YiFi Panique

04/10/2026

𝗟𝗜𝗙𝗜 𝗦𝗨𝗡𝗗𝗔𝗬 | 𝗢𝗖𝗧𝗢𝗕𝗘𝗥 𝟰, 𝟮𝟬𝟮𝟲 @ 𝗦𝗧𝗢. 𝗡𝗜Ñ𝗢 𝗖𝗛𝗔𝗣𝗘𝗟-𝗣𝗔𝗡𝗜𝗤𝗨𝗘

Unang Linggo ng buwan ng Oktubre ay ipinagdiriwang ang 𝗟𝗜𝗙𝗜 𝗦𝗨𝗡𝗗𝗔𝗬. Sa espesyal na araw na ito, ang naging sponsor ng ating pagsamba ay ang mga kalalakihan na pinangunahan ng ating butihing Diyakano na si 𝗥𝗲𝘃. 𝗗𝗰𝗻. 𝗜𝗹𝗲𝗻 𝗖𝗼𝗿𝘁𝗲𝘇.

Taos-puso naming pinasasalamatan ang lahat ng mga kalalakihang naging bahagi ng makabuluhang pagdiriwang na ito. Higit sa lahat, maraming salamat kay 𝗕𝗿𝗼. 𝗔𝗹𝘄𝗶𝗻 𝗠𝗮𝘂𝗹𝗶𝗼𝗻 sa pagbabahagi ng kaniyang mensahe sa Gospel na tunay na nagbigay-inspirasyon at paalala sa bawat isa sa atin.

Patunay ngang kapag ang Diyos ang tumatawag, hindi sapat na marinig lamang ang Kaniyang tinig—kailangan nating tumugon nang may pananampalataya at buong pusong pagtanggap sa Kaniyang kalooban.

-𝗬𝗜𝗙𝗜 𝗣𝗔𝗡𝗜𝗤𝗨𝗘

23/09/2026

𝗖𝗮𝗻𝗱𝗲𝗹𝗮𝗿𝗶𝗮 𝗬𝗼𝘂𝘁𝗵 𝗙𝗼𝗿𝗺𝗮𝘁𝗶𝗼𝗻 𝗳𝗼𝗿 𝗖𝗵𝗿𝗶𝘀𝘁 | 𝗦𝗲𝗽𝘁𝗲𝗺𝗯𝗲𝗿 𝟭𝟴, 𝟮𝟬𝟮𝟲 @ 𝗕𝘂𝗹𝘄𝗮𝗻𝗴 𝗖𝗵𝗮𝗽𝗲𝗹

Muling nagtipon ang mga kabataan para sa isang makabuluhang 𝗖𝗮𝗻𝗱𝗲𝗹𝗮𝗿𝗶𝗮 𝗬𝗼𝘂𝘁𝗵 𝗙𝗼𝗿𝗺𝗮𝘁𝗶𝗼𝗻 𝗳𝗼𝗿 𝗖𝗵𝗿𝗶𝘀𝘁 (𝗖𝗬𝗙𝗖) na ginanap sa 𝗕𝘂𝗹𝘄𝗮𝗻𝗴 𝗖𝗵𝗮𝗽𝗲𝗹 para sa buwan ng Setyembre. Humigit-kumulang apatnapung kabataan mula sa iba’t ibang kapilya ang nagtipon upang sama-samang matuto, magnilay, makibahagi, at higit na mapalalim ang kanilang pananampalataya.

Ang aktibidad na ito ay nakasentro sa temang “𝗧𝗵𝗲 𝗼𝗻𝗲 𝘁𝗵𝗮𝘁 𝗴𝗼𝘁 𝗮𝘄𝗮𝘆: 𝗟𝗲𝘁𝘁𝗶𝗻𝗴 𝗴𝗼, 𝗺𝗼𝘃𝗶𝗻𝗴 𝗳𝗼𝗿𝘄𝗮𝗿𝗱.” — 𝗣𝗵𝗶𝗹𝗶𝗽𝗽𝗶𝗮𝗻𝘀 𝟯:𝟭𝟯–𝟭𝟰, na binigyang-buhay at ibinahagi ni 𝗠𝘀. 𝗠𝗮𝗲 𝗔𝗽𝗿𝗶𝗹 𝗝𝗼𝘆 𝗔. 𝗖𝗼𝗿𝗿𝗼𝘀.

