The Twelve Imams

23/08/2026

23/08/2026

Follow the *دشتِ نینوا* channel on WhatsApp: https://whatsapp.com/channel/0029Vb8vyZP3AzNPaTCPh736

21/08/2026

Imam Hassan Askari علیہ السلام

15/08/2026

یکم ربیع الاول شب ہجرت کو ١٤٤٧ سال گزر چکے ہیں۔ جب حضرت مولا علیؑ نے حضرت رسول اللہ ﷺ کے بستر پر سو کر مرضئ پروردگار خرید لی۔

جب حضرت رسول اللہ ﷺ نے فرمایا: آج رات میری جان کو یہاں خطرہ ہے، لہذا اے علیؑ! آپ میرے بستر پر سو جائیں۔

مولا علیؑ نے پوچھا: یارسول اللہ ؐ! کیا میرے سونے سے آپؐ کی جان بچ جائے گی ؟

نبی اکرم ﷺ نے اثبات میں جواب دیا۔ شیر خداؑ نے اس تجویز کو پسند کیا اور شہادت کے لیے پوری طرح سے آمادہ ہو کر سجدہ شکر بجا لائے کہ خدایا ! تیرا احسان ہے کہ تو نے مجھے اپنے رسولؐ کا فدیہ مقرر کیا ہے۔

مولا علیؑ نے رسول اکرم ﷺ کی سبز رنگ کی یمنی ردا اوڑھی جسے اس سے قبل نبی اکرمؐ اوڑھ کر سویا کرتے تھے۔ علی حیدر کرارؑ قتل گاہ کو پھولوں کی سیج سمجھ کر سو گئے۔

علی شیرِ خدا ؑ نے اپنے جسم کو تلواروں کے سپرد کر کے شجاعت کی ایسی لازوال داستان رقم کی جس کی کائنات میں مثال نہیں ملتی۔ آپ کے اس ایثار کو ملائکہ مقربین نے انتہائی تعجب سے دیکھا۔ خداوند عالم نے آپ کے اس ایثار کی وجہ سے ملائکہ پر مباہات کی تھی۔

رب العالمین نے آپؑ کے ایثار کی تعریف میں یہ آیت مجیدہ نازل فرمائی:

وَمِنَ النَّاسِ مَنْ يَّشْرِىْ نَفْسَهُ ابْتِغَآءَ مَرْضَاتِ اللّـٰهِ ۗ وَاللّـٰهُ رَءُوْفٌ بِالْعِبَادِ.
”اور انسانوں میں کوئی ایسا بھی ہے جو اللہ کی رضاجوئی میں اپنی جان بیچ ڈالتا ہے اور اللہ بندوں پر بہت مہربان ہے۔“ (سورة البقرة، آية ٢٠٧)

● طبقات کبریٰ، ج ١، ص ۲۲۷
● موسوعة الإمام علي بن أبي طالبؑ في الكتاب والسنة والتاريخ، ج ٩، ص ١٥٨
● كشف اليقين في فضائل أمير المؤمنينؑ، ص ٩٠
● تذكرة الخواص، ص ٤١

12/08/2026

عجب نہیں ہے جو اُمّت نے کربلا میں کیا
مدینے والے بھی میت کو تیر مارتے تھے
میثم علی آغا

12/08/2026

محمود بن لبید ؓ سے روایت ہے کہ رحلتِ پیغمبر اکرم ﷺ کے بعد ایک دن حضرت سیدہ فاطمہؑ میدانِ احد تشریف لائیں۔ شہدا کی قبور پر آئیں۔ جب حضرت حمزہؑ کی قبر اطہر پر آئیں تو آپؑ نے شدت کے ساتھ گریہ فرمایا۔ میں ان کے حضور پہنچا اور عرض کیا: اے دخترِ رسولِ خداؐ! اب رونے سے بس کریں۔

جب انھوں نے گریہ بند کیا تو میں نے سلام کیا اور عرض کیا: خدا کی قسم! آپؑ کے گریہ سے میرا قلب پارہ پارہ ہو گیا ہے۔

آپؑ نے فرمایا: اے ابو عمر! مجھے ہی گریہ سزاوار ہے، کیونکہ کائنات کے تمام آباء سے بہتر و برتر باپؐ کو رخصت کیے بیٹھی ہوں۔ اس وقت میرا دل اپنے باباؐ کے دیدار کے شوق میں دھڑک رہا ہے۔ پھر آپؑ نے فرمایا:

