Indú Mi, Túlá Mi: BÁPÛ MARÍA

Indú Mi, Túlá Mi: BÁPÛ MARÍA Ágúman da ring sablang malugud cang María, ing Indú na ning Capaldanan, Túlá ning Labuad Capampáñgan

Ing Decenario ning Mal a Pasiun dáun pára caring maldang caladdua qñg purgatóriu.🖤 Requiéscant•In•Páce 🖤
31/10/2025

Ing Decenario ning Mal a Pasiun dáun pára caring maldang caladdua qñg purgatóriu.

🖤 Requiéscant•In•Páce 🖤

PÁMAGTAGULÁLING QÑG VIRGEN DE LOS REMEDIOS, PATRONA DE LA PAMPANGAÉ mísalátan a Indú ning Dios at Indú mi, Reina ning ba...
13/10/2025

PÁMAGTAGULÁLING QÑG VIRGEN DE LOS REMEDIOS, PATRONA DE LA PAMPANGA

É mísalátan a Indú ning Dios at Indú mi, Reina ning banua‘t yátû; lúsuc mapagmálang Virgen de los Remedios, aní qué pû mítípun macadúrup qñg quécang trono, antimóang calugudlugud a ánac at mágsacab arap ning camálan mu antimóang Indú ning Dios, caníting aldáo tutung maligáya quéca at tutung mácatúlâ quécami. Daráun mi la pû quéca ding catáuan mi, ding pibalébalái mi, ing sablang cayatinan a pigcálam na quécami ning Dios, ding balayan mi at ing mabílug ming bangsâ, báng quéta ing sablang bágái at ding sablâ mañginú la pu‘t pabandí quéca.

Manibat qñg ligáya banua nung nú ca pû mágárî síping ning Anac mung y Jesús, lauan mu qué caring matá mung Indû at Reina, íca pû ing míñgat caring ánac ming alang málit casalánan, qñg canauan ding balaian mi, at qñg capayapan níting bangsâ nung nú na qué birian mibait ning caburián ning Dios. Cabud a putuñgánan daca pung corona, antimóang Reina at Guinú ning quéquéng bangsâ; ñgéni, bílang capasalamátan caring quécang cálam, gugulísac da ca pû antimóang Pátulúnan ning Capampáñgan, mágdáun qué pû quéca at babié ing nánúmang bágái a binílí ning Dios caring gámat mi báng ming gamítan at nabangnan samantálang máglacbái cami quéting cárinan ning luâ. Ing matíbái mi pung capanalígan yá pin ing, líbái na ning tapat ming devoción at súyû, tanggapan mu qué pu caring pasbul ning banua ñgéning míras na quécami ing tauling aldáo ning paglácad mi qñg yátû.

Lúsuc mapagmálang Virgen de los Remedios, túlâ ning Capampáñgan, pagcálaman mu qué pung bendición at capilan man é mu pu cacaliñguan qñg ícang Indú mi at íca ing caluguran a Pátulúnan níting bangsâng Capampáñgan. Yanásâ.

Virgen de los Remedios, Indú ning Capaldanan, Túlâ ding Capampáñgan, ipanaláñgin mu cami!

Imprimatur
+ César Ma. Guerrero, D.D.
San Fernando, July 26, 1956

************************

[Laráuan lálam nang caiñgátan G. Jaylester Valentín]

13 ning junio𝐒𝐀𝐍 𝐀𝐍𝐓𝐎𝐍𝐈𝐎 𝐃𝐄 𝐏𝐀𝐃𝐔𝐀, 𝘊𝘰𝘯𝘧𝘦𝘴𝘰𝘳 𝘢𝘵 𝘋𝘰𝘤𝘵𝘰𝘳Pátulúnan caring Bágué MababátingIɴɢ Rᴇsᴘᴏɴsᴏʀɪᴏɴɢ "𝐒𝐈 𝐐𝐔𝐀𝐄𝐑𝐈𝐒"Nung...
13/06/2025

