Markazi Jamiat Ahle Hadith Attock مرکزی جمعیت اہلحدیث ضلع اٹک

02/01/2026

السلام علیکم ورحمتہ اللہ وبرکاتہ

🌿 ضلعی کابینہ وعاملہ تحصیلی امراء وناظمین کا بینہ وعاملہ کے لیے گذارشات

1️⃣ اخلاص نیت

اپنی تمام جدوجہد صرف اللہ کی رضا کے لیے رکھیں۔ عہدہ، نام یا شہرت نہیں بلکہ دین کی خدمت مقصد ہو۔

> ﴿وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ﴾
(البینہ: 5)

---

2️⃣ کتاب و سنت سے وابستگی

اپنا قول و عمل قرآن و سنت کے تابع رکھیں، کیونکہ اہلِ حدیث کی اصل پہچان یہی ہے۔
فیصلوں میں جذبات نہیں بلکہ دلیل کو بنیاد بنائیں۔

---

3️⃣ حسنِ اخلاق اور برداشت

لوگوں کے ساتھ نرمی، تحمل اور اچھے اخلاق سے پیش آئیں۔ اختلاف میں بھی شائستگی نہ چھوڑیں۔

> نبی ﷺ نے فرمایا:
“تم میں سب سے بہتر وہ ہے جس کے اخلاق سب سے اچھے ہوں”
(بخاری)

---

4️⃣ اتحاد و مشاورت

تنہا فیصلے نہ کریں، مشاورت کو شعار بنائیں۔
تحصیل کی ٹیم کو ساتھ لے کر چلیں، آپس کے اختلافات کو تنظیم کے اندر ہی حل کریں۔

---

5️⃣ مساجد اور علماء سے مضبوط تعلق

علماء، خطباء اور مساجد کے نظام سے رابطہ مضبوط رکھیں۔
دعوت، تعلیم اور اصلاحی سرگرمیوں کو ترجیح دیں۔

---

6️⃣ عوام کی خدمت

لوگوں کے مسائل سنیں، ان کے دکھ درد میں شریک ہوں۔
یاد رکھیں: قیادت خدمت کا نام ہے، حاکمیت کا نہیں۔

---

7️⃣ وقت کی پابندی اور نظم

تنظیمی کاموں میں سستی نہ کریں،
وقت کی پابندی، رپورٹنگ اور ذمہ داری کی ادائیگی کو اپنا شعار بنائیں۔
آپ کا خادم
ماسٹر طلحہ فرید
ناظم مرکزی جمعیت اہلحدیث ضلع اٹک

01/12/2025

15/10/2025

عبداللہ عزام صاحب کی پوسٹ نے کیا یاد دلایا دیا ۔۔@
آپ بیتی
یہ بات ہے 2005 کی ۔۔
عقیدے پر سمجھوتہ نہیں

یہ وہ وقت تھا جب زندگی کی مشکلات مجھے چاروں طرف سے گھیرے ہوئے تھیں۔ جیب خالی، مستقبل دھندلا، اور حالات ایسے کہ ہر راستہ بند نظر آتا تھا۔ انہی دنوں میرے دو رشتہ دارمیرے پاس آئے اور کہا کہ اگر آپ چاہو تو فلاں بندہ(قاد-یانی) جو آپ کا انتہائی قریبی اور رشتہ دار ہے، اور دو رگز پر آل اینڈ آل ہے، بس آپ کہنے کی دیر اور وہ آپ کو جو جاب آپ کہیں گے رکھ لے گا ۔
ظاہری طور پر یہ ایک سنہری موقع تھا،
ایک راستہ جو بھوک، تنگدستی اور پریشانیوں سے نجات دلا سکتا تھا۔

لیکن اُس لمحے میرے دل میں ایک ہی آواز گونجی: "ایمان کی قیمت روٹی کے چند ٹکڑوں سے زیادہ ہے۔"
میں نے نرمی مگر یقین کے ساتھ کہا،
"نہیں، میں بھوک سے مر جاؤں گا لیکن اپنے قادیانی رشتہ دار سے جاب نہیں لوں گا۔"

یہ فیصلہ آسان نہ تھا۔ میں انہی کے گھر پلا بڑھا تھا، انہی کے دسترخوان سے کھایا، انہی کے سائے میں جوان ہوا۔ جذبات کا ایک طوفان دل میں برپا تھا،
مگر عقیدے کا چراغ اندر روشن تھا۔ میں جانتا تھا کہ رزق دینے والا انسان نہیں، ربّ العالمین ہے۔ اگر وہ چاہے تو صحراؤں میں بھی پھول کھلا دیتا ہے، اور اگر نہ چاہے تو محلات میں بھی تنگی ڈال دیتا ہے۔

