GKK Señor Santo Niño Chapel - Makabayan Village - Diocese of Tagum

GKK Señor Santo Niño Chapel - Makabayan Village - Diocese of Tagum THE OFFICIAL FACEBOOK PAGE. Usa ka Gagmay'ng Kristohanong Katilingban nga nahisakop sa Birhen sa Kasilak Parish sa Madaum, Tagum City.

Natukod isip usa ka Kapilya ug GKK kaniadtong 1990 ilawom sa titular sa MAHAL NGA SEÑOR SANTO NIÑO.

Mag-ampo kita sa Ginoong Dios uban sa Batang Hesus, si Señor Santo Niño alang sa atong pinuy-anan dinhi sa isla sa Minda...
08/06/2026

Mag-ampo kita sa Ginoong Dios uban sa Batang Hesus, si Señor Santo Niño alang sa atong pinuy-anan dinhi sa isla sa Mindanao, nga nag-atubang karon sa makusog nga linog nga nahitabo kaganinang buntag, nga mikalas sa daghang mga kinabuhi ug kabtangan.

Hatagan unta kita og dugang paglaum ug kusog sa pagsagubang sa nahitabo karon. Magtinabangay kita isip usa ka katilingban alang sa kahupayan ug kalinaw sa usa'g usa, ilabina sa panahon sa kalisod.

Mahal nga Señor Santo Niño, kaloy-i kami!

𝐓𝐀𝐍-𝐀𝐖𝐀 | 𝐂𝐔𝐋𝐌𝐈𝐍𝐀𝐓𝐈𝐎𝐍 𝐑𝐈𝐓𝐄𝐒 𝐎𝐅 𝐅𝐋𝐎𝐑𝐄𝐒 𝐃𝐄 𝐌𝐀𝐘𝐎 𝟐𝟎𝟐𝟔Sa dakong kalipay ug pagpasalamat, atong gitapos ang tinuig nga pagsau...
29/05/2026

𝐓𝐀𝐍-𝐀𝐖𝐀 | 𝐂𝐔𝐋𝐌𝐈𝐍𝐀𝐓𝐈𝐎𝐍 𝐑𝐈𝐓𝐄𝐒 𝐎𝐅 𝐅𝐋𝐎𝐑𝐄𝐒 𝐃𝐄 𝐌𝐀𝐘𝐎 𝟐𝟎𝟐𝟔

Sa dakong kalipay ug pagpasalamat, atong gitapos ang tinuig nga pagsaulog sa Flores de Mayo — usa ka bulan nga napuno sa pag-ampo, debosyon, panaghiusa, ug gugma alang sa Mahal nga Birhen Maria.

Sulod sa daghang adlaw nga paghalad sa mga bulak ug pag-ampo sa Santo Rosaryo, daghan kitang nahinumduman sa kahayag sa pagtuo ug sa kabililhon sa pagduol ngadto sa Ginoo pinaagi sa pagpatabang ni Santa Maria. Ang matag pahiyom, paningkamot, ug sakripisyo sa matag usa nahimong bahin sa kalampusan niining sagradong kasaulogan.

Atol niining kasaulogan, gipahitabo ang Santos nga Prusisyon, dayon ang Paghalad sa mga Bulak, ug ang Kasaulogan sa Pulong sa Dios nga gipangulohan ni Bro. Conceso A. Guadalquiver. Human niini, mao ang hiniusang pagpangaon, ug pagpadayag sa ilang pasundayag.

Niining tungora usab, gihatagan og pasidungog ang mga kabataan, ingon man usab ang mga GKKs, catechists, volunteers, committee, ug ang mga sponsors.

Daghang salamat sa tanang kabatan-onan, ginikanan, catechists, sponsors, officers, volunteers, ug sa tibuok katilingban nga walay hunong nga misuporta ug nakigduyog aron mahimong malinawon ug malampuson ang atong Culmination Rites sa Flores de Mayo 2026. Ang inyong presensya ug pagpaningkamot usa ka buhing pamatuod sa lig-on nga pagtuo ug panaghiusa sa Kristohanong Katilingban.

