Minhaj ul Quran Abbottabad Pk-42

08/12/2025

انسان کا دل کب ،کیسے اور کیوں بیمار ہوتا ہے ؟

مجدد المئتہ الحاضرہ حضور شیخ الاسلام دامت برکاتہم العالیہ

28/11/2025

اعمال صالحہ و نیکیوں پر استقامت کیسے حاصل کریں ـــــــ؟؟ روحانیت کی باتیں

شیخ الاسلام ڈاکٹر محمد طاہر القادری

14/11/2025

ناظم تحریک منہاج القرآن پٹن خورد ،ایبٹ آباد

محترم محمد ممتاز عباسی صاحب کے برادر اکبر صوفی محمد الطاف عباسی صاحب بتقدیر الٰہی وفات پاگئے ہیں ۔ نماز جنازہ بعد از جمعہ سہہ پہر 03 بجے ادا کی جائے گی ۔

انا للہ وانا الیہ راجعون

مالک کریم مرحوم کی اخروی منازل کو آسان فرمائے ۔پسماندگان کو صبر جمیل نصیب کرے

آمین بجاہ خاتم الانبیاء و المرسلین

12/11/2025

بچوں کی تربیت کا آغاز کہاں سے ہوتا ہے اور اس سلسلہ میں ہمیں احتیاط کب کرنی چاہیے ؟

کیا میاں اور بیوی کا اثر اولاد پر ہوتا ہے ؟

پروفیسر ڈاکٹر حسین محی الدین قادری

28/10/2025

27/10/2025

Keynote Speech Allama Hafiz Tahir Mehmood Ashrafi
Chairman of Pakistan Ulema Council
8th International Conference on World Religions Minhaj University Lahore - MUL

14/10/2025

آئیے! محبت، بھائی چارے اور اتحادِ امت کا پیغام عام کریں

منہاجُ القرآن پٹن کلاں کے زیرِ اہتمام
پیغامِ عشقِ مصطفیٰ ﷺ و اتحادِ اُمت کانفرنس
📅 19 اکتوبر 2025
📍 جباں پٹن کلاں (ایبٹ آباد)

ٰ





#منہاج

09/10/2025

" تشہیری مہم کا تیسرا روز "

پیغام عشقِ مصطفیٰ و اتحاد امت کانفرنس

تحریک منہاج القرآن پٹن کلاں و پٹن خورد کے زیر اہتمام یہ عظیم الشان کانفرنس ان شاءاللہ الکریم ــــــــــــ 19 اکتوبر 2025 جباں بازار ( پٹن کلاں ) ایبٹ آباد میں منعقد ہوگی ۔

منہاج یوتھ لیگ اور مصطفوی سٹوڈنٹس موومنٹ ( پٹن کلاں) کے قابل فخر نوجوان اس کانفرنس کی تشہیر کے لیے پینا فلیکس پٹن خورد و کلاں و مضافات میں لگاریے ہیں ۔

نوجوان کی یہ لگن ، اخلاص ، جہد مسلسل اور یہ جزبہ انقلابی فکر کا عکاس ہے ۔

عمیق قلب سے مبارکباد

منجانب: تحریک منہاج القرآن Pk_42 ایبٹ آباد

09/10/2025

روز ازل سے ہی انسان کی راہنمائی اور ہدایت کے لئے اللہ تعالی نے انبیاء علیہم السلام کا انتخاب فرمایا، جنہوں نے ہر دور میں معاشرے کوہدایت اور راستی پر چلانے کی حتی المقدور کوشش کی اور لوگوں کو اللہ تعالی کے حقیقی فرمانروا، بندگیء خدا، تعلیمات دین اور انبیاء علیہم السلام کی پیروی کا درس ملتا رہا۔

