MWL Tehsil Attock

11/10/2026

: مسجد روشن یعقوب فاروق اعظم کالونی تحصیل اٹک
منہاج القرآن ویمن لیگ تحصیل اٹک کے زیر اہتمام 9 اکتوبر 2026 بروز جمعہ کو مرکز علم کی کلاس ہوئی، 1300 مرتبہ درود پاک پڑھا گیا- سکالر شہلا جبیں(صدر تحصیل اٹک) نے سمسٹر 2، لیکچر 2 میں سے وضو کی سنتوں کے موضوع پر درس دیا, تجوید کا قرآنی حکم اور سیرت رسول ﷺ سے سبق پڑھایا، پچھلا سبق سنا گیا جو بچیوں نے بہت شوق سے سنایا ۔

07/10/2026

: مسجد روشن یعقوب فاروق اعظم کالونی تحصیل اٹک
منہاج القرآن ویمن لیگ تحصیل اٹک کے زیر اہتمام 2 اکتوبر 2026 بروز جمعہ کو کلاس منعقد ہوئی- سمسٹر 2،
لیکچر نمبر 2 سے درس دیا گیا-
سکالر و آرگنائزر محترمہ شہلا جبیں نے موضوع "تجوید کا تعارف, طہارت کے حصول کے طریقے، حضور نبی اکرم ص کا احسن اکمل وجود مسعود اور حسن خلق" پر درس دیا- مجموعی درود پاک 4300 مرتبہ پڑھا گیا-

04/10/2026

29/09/2026

منہاج القرآن ویمن لیگ تحصیل اٹک کے زیرِ انتظام مہریہ لینڈ میں مرکز علم کلاس بسلسلہ گیارہویں شریف منعقد کی گئی۔
جس میں تقریباً 20 خواتین نے شرکت کی۔ 11600 مرتبہ درود پاک پڑھا گیا۔
سکالر: محترمہ شہلا جبیں نے (مسائل کا حل علم دین میں ) کے موضوع پہ آیات قرآنی اور احادیث مبارکہ کی روشنی میں تربیتی گفتگو کی۔۔جس کو شرکاء نے بڑی تسلی سے سماعت کیا ۔انہوں نے کہا کہ اللہ پاک نے حضرت ادم علیہ سلام کو تخلیق کرنے کے بعد سب سے پہلے علم کی دولت سے نوازا۔اور اسی فضیلت کی بنا پہ فرشتے سجدہ ریز ہوئے ۔پھر اللہ پاک نے تمام اسمانی کتابوں کےعلم کو قرآن میں جمع فرما کر آقا ص پہ نازل فرما دیا اور ان کو بھی پہلی وحی اقراء عطا فرما کر فضیلت علم عیاں فرما دی ۔حضرت علی رضی اللہ عنہ کو علم وحکمت کا دروازہ فرمایا۔اور غوث پاک نے بھی یہ فرما کر کہ (میں علم کی منازل طے کرتے کرتے مقام غوثیت تک جا پہنچا )علم کی فضیلت عیاں فرما دی ۔
انہوں نے کہا ہے کہ اگر اپ اپنے اندر اپنے گھر اولاد معاشرے میں تبدیلی لانا چاہتی ہیں تو اس کا طریقہ فقط علم کے حصول میں ہے۔مراکز علم ایسی ہی کلاس ہے جس میں شرکت کر کے اپ علم دیں سیکھ سکتیں ہیں اور اپنے اپ کو اپنے گھر ۔معاشرے کو بہتر بنا سکتیں ہیں ۔سب کو وقت نکال کر مرکز علم کلاس میں شرکت کرنے کی دعوت دی
اور دعا کروائی۔

