02/05/2026
Unom ka adlaw imuha, sa Ginoo isa ra. -Admin Jefferson Magnase~]
Apan hain man niining mga adlawa ang gipili sa Dios?
Sukad pa sa Eden, human gibuhat ang kalibutan, ang ikapito nga adlaw (Sabado) gilain ug gipakabalaan na sa Dios (Genesis 2:2-3).
Wala kini mausab didto sa Bukid sa Sinai sa dihang gisulat kini sa tudlo sa Dios sa bato (Exodo 20:8-11).
Bisan si Kristo, ang atong Manunubos, nagbantay sa Sabado isip Iyang naandan (Lucas 4:16), ug ang Iyang mga sumusunod nagpadayon sa pagbantay niini bisan human sa Iyang kamatayon (Lucas 23:54-56). Walay bisan usa ka teksto sa Bibliya nga nag-ingon nga ang pagkabalaan sa Sabado gibalhin ngadto sa Dominggo.
Mismo ang Simbahang Katoliko nag-angkon nga ang pagbalhin sa pagsimba gikan sa Sabado ngadto sa Dominggo dili gikan sa Bibliya, kondili gikan sa ilang awtoridad.
Ania ang gisulti sa ilang mga otoridad
"Mahimo nimo basahon ang Bibliya gikan sa Genesis hangtod sa Pinadayag, ug wala kay makit-an nga bisan usa ka linya nga nagmando sa pagbalhin sa Dominggo. Ang Kasulatan nagmando sa relihiyosong pagbantay sa Sabado,usa ka adlaw nga wala nato balaana." > — James Cardinal Gibbons, The Faith of Our Fathers, p. 89.
Ang Simbahang Katoliko... pinaagi sa iyang balaanong misyon, nag-usab sa adlaw gikan sa Sabado ngadto sa Dominggo." (The Catholic Mirror, Sept. 23, 1893).
Sa "Convert's Catechism of Catholic Doctrine" ni Peter Geiermann, kini ang nakasulat:
Q: Unsa ang adlaw nga Igpapahulay?
A: Ang Sabado mao ang adlaw nga Igpapahulay.
Q: Nganong nagsimba man kita sa Dominggo imbis sa Sabado?
A: Tungod kay ang Simbahang Katoliko mibalhin sa pagkabalaan gikan sa Sabado ngadto sa Dominggo.
Dili lang ang Bibliya ang nag-ingon nga ang Sabado mao ang tinuod nga adlaw sa pagsimba.
Bisan ang kasaysayan sa simbahan miila niini. Sa Council of Trent (Jan. 18, 1562), ang Archbishop nga si Gaspare de Fosso namahayag:
"Ang Sabado, ang labing mahimayaong adlaw sa balaod, giilisan ngadto sa adlaw sa Ginoo... apan kini giusab pinaagi lamang sa awtoridad sa simbahan." (Ref: Mansi, Vol. 33, p. 529-530).
Kon ang Dios wala nagbag-o sa Iyang balaod, nganong kita man ang magbag-o? Balik ta sa kamatuoran sa Bibliya.
Kinsa ang imong sundon? Ang tradisyon sa tawo o ang Pulong sa Ginoo? 🧐
Kon ang Bibliya ang atong basehan, ang Sabado mao ang tinuod nga adlaw sa pagsimba. 📖✨
Sa Bibliya, ang prinsipyo sa pagsimba dili "attendance" lang sulod sa duha ka oras nga "service" sa buntag.Dili duha ka oras o tulo ka oras nga pagbisita sa simbahan.Kondili kini usa ka tibuok adlaw nga pakig-uban sa Magbubuhat. Gikan sa pagsalop sa adlaw sa Biyernes hangtod sa pagsalop sa adlaw sa Sabado (Levitico 23:32).
Ang prinsipyo sa Bibliya gikan sa Eden hangtod sa Sinai mao ang paghalad sa TIBUOK ADLAW ngadto sa Ginoo.
Ang Sabado (Ikapito nga adlaw) gipakabalaan sa Dios para sa tibuok 24-oras nga pahuway ug panag-uban (Genesis 2:1-3).
Bisan ang Simbahang Katoliko miila niini:
"The Sabbath, the most glorious day in the law... was a whole day."
The Christian Sabbath" nga gipatik sa The Catholic Mirror (Septiyembre 1893) ubos sa awtoridad ni James Cardinal Gibbons.
Si Kristo nagbilin og ehemplo nga ang tibuok Sabado igahin sa pagbuhat og maayo ug pagsimba (Lucas 4:16). Ayaw tipaki ang panahon sa Ginoo. Ihatag ang tibuok adlaw kaniya!
![Unom ka adlaw imuha, sa Ginoo isa ra. -Admin Jefferson Magnase~]Apan hain man niining mga adlawa ang gipili sa Dios?Suka...](https://img4.prayers1.com/172/070/1371117521720703.jpg)