انبیاء علیہم السلام کے بعد دعوت وتبلیغ دین، اصلاح احوال امت، تجدید واحیائے اسلام اور ترویج واقامت دین کی ذمہ داریاں اسلام کے سچے جانشینوں نے نبھائیں اور یہ وہ برگزیدہ ہستیاں اور علماء حق ہیں جو علم وعمل، صدق واخلاص اور خدمت دین کا کامل ترین نمونہ بنے رہے۔ ایسے ہی لوگوں کے طفیل تعلق باللہ، ربط رسالت، رجوع الی القرآن، اتحاد امت اور اقامت دین کے سلسلہ میں وہ کامیابیاں نصیب ہوئیں کہ لوگوں کو حق کی راہنمائی اور سچائی کا راستہ مل گیا، بھلائی اور نیکی سے محبت اور بدی و برائی سے نفرت پیدا ہو گئی۔ خلاصہ یہ کہ اندھیروں سے نکل کر اجالوں کا سفر روز روشن کی طرح عیاں ہو گیا۔

تاریخ اسلام کے نشیب و فراز کے مطالعہ سے معلوم ہوتا ہے کہ اہل کفر نے اسلام کو نقصان پہنچانے کے لئے ہر حربہ اپنایا۔ چنانچہ دور جدید میں بھی مغرب کی یلغار سے شمع اسلام کو گل کرنے کی عالمی سازشیں، اسلامی اقدار اور شعائر کا استہزاء، تفرقہ و دہشت گردی اور انتہاء پسندی کو مسلمانوں سے نتھی کرنے کی سازشیں کی جارہی ہیں۔ تمام ثقافتی و نفسیاتی اکھاڑ بچھاڑ کے باوجود اب تک مذہبی معاشرہ قائم ہے۔ تھوڑی بہت کمی بیشی کے ساتھ عقائد و اعمال کا پورا ڈھانچہ قائم و دائم ہے۔ مکار دشمن کی ہمہ جہت سازشوں کے باوجود دین اسلام کی یہ صحت و سلامتی یقینا اللہ تعالی کے دست قدرت کا معجزہ ہے لیکن اس راہ میں علماء دین کی خدمات بہرحال قابل تحسین ہیں۔

معاملہ دعوت و تبلیغ کا ہو یا تعمیر اخلاق کا، بات دینی تعلیم کی ہو یا فکری راہنمائی کی، ضرورت تقوی و طہارت کی ہو یا رشد و ہدایت کی، مسئلہ کردار سازی کا ہو یا اجتماعی چارہ ساز کا، نگاہیں اب بھی بے اختیار علماء کی طرف ہی اٹھتی ہیں کیونکہ علماء ہی حقیقت میں علوم نبوت کے وارث اور منصب قیادت و سیادت کے اہل ہیں۔

جب بھی امت مسلمہ پر کڑا اور سخت وقت آیا اور اہل ایمان مایوسیوں کے اندھیروں سے دوچار ہونے لگے تو دین اسلام کی ساکھ بچانے کے لئے اہل حق علماء ہی سامنے آئے، ہر تحریک کی انہوں نے ہی قیادت کی۔ لیکن شومئی قسمت کہ آج یہ عظیم ہستیاں منصب قیادت پر جلوہ افروز دکھائی نہیں دے رہیں۔ مسلم ممالک کے حکمران طبقات بھی روح اسلام سے ناآشناء، نفاذ اسلام سے برگشتہ اور فروغ اسلام سے یکسر لا تعلق ہیں۔ یہی وجہ ہے کہ پوری دنیا کے مسلمان جگ ہنسائی کا موجب بن رہے ہیں، نیکی اور بدی کی تمیز ختم ہوتی جارہی ہے، دعوت اور اعلاء کلہ حق کی طاقت کمزور ہو رہی ہے، آج ملت اسلامیہ پارہ پارہ اور امت ٹکڑے ٹکڑے ہوتی جارہی ہے۔ جس امت نے زمانے کو ایک خدا، ایک رسول، ایک کتاب، ایک کلمہ اور ایک امام الانبیاء سے روشناس کرایا تھا وہ خود ’’بے امام‘‘ بن کر رہ گئی ہے۔ بے شک امت میں کچھ اختلافات، تاریخی تنازعات اور بعض فقہی آراء میں تضادات موجود ہیں لیکن اس سب کے باوجود دعوت و تبلیغ دین، اصلاح احوال امت، تجدید و احیائے اسلام اور ترویج واقامت دین کا جذبہ ان سب پر حاوی اور بھاری ہے اور اسی جذبے اور عزم کو ایک نیا جوش دے کر بڑی سے بڑی کلامی، تاریخی اور فقہی خلیج کو عبور کر کے مصطفوی انقلاب کا ہمسفر ہوا جاسکتا ہے۔

