25/07/2026
𝐋𝐀𝐍𝐓𝐀𝐖𝐀 | Lectorate Ministry nangin malampuwason sa paghiwat sang Human Development Formation Program
Opisyal nga ging umpisahan ang Human Development Formation Program para sa Lectorate Ministry – Batch 1, kaupod ang 39 ka partisipante halin sa apat ka Distrito (I, II, III, kag VI), sang Hulyo 24–25, 2026 nga ging hiwat sa Dekocker’s Hall, Parokya sang Our Lady of Guadalupe, Purok Pag-asa, Masiag, Bagumbayan, Sultan Kudarat.
Nakasentro ang programa sa topiko “Pagkamaloloy-on sa Apat ka Dimensyon sang Tawhanon nga Relasyon”, nga ginpangunahan ni Rev. Fr. Yoniz Beley, OMI kag ginbuligan sang mga facilitator halin sa Youth and Family Center.
Matapos ang duha ka adlaw nga Human Development Formation Program, ang halos tanan nga nagpartisipar naghatag sang maayo nga feedback: “Halin sang una, subong lang gid ako nakabalo sang ginatawag nga self-love kag nakabatyag sang ka nami sang amo sini nga formation.”
Dako gid ang pagpasalamat sang lectorate coordinator, Mary Grace Palermo, sa mga miyembro nga nagpartisipar kag sa suporta sang parish priest, Rev. Fr. Rogelio Tabuada, OMI, para sa malampuson nga pagtililipon.
Ginpahanumdom ni Fr. Yon sa tanan: “Hindi ninyo gid kalimtan nga palanggaon ninyo ang inyo kaugalingon.”
Ang ini nga pagtililipon isa ka bulahanon nga simbolo sang pagpalambo sang kaugalingon para sa mga miyembro sang LCM, agud mangin mas maayo pa sila sa pagbaton sang katungdanan kag serbisyo—indi lang para sa simbahan kag sa kadungganan sang Diyos kundi para man sa pagpalangga sa ila kaugalingon.