Sa pamamagitan ng mensahe, hinikayat ang mga kabataan na bumitaw sa mga bagay na hindi na makatutulong sa kanilang paglalakbay, at magpatuloy nang may pananampalataya sa Diyos. Tulad ng paalala ni Apostol Pablo sa Filipos 3:13–14, mahalagang huwag manatiling nakatuon sa mga bagay na lumipas, kundi patuloy na magsikap tungo sa layuning inilaan ng Diyos.

Nawa’y magsilbing paalala sa bawat kabataan ang mensaheng ito: bitawan ang nakaraan, matuto mula rito, at magpatuloy nang may pananampalataya at pag-asa. Sapagkat sa bawat hakbang pasulong, kasama natin ang Diyos.

-𝗬𝗜𝗙𝗜 𝗣𝗮𝗻𝗶𝗾𝘂𝗲

31/08/2026

𝗣𝗔𝗥𝗜𝗦𝗛 𝗢𝗙 𝗢𝗨𝗥 𝗟𝗔𝗗𝗬 𝗢𝗙 𝗖𝗔𝗡𝗗𝗟𝗘𝗦
𝟮𝟲𝗧𝗛 𝗙𝗢𝗨𝗡𝗗𝗜𝗡𝗚 𝗔𝗡𝗡𝗜𝗩𝗘𝗥𝗦𝗔𝗥𝗬 | 𝗔𝗨𝗚𝗨𝗦𝗧 𝟮𝟵, 𝟮𝟬𝟮𝟲

Buong galak at pasasalamat nating ipinagdiriwang ang 𝗜𝗸𝗮-𝟮𝟲 𝗻𝗮 𝗧𝗮𝗼𝗻 ng pagkakatatag ng 𝗣𝗮𝗿𝗶𝘀𝗵 𝗼𝗳 𝗢𝘂𝗿 𝗟𝗮𝗱𝘆 𝗼𝗳 𝗖𝗮𝗻𝗱𝗹𝗲𝘀, dalawampu't anim na taon ng patuloy na paglalakbay ng ating pamayanan sa pananampalataya, paglilingkod, pagkakaisa, at pagiging saksi ng pag-ibig ng Diyos.
Naging sentro ng ating pagdiriwang ang Banal na Eukaristiya, sa pangunguna ni 𝗥𝘁. 𝗥𝗲𝘃. 𝗥𝗼𝗻𝗲𝗹𝗶𝗼 𝗩. 𝗙𝗮𝗯𝗿𝗶𝗾𝘂𝗶𝗲𝗿, kasama ang ating mga kaparian, diyakono, at mga lider layko.

Sa kanyang sermon, binigyang-diin niya ang malalim na kahulugan ng tema: “𝗦𝘂𝘀𝘁𝗮𝗶𝗻𝗲𝗱 𝗯𝘆 𝗚𝗿𝗮𝗰𝗲. 𝗡𝘂𝗿𝘁𝘂𝗿𝗲𝗱 𝗶𝗻 𝗙𝗮𝗶𝘁𝗵. 𝗦𝗲𝗻𝘁 𝗙𝗼𝗿𝘁𝗵 𝗶𝗻 𝗠𝗶𝘀𝘀𝗶𝗼𝗻. 𝗕𝗹𝗼𝗼𝗺 𝗪𝗵𝗲𝗿𝗲 𝗬𝗼𝘂 𝗔𝗿𝗲 𝗣𝗹𝗮𝗻𝘁𝗲𝗱.” Ipinaalala niya na ang ating buhay at paglilingkod ay patuloy na sinusuportahan ng biyaya ng Diyos, hinuhubog at pinayayabong ng pananampalataya, at hindi nagtatapos sa loob ng simbahan, sapagkat tayo ay sinusugo upang maglingkod, magmahal, at maging saksi ni Kristo sa ating mga pamilya, pamayanan, at lipunan.

Mas lalo pang naging makabuluhan ang ating pagdiriwang sa pamamagitan ng pagbabahagi ng ating 𝗣𝗮𝗻𝗮𝘂𝗵𝗶𝗻𝗴 𝗧𝗮𝗴𝗮𝗽𝗮𝗴𝘀𝗮𝗹𝗶𝘁𝗮 , si 𝗗𝗰𝗻. 𝗦𝗵𝗮𝗿𝗼𝗻 𝗙𝗮𝗺𝗶𝗹𝗮𝗿𝗮𝗻 , na nagbigay ng mas malalim na pagninilay tungkol sa tema.
Ipinaalala niya sa atin na ang bawat isa ay may natatanging lugar kung saan tayo inilagay ng Diyos. Hindi man pare-pareho ang ating kalagayan, kakayahan, at tungkulin, lahat tayo ay tinatawag na “bloom where you are planted” —mamukadkad at mamunga sa lugar kung saan tayo itinanim ng Diyos.

