Anjuman e ASNA ASHRI Arifwala

13/01/2026

تمام عزاداران سے بھرپور شرکت کی استدعا ہے

09/01/2026

خون جگر سے پڑ یہ نمازِ حسین ع ہے
حاجی زوار عزادار
اللہ مولا تمام ماتمیاںِ سید الشہدا امام حسین علیہ السلام کو نظر بد سے محفوظ رکھیں اور اپنے حفظ و ایمان میں رکھیں الٰہی امین

29/12/2025

🙏🏻اَلسَّلامُ عَلَیکِ یَا بِنتَ وَلیِّ اللهِ المُعَظَّمِ🙏🏻

12/12/2025

‏اِنَّا اَعْطَيْنٰكَ الْكَوْثر

(اے رسُول ﷺ )ہم نے آپ کو کوثر (سیدہ فاطمہؑ زہرا) عطا کی۔
20 جمادی الثانی
تمام عالم اسلام کو سیّدہ فاطمہ بنت محمد ﷺ کا ظہور مبارک

22/09/2025

28/08/2025

*سید تصدق حسین زیدی* اعلی اللہ مقامہ
تاریخ عزاداری عارفوالا میں ایک بہت ہی گراں قدر اور بڑا نام ہے *سید تصدق حسین زیدی* اعلی اللہ مقامہ جن کی عارف والا کی عزاداری میں ایک الگ مقام اور پہچان ہے جسکی بہت سی وجوہات ہیں جن میں سے چند ایک سے ہم اپنے قارئین کو آگاہ کریں گے اس سے قبل کہ ہم سید تصدق حسین زیدی صاحب کے بارے میں کچھ لکھیں ہمیں تھوڑا ماضی میں جانا ہوگا آپ کے دادا *سید علی مردان زیدی* جن کا تعلق سادات برشت ضلع کرنال سے تھا جو کہ اس وقت رسالدار تھے اور کرنال سے ھجرت کرکے لدھیانہ آگئے تھے جن کے فرزند *سید وزیر حسن زیدی* 1880ء میں ڈسٹرکٹ اینڈ سیشن جج کلرک آف کورٹ لدھیانہ تھے

11دسمبر 1947 کو *سید تصدق حسین زیدی* جوکہ نائب تحصیلدار تھے لدھیانہ سے ھجرت کرکے عارف والا قیام پذیر ہوۓ جبکہ ان کی آمد سے قبل ہی ان کے بڑے فرزند *سیدمنظورحسین زیدی* جو کہ BA آنرز تھے اور محکمہ انہار ویسڑن پنجاب میں بطور ضلعدار خدمات سر انجام دے رہے تھے اور یوم عاشورہ کو مرکزی جلوس عزا سے سبزی منڈی چوک ریلبازار میں خصوصی خطاب بھی کیا کرتے تھے-وہ 1945 سے عارفوالا میں مقیم تھے اسی سبب سے سید تصدق زیدی یہاں آۓ 1947 میں عارف والا آمد کے بعد سید تصدق حسین زیدی کی اہلیہ جن کا تعلق کاظمی سادات سے تھا انہوں نے عارفوالا میں خواتین کے عشرہ کی بنیاد رکھی جس میں ان کو شیخ ولایت حسین مرحوم کی زوجہ محترمہ کا بھرپور تعاون حاصل رھا -
اسی دوران انہوں نے اپنے منجھلے بیٹے *سید ظہور حسین زیدی* جو کہ اعلی تعلیم یافتہ ،صورت وسیرت میں نہایت حسین ،وضع دار ، نرم گو ، خوش گفتار شخصیت کے مالک جن کو راۓ محمد شفیع صاحب مرحوم صدر انجمن کے ساتھ انجمن اثنا عشری عارف والا کے پہلے جنرل سیکرٹری ہونے کا بھی اعزاز حاصل ہے جنہوں نے عارفوالا کی عزاداری میں انمٹ نقوش چھوڑے اور مسجد و امام بارگاہ ڈی بلاک کی تعمیر میں اپنے رفقاء کے ساتھ ملکر کار ھاۓ نمایاں سر انجام دئیے جب مسجد صاحب الزماں کی الاٹمنٹ ہوئی تو فوری طور پر تمام رقم سید ظہور حسین زیدی صاحب نے اپنی گرہ سے ادا کی ۔

سید ظہور حسین زیدی صاحب کا عقد قدیمی عزادار نقوی فیملی امام بارگاہ خیمۀ سادات لاہور میں ہوا جسکا اثر یہ ھوا کہ اپنے والد گرامی سید ظہور حسین زیدی اور اجداد کے نقش پا پر چلتے ہوۓ فرزندان سید ظہور حسین زیدی *سیدحسن مہدی زیدی* *سیدمحمدھادی حسین زیدی* *سیدبشارت عباس زیدی* نے بھی عزاداری عارفوالا میں کار ھاۓ نمایاں سر انجام دئے جن کو الگ سے تحریر کیا جاۓ گا -