13 ning junio
𝐒𝐀𝐍 𝐀𝐍𝐓𝐎𝐍𝐈𝐎 𝐃𝐄 𝐏𝐀𝐃𝐔𝐀, 𝘊𝘰𝘯𝘧𝘦𝘴𝘰𝘳 𝘢𝘵 𝘋𝘰𝘤𝘵𝘰𝘳
Pátulúnan caring Bágué Mababáting

Iɴɢ Rᴇsᴘᴏɴsᴏʀɪᴏɴɢ "𝐒𝐈 𝐐𝐔𝐀𝐄𝐑𝐈𝐒"

Nung milágrung pánintunan
isacuil mu ing déwacan
demonio macó yang biglan
cumáyap la ring salunan.

*𝐈𝐧𝐠 𝐦𝐚́𝐥𝐚𝐭 𝐦í𝐭𝐚𝐧 𝐢𝐧𝐠 𝐦𝐮𝐚́ 𝐧𝐚
𝐝𝐢𝐧𝐠 𝐛í𝐲𝐚𝐠 𝐦𝐚́𝐧̃𝐠𝐚𝐜𝐚̂𝐛𝐮𝐬 𝐥𝐚
𝐢𝐧𝐠 𝐚𝐧𝐠𝐠𝐚𝐧𝐠 𝐛𝐚𝐧𝐝𝐢𝐧𝐠 𝐦𝐞́𝐲𝐚𝐥𝐚̂
𝐩í𝐥𝐢𝐭 𝐦𝐚𝐲𝐚́𝐪𝐮𝐢𝐭 𝐧̃𝐠𝐚𝐧𝐠 𝐩𝐚́𝐰𝐚̂.

Ing pañgánib milalacó
numáwá la ring calúlu
iti marapat ñgan tutû
sumábi la ring Paduáno.

*𝐈𝐧𝐠 𝐦𝐚́𝐥𝐚𝐭 𝐦í𝐭𝐚𝐧 𝐢𝐧𝐠 𝐦𝐮𝐚́ 𝐧𝐚
𝐝𝐢𝐧𝐠 𝐛í𝐲𝐚𝐠 𝐦𝐚́𝐧̃𝐠𝐚𝐜𝐚̂𝐛𝐮𝐬 𝐥𝐚
𝐢𝐧𝐠 𝐚𝐧𝐠𝐠𝐚𝐧𝐠 𝐛𝐚𝐧𝐝𝐢𝐧𝐠 𝐦𝐞́𝐲𝐚𝐥𝐚̂
𝐩í𝐥𝐢𝐭 𝐦𝐚𝐲𝐚́𝐪𝐮𝐢𝐭 𝐧̃𝐠𝐚𝐧𝐠 𝐩𝐚́𝐰𝐚̂.

Qñg Ibpá’t Anac ligáya
Espíritu Santo manggá na.

*𝐈𝐧𝐠 𝐦𝐚́𝐥𝐚𝐭 𝐦í𝐭𝐚𝐧 𝐢𝐧𝐠 𝐦𝐮𝐚́ 𝐧𝐚
𝐝𝐢𝐧𝐠 𝐛í𝐲𝐚𝐠 𝐦𝐚́𝐧̃𝐠𝐚𝐜𝐚̂𝐛𝐮𝐬 𝐥𝐚
𝐢𝐧𝐠 𝐚𝐧𝐠𝐠𝐚𝐧𝐠 𝐛𝐚𝐧𝐝𝐢𝐧𝐠 𝐦𝐞́𝐲𝐚𝐥𝐚̂
𝐩í𝐥𝐢𝐭 𝐦𝐚𝐲𝐚́𝐪𝐮𝐢𝐭 𝐧̃𝐠𝐚𝐧𝐠 𝐩𝐚́𝐰𝐚̂.