Hindi rin naging kumpleto ang ating pagdiriwang nang walang pagpapamalas ng talento, pagkakaisa, at pagkamalikhain ng ating mga kapatid mula sa iba't ibang kapilya sa pamamagitan ng 𝗖𝗵𝗼𝗿𝗮𝗹𝗲 𝗖𝗼𝗺𝗽𝗲𝘁𝗶𝘁𝗶𝗼𝗻 . Bawat kapilya ay buong puso at husay na naghandog ng kanilang mga tinig, talento, at dedikasyon. Higit pa sa isang paligsahan, ipinakita ng bawat kalahok na ang ating mga Aglipayano ay may angking galing, talento, at kakayahang gamitin ang kanilang mga kaloob para sa ikaluluwalhati ng Diyos.

Sa pagtatapos ng kompetisyon, buong pagmamalaking nasungkit ng 𝗣𝗮𝗻𝗶𝗾𝘂𝗲 𝗖𝗵𝗮𝗽𝗲𝗹 ang 𝗨𝗻𝗮𝗻𝗴 𝗣𝘄𝗲𝘀𝘁𝗼! Bagama’t hindi man nakamit ang pagiging kampeon sa paraang inaasahan, higit na nangingibabaw ang galak, pasasalamat, at pagmamalaki sa ipinamalas na talento, pagsisikap, at pagkakaisa. Sa muli, Maligayang Ika-26 na Anibersaryo, Parish of Our Lady of Candles!

- YIFI PANIQUE

23/08/2026

𝘾𝘼𝙉𝘿𝙀𝙇𝘼𝙍𝙄𝘼 𝙔𝙊𝙐𝙏𝙃 𝙁𝙊𝙍𝙈𝘼𝙏𝙄𝙊𝙉 𝙁𝙊𝙍 𝘾𝙃𝙍𝙄𝙎𝙏 | 𝘼𝙪𝙜𝙪𝙨𝙩 𝟮𝟭, 𝟮𝟬𝟮𝟲 @ 𝙂𝙖𝙗𝙖𝙬𝙖𝙣 𝘾𝙝𝙖𝙥𝙚𝙡

Sa makalipas na ilang buwan, ay muli na namang nagkaroon ng 𝘾𝙔𝙁𝘾 na ginanap noong Agosto 21, 2026 sa Gabawan Chapel. Dinaluhan ito ng mga kabataan mula sa iba't ibang kapilya ng Candelaria, na muling nagsama-sama upang palalimin ang pananampalataya, patatagin ang samahan, at higit na mapalapit sa Diyos.

Naging makabuluhan ang pagtitipon sa pamamagitan ng pagbabahagi ng magandang mensahe at pagbubulay-bulay mula sa ating Guest Speaker, 𝑺𝒊𝒔. 𝑹𝒐𝒏𝒂 𝑫𝒆𝒍𝒂 𝑪𝒓𝒖𝒛 , na nakatuon sa temang “𝘾𝙤𝙣𝙣𝙚𝙘𝙩𝙚𝙙 𝙩𝙤 𝘾𝙝𝙧𝙞𝙨𝙩, 𝙉𝙤𝙩 𝘾𝙤𝙣𝙩𝙧𝙤𝙡𝙡𝙚𝙙 𝙗𝙮 𝙩𝙝𝙚 𝙒𝙤𝙧𝙡𝙙”– 𝙍𝙤𝙢𝙖𝙣𝙨 𝟭𝟮:𝟮.

Sa kanyang mensahe, binigyang-diin ang kahalagahan ng pagpapanatili ng ating matibay na koneksyon kay Kristo, lalo na sa mga panahong tayo ay nakararanas ng pagsubok, pag-aalinlangan, tukso, at iba't ibang suliranin sa buhay. Sa mundong puno ng ingay, impluwensiya, at mga bagay na maaaring maglayo sa atin sa Diyos, tayo ay pinaaalalahanang huwag hayaang kontrolin ng mundo ang ating pananaw, pagpapasya, at pagkatao.

Kasama rin sa mahalagang bahagi ng aktibidad ang paghalal ng mga bagong opisyal ng CYFC, na siyang magiging katuwang sa pagpapanatili ng maayos, organisado, at mas masiglang pagsasagawa ng mga susunod pang gawain at aktibidad ng kabataan. Nawa'y sa kanilang pamumuno ay mas marami pang kabataan ang mahikayat, makilahok, at lumago sa pananampalataya at paglilingkod sa Panginoon.

