16/05/2026
𝐒𝐎𝐋𝐄𝐌𝐍𝐈𝐃𝐀𝐃 𝐓𝐈 𝐘𝐔𝐔𝐋𝐈 𝐍𝐈 𝐀𝐏𝐎 𝐉𝐄𝐒𝐔𝐒 | 𝟏𝟕 𝐌𝐚𝐲𝐨 𝟐𝟎𝟐𝟔
𝗨𝗠𝗨𝗡𝗔 𝗔 𝗠𝗔𝗜𝗕𝗔𝗦𝗔
Aramid 1:1-11
Ay-ayatek a Teofilo, iți immuna a librok, insuratko amin nga inar-aramid ken insursuro ni Jesus, manipud panangrugina agingga iti aldaw a yuulina sadi langit. Sakbay ti yuulina, babaen ti pannakabalin ti Espiritu Santo, binilinna dagiti pinilina nga apostoles, Iti lasud ti uppat a pulo nga aldaw, kalpasan ti ipapațayna, naminadu a nagparang kadakuada iti nadumaduma a wagas a mangpaneknek a pudno a sibibiag. Nakitada ti panagparangna ket sinaritana kadakuada ti maipapan iti Pagarian ti Dios. Idi naguurnongda, imbilin ni Jesus kadakuada: "Dikay pumampanaw ditoy Jerusalem, no di ket urayenyo ti sagut nga inkari ti Ama kas naibagakon kadakayo. Namuniag ni Juan iti danum, ngem kalpasan ti sumagmamano pay nga aldaw, mabuniagankayto iti Espiritu Santo."
Idi naguurnong dagiti apostoles, sinaludsodda ken Jesus, "Apo, isublim kad!
¡tan ti Pagarian iti Israel?"' Simmungbat ni Jesus: "Saan a naited kadakayo ti pannakaammo kadagiti tiempo ken pasamak nga inkeddeng ti Ama babaen ti turayna. Ngem awatenyonto ti pannakabalin inton umay kadakayo ti Espiritu Santo. Dakayto ti mangpaneknek iti maipapan kaniak idiay.
Jerusalem, iti entero a Judea ken Samaria, agingga iti amin a suli ti daga."
Idi nasaonan daytoy, nakitada a naiyuli sadi langit, ket nalingdan iti ulep iti imatangda. Tumangtangadda pay laeng a kumitkita kenkuana idi pagammoan, nagparang iti abayda ti dua a lallaki a nagka-wes iti puraw. "Lallaki a tagaGalilea," kinunada, "apay nga agtaktakderkayo a tumangtangad iti langit? Daytoy Jesus a naiyuli sadiay a naggapu iti yanyo, agsublinto met laeng a kas iti pannakakitayo kenkuana a napan sadiay."
Ti Sao ti Apo.
𝗦𝗔𝗟𝗠𝗢 𝗥𝗘𝗦𝗣𝗢𝗡𝗦𝗢𝗥𝗜𝗢
Salmo 47:1-2, 5-6, 7-8
𝗦𝗨𝗡𝗚𝗕𝗔𝗧: 𝙐𝙢𝙪𝙡𝙞 𝙩𝙞 𝘿𝙞𝙮𝙤𝙨 𝙞𝙩𝙞 𝙩𝙧𝙤𝙣𝙤𝙣𝙖! 𝘼𝙙𝙙𝙖 𝙙𝙞𝙧-𝙞 𝙩𝙞 𝙧𝙖𝙜-𝙤 𝙠𝙚𝙣 𝙣𝙖𝙥𝙞𝙜𝙨𝙖 𝙣𝙜𝙖 𝙪𝙣𝙞 𝙩𝙞 𝙩𝙧𝙪𝙢𝙥𝙚𝙩𝙖.
(𝘄𝗲𝗻𝗻𝗼): 𝘼𝙡𝙡𝙚𝙡𝙪𝙞𝙖!
Agsipatkayo gapu iti rag-o,
dakay amin a tattao!�Idaydayawyo ti Dios�kadagiti agallangongan a kanta!�Masapul a pagbutngan ti Apo a Kangatoan;�naindaklan nga Ari iti sangalubongan. (𝘀𝘂𝗻𝗴𝗯𝗮𝘁)
Umuli ti Dios iti tronona!�Adda dir-i ti rag-o ken napigsa nga uni ti trumpeta, bayat ti yuuli ti Apo!�Kantaanyo ti Dios kadagiti pagdaydayaw;
wen, kantaanyo iti pagdaydayaw
ti aritayo! (𝘀𝘂𝗻𝗴𝗯𝗮𝘁)
Kantaanyo ti Dios kadagitipagdaydayaw
ta isu ti Ari iti entero a daga!