Hinaut nga ang mga pag-ampo ug grasya nga atong nadawat niining bulana magpabiling buhi sa atong kasingkasing bisan pa man human sa selebrasyon. Padayon unta kitang magmatinud-anon sa pag-alagad sa Ginoo ug sa pagpakita og gugma ngadto sa isigkaingon.

Daghang salamat, Mahal nga Birhen, sa imong walay puas nga pag-amuma ug pagpangga kanamo.

Viva la Virgen!







Birhen sa Kasilak Parish - Madaum - Diocese of Tagum
DYA - Birhen sa Kasilak Parish

𝐅𝐋𝐎𝐑𝐄𝐒 𝐃𝐄 𝐌𝐀𝐘𝐎 𝟐𝟎𝟐𝟔 | 𝐓𝐎𝐏 𝐀𝐂𝐇𝐈𝐄𝐕𝐄𝐑𝐒Uban sa dakong kalipay ug pagpasalamat, among gipasidunggan ang mga kabataan nga mipa...
26/05/2026

𝐅𝐋𝐎𝐑𝐄𝐒 𝐃𝐄 𝐌𝐀𝐘𝐎 𝟐𝟎𝟐𝟔 | 𝐓𝐎𝐏 𝐀𝐂𝐇𝐈𝐄𝐕𝐄𝐑𝐒

Uban sa dakong kalipay ug pagpasalamat, among gipasidunggan ang mga kabataan nga mipakita sa ilang kaalam, kakugi, ug pagpaningkamot atol sa kasaulogan sa Flores de Mayo 2026 dinhi sa MD Macedonia. Ang ilang aktibong pakiglambigit ug dedikasyon nahimong kadasig sa katilingan ug nakahatag og dugang kahulugan sa maong kasaulogan.

Hinaut nga kini nga pagpasidungod mahimong pahinumdom nga ang tanang paningkamot nga gihalad uban sa gugma ug pagtoo adunay matahum nga bunga. Padayon nga gamiton ang inyong mga talento aron mahimong kahayag ug kadasig sa uban.

Congratulations and Job well done alang sa atong 𝐅𝐥𝐨𝐫𝐞𝐬 𝐝𝐞 𝐌𝐚𝐲𝐨 𝟐𝟎𝟐𝟔 𝐓𝐨𝐩 𝐀𝐜𝐡𝐢𝐞𝐯𝐞𝐫𝐬!

Birhen sa Kasilak Parish - Madaum - Diocese of Tagum
DYA - Birhen sa Kasilak Parish




𝐏𝐀𝐇𝐈𝐁𝐀𝐋𝐎 | FLORES DE MAYO CULMINATION 2026Sa dili madugay, tapuson na ang atong tinuig nga pagsaulog sa Flores de Mayo, ...
21/05/2026

𝐏𝐀𝐇𝐈𝐁𝐀𝐋𝐎 | FLORES DE MAYO CULMINATION 2026

Sa dili madugay, tapuson na ang atong tinuig nga pagsaulog sa Flores de Mayo, usa ka maanindot nga tradisyon sa pagpasidungog, paghalad sa mga bulak, ug pagpakita sa atong gugma ug debosyon kang Santa Maria. Sulod sa tibuok bulan, naghiusa kita sa pag-ampo, pag-alagad, ug pagpamalandong isip usa ka Gagmay'ng Kristohanong Katilingban.

Busa, among ginadapit ang tanang kabatan-onan, ginikanan, mga apostolado, ug mga miyembro sa pag-apil sa atong Culmination Rites sa Flores de Mayo karong umaabot nga Mayo 29, 2026 (Biyernes), isip panapos ug pagpasalamat sa tanang grasya ug panalangin nga atong nadawat niining bulan sa Mayo.

Pagasugdan kini sa prusisyon, musunod ang paghalad sa mga bulak ug letra, ug ang Kasaulogan sa Pulong sa Dios. Giawhag ang tanan sa pagdala sa mga imahen sa Mahal nga Birhen sa inyong panimalay sa pag-uban niini sa atong prusisyon, ug sa pagsuot og puti nga sinina.