Patuloy tayong manindigan, manatiling nakakabit kay Kristo, at huwag hayaang ang mundo ang humubog sa ating pagkatao.

— 🦋

12/08/2026

𝗣𝗨𝗦𝗣𝗨𝗦𝗔𝗡𝗚 𝗣𝗔𝗦𝗔𝗦𝗔𝗟𝗔𝗠𝗔𝗧!

Taos-puso naming pinasasalamatan ang lahat ng dumalo at nakiisa sa ating 𝗔𝗚𝗟𝗜𝗣𝗔𝗬 𝗖𝗟𝗨𝗦𝗧𝗘𝗥 𝗖𝗘𝗟𝗘𝗕𝗥𝗔𝗧𝗜𝗢𝗡 bilang bahagi ng 𝗶𝗸𝗮-𝟭𝟮𝟰 𝗣𝗿𝗼𝗰𝗹𝗮𝗺𝗮𝘁𝗶𝗼𝗻 𝗔𝗻𝗻𝗶𝘃𝗲𝗿𝘀𝗮𝗿𝘆 𝗻𝗴 𝗜𝗴𝗹𝗲𝘀𝗶𝗮 𝗙𝗶𝗹𝗶𝗽𝗶𝗻𝗮 𝗜𝗻𝗱𝗲𝗽𝗲𝗻𝗱𝗶𝗲𝗻𝘁𝗲, 𝗗𝗶𝗼𝗰𝗲𝘀𝗲 𝗼𝗳 𝗢𝗱𝗶𝗼𝗻𝗴𝗮𝗻!

Isang mabiyayang araw kung saan nagsama-sama ang tatlong parokya—𝗣𝗮𝗿𝗶𝘀𝗵 𝗼𝗳 𝗢𝘂𝗿 𝗟𝗮𝗱𝘆 𝗼𝗳 𝗖𝗮𝗻𝗱𝗹𝗲𝘀 (𝗟𝗶𝗯𝗲𝗿𝘁𝗮𝗱), 𝗖𝗮𝘁𝗵𝗲𝗱𝗿𝗮𝗹 𝗼𝗳 𝗦𝘁. 𝗩𝗶𝗻𝗰𝗲𝗻𝘁 𝗙𝗲𝗿𝗿𝗲𝗿 (𝗢𝗱𝗶𝗼𝗻𝗴𝗮𝗻), 𝗮𝘁 𝗣𝗮𝗿𝗶𝘀𝗵 𝗼𝗳 𝗦𝘁. 𝗔𝗻𝘁𝗵𝗼𝗻𝘆 𝗱𝗲 𝗣𝗮𝗱𝘂𝗮 (𝗙𝗲𝗿𝗿𝗼𝗹)—sa Tuburan Covered Court.

Salamat sa bawat kamay na tumulong, bawat tinig na umawit, at bawat pusong nagdiwang kasama namin.

Patuloy nawa tayong patatagin ng 𝗯𝗶𝘆𝗮𝘆𝗮𝗻𝗴 𝗻𝗮𝗴𝗺𝘂𝗺𝘂𝗹𝗮 𝘀𝗮 𝗗𝗶𝘆𝗼𝘀, palaguin ang ating pananampalataya, at gabayan upang patuloy na
𝗺𝗮𝗴𝗹𝗶𝗻𝗴𝗸𝗼𝗱 𝗮𝘁 𝗺𝗮𝗴𝗺𝗶𝘀𝘆𝗼𝗻 𝗽𝗮𝗿𝗮 𝘀𝗮 𝗗𝗶𝘆𝗼𝘀 𝗮𝘁 𝗯𝗮𝘆𝗮𝗻.
(Ephesians 2:8–10)

Sa muli, maraming salamat sa lahat!
𝗗𝗶𝗼𝘀 𝘁𝗲 𝗯𝗲𝗻𝗱𝗶𝘀𝗶!

