Parokya ni San Gregorio Magno/Trece

16/04/2026

“𝐒𝐚’𝐤𝐢𝐧𝐠 𝐩𝐚𝐠𝐥𝐚𝐥𝐚𝐤𝐛𝐚𝐲,𝐒𝐚 𝐛𝐮𝐧𝐝𝐨𝐤 𝐧𝐠 𝐛𝐮𝐡𝐚𝐲…
𝐒𝐚 𝐥𝐢𝐠𝐚𝐲𝐚’𝐭 𝐥𝐮𝐦𝐛𝐚𝐲,𝐌𝐚𝐠𝐢𝐧𝐠 𝐭𝐚𝐥𝐚𝐧𝐠 𝐠𝐚𝐛𝐚𝐲.”

In every climb and descent, life offers both joy and sorrow. Yet like a guiding star, God’s light remains—steady, constant, and true. When the path feels steep, His presence shines to lead us onward.

The journey may be long, but with faith, love, and hope, every step becomes a prayer, every trial a lesson, and every triumph a song of gratitude. 🌠🕯️🤍

14/04/2026

𝐋𝐢𝐬𝐭𝐞𝐧𝐢𝐧𝐠 𝐂𝐢𝐫𝐜𝐥𝐞

Sa diwa ng Taon ng Pakikinig, matagumpay na isinagawa noong Abril 12, 2026 ang Listening Circle na dinaluhan ng mga Parish Pastoral Council Members at kinatawan mula sa iba’t ibang sektor ng ating lipunan. Sa pagtitipong ito, naging bukás ang bawat isa sa pagbabahagi ng kani-kanilang karanasan, saloobin, at pananaw—mga kwentong sumasalamin sa kanilang personal na paglalakbay, pananampalataya, at pakikibaka sa araw-araw na buhay.

Sa bawat pagbabahagi, nabigyang tinig ang mga damdaming madalas ay hindi naipapahayag, at sa bawat pakikinig, nabuo ang isang mas malalim na pag-unawa at paggalang sa isa’t isa. Ang Listening Circle ay nagsilbing isang ligtas at mapagkalingang espasyo kung saan ang bawat isa ay malayang nakapagpahayag, at ang bawat kwento ay tinanggap nang may bukas na puso at isip.

13/04/2026

𝐃𝐢𝐯𝐢𝐧𝐞 𝐌𝐞𝐫𝐜𝐲 𝐌𝐨𝐭𝐨𝐫𝐜𝐚𝐝𝐞

Noong Abril 12, 2026 ay isinagawa ang motorcade para sa kapistahan ng Divine Mercy. Sa kabila ng matinding init ng araw, nanatiling matatag at buo ang bawat pusong naglalakbay—taglay ang malalim na pananampalataya, matibay na pag-asa, at ang walang kapantay na pagmamahal ng Diyos. Sa bawat paghakbang at pagdalaw ng mahal na Divine Mercy sa iba’t ibang chapel, higit na nadama ang Kanyang mapagkalingang presensya at ang Kanyang matamis na paanyaya: na sa gitna ng anumang pagsubok, pagod, at alinlangan, ang Kanyang banal na awa ay laging sapat, hindi nagmamaliw, at tunay na walang hanggan.

12/04/2026

𝐒𝐢𝐦𝐛𝐚𝐡𝐚𝐲𝐚𝐧 𝐎𝐫𝐢𝐞𝐧𝐭𝐚𝐭𝐢𝐨𝐧

Sa diwa ng pagkakaisa at paglilingkod, matagumpay na isinagawa noong Abril 11, 2026 ang Simbahayan Orientation na dinaluhan ng mga masisipag at dedikadong coordinator mula sa iba’t ibang community, ministri, at religious organization ng Parokya ni San Gregorio Magno.

08/04/2026

𝐋𝐢𝐧𝐠𝐠𝐨 𝐧𝐠 𝐏𝐚𝐬𝐤𝐨 𝐧𝐠 𝐌𝐮𝐥𝐢𝐧𝐠 𝐏𝐚𝐠𝐤𝐚𝐛𝐮𝐡𝐚𝐲

Bilang paggunita sa muling pagkabuhay ni Hesukristo, ginanap noong Abril 6, 2026, sa ganap na ika-4 ng umaga, ang tradisyunal na Salubong—ang makabuluhang pagtatagpo ng Mahal na Birheng Maria at ng Kristong muling nabuhay. Pinangunahan ito ng mga chapel communities ng Aguado at Inocencio.

