آیہ کریمہ میں موجودہ دور کی بدعات کا رد بھی آ گیا کہ نبی ﷺ کی بشریت کا انکار کیا جاتا ہے حالانکہ عظمتِ نبوت میں یہ ہے کہ تمام انسانی ضرورتوں کے باوجود انہیں اللّٰہ ﷻ کے ناپسندیدہ طریقے سے پورا نہیں فرماتا اور یہی کمالِ ولایت ہے کہ ولی اللّٰہ دنیا کے معاملات کو اللّٰہ کریم اور اس کے رسول ﷺ کے احکام کے مطابق اور بحسن و خوبی ادا کرتا ہے نہ آج کے دور کی خرافات کی مانند کہ ولی کا کوئی گھر گھاٹ نہ ہو جنگل میں پایا جائے ، کھاتا پیتا نہ ہو وغیرہ ذالک من الخرافات۔
فرما دیجئے کہ اب ان سب دلائل عقلی اور نقلی کے ساتھ بیشمار معجزات اور اللّٰہ کی کتاب کے باوجود اگر تم قبول کرنے کو تیار نہیں تو پھر میرے اور تمہارے درمیان اللّٰہ ہی گواہ ہے جو میری محنت و کوشش سے بھی واقف ہے تمہارے انکار پہ اصرار کو بھی دیکھ رہا ہے کہ اپنے بندوں اور اپنی مخلوق کے ہر حال سے ہر آن با خبر بھی ہے اور خود بھی ملاحظہ فرما رہا ہے اسے کسی کے بتانے کی احتیاج نہیں۔

*ہدایت کا مدار*

ہدایت بھی اللّٰہ کریم ہی کی دین ہے اور اس کا مدار بھی اس بات پر ہے کہ کسی کی قلبی حالت کیسی ہے اور کیا اس میں اللّٰہ کو ماننے کی استعداد جو اسے اللّٰہ سے ملی تھی باقی ہے ورنہ جس نے گناہ کر کے وہ استعداد ہی کھو دی ہو اسے اللّٰہ ہدایت نہیں دیتے لہٰذا ہدایت وہی پا سکتا ہے جسے اللّٰہ کی طرف سے ہدایت نصیب ہو اور جو اللّٰہ کی ذات سے ہی اس قدر دوری پہ چلا جائے کہ اللّٰہ ہی اسے قریب نہ آنے دے تو پھر اللّٰہ کے علاوہ ان کا کوئی مددگار اور معاون نہیں ہو سکتا۔ نہ صرف یہ دنیا بلکہ یہ تو آخرت میں بھی اپنے الٹے کردار کے باعث جسمانی طور پر بھی الٹے ہو کر میدانِ حشر میں آئیں گے اور جیسے آج ہدایت کی راہ سے اندھے بہرے اور گونگے بن رہے ہیں کہ نہ حق دیکھنے کا تکلف کرتے ہیں نہ سننے اور بولنے کا ایسے ہی نجات کی راہ سے اندھے گونگے اور بہرے ہو کر جہنم میں پھینکے جائیں گے جو دم بدم بھڑکائی جاتی رہے گی، اور جس کی تپش بڑھتی ہی رہے گی کبھی کم نہ ہوگی ، ان کے کفر کی یہی سزا ہے کہ کس دلیری سے کہہ دیتے ہیں کہ جب مر کر ہم گل سڑ جائیں گے تو پھر بھلا کیسے نئے سرے سے تخلیق ہو سکیں گے۔
کیا یہ زمین و آسمان کے خالق کی عظمت سے بھی غافل ہو گئے کہ جو خالق عدم سے اتنی بڑی کائنات کو وجود میں لانے والا ہے۔
وہ ان جیسوں کو بنانے پہ قادر نہیں جن کو پہلے ایک قطرے سے بنا چکا انہیں مٹی گارے سے بھی بنا لے گا اور بلاشبہ اس کام کا وقت مقرر ہو چکا ہے جب وقت آئے گا تو یقیناً ایسا ہوگا۔
مگر ان ظالموں کا ظلم اور بدکرداری ہی ان کے انکار اور نا شکری کا باعث بن گئی ان سے کہئے کہ انسانی مزاج اگر اسے نورِ ایمان نصیب نہ ہو تو ایسا تنگ ظرف ہے کہ اگر نبوت اور کمالاتِ نبوت کے خزانے اللّٰہ تمہارے اختیار میں دے دیتا جو کبھی کم نہیں ہوتے مگر تم شاید پھر بھی کسی کو نہ دے سکتے کہ اگر ایمان نصیب ہو تو نبی پر ہی ہوتا ہے اور نورِ ایمان سے ظرفِ انسانی میں وہ وسعت آتی ہے کہ اللّٰہ کریم کے لیے دو عالم سے دست بردار ہو سکتا ہے مگر اس کے بغیر جس حال میں تم ہو اگر تمہیں نورِ نبوت اور کمالاتِ نبوت کا خزانہ بھی مل جائے تو اس پر سانپ بن کر بیٹھ رہو گے ، اور اپنی تنگ ظرفی کے باعث کسی کو مقرر نہ کر پاؤ گے کہ پھر یہ خیال ویسے ہی تمہیں ستائے گا کہ اگر کسی کو ہمارے مشورہ پر بھی رسالت ملی تو اس کی اطاعت کرنا پڑے گی اور یوں وہ تو بادشاہ بن جائے گا اور ہم کوئی مقام و مرتبہ اس کے مقابل نہ پا سکیں گے۔

*بیعت توڑنے والوں کا مرض*

بیعت کر کے توڑنے والوں کا سبب بھی عموماً ان کی ذات میں متکبرانہ خیالات اور ذاتی اقتدار کی طلب ہوتی ہے ، ورنہ تو بغیر واقفیت تو کوئی بیعت نہیں کرتا اور اگر اس کا کردار درست نہ ہو تو بیعت کرنا ہی درست نہیں اب یہ سب دیکھ کر بیعت کر لی تو پھر اپنے ذاتی تکبر پر زد پڑی تو توڑنے کے حیلے سوچے جاتے ہیں ، لہٰذا بیعت توڑنے والے کبھی بھی بھلے لوگ نہیں ہو سکتے ہمیشہ تنگ نظر اور تنگ ظرف ہوا کرتے ہیں۔۔۔

*============== (ان شآءاللہ جاری ہے)*

*انتخاب : طالبٍ دُعا : ارشد امین گوندل*

*اسرارالتنزیل کی کسی بھی سورة یا آیات نمبر کی تفسیر منگوانے کیلئے رابطہ : ایڈمن*
*(03333434272)*