18/04/2020
NAGKAKAISANG PAGSUSUMAMO, NAGKAKAISANG PAGTUTULUNGAN
Sa Kanlong ng Manto ni Ina
ika- 6 ng gabi, Abril 19, 2020
(SARARONG PAG-ARANG
SARARONG PAGTARABANG
Sa Lindong kan Manto ni INA)
PARI: Sa ngalan ng Ama at ng Anak at ng Espiritu Santo.
Bayan: Amen.
PARI:Sumainyo ang Panginoon.
Bayan:At sumaiyo rin.
Sa gitna nang ating mahirap na kalagayan, nagkakaisa tayo sa pagsusumamo sa Panginoon sa paghingi ng biyaya ng pagpapatigil nitong Corona Virus at ang biyaya ng patuloy na pagkakaisa na puno ng pagmamalasakit sa ating kapwa.
Kaya sa harapan ng Mahal na INA at Divino Rostro, manalangin tayo para sa kanyang mahabaging pagtulong at pag- ibig sa atin.
PAGBASA NG EBANGHELYO:
Pagbasa mula sa Ebanghelyo ni San Juan (Jn. 19: 25-27)
Nakatayo sa tabi ng krus ni Jesus ang kanyang ina at ang kapatid nitong babae, si Maria na asawa ni Cleopas, at si Maria Magdalena. Nang makita ni Jesus ang kanyang ina at ang minamahal niyang alagad na nasa tabi nito, sinabi niya, “Ina, ituring mo siyang sariling anak!” At sinabi niya sa alagad, “Ituring mo siyang iyong ina!” Mula noon, sa bahay na ng alagad na ito tumira ang ina ni Jesus.
Ang Mabuting Balita ng Panginoon.
Bayan: Pinupuri ka naming Panginoong Jesucristo.
MENSAHE NG MGA OBISPO NG BIKOL. (Magsiupo ang lahat.)
PANALANGIN LABAN SA CORONA VIRUS SA KANLONG NG MANTO NI INA, NUESTRA SEÑORA DE PEÑAFRANCIA. (Magsiluhod)
Ama naming Makapangyarihan, bukal ng lahat ng kagalingan
ibinigay mo si INA, Patrona ng Kabikolan
bilang aming saligan sa oras ng kahirapan.
Lumuluhod kami ngayon sa mahal mong harapan
Sa kanlong ng manto ng aming INA
Umaasang kahahabagan ng malaki Mong awa.
Ang aming kinasasadlakang pagtitiis dahil sa pandemyang ito.
Humihiling kami ng iyong mapaghimalang tulong
Para sa mga nangangalaga sa mga maysakit,
Nang bukal ng lakas para sa mga kapatid naming
nasa gobyerno at pribadong ahensya
na naghahanap ng tamang hakbang, upang ang lahat
ay maging ligtas at matapos na ang pandemyang ito.
Ipinagdarasal namin ang mga maysakit, pagaanin mo
po ang kanilang nararamdaman at ibalik ang lakas
ng kanilang katawan.
At dalhin sa kapayapaan silang mga yumao na.
Buksan mo ang mga puso sa malayang pagbabahagi
ng mga biyaya ng pagmamahal, pagkalinga
at pagtulong para sa kabutihan ng lahat.
Hinihiling namin ito sa ngalan ni Jesucristo, na aming Panginoon.
Amen.
DALIT
Kaming mga anak mo sa salot, gutom at lindol iyong ipag-adya
Sapagkat sa mga kailangan namin ikaw ang tanging pag-asa
Basbasan mo kami nang aming matitigan
ang mukha mo sa kalangitan, sa langit ng kaluwalhatian.
O Virgen Mariang Mahal, de Peñafrancia ang ngalan,
Patrona ng Kabikolan, ikaw ang saligan.
Sa lahat ng kakapusan, ikaw ang aming pinananaligan
Mahabagin, Dakila ang iyong awit para sa sangkatauhan.
Ang lahat ay sumasambit ikaw ang aming bahaghari
na ang salot o peste ay iyong isinasantabi.
O Virgen Mariang Mahal, de Peñafrancia ang ngalan,
Patrona ng Kabikolan, ikaw ang saligan.
Pakinggan mo O aming ligaya, ang mga tinig ng nagmamakaawa
Nang buong kabikolan mga anak mong sumisinta
Ang kalunoslunos naming panawagan sa langit ay dalhin mo na.
O Virgen Mariang Mahal, de Peñafrancia ang ngalan,
Patrona ng Kabikolan, ikaw ang saligan.
Banal na Mukha ni Jesus (Divino Rostro)-Maawa ka sa amin
Mahal na Birhen ng Candelaria-Ipanalangin mo kami
San Miguel Arkanghel-Ipanalangin mo kami
San Jose de Camarines Norte Manggagawa - Ipanalangin mo kami
(Idagdag ang pangalan ng patron ng Parokya)
AMA NAMIN
PARI:Nagkakaisa sa pagsusumamo sa Panginoon, sa Kanlong ng Manto ni INA, manalangin tayo ng panalanging itinuro ni Jesus na ating Panginoon.
(Aawitin ang AMA NIAMO)
PAGBABASBAS
PARI:Sumainyo ang Panginoon.
Bayan:At sumaiyo rin.
PARI:Pagpalain kayo ng Makapangyarihang Diyos, ang Ama at ang Anak at ang Espiritu Santo.
Bayan:Amen.
PARI:Humayo kayo sa kapayapaan ni Cristo, Alleluia! Alleluia!
Bayan:Salamat sa Diyos, Alleluia! Alleluia!
AWITIN ANG RESUENE VIBRANTE