V. Ipanaláñgin mu cami, maligáyang San Antonio.
R. 𝘽𝙖́𝙣𝙜 𝙦𝙪𝙚́𝙣𝙜 𝙨𝙪́𝙘𝙖𝙩 𝙢𝙖𝙦𝙪𝙞𝙣𝙖́𝙗𝙖𝙣𝙜 𝙦𝙣̃𝙜 𝙥𝙚́𝙣̃𝙜𝙖́𝙘𝙪́ 𝙣𝙖𝙣𝙜 𝘾𝙧𝙞𝙨𝙩𝙤𝙣𝙜 𝙂𝙪𝙞𝙣𝙪́ 𝙢𝙞.

Pᴀɴᴀʟᴀ́ɴ̃ɢɪɴ
Ó Dios, capnuan mé pung maragul a túlâ ing quécang Santa Iglesia, pawúli ning panaláñgin ning alípan Mung y San Antonio at manatílí sâ ing sáwup mu, báng ming nabangnan ing alang capupúsan a túlâ. Qñg úli nang Jesucristong Guinú mi. Yanásâ.

(𝘐𝘯𝘨 𝘮𝘢𝘤𝘢𝘭𝘪𝘵𝘳𝘢́𝘵𝘶: 𝘭𝘢𝘳𝘢́𝘸𝘢𝘯 𝘢 𝘤𝘢𝘫𝘢 𝘥𝘦 𝘴𝘰𝘮𝘣𝘳𝘢 𝘯𝘢𝘯𝘨 𝘚𝘢𝘯 𝘈𝘯𝘵𝘰𝘯𝘪𝘰 𝘥𝘦 𝘗𝘢𝘥𝘶𝘢 𝘲𝘯̃𝘨 𝘮𝘢𝘵𝘶𝘢𝘯𝘨 𝘣𝘢𝘭𝘦́ 𝘥𝘢 𝘳𝘪𝘯𝘨 𝘍𝘢𝘮𝘪𝘭𝘪𝘢 𝘎𝘰𝘴𝘪𝘰𝘤𝘰, 𝘉𝘢𝘭𝘦́𝘯 𝘯𝘪𝘯𝘨 𝘚𝘢𝘯𝘵𝘢 𝘙𝘪𝘵𝘢, 𝘗𝘢𝘮𝘱𝘢𝘯𝘨𝘢. 𝘍𝘰𝘵𝘰 © 2024, 𝘚. 𝘔. 𝘈𝘮𝘢𝘮𝘢𝘯𝘨𝘱𝘢𝘯𝘨)

I-like yu qué qñg Facebook!
Indú Mi, Túlá Mi: BÁPÛ MARÍA

13 ning Junio𝐒𝐀𝐍 𝐀𝐍𝐓𝐎𝐍𝐈𝐎 𝐃𝐄 𝐏𝐀𝐃𝐔𝐀, 𝙋𝙖𝙧𝙞 𝙖𝙩 𝘾𝙤𝙣𝙛𝙚𝙨𝙤𝙧𝘋𝘰𝘤𝘵𝘰𝘳 𝘯𝘪𝘯𝘨 𝘚𝘢𝘯𝘵𝘢 𝘐𝘨𝘭𝘦𝘴𝘪𝘢𝘍𝘳𝘢𝘯𝘤𝘪𝘴𝘤𝘢𝘯𝘰𝘗𝘢𝘵𝘶𝘭𝘶𝘯𝘢𝘯 𝘥𝘪𝘯𝘨 𝘮𝘢𝘣𝘢𝘣𝘢𝘵𝘪𝘯𝘨PANALÁÑG...
13/06/2025

13 ning Junio
𝐒𝐀𝐍 𝐀𝐍𝐓𝐎𝐍𝐈𝐎 𝐃𝐄 𝐏𝐀𝐃𝐔𝐀, 𝙋𝙖𝙧𝙞 𝙖𝙩 𝘾𝙤𝙣𝙛𝙚𝙨𝙤𝙧
𝘋𝘰𝘤𝘵𝘰𝘳 𝘯𝘪𝘯𝘨 𝘚𝘢𝘯𝘵𝘢 𝘐𝘨𝘭𝘦𝘴𝘪𝘢
𝘍𝘳𝘢𝘯𝘤𝘪𝘴𝘤𝘢𝘯𝘰
𝘗𝘢𝘵𝘶𝘭𝘶𝘯𝘢𝘯 𝘥𝘪𝘯𝘨 𝘮𝘢𝘣𝘢𝘣𝘢𝘵𝘪𝘯𝘨