Dumalo ang mga deboto at mananampalataya mula sa iba’t ibang komunidad. Sa kabila ng dilim ng madaling-araw, nagningning sa puso at isipan ng bawat isa ang alaala ng dakilang sakripisyo at walang hanggang pagmamahal ni Hesus.

Matapos ang makabuluhang prusisyon, sinundan ito ng Banal na Misa na pinangunahan ni Rev. Fr. Dionisio Vargas-Palingping—isang taos-pusong pagdiriwang ng tagumpay ng buhay laban sa kamatayan.

Siya’y nabuhay! Alleluia! Alleluia!

08/04/2026

Isang dakilang biyaya at kagalakan para sa aming lahat ang makiisa sa pagdiriwang ng kaarawan ng aming minamahal na pastol, 𝐑𝐞𝐯. 𝐅𝐫. 𝐃𝐢𝐨𝐧𝐢𝐬𝐢𝐨 𝐕𝐚𝐫𝐠𝐚𝐬 𝐂. 𝐏𝐚𝐥𝐢𝐧𝐠𝐩𝐢𝐧𝐠. Ang iyong buhay na inialay sa paglilingkod sa Diyos at sa Kanyang bayan ay patunay ng iyong tapat na pagmamahal at malasakit sa bawat isa sa amin.

Sa araw na ito, taos-puso kaming nagpapasalamat sa Panginoon sa kaloob mong buhay—isang buhay na patuloy na nagbibigay liwanag, pag-asa, at inspirasyon sa aming pananampalataya. Dalangin namin na patuloy kang pagkalooban ng ating Panginoon ng matibay na kalusugan, sapat na lakas, at mahabang buhay upang maipagpatuloy mo ang iyong bokasyon.

Muli, isang taos-pusong pagbati ng maligayang kaarawan, Fr. Diony! Nawa’y patuloy kang gabayan at pagpalain ng Panginoon ngayon at magpakailanman.

08/04/2026

𝐒𝐚𝐛𝐚𝐝𝐨 𝐝𝐞 𝐆𝐥𝐨𝐫𝐢𝐚

Sa magdamagang pagdiriwang ng Sabado de Gloria noong Abril 4, 2026, ating nasaksihan ang dakilang hiwaga ng Pasko ng Muling Pagkabuhay. Sumiklab ang liwanag ng pag-asa—ang tagumpay ni Kristo laban sa kamatayan ay naging tagumpay din ng ating pananampalataya. Sa bawat dasal, awit, at pagdiriwang, ipinapaalala sa atin na ang muling pagkabuhay ay simula ng bagong buhay, bagong pag-asa, at walang hanggang pag-ibig ng Diyos para sa lahat.

07/04/2026

𝐁𝐲𝐞𝐫𝐧𝐞𝐬 𝐒𝐚𝐧𝐭𝐨

Sa matahimik at mapagnilay na araw ng Biyernes Santo, Abril 3, 2026, taimtim na isinagawa ang paggunita sa paghihirap at kamatayan ng Panginoon, isinagawa ang taos-pusong Pagpaparangal sa Krus na Banal, tanda ng ating pasasalamat at pag-ibig sa sakripisyong nagligtas sa atin na sinundan ito ng banal at matahimik na Prusisyon ng Paglilibing, kung saan sabay-sabay nating inalala ang Kanyang pagpanaw—hindi bilang wakas, kundi bilang simula ng pag-asa at kaligtasan.

06/04/2026

06/04/2026

𝗗𝗮𝗮𝗻 𝗻𝗴 𝗞𝗿𝘂𝘀

Isinagawa noong Abril 3, 2026 ang taimtim na Daan ng Krus, kung saan sama-samang nagnilay ang mga mananampalataya sa paghihirap at sakripisyo ng ating Panginoon. Sa bawat istasyon, muling pinagnilayan ang Kanyang walang hanggang pag-ibig at handog na buhay para sa ating kaligtasan. Nawa’y magsilbi itong paalala sa atin na sa gitna ng pagsubok, may pag-asa, at sa bawat krus na ating pinapasan, naroon ang biyaya ng Kanyang presensya.