Maghiusa kita sa pagdayeg ug pagpasalamat kang Santa Maria nga padayon nga nag-uban ug nag-ampo alang kanato. Hinaut nga ang atong debosyon dili matapos niining kasaulogan, kondili magpadayon matag adlaw sa atong kinabuhi.


Birhen sa Kasilak Parish - Madaum - Diocese of Tagum
DYA - Birhen sa Kasilak Parish

𝐌𝐀𝐋𝐈𝐏𝐀𝐘𝐎𝐍𝐆 𝐊𝐀𝐏𝐈𝐒𝐓𝐀𝐇𝐀𝐍, 𝐒𝐄Ñ𝐎𝐑 𝐒𝐀𝐍 𝐈𝐒𝐈𝐃𝐑𝐎 𝐋𝐀𝐁𝐑𝐀𝐃𝐎𝐑!Ang tibuok katilingban sa GKK Señor Santo Niño Chapel – Makabayan Villa...
14/05/2026

𝐌𝐀𝐋𝐈𝐏𝐀𝐘𝐎𝐍𝐆 𝐊𝐀𝐏𝐈𝐒𝐓𝐀𝐇𝐀𝐍, 𝐒𝐄Ñ𝐎𝐑 𝐒𝐀𝐍 𝐈𝐒𝐈𝐃𝐑𝐎 𝐋𝐀𝐁𝐑𝐀𝐃𝐎𝐑!

Ang tibuok katilingban sa GKK Señor Santo Niño Chapel – Makabayan Village buot nga mopaabot sa among mainiton ug malipayong pagtimbaya ngadto sa tanang miyembro sa GKK San Isidro Labrador sa pagsaulog sa ilang tinuig nga kapistahan, agi'g pagpasidungog kang 𝐒𝐄Ñ𝐎𝐑 𝐒𝐀𝐍 𝐈𝐒𝐈𝐃𝐑𝐎 𝐋𝐀𝐁𝐑𝐀𝐃𝐎𝐑, ang balaang patron sa mga mag-uuma ug mamumuo sa yuta.

Uban sa dakong pagpasalamat ug paghinumdom, among giila nga ang GKK San Isidro Labrador mao ang “Mother Chapel/GKK” sa wala pa matukod ang GKK Señor Santo Niño Chapel – Makabayan Village niadtong Tuig 1990. Dinhi nagsugod ug mitubo ang pagtoo ug panaghiusa sa daghang mga Kristohanong pamilya nga karon nagpadayon sa pag-alagad ug pagpalambo sa katilingban sa pagtuo.

Hinaut nga pinaagi sa panabang ug pagpangaliya ni Señor San Isidro Labrador, padayon nga mapanalanginan ang matag panimalay, mapalig-on ang pagtuo, ug magmalampuson ang panginabuhian sa matag usa. Malipayong Kapistahan ug padayon nga ipatigbabaw ang gugma, panaghiusa, ug pag-alagad sa Ginoo!

Birhen sa Kasilak Parish - Madaum - Diocese of Tagum

𝐓𝐀𝐍-𝐀𝐖𝐀 | 𝐔𝐍𝐀𝐍𝐆 𝐒𝐄𝐌𝐀𝐍𝐀 𝐒𝐀 𝐅𝐋𝐎𝐑𝐄𝐒 𝐃𝐄 𝐌𝐀𝐘𝐎 𝟐𝟎𝟐𝟔Sulod sa unang semana sa atong matahum nga pagsaulog, nagkahiusa kita sa pa...
08/05/2026

𝐓𝐀𝐍-𝐀𝐖𝐀 | 𝐔𝐍𝐀𝐍𝐆 𝐒𝐄𝐌𝐀𝐍𝐀 𝐒𝐀 𝐅𝐋𝐎𝐑𝐄𝐒 𝐃𝐄 𝐌𝐀𝐘𝐎 𝟐𝟎𝟐𝟔

Sulod sa unang semana sa atong matahum nga pagsaulog, nagkahiusa kita sa pag-ampo, pag-awit, ug paghalad og mga bulak isip pasidungog sa Mahal nga Birhen Maria. Matag adlaw napuno sa pagtuo, kalipay, ug debosyon nga nagpalig-on sa atong espirituhanong kinabuhi ug panaghiusa isip usa ka Kristohanong Katilingban.