اس لمحے میں نے سمجھا کہ ایمان صرف زبان کا اقرار نہیں، بلکہ عمل کا امتحان بھی ہے۔
میں نے بھوک برداشت کی، مگر ضمیر کی بھوک مٹ گئی۔ میں نے روزی کھونے کا خطرہ مول لیا، مگر عقیدے کی حرمت محفوظ رکھی۔

وقت گزرا، حالات بدلے، اور اللہ نے وہ دروازے کھولے جن کا میں نے کبھی سوچا بھی نہ تھا۔ اس دن مجھے یقین ہوگیا کہ جو شخص ایمان پر قائم رہتا ہے، اللہ خود اس کے رزق کا ذمہ لے لیتا ہے۔
ایک ہفتہ بس ایک ہفتہ میں سعودی عرب کی طرف روانہ ہوا ۔
اب تک جو آنکھیں خشک تھیں اب وہ ساون بھادوں کی طرح برس رہیں تھیں ۔
دل کی عجیب کیفیت تھی ۔
جب روضة من رياض الجنة بیٹھا تھا تو سب بندھن ٹوٹ گئے ۔۔

آج جب پیچھے مڑ کر دیکھتا ہوں تو اللہ تعالیٰ کے فضل سے کہہ سکتا ہوں
میں نے روٹی نہیں، ایمان کو ترجیح دی۔
میں نے سہارا نہیں، سچائی کو چنا۔

اور یہی میری زندگی کی سب سے بڑی کامیابی ہے ۔۔

رَبَّنَا لا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ
سردار جواد علی خان

04/09/2025

دعا عبادت ہے، دعا مؤمن کا ہتھیار ہے۔
دعا سکون ہے، حوصلہ ہے، ڈھارس ہے۔
یہ وہ روشنی ہے جو مایوسی کے اندھیروں کو چیر دیتی ہے۔
یہ وہ طاقت ہے جو دل کو مضبوط اور روح کو مطمئن کر دیتی ہے۔
دعا دراصل اپنے رب سے راز و نیاز ہے،
چپکے چپکے اپنے مولا کو منانے کا نام ہے۔
دعا نہ کرنا گویا خالقِ کائنات کو ناراض کرنا ہے۔
دعا جھولی پھیلا کر مانگنے کا نام ہے،
التجاؤں اور آنسوؤں کے ساتھ ہاتھ بلند کرنے کا نام ہے۔
ہمارا رب اُس وقت خوش ہوتا ہے جب ہم اُس کے در کے سوالی بن جائیں۔
دعاؤں کے رنگ نرالے ہیں:
کبھی یہ قبولیت کی صورت میں نعمتیں عطا کر دیتی ہیں،
کبھی آنے والی مصیبتوں کو ٹال دیتی ہیں،
اور کبھی یہ آخرت کا قیمتی سرمایہ بن جاتی ہیں۔
بس مانگتے رہو!
اپنے رب کے در کے منگتے بن جاؤ۔
چلتے پھرتے مانگو،
آواز سے بھی مانگو،
خاموش دل سے بھی مانگو۔
وہ دلوں کے بھید جاننے والا ہے،
وہ خیالوں کو حقیقت بنانے والا ہے۔
سحری کے پرنور لمحوں میں مانگو،
جب رب کائنات آسمانِ دنیا پر نزول فرماتا ہے،
اور پکارنے والا پکار کر کہتا ہے:
"ہے کوئی مریض؟ میں شفا دوں۔
ہے کوئی تنگ دست؟ میں تونگری عطا کروں۔
ہے کوئی گناہوں میں ڈوبا ہوا؟ میں پاکیزگی بخش دوں۔"
وہی رب کہتا ہے:
"میں ہوں سب کچھ دینے والا،
بس مجھ سے مانگ!
مسلسل مانگ، دل سے مانگ، یقین کے ساتھ مانگ۔
مایوسی کے ساتھ نہیں، امید کے ساتھ مانگ۔"
اے بندے! مایوس نہ ہو، تُو تنہا نہیں ہے۔
میری طرف ہاتھ بڑھا، میں تیری بے بسی کو طاقت میں بدل دوں گا۔
تیری ناکامی کو کامیابی میں ڈھال دوں گا۔
تیری مایوسی کو اُمید کی روشنی میں تبدیل کر دوں گا ۔۔