PANALÁÑGIN:

¡O Maligáyang San Antonio! Lirio ning Calinísan, mutiâ ning calucan, asias ning Santa Iglesia, talapanáral qñg gracia, batbat ning déwacan, alimbáwâ qñg cabanálan, pánabnû qñg herejía, sulú nang matindag ning España, báyung salâ qñg Italia, batuin nang maningning ning Padua, sulú ning casalpantayánan at talapanáral ning Evangelio; ampat móng péñgaintulíran méng quináwul caring tacdé mu ing Niño Jesús, at ápacalucuan qñg amánu mu ing mitatáwu rang púsû ding macasalánan, guinábac méng lécó ing tábing ning herejía, a pápanpan páralumdum qñg sulú ning casalpantayánan ding dacal a macapánig qñg cabalatuñgan; guinápus me ing demóniu at sinírá mó lub ding mañgarawac a macasalangsang qñg Santa Iglesia, at qñg catátaulian ápañgaintúliran mu ing mipanagaulâ qñg cáyapan ding córo da ring ángel.

Ácu pû, calúlung macasalánan, ádduan cu ing maragul a cábaban lub, ing tanggapan mu cu lálam ning masican mung pámanampun, paquiabútan mu sá pung panábang canácu ing mátactac a pámanyísi qñg sablang casalánan cu, átañgísan cu sâ qñg lálung calausan a lub at camtan cu sâ ing gráciang macátupad caring sablang catungcúlan cu, láyun cu ñgan daptan itang anggang caburián ning Dios.

Wa, maligáyang San António, lablab nang miraralacdac ning sinta qñg Dios, palablaban mu né man sá pû ining púsú cu qñg apí ning pámalsinta báng quéng ápalsintan ing Dios qñg mabílug cung púsû, upáyâ at panamdam, at ing pára cung táwu antimó cácu, at ipagcálam mu naman sá pu cácu ing ásúpil cu ing marawac cung cabanálan báng cung ápañgaintulíran ing maquiyágum caring coro ding Ángeles, ápúrí qué ing Diós manggá man qñg alang ángga. Amén.

San Antonio de Padua, pátulúnan da ring cababatíñgan,
ipanaláñgin mu cami!

I-like yu qué qñg Facebook!
Indú Mi, Túlá Mi: BÁPÛ MARÍA

• 𝐉𝐔𝐄𝐕𝐄𝐒 𝐀 𝐃𝐄𝐕𝐎𝐂𝐈𝐎́𝐍 𝐂𝐀𝐍𝐆 𝐒𝐀𝐍𝐓𝐀 𝐑𝐈𝐓𝐀 𝐃𝐄 𝐂𝐀𝐒𝐂𝐈𝐀•Pᴀ́ᴛᴜʟᴜ́ɴᴀɴ ᴄᴀʀɪɴɢ Bᴀ́ɢᴜᴇ́ É Sᴜ́ᴄᴀᴛ Áᴘᴀʟɪᴀ́ʀɪ«𝙄𝙉𝙂 𝙈𝘼𝙎𝙄́𝘾𝘼𝙉𝘼𝙉 𝘼 𝙋𝘼𝙉𝘼𝙇𝘼́𝙉̃𝙂...
12/06/2025

• 𝐉𝐔𝐄𝐕𝐄𝐒 𝐀 𝐃𝐄𝐕𝐎𝐂𝐈𝐎́𝐍 𝐂𝐀𝐍𝐆 𝐒𝐀𝐍𝐓𝐀 𝐑𝐈𝐓𝐀 𝐃𝐄 𝐂𝐀𝐒𝐂𝐈𝐀•
Pᴀ́ᴛᴜʟᴜ́ɴᴀɴ ᴄᴀʀɪɴɢ Bᴀ́ɢᴜᴇ́ É Sᴜ́ᴄᴀᴛ Áᴘᴀʟɪᴀ́ʀɪ

