Mufti Muhammad Abdullah Naqshbandi

20/08/2026

بے شک

دنیا کی سب سےبڑی خوش نصیبی

قرآنِ کریم اللہ تعالیٰ کی وہ عظیم نعمت ہے جو انسان کو دنیا میں ہدایت اور آخرت میں کامیابی کی راہ دکھاتی ہے۔اس مقدس کتاب سے تعلق قائم کرناایک دینی فریضہ کے ساتھ ساتھ اللہ تعالیٰ کی رضا اور قرب حاصل کرنے کا بہترین ذریعہ بھی ہے۔
رسول اللہ ﷺ نے قرآن سیکھنے اور سکھانے والوں کو امت کے بہترین افراد قرار دے کر اس عظیم عمل کی فضیلت واضح فرمائی ہے۔

سوچنے کی بات یہ ہےکہ اس سے بڑھ کر خوش نصیبی اور کیا ہوگی کہ انسان خود قرآن سیکھے اور دوسروں کو بھی اللہ کا کلام سکھانے کا ذریعہ بنے۔
قرآن سیکھنے والا اپنے دل کو نور سے منور کرتا ہے اور اسے سکھانے والا دوسروں کے دلوں میں بھی ہدایت کا چراغ روشن کرتا ہے۔

ہمیں چاہیے کہ اپنی مصروفیات میں سے قرآنِ کریم کے لیے وقت نکالیں، اسے سیکھیں، سمجھیں، عمل کریں اور آگے پہنچائیں۔

تحریر؛محمدعبداللہ نقشبندی
https://www.facebook.com/share/p/19AkJxqnsM/

19/08/2026

سوچنے اور سمجھنے کی بات

18/08/2026

اس دعا کو صبح و شام تین تین مرتبہ پڑھنے کی عادت بنائیں، اور اپنے گھر والوں کو بھی سکھائیں۔
اللہ تعالیٰ ہر قسم کی آفت، بیماری اور نقصان سے حفاظت فرمائے۔ آمین۔

12/08/2026

اللہ کی رضا میں ہی سکون ہے

12/08/2026

✍🏻`دل کیوں خراب ہوتے ہیں؟`
امام حسن بصری رحمہ الله فرماتے ہیں:
چھ کاموں کی وجہ سے دل خراب ہو جاتے ہیں
…
1. گناہ کرتے ہیں اس امید پر کہ بعد میں توبہ کرلیں گے۔
2. علم حاصل کرتے ہیں مگر اس پر عمل نہیں کرتے۔
3. اگر عمل کرتے ہیں تو اخلاص کے بغیر کرتے ہیں۔
4. الله کا رزق کھاتے ہیں مگر شکر ادا نہیں کرتے۔
5. الله کی تقسیم پر ناراض ہوتے ہیں (یعنی قناعت نہیں کرتے)۔
6. مُردوں کو دفن کرتے ہیں مگر اُن سے عبرت حاصل نہیں کرتے۔

*(ماخذ: ایقاظ اولی الهمم العالية، ص 96)*

11/08/2026

تیسری بہترین عادت

تربیت اولاد کی دس سنہری عادتیں
تیسری عادت
ہر کام کی ابتداء بسم اللہ سے

تیسری اہم ترین عادت جسے بچے کی طبیعت کا حصہ بنانا چاہیے ہے وہ وہ یہ ہے کہ ہر کام کی ابتداء بسمہ اللہ پڑھ کر کرے اگر چہ وہ کام بہت چھوٹا سا ہو ۔ جیسے کوئی بھی چیز اپنی جگہ پر رکھنی ہو یا اٹھانی ہو تو بسم اللہ پڑھے، کچھ کھانا پینا ہو، گھر سے نکلنا ہو یا داخل ہونا ہو ، ہوم ورک شروع کرنا ہو ، سبق سنانا ہو ، مسجد میں داخل ہونا ہو یا نکلنا ہو وغیرہ ۔ بچے کے ذہن میں یہ چیز بٹھائی جائے کہ جب آپ ہر کام کی ابتداء بسم اللہ پڑھ کر کرتے ہیں تو اللہ تعالیٰ کی مدد اور رحمت آپ کے ساتھ شامل ہو جاتی ہے۔ اللہ تعالیٰ شیطان اور جن چیزوں سے آپ کو نقصان پہنچ سکتا ہے انہیں دور بھگا دیتے ہیں۔ شوق ابھارنے کے لیے بچوں کو بتایا جائے کہ ہمارے پیارے نبی حضرت محمد صلی اللہ علیہ وآلہ وسلم بھی ہر کام شروع کرنے سے پہلے بسم اللہ پڑھا کرتے تھے اور جب آپ بسمہ اللہ پڑھتے ہیں تو اللہ تعالیٰ بہت محبت سے آپ کی طرف متوجہ ہو جاتے ہیں، وہ آپ کو بہت پیار سے دیکھتے ہیں ۔ اس طرح نہ صرف بچے کے دل میں اللہ تعالیٰ کی محبت راسخ ہو گی بلکہ ایک پیاری سنت بھی عادت بن جائے گی ۔
*( اقتباس از تربیت اولاد کی دس سنہری عادتیں)*

