Our Lady of Immaculate Conception Chapel - Bangad

08/04/2026

Ika-8 ng Buwan ng Abril | Buwanang Pamimintuho kay Santo Domingo de Guzman de Talim
‎
‎𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍𝐓𝐎 𝐃𝐎𝐌𝐈𝐍𝐆𝐎 𝐃𝐄 𝐆𝐔𝐙𝐌𝐀𝐍
‎
‎Mahal na Santo Domingo,naging kalugod-lugod ka sa Diyos dahil sa iyong kabanalan at sa iyong walang pagod na paglilingkod sa kanya. Ipinahayag mo ito sa iyong pagkalinga sa mga dukha at sa mga pagsisikap mong maipalaganap ang kanyang mga aral upang iligtas ang mga mananampalataya sa mga maling turona magdadala sa kanila sa kapahamakan.
‎
‎Tulungan mo akong masundan ang halimbawa ng iyong kalinisan ng puso, pagmamahal sa kapwa lalo na sa mga nangangailangan at sa habag sa mga makasalanan. Sa iyong pamamagitan, loobin nawa ng Panginoon na maunawaan ko ang mga aral niya at ng Simbahan at sa gayo'y magabayan ko rin ang iba sa matuwid na landas.
‎
‎Katulad mo rin, nawa'y maging kalasag ko ang mga panalangin lalo na sa Santo Rosaryo sa pagharap ko sa mga pagsubok sa buhay at sa mga hadlang sa paglilikod sa Diyos. At nawa sa pamamagitan nito'y maipahayag ko ang aking pananalig sa pagkalinga ng Diyos sa mga tumatawag at umaasa sa kanya. Amen.
‎
‎𝐒𝐀𝐍𝐓𝐎 𝐃𝐎𝐌𝐈𝐍𝐆𝐎 𝐃𝐄 𝐆𝐔𝐙𝐌𝐀𝐍,
‎𝐈𝐏𝐀𝐍𝐀𝐋𝐀𝐍𝐆𝐈𝐍 𝐌𝐎 𝐊𝐀𝐌𝐈!

photo ctto: John Michael Bueza
‎
‎

02/04/2026

‎Ang pagsisimula ng 𝗕𝗮𝗻𝗮𝗹 𝗻𝗮 𝗧𝗿𝗶𝗱𝘂𝗼 𝗻𝗴 𝗣𝗮𝘀𝗸𝘂𝘄𝗮, na tinatawag ding "Paschal Triduum" o "Easter Triduum", ay ang huling tatlong araw ng mga Mahal na Araw. Ito ay ang paggunita sa 𝗠𝗶𝘀𝘁𝗲𝗿𝘆𝗼 𝗻𝗴 𝗣𝗮𝘀𝗸𝘂𝘄𝗮 (Paschal Mystery) o ang pagliligtas na ginawa sa atin ng Diyos sa pamamagitan ng Pagpapakasakit, Pagkamatay, at Muling Pagkabuhay ng ating Panginoong Hesukristo.
‎
‎Kaya't Inaanyayahan ang lahat na makiisa sa ating pamparokyang pagdiriwang ng Triduo ng Paskuwa—ang pinakamahalagang bahagi ng ating pananampalataya Katoliko.
‎
‎Narito ang mga tampok na gawain ng ating parokya para sa Banal na Triduo:
‎
‎𝐇𝐮𝐰𝐞𝐛𝐞𝐬 𝐒𝐚𝐧𝐭𝐨 |
‎5:00 N.H. - Misa sa Pagtatakipsilim sa Paghahapunan ng Panginoon.
‎6:00 N.G. - Pagsisimula ng Pagtatanod sa Santissimo Sacramento.
‎6:00 N.G. - Prusisyon ng Kordero patungo sa tahanan ng Hermano.
‎
‎𝐁𝐢𝐲𝐞𝐫𝐧𝐞𝐬 𝐒𝐚𝐧𝐭𝐨 |
‎5:00 N.U. - Estacion General
‎9:00 N.U. - Dapit ng Poong Hesus
‎12:00 N.T. - Pagninilay sa Pitong huling Wika
‎3:00 N.H. - Pagpaparangal sa Krus na Banal
‎4:00 N.H. - Prusisyon ng Paglilibing
‎
‎𝐒𝐚𝐛𝐚𝐝𝐨 𝐝𝐞 𝐆𝐥𝐨𝐫𝐢𝐚 |
‎8:00 N.G. - Ang magdamagang pagdiriwang ng Pasko ng Muling Pagkabuhay.
‎*Susundan ng Prusisyon ng Salubong.
‎
‎Sa ating pagdiriwang ng mga Mahal na araw, inaanyayahan ang lahat na maglaan ng panahon para sa panalangin, pagninilay, at mas malalim na pakikiisa sa pagpapakasakit ng Panginoon.
‎
‎
‎
‎

07/03/2026

UNANG SABADO NG PAGDEDEBOSYON SA KARANGALAN NG LA INMACULADA CONCEPCION DE TALIM - PATRONA DE BANGAD

Viva la Virgen!
Viva la Virgen!