16/09/2026

سیرت النبی ﷺ کانفرنس : اٹک حسن ابدال
منہاج القرآن اٹک، حسن ابدال کے زیرِ اہتمام سیرت النبی ﷺ کانفرنس منعقد کی گئی۔ جس میں خصوصی شرکت اور خطاب چیئرمین سپریم کونسل منہاج القرآن انٹرنیشنل پروفیسر ڈاکٹر حسن محی الدین قادری نے کیا۔ اپنے خطاب میں انہوں نے کہا کہ اللہ رب العزت نے حضور نبی اکرم ﷺ کو پوری انسانیت پر شاہد اور گواہ بنا کر مبعوث فرمایا۔ آپ ﷺ کی ذاتِ اقدس انسانیت کے لیے اللہ تعالیٰ کی عظیم نعمت، سرچشمۂ ہدایت اور مینارۂ نور ہے۔

سیرت النبی ﷺ کانفرنس سے خطاب کرتے ہوئے انہوں نے کہا کہ قرآنِ مجید میں حضور نبی اکرم ﷺ کے منصبِ شہادت کا ذکر اس حقیقت کی طرف رہنمائی کرتا ہے کہ ابتدا سے اب تک جو کچھ رونما ہوا اور آئندہ جو کچھ ہوگا، وہ اللہ تعالیٰ کے عطا کردہ علم کے ذریعے آپ ﷺ کے علم میں ہے۔ حضور نبی اکرم ﷺ اپنی امت کے حالات و معاملات سے باخبر ہیں۔

انہوں نے کہا کہ سیرتِ طیبہ ﷺ کا مطالعہ محض حیاتِ مبارکہ کے واقعات سے آگاہی کا ذریعہ نہیں بلکہ یہ ایمان، کردار، اخلاق اور انسان دوستی کے اعلیٰ اصول بھی عطا کرتا ہے۔ حضور نبی اکرم ﷺ نے انسانیت کو جہالت، ظلم، تعصب اور اخلاقی پستی کے اندھیروں سے نکال کر علم، عدل، محبت، اخوت اور رحمت کی روشنی سے منور فرمایا۔

پروفیسر ڈاکٹر حسن محی الدین قادری نے کہا کہ آج سیرتِ رسول ﷺ کو محض بیان کرنے کے بجائے اپنی انفرادی اور اجتماعی زندگی میں نافذ کرنے کی ضرورت ہے۔ تعلیماتِ نبوی ﷺ پر صدقِ دل سے عمل ہی فرد کے کردار کو سنوارنے اور معاشرے میں امن، محبت، رواداری، اخوت اور احترامِ انسانیت کو فروغ دینے کا مؤثر ذریعہ بن سکتا ہے۔

کانفرنس میں منہاج القرآن ویمن لیگ کی سنٹرل ٹیم سے محترمہ لبنیٰ مشتاق، حافظہ سحر عنبرین، محترمہ رابعہ شفق بٹ، اور منہاج القرآن ویمن لیگ شمالی پنجاب کی ٹیم سے محترمہ رابعہ مظہر، محترمہ عائشہ ندیم، محترمہ نوشین ارشد، محترمہ فرخندہ جبیں، محترمہ رقیہ نعیم، محترمہ صائمہ کرامت، محترمہ صائمہ طارق، پھول بی بی، ثانیہ نعیم، مناہل رؤف، ریحانہ بی بی سمیت تحریک منہاج القرآن کے جملہ فورمز کے ذمہ داران و کارکنان نے بڑی تعداد میں شرکت کی۔

منہاج القرآن ویمن لیگ حسن ابدال کی جانب سے اس کانفرنس کے موقع پر مصطفوی سسٹرز، ایگرز اور سوشل میڈیا ڈیسک بھی قائم کیے گئے۔

کانفرنس کے اختتام پر خصوصی نشست منعقد کی گئی، جس میں تحصیل اٹک کی ویمن لیگ کو نمایاں کارکردگی دکھانے پر خصوصی اعزاز سے نوازا گیا، چیئر مین سپریم کونسل منہاج القرآن انٹرنیشنل پروفیسر ڈاکٹر حسن محی الدین قادری کے ہاتھوں سے محترمہ شہلا جبیں صدر منہاج القرآن ویمن لیگ تحصیل اٹک نے شیلڈ وصول کی-