دعاؤں کا دیا جلائے رکھ
امیدوں کے دیے جلائے رکھ۔

اندھیروں سے جنگ جیت لے گا
بس دل میں یقیں جگائے رکھ۔

مصیبت کے طوفاں رک جائیں گے
لبوں پر صدا دعائیں رکھ۔

خدا کے کرم پہ تکیہ کر
نظر کو ہمیشہ جھکائے رکھ۔

سردار جواد علی خان

01/09/2025

ان شاءاللہ تعالٰی
سیرت النبی کانفرنس
آج 01 ستمبر 2025ء بروز سوموار بعد نماز مغرب

:خصوصی خطابات
فضیلۃ الشیخ مولانا عبدالرحیم کلیم حفظہ اللہ تعالٰی آف ڈیرہ غازی خان اور
امیر مرکزی جمعیت اہلحدیث ضلع اٹک سردار جواد علی خان حفظہ اللہ

بمقام: جامع مسجد عثمان غنی اہلحدیث، نزد راجہ سی این جی، پنڈی گھیب

18/08/2025

انا للہ وانا الیہ راجعون
استاذ العلما ءیادگارسلف مولانا عتیق اللہ سلفی قضائے الہی سے وفات پاگئےاللہ تعالٰی ان کی مغفرت فرمائے ان کے لواحقین کو صبر جمیل عطا فرمائے۔
نماز جنازہ19 اگست بروز منگل صبح 10:30 بجےمرکز علوم اسلامیہ ستیانہ بنگلہمیں جبکہ دوسری نماز جنازہ بعد نماز ظہرہائر سیکنڈری بوائز سکول 36 گ ب فیصل آباد میں ادا کی جائے گی ان شاء اللہ

16/08/2025

بہادروں کے بیٹے بھی دلیر ہوتے ہیں ۔
اپنے سپاہی کی وصیت پوری کرنا کوئی آسان کام نہیں۔
ایسا ہی ایک بہادر اپنے سپاہی کی وصیت کو پورا کرنے کے لیے دشمن کے قلعوں کی دیواروں سے جا ٹکرایا۔
دشمن کے قلعے کی بلند و بالا دیواروں کے سائے میں جا کر اپنے شہید ساتھی کو دفن کرنا۔
یہ وہ ہمت ہے جو شیر کی داڑھ کے بیچ ہاتھ ڈالنے کے مترادف ہے۔ یہ جرأت ہر کسی کے حصے میں نہیں آتی، یہ تو شیر دل باپ کے شیر دل بیٹے کا شرف ہے۔
جو اپنے خون سے وفا کے چراغ جلاتا ہے اور جس کی ہمت کے سامنے دشمن کے قلعے بھی لرز اٹھتے ہیں
وہ بیٹا جو دشمن کے قلعے کو للکار کر کہتا ہے:
اے دشمن! تیرا قلعہ بڑا ہو سکتا ہے، مگر میری غیرت اور میرے عزم سے بڑا نہیں۔"
جو اپنے خون سے وفا کے چراغ جلاتا ہے اور جس کی ہمت کے سامنے دشمن کے قلعے بھی لرز اٹھتے ہیں ۔۔
دشمن کے قلعے میں قدم رکھنا جرأت ہے، مگر وہاں شہید کو دفن کرنا غیرت کی انتہا ہے۔
یہ ہمت تلوار سے نہیں، شیر دلوں کے خون سے جنم لیتی ہے۔
شیر کی داڑھ میں ہاتھ ڈالنا صرف وہی جانتے ہیں جن کی رگوں میں وفا اور بہادری دوڑتی ہو۔
یہ جرأت ہر کسی کے بس کی نہیں، یہ تو شیر دل باپ کے شیر دل بیٹوں کی میراث ہے۔۔۔
سردار جواد علی خان

15/08/2025

امیر مرکزی جمعیت اہلحدیث ضلع اٹک
فضیلۃ الشیخ سردار جواد علی خان صاحب حفظہ اللہ
15 اگست 2025ء کا خطبہ جمعہ المبارک
جامع مسجد عثمان غنی اہلحدیث، پنڈی گھیب میں ارشاد فرمائیں گے۔

الداعی الی الخیر: شعبہ سوشل میڈیا مرکزیہ ضلع اٹک