«𝙄𝙉𝙂 𝙈𝘼𝙎𝙄́𝘾𝘼𝙉𝘼𝙉 𝘼 𝙋𝘼𝙉𝘼𝙇𝘼́𝙉̃𝙂𝙄𝙉»

Mᴀʟɪɢᴀ́ʏᴀɴɢ Sᴀɴᴛᴀ Rɪᴛᴀ, nuan a pátulúnan qñg é súcat maliári, pépalaguiuán na ning mismung Diós camasmas ding malungcut, at tálang maningning ning Santa Iglesia, sulú nang tutuquian ding maldâ, bá lang miras qñg tutung sadsáran ning páñgacábus; pamatulan mó pû déning máglayag quéni qñg cárinan ning luâ, at aslagan mó réning caladduá mi qñg sulú ning alang ánggang catutuan, ipaquilála mu ing quéyalán nang cabaldúgan ning bandî quéti qñg yátû, at ing é mu nánung ulagá na nítang bié métung.

At úli ning cacamalcamálan a dáyá nang Jesús, ampón ing calinislinísan a páñgacaglí nang Maríang casantusantúsán nang Indû, ipawagá mu pú quécami ing cabanálan, upáyâ, at graciang pigcálam na quéca ning banua, daptan mu sá qñg déning púsú mi miyúrung la't mirayû qñg mabagsic a alun at alimbúyú ning yátung babaltañgan mi, bá quéng miras alang gulígúlî qñg canuánan a alang ángga, a méguing pacsâ ning páñgalalang mu, paináwa qué sâ qñg caratúnan caníting Guinung pigmúlan at cawulian ding sablang lélañgan. Yádduan mí naman ing paquíbat mu sá quécami ing graciang yádduan at págnasan mi, ing sablang capagnasan mi, páwá ñgan sáng miriquil qñg icapúrí at icaligáya ning Diós, macárañgal quéca at macácáyap naman caring caladduá mi. 𝐘𝐚𝐧𝐚́𝐬𝐚̂.

𝐒𝐚𝐧𝐭𝐚 𝐑𝐢𝐭𝐚 𝐝𝐞 𝐂𝐚𝐬𝐜𝐢𝐚,
𝐈𝐏𝐀𝐍𝐀𝐋𝐀́𝐍̃𝐆𝐈𝐍 𝐌𝐔 𝐂𝐀𝐌𝐈! 🌹

(Foto © Jan Pascual)

I-like yu qué qñg Facebook!
fb.com/BapuIndungMaria

• 𝐌𝐈𝐄́𝐑𝐂𝐎𝐋𝐄𝐒 𝐀 𝐃𝐄𝐕𝐎𝐂𝐈𝐎́𝐍 𝐂𝐀𝐍𝐆 𝐒𝐀𝐍 𝐉𝐎𝐒𝐄́, 𝐈𝐁𝐏𝐀𝐍𝐆 𝐓𝐀𝐋𝐀𝐘𝐈́𝐍̃𝐆𝐀𝐓 𝐍𝐀𝐍𝐆 𝐉𝐄𝐒𝐔́𝐒 •Qñg lagiú ning Ibpâ, ✠ ampón ning Anac, ampón ...
11/06/2025

• 𝐌𝐈𝐄́𝐑𝐂𝐎𝐋𝐄𝐒 𝐀 𝐃𝐄𝐕𝐎𝐂𝐈𝐎́𝐍 𝐂𝐀𝐍𝐆 𝐒𝐀𝐍 𝐉𝐎𝐒𝐄́, 𝐈𝐁𝐏𝐀𝐍𝐆 𝐓𝐀𝐋𝐀𝐘𝐈́𝐍̃𝐆𝐀𝐓 𝐍𝐀𝐍𝐆 𝐉𝐄𝐒𝐔́𝐒 •

Qñg lagiú ning Ibpâ, ✠ ampón ning Anac, ampón ning Espíritu Santo. Amén.