Ang matag bulak nga gihalad dili lamang simbolo sa katahum, apan usa usab ka timaan sa atong gugma, paglaum, ug pagpasalamat sa Ginoo pinaagi sa Mahal nga Birhen. Sa matag rosaryo, sa matag awit, ug sa matag pag-ampo, atong gibati ang grasya ug panalangin nga iyang gipangayo alang kanatong tanan.

Sa unang semana pa lamang, daghan na kitag nabuhi nga mga handumanan—mga pahiyom, mga pag-ampo nga gikan sa kasingkasing, ug mga higayon sa paghiusa isip usa ka pamilya sa pagtuo. Hinaot nga magpadayon ang kainit sa atong debosyon ug mamulak pa gayud ang atong pagtuo samtang nagpadayon ang Flores de Mayo.

Padayon kitang mag-alagad ug magpasalamat, ug hinaot nga ang Mahal nga Birhen Maria magagiya ug magpanalipod kanunay kanato. 🌷🙏

Birhen sa Kasilak Parish - Madaum - Diocese of Tagum
DYA - Birhen sa Kasilak Parish




𝐓𝐀𝐍-𝐀𝐖𝐀 | 𝐔𝐍𝐀𝐍𝐆 𝐀𝐃𝐋𝐀𝐖 𝐒𝐀 𝐅𝐋𝐎𝐑𝐄𝐒 𝐃𝐄 𝐌𝐀𝐘𝐎 𝟐𝟎𝟐𝟔Usa ka matahum ug bililhong tradisyon ang gisangon alang kanato gikan sa mga...
04/05/2026

𝐓𝐀𝐍-𝐀𝐖𝐀 | 𝐔𝐍𝐀𝐍𝐆 𝐀𝐃𝐋𝐀𝐖 𝐒𝐀 𝐅𝐋𝐎𝐑𝐄𝐒 𝐃𝐄 𝐌𝐀𝐘𝐎 𝟐𝟎𝟐𝟔

Usa ka matahum ug bililhong tradisyon ang gisangon alang kanato gikan sa mga katigulangan—ang pagpasidungog kang Birhen Maria pinaagi sa paghalad og mga bulak, pag-ampo, ug pagpakita sa atong tinuoray nga pagtuo. Sa matag bulak nga atong ihalad, nagdala kita og mga pag-ampo, mga panghinaut, ug pasalamat ngadto sa Ginoo pinaagi sa atong Mahal nga Birhen.

Sa pagsugod niining bulahan nga bulan sa Mayo, hinaot nga mamulak usab ang atong kasingkasing sama sa mga bulak nga atong ginahalad—puno sa gugma, paglaum, pagpaubos, ug pagtuo. Dili lamang unta kini kutob sa usa ka tradisyon, kondili usa ka pahinumdom nga magpadayon kita sa pag-alagad, pag-ampo, ug pagkinabuhi diha sa mga pagtulun-an sa Ginoo matag adlaw.

Ang Flores de Mayo dili lang kasaulogan sa katahum sa mga bulak, apan usa usab ka pagpamatuod sa katahum sa atong pagtuo ug panaghiusa isip katilingban. Sa matag pag-ampo, awit, ug halad, nagkahiusa kita sa pagdayeg ug pagpasidungog sa Mahal nga Birhen Maria.

Hinaot nga kining unang adlaw mahimong sinugdanan sa mas lawom nga relasyon nato sa Ginoo—usa ka pagpanaw nga puno sa grasya, kalinaw, ug panalangin. Magpadayon kita sa paghalad sa atong kinabuhi sama sa mga bulak—yano apan puno sa kahulugan.

Viva la Virgen! 💐🙏

Birhen sa Kasilak Parish - Madaum - Diocese of Tagum
DYA - Birhen sa Kasilak Parish





Address

Makabayan Village, San Isidro
Tagum City
8100

Website

Alerts

Be the first to know and let us send you an email when GKK Señor Santo Niño Chapel - Makabayan Village - Diocese of Tagum posts news and promotions. Your email address will not be used for any other purpose, and you can unsubscribe at any time.

Shortcuts

Share

Category