سید تصدق زیدی صاحب کے سب سے چھوٹے بیٹے *سیداعجاز حسین زیدی* جو کہ 1956 میں FC کالج کے BA آنرز میں گولڈ میڈلسٹ تھے نے انجمن کی فلاح وبہبود کے ہر طرح کا مالی تعاون کیا خانوادہ *سید تصدق حسین زیدی* کی عارفوالا کی عزاداری میں خدمات نا قابل فراموش ہیں اللہ کریم اس خانوادے کے گزشتگان کو اعلی علیین میں سے قرار دے اور کروٹ کروٹ جنت نصیب فرماۓ
ھم خانوادہ سید تصدق حسین زیدی کو ان کی گراں قدر خدمات پر خراج عقیدت پیش کرتے ہیں
التماس سورۀ فاتحہ براۓ مرحومین

23/08/2025

آج عارفوالہ میں شھادتِ مولا محمد مصطفیٰ اور شہادت مولا امام حسنؑ علیہ السلام
کے سلسلہ میں انجمن اثناعشری رجسٹرڈ عارفوالہ کی زیرِ نگرانی میں نکالے گئے جلوس کے اختتام پر
جنرل سیکرٹری سیدمزمل نصیر زیدی نے
صدر رائے امان اللہ و دیگر آراکین کے ہمراہ
تمام اداروں کا شکریہ ادا کیا

21/08/2025

حکیم سید نذر حسین بخاری علی اللہ مقامہ (1919-1992)
مرکزی امام بارگاہ سے منسلک جامع مسجد صاحب الزمان ع میں 1965 کے پر آشوب دور میں پیش امام کی حثیت سے تشریف لاۓ اور آپ کی شفیق و ھمدرد رویے نے عارفوالا کے شیعان حیدر کرار کےدل موہ لئے حکیم صاحب 1976 تک خدمات سر انجام دیتے رہے اور پھر اپنی نجی مصروفیات کی بنا پر پیش امام کے عہدہ سے سبکدوش ہوگئے ۔
حکیم نذر حسین بخاری کی فیملی کی بارگاہ دربار اھل بیت ع کے لئے گراں قدر خدمات ہیں حکیم صاحب شعیان عارفوالا کی دو نسلوں کو تعلیمات محمد وآل محمد ص سے رو شناش کرایا ان کا دور اس حوالہ سے ایک سنہری دور تھا انہوں نے احیاء علوم آل محمد ص کی ترویج کے لئے انتھک کاوش کی ۔
آپ لوگوں کی بھر پور گزارش پر 1982 سے 1987 تک دوبارہ پیش امام رہے لیکن اپنے جوان فررند سید دانش بخاری (1947-1982) جنرل سیکرٹری انجمن اثناء عشری کی نا گہانی وفات کے بعد ایک بار پھر خانگی مصروفیات کی بناء پر پیش امامت سے دستبردار ہو گئے

اور پھر آپ کے فرزند ارجمند ہر دل عزیز شخصیت سید ذوالفقار حیدر ساجد بخاری (1960-2023)جنہوں نے اپنی خاندانی روایات کو برقرار رکھتے ہوۓ بطور جنرل سیکرٹری تقریباً بیس سال اپنی خدمات مرکزی امام بارگاہ اور عزاداری امام مظلوم کے لئےپیش کی اور یہ سلسلہ ان کی وفات تک جاری وساری رہا

ہم خانوادہ حکیم نذر حسین بخاری کی خدمات کو خراج عقیدت پیش کرتے ہیں اوردعا گو ہیں کہ رب ذوالجل خانوادے کے تمام مرحومین کو جوار معصومین میں جگہ دیں ۔
التماس سورۃ فاتحہ

17/08/2025

شیخ ولایت حسین مرحوم
انجمنِ اثناء عشری کی بُنیاد میں سب سے اہم نام جن کے دور اندشی اور مُدابِرانہ فیصلوں کئ بدولت آج انجمن ایک ڈسپلن ادارہ ہے ۔انکی عزاداری کے لئے خدمات بھی قابل تحسین ہیں
1948 سے 1986 تک جناب سیدہ سلام اللہ علیہا کی خدمت کئ
بطور صدر انجمن اثنا عشرئ تاحیات فرائض سر انجام دیئے اُس وقت تابع شاہ جی خزانچی اور جعفر پٹواری جنرل سیکرٹری تھےہم اُنکی خدمات کو خراج عقیدت پیش کرتے ہیں -

شیخ ولایت حسین صاحب کے اِس دُنیا سے پردہ کر جانے کے بعد انکی خدمات کا یہ سلسلہ جاری رہا اور حاجی شیخ محمد ذکی صاحب نے صدارت کا عہدہ سنبھالا اور اپنےپدر بزر گوار کی خدمات کا سفر جاری رکھا اور ان کے بارگاہ ایزدی میں منتقل ہو جانے پر جاجی شیخ ارشد علی صاحب نے بحثیت خزانچی اپنے آباء کا طریق اپنایا اور خدمت کا یہ سلسلہ جاری رھا-
18 March 1986
وفا ت شیخ ولایت حسین مرحوم
اللہ تعالی بطفیل محمد وآل محمد جوار آئمہ میں جگہ عطا فرمائے
آپ سے سورہ فا تحہ کی التماس ہے

14/08/2025

مجھے یہ شام میں لاحق رہی پریشانی
قدم کہاں پہ رکھوں میں کہاں پیشانی
ہائے شام ہائے شام
💔💔😭