07/03/2026

Pagdarasal ng Santo Rosaryo ngayong Unang Sabado ng Buwan ng Marso sa karangalan ng Nuestra Señora dela Inmaculada Concepcion de Talim - Patrona de Bangad

07/03/2026

𝗨𝗡𝗔𝗡𝗚 𝗦𝗔𝗕𝗔𝗗𝗢 𝗡𝗚 𝗕𝗨𝗪𝗔𝗡 𝗡𝗚 𝗣𝗔𝗚𝗗𝗘𝗗𝗘𝗕𝗢𝗦𝗬𝗢𝗡 𝗦𝗔 𝗜𝗡𝗠𝗔𝗖𝗨𝗟𝗔𝗗𝗔 𝗖𝗢𝗡𝗖𝗘𝗣𝗖𝗜𝗢𝗡

Ang araw ng sabado ay pagpaparangal kay Maria, ang Birheng 𝐼𝑛𝑚𝑎𝑐𝑢𝑙𝑎𝑑𝑎 𝐶𝑜𝑛𝑐𝑒𝑝𝑐𝑖𝑜𝑛, sama-sama tayong magpasalamat sa ating Mahal na Ina sa pamamagitan ng pananalangin.

• 𝐍𝐔𝐄𝐒𝐓𝐑𝐀 𝐒𝐄𝐍̃𝐎𝐑𝐀 𝐃𝐄 𝐋𝐀 𝐈𝐍𝐌𝐀𝐂𝐔𝐋𝐀𝐃𝐀 𝐂𝐎𝐍𝐂𝐄𝐏𝐂𝐈𝐎𝐍 •

Manalangin tayo;

O Mahal na Birheng Inmaculada Concepcion, taglay mo ang grasya ng Panginoon sa simula pa lamang ng kalinis-linisang paglilihi sa iyo.

Dakila ang karangalang ito, na ipinagkaloob sa iyo ng Ama upang maging marapat na Ina ng aming Panginoong Hesukristo at kabanal-banalang Esposa ng Espiritu Santo.

Sa pamamagitan mo ay buong puso naming iniaalay kay Hesus ang aming sarili, mga panalangin, mga gawain, tuwa, at mga tiisin sa araw-araw naming pamumuhay ng buo naming puso at kaluluwa.

Tulungan mo kami, O Inang kalinis-linisan na manatiling buhay sa grasya ng Panginoon. Matuluran nawa namin ang iyong kalinisan at kabanalan sa ikararangal ng iyong Anak na aming Panginoong Hesukristo. Amen.

𝗜𝗽𝗮𝗻𝗮𝗹𝗮𝗻𝗴𝗶𝗻 𝗺𝗼 𝗸𝗮𝗺𝗶, 𝗠𝗮𝗵𝗮𝗹 𝗻𝗮𝗺𝗶𝗻𝗴 𝗜𝗻𝗮!

𝙑𝙞𝙫𝙖 𝙇𝙖 𝙑𝙞𝙧𝙜𝙚𝙣!

06/03/2026

‎𝑺𝒂́𝒃𝒂𝒅𝒐 𝑫𝒆𝒗𝒐𝒄𝒊́𝒐𝒏 𝒆𝒏 𝑯𝒐𝒏𝒐𝒓 𝒅𝒆 𝒍𝒂 𝑽𝒊𝒓𝒈𝒆𝒏 𝑰𝒏𝒎𝒂𝒄𝒖𝒍𝒂𝒅𝒂 𝑪𝒐𝒏𝒄𝒆𝒑𝒄𝒊𝒐𝒏 𝒅𝒆 𝑴𝒂𝒓𝒊𝒂
‎
‎𝑴𝒆𝒎𝒐𝒓𝒂𝒓𝒆
‎
‎Alalahanin mo, O lubhang mahabaging Birheng Maria, na kailanman’y 'di narining na may dumudulog sa iyong pag-aampon, humihingi ng iyong tulong at nagmamakaawa ng iyong saklolo, na iyong pinabayaan. Dala ng pag-asa na ito, dumudulog ako sa iyo, O Birhen ng mga birhen, aming Ina, sa iyo ako’y lumalapit, sa iyo ako’y humaharap na makasalanan at namimighati, Ina ng walang hanggang berbo, huwag mo akong siphayuin, ang aking pagluhog, bagkus, sa iyong habag, pakinggan mo ako at pakapakinggan.
‎
‎Amen.
‎
‎𝑨𝒎𝒂 𝒏𝒂𝒎𝒊𝒏...
‎𝑨𝒃𝒂 𝑮𝒊𝒏𝒐𝒐𝒏𝒈 𝑴𝒂𝒓𝒊𝒂...
‎𝑳𝒖𝒘𝒂𝒍𝒉𝒂𝒕𝒊...
‎
‎Rosaryo at Nobena - 4PM
‎Prusisyon - 5PM
‎
‎
‎
‎

17/02/2026

𝐌𝐈𝐘𝐄𝐑𝐊𝐔𝐋𝐄𝐒 𝐍𝐆 𝐀𝐁𝐎

Inaanyayahan po ang lahat ng mananampalataya sa Sama-samang Panalangin sa Pagdiriwang ng Miyerkules ng Abo sa ating Kapilya sa ganap na ika-6 ng Gabi.