(Panalañgin cang San José a pícudtá nang Papa Francisco qñg cayang Sulat Apostólica “𝘾𝙪𝙢 𝙋𝙖𝙩𝙧𝙞𝙨 𝘾𝙤𝙧𝙙𝙚”)

Bápû, Talaíwí na ning Talapagligtas,
Esposo ning Nuan a Virgen María.
Quéca ing Diós pénibálá né ing Anac a Bugtung na,
y Maria binílí na quéca ing capanalígán na.
Y Cristo cambé mu mícatáwan táwu ya.

Ó nuan a José, ipáquit mu múnaman
ing métung cang Ibpâ quécami,
at tairan mu cami qñg daclat na ning bié
mañg ipanluálú mu cami caring sablang maróc. Amén.

San José, Talayíñgat nang Jesús, ipanaláñgin mu cami!

Qñg lagiú ning Ibpâ, ✠ ampón ning Anac, ampón ning Espíritu Santo. Amén.

— admin SMA

(I-like yu cami qñg Facebook!
fb.com/BapuIndungMaria)

• 𝐈𝐍𝐆 𝐏𝐀𝐍𝐀𝐋𝐀́𝐍̃𝐆𝐈𝐍 𝐂𝐀𝐍𝐆 𝐒𝐀𝐍 𝐈𝐒𝐈𝐃𝐎𝐑𝐎 𝐃𝐄 𝐒𝐄𝐕𝐈𝐋𝐋𝐀 𝐁𝐀́𝐘𝐔 𝐒𝐔𝐆𝐋𝐔𝐍𝐆 𝐐𝐍̃𝐆 𝐈́𝐍𝐓𝐄𝐑𝐍𝐄𝐓 •Ó quipnuan qñg upáyâ at alang ánggang Diós,...
10/06/2025

• 𝐈𝐍𝐆 𝐏𝐀𝐍𝐀𝐋𝐀́𝐍̃𝐆𝐈𝐍 𝐂𝐀𝐍𝐆 𝐒𝐀𝐍 𝐈𝐒𝐈𝐃𝐎𝐑𝐎 𝐃𝐄 𝐒𝐄𝐕𝐈𝐋𝐋𝐀 𝐁𝐀́𝐘𝐔 𝐒𝐔𝐆𝐋𝐔𝐍𝐆 𝐐𝐍̃𝐆 𝐈́𝐍𝐓𝐄𝐑𝐍𝐄𝐓 •

Ó quipnuan qñg upáyâ at alang ánggang Diós, qñg aniú Mu lélañgan Mu cami at sinabi Mu quécami ing dulápan mi ya ing cáyapan, ing catutuan, at ing caníwan, lálung lálú na ing taglé nang cabanálán ning Bugtung Mung Anac, y Jesucristong Guinú mi, itúlut Mu, págamuámú mi Quéca, qñg capamílatán nang San Isidoro, Obispo at Doctor, manánu sánang qñg pinándit ning pámanlayag mi qñg Ínternet, iyungyung mi la ding mata at gámat mi bucud mung qñg bágué munié ligáya Quéca at paquibagáyan mi la sáng mitmung lugud at capacumbaban ding maldang caladduang quécaming ácatalamítan, qñg capamílatán nang Cristong Guinú mi. 𝐘𝐚𝐧𝐚́𝐬𝐚̂.

San Isidoro ning Sevilla,
𝐈𝐏𝐀𝐍𝐀́𝐋𝐀𝐍̃𝐆𝐈𝐍 𝐌𝐔 𝐂𝐀𝐌𝐈!

— Admin SMA

(I-like yu qué qñg Facebook:
facebook.com/BapuIndungMaria)

Address

Santa Rita
2002

Website

Alerts

Be the first to know and let us send you an email when Indú Mi, Túlá Mi: BÁPÛ MARÍA posts news and promotions. Your email address will not be used for any other purpose, and you can unsubscribe at any time.

Shortcuts

Share

Category