Iturayan ti Dios dagiti nasion;
agtugaw iti nasantoan a tronona. (𝘀𝘂𝗻𝗴𝗯𝗮𝘁)
𝗠𝗔𝗜𝗞𝗔𝗗𝗨𝗔 𝗔 𝗠𝗔𝗜𝗕𝗔𝗦𝗔
Taga-Efeso 1:17-23
Idawdawatko iti Dios ni Apotayo a Jesu-Cristo, iti nagloriaan nga Ama, nga itedna kadakayo ti Espiritu a mamagsirib ken mangiparangarang iti Dios kadakayo tapno maammoanyo ti Dios. :Idawdawatko
a maluktan koma dagiti pampanunotyo tapno makitayo ti lawagna, tapno maammoanyo ti namnama a nangayabanna kadakayo, ti kinabaknang dagiti nakaskas-daaw a bendision nga inkarina kadagiti tattaona
ken ti naindaklan a pannakabalinna nga agtartrabaho kadatayo a mamati. Daytoy a pannakabalin nga adda kadatayo, isu met laeng ti nabileg a panna-kabalin nga inusarna idi pinagungarna ni Cristo, ket pinagtugawna iti makan-nawanna sadi langit. Agturay ni Cristo sadiay. Nangatngato ngem dagiti amin a nailangitan a papangulo, agtuturay, panna-kabalin ken appo. Nangatngato ngem dagiti amin a naigalad a pannakabalin iti agdama a lubong ken iti lubong a mapa-sungad. Inkabil ti Dios dagiti amin a banag iti sakaanan ni Cristo, ket intedna ni Cristo a kangatoan nga Apo iti iglesia. Ti iglesia isu ti bagi ni Cristo, tikinaananay daydiay mismo a mangananay kadagiti amin a banag iti amin a lugar.
Ti Sao ti Apo.
𝗘𝗕𝗔𝗡𝗚𝗛𝗘𝗟𝗜𝗢
San Mateo 28:16-20
Napan dagiti sangapulo ket maysa nga adalan idiay Galilea, iti bantay nga imbaga ni Jesus a papananda. Idi makitada ni Jesus, nagdaydayawda kenkuana, numan pay nagduadua ti sumagmamano kada kuada. Immasideg ni Jesus ket kinunana, "Naited kaniak ti amin a pannakabalin idiay langit ken ditoy daga. Inkayo ngarud Kadagiti amin a tattao iti amin a lugar, ket pagbalinenyo ida nga adalak: buniaganyo ida iti nagan ti Ama, ti Anak ken ti Espi-ritu Santo, ken isuroyo ida nga agtungpal kadagiti amin nga imbilinko kadakayo. Laglagipenyo nga addaakto nga agnanayon kadakayo agingga iti panungpalan ti lubong."
Ti Ebanghelio ti Apo.
𝗞𝗔𝗥𝗔𝗥𝗔𝗚 𝗔 𝗦𝗔𝗣𝗔𝗦𝗔𝗣
Mannakabalin nga .Ama, kaskam la kadagiti adalan a tumangtangad imbes a mangawis kadagiti tao a mangiwaragawag ti Saom. Iti panagtitiponmi iti naganmo, dawatenmi kenka a patgam dagiti napakumbaba a dawatmi bayat ti itataliawmi kadagiti balikasmo a mangted ti liwliwa ken namnama. Tunggal dawat kunatayo:
𝙐𝙢𝙖𝙮𝙠𝙖, 𝘼𝙥𝙤 𝙅𝙚𝙨𝙪𝙨, 𝙪𝙢𝙖𝙮𝙠𝙖.
Agpaay kadagiti mangidadaulo ti simbaantayo nga inayaban ti Dios a mangipakaammo iti Naimbag a Damag, tapno sipupudnoda a mangtungpal iti trabaho nga intalek kadakuada ti Dios ket mangtedda iti inspirasion kadagiti tattao babaen dagiti pannursuro ken wagas ti panagbiagda nangruna kadagiti awan pay pammatina. Kumararagtayo.
Agpaay kadagiti mangidadaulo iti gobiemo, tapno babaen ti panangipakatda ti kinalinteg, kappia ken panagkikinnaawatan agbalinda a saksi ti ebanghelio ti nagungar a Cristo. Kumararagtayo.
Agpaay kadagiti tattao a naimbag ti panagnakemna, tapno iti inaldaw makitada ni Cristo a sibibiag iti baetda ket agtalinaed ti nagungar nga Apo kadakuada agingga ti kanibusanan ti lubong. Kumararagtayo.
Agpaay kadatayo amin a nagtitipon ditoy, tapno masursurotayo a bigbigen ti rupa ti Cristo kadagiti kakabsattayo nangruna kadagiti napanglaw ken nakapuy. Kumararagtayo.
Agpaay kadagiti kakabsattayo a natayen, tapno babaen ti pammatida iti nagungar nga Apo iti sibibiagda pay ti mangiragpat kadakuadan iti agnanayon a ragsak sadi langit. Kumararagtayo.
Ama, ammomi a dinakam baybay-an gapu ta kanayon nga addaka kadakami ket maliw liwakami gapu iti pannakaammomi nga addan ni Apo Jęsus a situtugaw iti makannawanmo. Makaay-ayo koma kenka dagitoy a dawatmi ket punnoem dagiti puso ken isipmi iti panagtalek iti ebangheliom. Dawatenmi daytoy iti nagan ni Jesus nga Apomi. Amen.