مکمل کتاب پی ڈی ایف میں حاصل کرنے کے لیے اسی واٹس ایپ نمبر پر میسج کریں۔
03365856666

28/07/2026

سکرین کی ٹرولنگ اور نوجوان نسل

سکرین کی ٹرولنگ نے آج کی نوجوان نسل کو انتہائی متاثر کیا ہے۔ اس کے نتیجے میں معاشرے کا حسن اور اس کی مضبوط اکائی سمجھے جانے والے نوجوان کی پرواز ماند پڑتی جا رہی ہے۔ اقبال کا وہ شاہین، جس نے اپنی ہمت، عزم اور بلند ارادوں سے طوفانوں کی تلاطم خیز موجوں کا مقابلہ کرنا تھا، آج اس کی بے بسی اور بے ہمتی پر دل خون کے آنسو روتا ہے۔شاعر مشرق علامہ اقبال رحمہ اللہ نے نوجوان کو مخاطب کرتے ہوئے فرمایا تھا:
عقابی روح جب بیدار ہوتی ہے جوانوں میں
نظر آتی ہے ان کو اپنی منزل آسمانوں میں

اس کا یہ مطلب ہرگز نہیں کہ نوجوان نسل کامیابی اور ترقی نہیں چاہتی، بلکہ حقیقت یہ ہے کہ وہ پہلے سے بڑھ کر کامیابی، عزت اور عروج کی خواہش مند ہے۔ مگر اس کی راہ میں ایک بڑی رکاوٹ سکرین کی وہ ٹرولنگ ہے، جس پر گھنٹوں کے گھنٹے صرف کرنے کے باوجود ہاتھ کچھ نہیں آتا۔ افسوس کی بات یہ ہے کہ یہی مصروفیت آہستہ آہستہ باہمت انسان کو بے ہمت بنا دیتی ہے۔ سستی پورے وجود پر چھا جاتی ہے، ایک دن گزرتا ہے، پھر ہفتے اور مہینے بیت جاتے ہیں، یہاں تک کہ پورا سال گزر جاتا ہے، مگر انسان اپنے مقصد کے قریب ہونے کے بجائے اس سے مزید دور ہوتا چلا جاتا ہے۔

سوچنے کی بات یہ نہیں کہ نوحہ ہماری قومی مشترکہ عادت بن جائے اور ہم دن رات حالات کا رونا ہی روتے رہیں، بلکہ اصل فکر یہ ہے کہ ہم خود کو اور اپنی نوجوان نسل کو اس دلدل سے کیسے نکال سکتے ہیں۔ اس کے بے شمار طریقوں میں سے ایک نہایت مؤثر طریقہ پیر و مرشد، محبوب العلماء والصلحاء، پیر طریقت حضرت مولانا پیر حافظ ذوالفقار احمد نقشبندی مجددی نور اللہ مرقدہ کی یہ مبارک تلقین ہے:

"فکر کی گندگی ذکر کرنے سے دور ہوتی ہے۔ ذکر بندے کی غفلت، سستی اور بے عملی کو بھی دور کر دیتا ہے۔ یہ انفرادی اصلاح کا بہترین طریقہ ہے۔ دل کو ذکر اور فکر کی غذا پہنچاتے رہیں تو دل صاف ہوتا رہے گا۔"

اگر ہم چند دن بھی اس نسخۂ کیمیا پر عمل کرنا شروع کر دیں تو ان شاء اللہ اس کے مثبت اثرات اپنے اندر ضرور محسوس کریں گے۔ شرط صرف یہ ہے کہ اس پر اخلاص کے ساتھ عمل کیا جائے۔ سستی دور کرنے کے لیے ہم دنیا بھر کے مختلف طریقے آزماتے ہیں، تو ایک مرتبہ اپنے پیر و مرشد کا تلقین کردہ یہ طریقہ بھی اپنا کر دیکھ لیجیے۔ بعید نہیں کہ یہی آپ کی کھوئی ہوئی چستی، تازگی اور مقصدیت واپس دلانے میں ایک روشن چراغ ثابت ہو جائے۔

تحریر:محمدعبداللہ نقشبندی

17/07/2026

تربیت اولاد کی 10 سنہری عادتیں
مرتب ✍🏻مفتی محمدعبداللہ نقشبندی

رسالہ حاصل کرنے کے لیے درج ذیل واٹس ایپ نمبر پر رابطہ فرمائیں
0336-5856666