26/05/2025
πππππππ | Lectorate Ministry naghiwat sang Renewal kag Recollection
Mayo 22-23, 2025βBisan sa mabudlay nga dalan kag maulan nga panahon, ang Lecorate Ministry halin sa 6 ka distrito nagtipon sa Parokya sang Our Lady of Guadalupe, Purok Pag-asa, Masiag, Bagumbayan, Sultan Kudarat para sa recollection kag renewal. Ging umpisahan ang recollection sang Mayo 22 sang hapon, ang naging speaker, si Rev. Joshua R. Dela Vega, OMI.
Pasado alas syete sang Mayo 23, naghiwat sang Misa kag sa tunga-tunga ging renew kag instalahan ang mga lector kag commentator. Ang presider si Fr. Ross B. Kapunan, OMI nga nagbilin sang bulahanon nga tinaga para sa tanan, "Tungod ga higugma kita sa Diyos, sa aton ministriya kag sa simbahan, handa kita magsakripisyo."
Ging tapos niya ang iya homiliya nga may paghangkat sa bug-os nga lectorate ministry, "Kita ang ginapadalaβkung diin kita ipadala, malakat kita."
Pagkatapos sang Misa, nagpadayon ang recollection, si Jeany Rose G. Palomo ang nagdugang sang kaalam kag ihibalo sa tanan. Natapos ang pagtililipon sa reporting sang treasurer, manamit nga panyaga kag pasalamat halin kay Mary Grace S. Palermo, lectorate ministry president.
Ang pagtililipon nga ini, bulahanon nga simbolo sang gugma kag padayon nga pagdawat sang katungod kag serbisyo sang lectorate ministry para sa simbahan kag sa kadalag-an sang Diyos.