اِذا ماتَ يَوْماً مَيِّتٌ قَلَّ ذِكرُه
وَذِكْرُ اَبي مُذْ ماتَ وَاللهِ اَكْثَرُ

”جب کوئی اس دنیا سے رخصت ہوتا ہے تو آہستہ آہستہ اس کا ذکر کم ہونے لگتا ہے لیکن جس دن سے میرے باباؐ (رسولؐ اللہ) اس دنیا سے رخصت ہوئے ہیں خدا کی قسم ان کا ذکر بڑھتا چلا جا رہا ہے۔“

● بيت الأحزان، ص ١٦٩
● من هو المهدي، ٢٤٧
● كفاية الأثر، ص ١٩٨
● الأنوار البهية، ص ٣٤٣
● غاية المرام، ج ١، ص ٢٥٣

The Twelve Imams

06/08/2026

آخر زائرِ اربعین 21 صفر
2026

06/08/2026

💖

05/08/2026

● امام جعفر صادقؑ نے سجدہ کی حالت میں دعا کرتے ہوئے فرمایا:
اے خدایا! مجھ پر میرے بھائیوں پر اور میرے جد امجد حضرت امام حسینؑ کی قبر مبارک کی زیارت کرنے والوں پر رحم فرما کہ جنھوں نے اپنے مال کو راہِ حسینؑ میں خرچ کیا اور اپنے جسموں کو ہمارے ساتھ نیکی کرنے کی خاطر مشغول کیا، اس امید کے ساتھ کہ تیرے پاس ہمارے ساتھ بھلائی کا صلہ موجود ہے اور انھوں نے ایسا تیرے نبیؐ کو خوش کرنے کے لیے اور ہمارے حکم کی تعمیل کرتے ہوئے اور ہمارے دشمنوں کو ناراض کرتے ہوئے کیا اور انھوں نے اس کے ذریعے تیری خوشنودی حاصل کرنا چاہی۔

پس تو انہیں ہماری طرف سے اپنی رضا مندی اور خوشنودی کا صلہ عطا فرما اور تو دن رات ان کی حفاظت فرما اور ان کے پیچھے ان کے خاندان والوں اور ان کی اولاد کو ان کا بہترین جانشین قرار دے اور تو ان کا ساتھ دے اور تُو انھیں ہر جابر و سرکش کی شرانگیزی سے محفوظ فرما اور اپنی مخلوق میں سے ہر کمزور اور طاقتور کے ذریعے ان کی مدد فرما اور انھیں جن وانس کے شیاطین کے شر سے محفوظ فرما۔ اور یہ لوگ اپنے وطن سے دوری کے دوران جو کچھ خرچ کرتے ہیں اور تجھ سے امید رکھتے ہیں تو اس سے زیادہ بہتر انھیں عطا فرما اور انھوں نے اپنی اولاد، خاندان اور رشتے داروں سے زیادہ ہمیں اہمیت دی لہذا تو انھیں اس کا اجر اور بدلہ عطا فرما۔

● كامل الزيارات، ص ٢٢٨
● بحار الأنوار، ج ٩٨، ص ٨

حضرت امام جعفر صادقؑ کی اس دعا سے ہمیں یہ بھی پتا چلتا ہے کہ شیعہ اپنے اماموں کی ولادت اور شہادت کے موقع پر ان کے امر کو زندہ رکھنے کے لیے جو مال خرچ کرتے ہیں اور اس کے ذریعے اپنی اولاد، خاندان اور رشتہ داروں پر آئمہؑ کو ترجیح دیتے ہیں تو یہ بہت پسندیدہ فعل ہے۔

● مَقتَلُ الحُسَین (مُقَرَّم)، ص ١٣٥

follow: The Twelve Imams

04/08/2026

کیمرہ مین کا جب کیمرہ ایک بزرگ زائر پر پڑا تو وہ غمِ حسینؑ میں اس شدت سے اشک بہا رہے تھے کہ ہر دیکھنے والے کی آنکھ نم ہو گئی۔

السَّلَامُ عَلَيْكَ يَا أَبَا عَبْدِاللّٰهِ الْحُسَيْنِؑ