19/05/2026
https://www.facebook.com/share/1BZbzrdaB2/
๐๐ง๐ค๐๐ง๐๐ข๐๐ฃ๐ ๐พ๐๐ฃ๐ฉ๐ง๐๐ก ๐พ๐ค๐ฃ๐๐๐ง๐๐ฃ๐๐ ๐๐๐ฃ๐จ๐๐ค๐ฃ๐จ ๐ฃ๐ ๐๐๐จ๐ฅ๐๐ฉ๐ ๐ฅ๐๐ฅ๐๐ก๐๐ฉ๐๐ฃ ๐ฃ๐ ๐๐ฃ๐ ๐ฅ๐๐ฃ๐๐๐ก๐๐ฃ ๐จ๐ โ๐พ๐ค๐ฃ๐ฃ๐๐๐ฉ๐๐ค๐ฃ๐๐ก ๐๐๐ฃ๐จ๐๐ค๐ฃ ๐๐ช๐ฅ๐ฅ๐ค๐ง๐ฉโ ๐๐ง๐ค๐๐ง๐๐ข
Inanunsyo ng Wespath ang pagpapalit ng pangalan ng Central Conference Pensions (CCP) program, na tatawagin na ngayong Connectional Pension Support (CPS). Ang hakbang na ito ay bunsod ng malawakang pagbabago sa estruktura ng The United Methodist Church (UMC)โang Regionalizationโna naglalayong pagtibayin ang pandaigdigang koneksyon at misyon ng simbahan. Sa kasalukuyan, ang programa ay nagsisilbing sandigan ng humigit-kumulang 3,700 na pastor, gayundin ang mga naiwang asawa at anak sa mga rehiyonal na kumperensya sa Africa, Pilipinas, at Europa.
Ang pagbabagong ito ay resulta ng ratipikasyon ng mga amyenda sa konstitusyon na inaprubahan noong Mayo 2024 ng UMC General Conference at kinumpirma ng Council of Bishops noong Nobyembre 2025. Sa ilalim ng bagong sistema, ang mga central conference at ang Estados Unidos ay magkakasama nang tatawaging โregional conferencesโโna may pantay na katayuan at kapangyarihang lehislatibo sa loob ng denominasyon.
โAng pagpalit ng pangalan sa Connectional Pension Support ay salamin ng umuunlad na estruktura ng UMC habang binibigyang-importansya ang malalim na ugnayan na pundasyon ng programang ito,โ ani Andy Hendren, General Secretary ng Wespath. โNagbago man ang pangalan, hindi natitinag ang aming misyon: ang tiyakin ang seguridad sa pagreretiro ng mga pastor at ng kanilang mga pamilya sa buong mundo.โ
Isang Programang Pinagtibay ng Ugnayang Pandaigdigan
Nagsimula ang Connectional Support Program noong General Conference 2000, nang lumikha ang mga pinuno ng UMC ng isang task force na binubuo ng mga obispo at general secretary bilang tugon sa kakulangan ng pondo para sa pagreretiro ng mga klero sa maraming regional conferences. Noong 2004, binago ang The Book of Discipline upang pahintulutan ang Central Conference Pension Initiative (CCPI) sa ilalim ng pangangasiwa ng Wespath, na naglunsad ng isang pangangalap-pondo sa buong denominasyon upang suportahan ang pag-unlad ng pensiyon sa labas ng Estados Unidos.
Matapos malikom ang target na $25 milyon noong 2013, ang programa ay kinilalang Central Conference pensions na nag-udyok sa pagbabalangkas na maging pangmatagalang suporta at pagpapaunlad ng pensyon.
Mula sa pagiging isang maliit na task force na binubuo ng walong tao, lumago ito at naging isang malawak na global United Methodist Network na sumusuporta sa 12 pension plans sa loob ng 19 na episcopal areas ng 7 regional conferences โ kung saan dati ay may maliit o walang sapat na tulong pinansyal para sa mga retiradong lingkod ng Diyos at ang kanilang mga pamilya.
Sa kasalukuyan, patuloy ang Wespath sa pagbibigay ng tulong at gabay sa mga pinuno ng mga regional conference upang mas patatagin ang pundasyon ng kanilang mga pension program. Bagaman masigasig at ligtas ang suportang pinansyal para sa mga planong ito, nagkakaiba-iba ang paraan ng pagpopondo at pamamahala depende sa pangangailangan ng bawat rehiyon. Mananatiling prayoridad ng programa na tiyaking magiging pangmatagalan at sapat ang pondo para sa hinaharap.
โSa loob ng mahigit dalawang dekada, naging patunay ang programang ito sa mga katangi-tanging bagay na kayang makamit kapag ang mga United Methodist ay nagkaisa sa iisang misyon, anuman ang hangganan ng kanilang bansa,โ pahayag ni Bill Kavanaugh, Chief Operating Officer ng Wespath. โPinagtitibay ng Connectional Pension Support ang pamanang ito, habang sumasalubong sa kinabukasan nang may malinaw na layunin, pagkakaisa, at pag-asa.โ
Sa mga darating na buwan, ia-update ng Wespath ang kanilang website, mga lathalain, at iba pang paraan ng komunikasyon upang opisyal na ipakita ang bagong pangalan ng programa.
https://www.facebook.com/share/p/1ahboqNDyA/