اس وقت دنیا بھر میں کئی جماعتیں، ادارے اور تنظیمیں اپنے اپنے دائرہ کار کے مطابق خدمت دین میں مصروف عمل ہیں لیکن بیشتر تنظیمیں مسلکی اور فرقہ وارانہ بنیادوں پر کام کر رہی ہیں۔ بعض کی بنیاد علاقائی و جغرافیائی ہے، کچھ سیاسی وسماجی اور کچھ گروہی مفادات کے تحفظ کے لئے کام کر تی دکھائی دیتی ہیں۔ اسی طرح ایک دوسرے کے عقائد پر طعن و تشنیع، اور تنقید وتنقیص کے لئے کام کرنا بدقسمتی سے جماعتوں کی پہچان بن گئی ہے۔

ان حالات کے پیش نظر ملت اسلامیہ کی نشاۃ ثانیہ اور احیائے اسلام کے عالمگیر مقصد کو پورا کرنے کے لئے شیخ الاسلام پروفیسر ڈاکٹر محمد طاہرالقادری نے ربع صدی قبل تحریک منہاج القرآن کی بنیادرکھی۔ اس تحریک میں مختلف نظامتیں، شعبہ جات، فورمز اور ونگز اپنے اپنے دائرہ کار کے مطابق تحریر، تقریر، تنظیم، تحقیق، اشاعت، درس و تدریس اور تعلیم و تربیت کے امور میں مصروف ہیں۔ اور اس میں ہر اول دستے کے طور پر کام کرنے کے لئے منہاج القرآن کونسل کا وجود عمل میں لایا گیاہے۔

جیسا کہ اوپر واضح کیاگیا ہے کہ اسلام کی کوئی تحریک علماء کرام اور مشائخ عظام کی قیادت کے بغیر منزل مقصود تک نہیں پہنچ سکتی۔ انہی مقاصد اور ضروریات کو پایہ تکمیل تک پہنچانے کے لئے علماء و مشائخ کے دروازوں پر دستک دی جا رہی ہے کہ آیئے! ہم سب مل کر دینی اقدار کے احیاء، تحفظ اور اقامت دین کیلئے اپنا کردار ادا کر کے مصطفوی نظام کا خواب شرمندہ تعبیر کر دیں۔

ایسے تمام علماء و مشائخ جو منہاج القرآن علماء کونسل کے مقاصد سے ذہنی ہم آہنگی رکھتے ہوں اور شیخ الاسلام ڈاکٹر محمد طاہرالقادری کی کاوشوں اور خدمات کے معترف ہوں اور اس قیادت کے شانہ بشانہ کام کرنے کا جذبہ رکھتے ہوں اور باقاعدہ تنظیم سے وابستہ ہو کر اپنی صلاحیتوں کو دین اسلام کی خدمت کے لئے وقف کرنا چاہتے ہوں تو ان کے لئے ضروری ہے کہ منہاج القرآن علماء کونسل میں شمولیت میں شمولیت کریں.

آئیے! ہم سب مل کر اس پیغامِ عشقِ رسول ﷺ اور اتحادِ امت کے عظیم مشن کو عام کرنے میں منہاج القرآن انٹرنیشنل کا دست و بازو بنیں۔

07/10/2025

تشہیری مہم ـــــــــــــ !!

تحریک منہاج القرآن پٹن کلاں و پٹن خورد ( ایبٹ آباد) کے زیر اہتمام
"پیغام عشقِ مصطفیٰ و اتحاد امت کانفرنس " کی تشہیری مہم کا آغاز ۔

مصطفوی سٹوڈنٹس موومنٹ ( پٹن کلاں ) اور منہاج یوتھ لیگ ( پٹن کلاں ) کے نوجوان علاقہ بھر اور گردونواح میں کانفرنس کے فلیکسز آویزاں کرنے میں مصروف عمل ۔

تشہیری مہم میں محترم امجد عزیز ( صدر منہاج یوتھ لیگ پٹن کلاں ) کی زیر نگرانی محمد عامر عباسی ، حافظ مدثر مصطفوی، صہیب احمد اور فیضان عباسی شامل ہیں ۔