08/08/2026

06/08/2026

𝟭𝟮𝟰𝗧𝗛 𝗣𝗥𝗢𝗖𝗟𝗔𝗠𝗔𝗧𝗜𝗢𝗡 𝗔𝗡𝗡𝗜𝗩𝗘𝗥𝗦𝗔𝗥𝗬
𝗔𝗴𝗹𝗶𝗽𝗮𝘆 𝗖𝗹𝘂𝘀𝘁𝗲𝗿 𝗖𝗲𝗹𝗲𝗯𝗿𝗮𝘁𝗶𝗼𝗻
(𝘊𝘢𝘵𝘩𝘦𝘥𝘳𝘢𝘭 𝘗𝘢𝘳𝘪𝘴𝘩 • 𝘓𝘪𝘣𝘦𝘳𝘵𝘢𝘥 𝘗𝘢𝘳𝘪𝘴𝘩 • 𝘍𝘦𝘳𝘳𝘰𝘭 𝘗𝘢𝘳𝘪𝘴𝘩)

🗓️ 𝗔𝘂𝗴𝘂𝘀𝘁 𝟴, 𝟮𝟬𝟮𝟲 II 𝟳:𝟯𝟬 𝗔𝗠
📍 𝗧𝘂𝗯𝘂𝗿𝗮𝗻 𝗖𝗼𝘃𝗲𝗿𝗲𝗱 𝗖𝗼𝘂𝗿𝘁

"𝗦𝘂𝘀𝘁𝗮𝗶𝗻𝗲𝗱 𝗯𝘆 𝗚𝗿𝗮𝗰𝗲, 𝗡𝘂𝗿𝘁𝘂𝗿𝗲𝗱 𝗶𝗻 𝗙𝗮𝗶𝘁𝗵, 𝗦𝗲𝗻𝘁 𝗙𝗼𝗿𝘁𝗵 𝗶𝗻 𝗠𝗶𝘀𝘀𝗶𝗼𝗻"
— 𝐄𝐩𝐡𝐞𝐬𝐢𝐚𝐧𝐬 𝟐:𝟖-𝟏𝟎

Isandaan at dalawampu't apat na taon ng patuloy na paglilingkod, pananampalataya, at pagsunod sa panawagan ng Diyos para sa 𝐈𝐠𝐥𝐞𝐬𝐢𝐚 𝐅𝐢𝐥𝐢𝐩𝐢𝐧𝐚 𝐈𝐧𝐝𝐞𝐩𝐞𝐧𝐝𝐢𝐞𝐧𝐭𝐞. Mula sa unang liyab ng proklamasyon hanggang sa kasalukuyan, patunay ito na ang 𝐛𝐢𝐲𝐚𝐲𝐚 𝐧𝐠 𝐃𝐢𝐲𝐨𝐬 ang siyang nagbibigay-buhay sa ating Simbahan.

Tulad ng bangkang matatag sa gitna ng dagat, tayo'y 𝗦𝗨𝗦𝗧𝗔𝗜𝗡𝗘𝗗 𝗕𝗬 𝗙𝗔𝗜𝗧𝗛 — hindi natitinag kahit anong bagyo ang dumaan.

Tulad ng apoy na patuloy na nagliliyab, tayo'y 𝗡𝗨𝗥𝗧𝗨𝗥𝗘𝗗 𝗜𝗡 𝗙𝗔𝗜𝗧𝗛 — palaging pinatitibay ng ating pananalig sa Panginoon.

At tulad ng krus na nakatayong matatag, tayo'y 𝗦𝗘𝗡𝗧 𝗙𝗢𝗥𝗧𝗛 𝗜𝗡 𝗠𝗜𝗦𝗦𝗜𝗢𝗡 — patuloy na ipinapadala upang maging ilaw at saksi ng Kanyang pag-ibig.

Dalhin ang inyong pamilya, kaibigan, at kapwa Aglipayano sa magandang pagtitipong ito ng ating simbahan, at makiisa sa pagdiriwang ng 124th Proclamation Anniversary.

"𝑺𝒂𝒑𝒂𝒈𝒌𝒂'𝒕 𝒕𝒂𝒚𝒐 𝒂𝒚 𝑲𝒂𝒏𝒚𝒂𝒏𝒈 𝒈𝒂𝒘𝒂, 𝒏𝒂 𝒏𝒊𝒍𝒂𝒍𝒂𝒏𝒈 𝒌𝒂𝒚 𝑪𝒓𝒊𝒔𝒕𝒐 𝑱𝒆𝒔𝒖𝒔 𝒑𝒂𝒓𝒂 𝒔𝒂 𝒎𝒂𝒃𝒖𝒃𝒖𝒕𝒊𝒏𝒈 𝒈𝒂𝒘𝒂..." — Efeso 2:10

Sama-sama tayong magpuri, magpasalamat, at magpatibay sa isa't isa bilang iisang katawan ni Kristo, habang ipinagdiriwang natin ang pananampalatayang ipinamana sa atin, pinasasalamatan ang biyaya ng Diyos, at ipinagpapatuloy ang misyong ipinagkatiwala Niya sa bawat isa sa atin. ⛪✨