16/02/2026

10/02/2026

‎𝗞𝗔𝗣𝗜𝗦𝗧𝗔𝗛𝗔𝗡 𝗡𝗚 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡 𝗡𝗚 𝗟𝗢𝗨𝗥𝗗𝗘𝗦
‎
‎Pagbati ng Maligayang Kapistahan, Parokya ng Birhen ng Lourdes! Pagbati mula sa Sto. Domingo Parish - Talim.
‎
‎𝐕𝐢𝐯𝐚 𝐥𝐚 𝐕𝐢𝐫𝐠𝐞𝐧! 𝐕𝐢𝐯𝐚 𝐥𝐚 𝐕𝐢𝐫𝐠𝐞𝐧 𝐝𝐞 𝐋𝐨𝐮𝐫𝐝𝐞𝐬!
‎
‎𝗣𝗔𝗡𝗔𝗟𝗔𝗡𝗚𝗜𝗡 𝗦𝗔 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡 𝗡𝗚 𝗟𝗢𝗨𝗥𝗗𝗘𝗦
‎
‎Inang pinakaiibig, Kalinis-linisang Reyna, na napakita sa Lourdes nang upang minsan pang pasiglahin at papag-alabin ang pag-ibig at pananalig ng malamig at pabayang katauhan, ilingon mo sa amin ang mga mata mong maawain at lipos ng pag-ibig, ako na iyong anak nang dahil sa iyong karangalan. Ninanais kong makasama at makaisa sa pamamagitan man lamang ng aking diwa at gunam-gunam niyaong mga libo-libong nagsasadya, na naglalakbay sa mga landas na patungo at naghahatid sa Simbahan, na sa iyong karangalan ay napatayo sa Lourdes, na pinagdadayo ng lahat. Sa kasamahan nila ay ipinahahatid ko din sa iyo matamis na Birhen ang aking mga panalangin at Kahilingan. (Banggitin ang mga kahilingan)
‎
‎Tingnan ako ng iyong mga mata, Inang kaibig-ibig; sa iyo Birheng Masintahin ng Lourdes, Ipahahatid ko ang aking mga panalangin. Ako man ay iyo ding anak, ako ay iyong iniibig at ninanais mong tulungan ako. Iharap mo nga ang aking mga daing at kahilingan sa iyong Mabathalang-anak . Sa pamamagitan at kapakanan Niya, ang lahat ng mga bagay ay maaari, at walang itatanggi sa iyo anumang bagay.
‎
‎Alam ko na iyong makakamit para sa akin ang lahat ng ninanasa ng aking puso, sapagkat aking nadinig ang mga himala at kababalaghan ng biyaya na iyong isinasagawa at ipinamamalas sa pook na iyong pinagpakitaan, doon sa Gruta ng Lourdes.
‎
‎Kalinislinisang Reyna, Inang kaibig-ibig, ipukol ang iyong mga paningin sa anak mong nasa iyo ang pag-asa, at sa iyo nananalig, at pagkalooban Mo ako kung mamagalingin ng iyong Mabathalang-anak, ng lahat kong mga ninanasa at kahilingan. Amen
‎
‎𝐀𝐦𝐚 𝐧𝐚𝐦𝐢𝐧...
‎𝐀𝐛𝐚 𝐆𝐢𝐧𝐨𝐨𝐧𝐠 𝐌𝐚𝐫𝐢𝐚...
‎𝐋𝐮𝐰𝐚𝐥𝐡𝐚𝐭𝐢...
‎
‎
‎

09/02/2026

PABATID | Inaanyayahan po ang bawat mananampalataya na dalhin ang kanilang mga lumang palaspas sa ating Parokya para sa isasagawang Silab Sala sa ika-17 ng Pebrero. Kaugnay ng Pagdiriwang ng Miyerkules ng Abo sa ika-18 ng Pebrero. Hudyat ng Pagsisimula ng Panahon ng Kuwaresma

07/02/2026

UNANG SABADO NG BUWAN NG PAGDEDEBOSYON SA KARANGALAN NG LA INMACULADA CONCEPCION DE TALIM - PATRONA DE BANGAD

Viva la Virgen!
Viva la Virgen!