Fr. Lito Jopson Page

03/03/2026

Composed and Sung by Fr. Lito Jopson, part of the Album "Sumainyo ang kapayapaan ko"

02/03/2026

Praying for those who are sick and for peace.

30/01/2026

Photo 6 years ago with His Eminence, Chito Cardinal Tagle and with fellow Josefino priests - Your Eminence, you haven’t realized the tremendous impact you caused in my life as a person, a Christian, and as a priest. How can I ever thank you?
— with Edwin Beley EdBe and Ali Notna Otterab. Hail, San Jose!

15/01/2026

Inspirasyon para sa Enero 15
Kapistahan ni Maria, Ina ng mga Dukha
Ni Pd. Lito Jopson

Ang isang binyagan ay tumutupad sa kalooban ng Diyos na maging daluyan ng pag-ibig, kapayapaan, at katarungan.

Ngayong araw, ginugunita natin si Maria bilang Ina ng mga Dukha, na nagpakita kay Mariette Beco sa Banneux at nagpahayag: “Ako ang Ina ng mga Dukha.” Isang malinaw na paalala ito na ang puso ng Diyos ay laging nakatuon sa mga aba, sugatan, at pinabayaan ng lipunan.

Tayo na mga binyagan ay tinatawag na maging daluyan ng pag-ibig ng Diyos. Ngunit minsan, nahihirapan tayong magbahagi lalo na kung tayo’y salat. May mga pagkakataong ayaw nating magbigay dahil natatakot tayong mawalan. Ngunit itinuturo sa atin ni Maria na ang tunay na kayamanan ay ang pusong marunong magbahagi.

Pag-ibig - “Ipinakita ni Maria ang walang kondisyong pag-ibig sa mahihirap.” Ang kanyang mensahe ay malinaw: Mahalin ang kapwa, lalo na ang nasa laylayan. “At sinabi niya: Manalangin kayo.” Ang panalangin ay hindi lamang pakikipag-usap sa Diyos, kundi pagmamahal din sa kapwa.

Kapayapaan - Sa iba’t ibang aparisyon (Banneux, Fatima, Medjugorje), iisa ang kanyang panawagan: “Manalangin kayo para sa kapayapaan.” “Magbalik-loob kayo sa Diyos.” Ang tunay na kapayapaan ay nagsisimula sa pusong nagbabalik-loob sa Diyos. Ang galit at digmaan ay bunga ng kasalanan, ngunit ang panalangin at sakripisyo ang daan tungo sa kapayapaan.

Katarungan - Ang bukal sa Banneux ay “para sa lahat ng bansa, lalo na sa mga may sakit.” Paalala ito na: Pantay-pantay tayong lahat sa harap ng Diyos, Lahat ay may dignidad, at ang biyaya ng Diyos ay para sa lahat.

Ito ang diwa ng panlipunang katarungan: pagkalinga sa mahihirap, malasakit sa may sakit, pagtatanggol sa naaapi.

Hamon sa Ating Lahat - Tulad ni Maria, maging daluyan tayo ng: Pag-ibig sa kapwa, Kapayapaan sa mundo, at Katarungan sa lipunan. Huwag tayong matakot magbahagi, kahit kakaunti lamang ang ating taglay. Sa maliit na kabutihan, nagiging dakila ang pag-ibig ng Diyos.

Pagnilayan: Ako ba ay daluyan ng pag-ibig, kapayapaan, at katarungan sa aking pamilya at pamayanan?

Maria, Ina ng mga Dukha, ipanalangin mo kami.

15/01/2026

13/01/2026

Salamat OMPHP sa napakasayang Christmas Party!

09/01/2026

Inspirasyon para sa Enero 10
ni Pd. Lito Jopson

“Ang nagpapagabay sa liwanag ng Diyos ay nagbibigay-daan sa gawain ni Kristo.”
1 Jn 5:14-21/Jn 3:22-30

Sa ebanghelyo ngayong araw, inaanyayahan tayo ng Diyos na magpahintulot sa Kanyang liwanag na gumabay sa ating buhay. Ngunit aminin natin—may mga pagkakataong punô tayo ng ating sarili: sariling plano, sariling hangarin, sariling kumpiyansa. Dahil dito, nagiging manhid tayo sa tinig ng Diyos at hindi natin namamalayan na Siya na pala ang kumakatok sa ating puso.

Ang taong nagbibigay-daan kay Kristo ay may puwang sa kanyang buhay para sa kalooban ng Diyos. Hindi siya sarado sa pagbabago; bagkus, bukás siyang tumugon sa tawag ng Panginoon, kahit pa ito’y humahamon o humihingi ng sakripisyo.

Ikalawa, ang nagbibigay-daan kay Kristo ay nagiging saksi sa Kanyang mga kahanga-hangang gawa. Kapag hinayaan nating kumilos ang Diyos sa ating buhay, nakikita natin kung paano Niya binabago ang mga sugat, takot, at pagdududa tungo sa pag-asa at panibagong lakas.

Sa huli, ang nagpapaubaya kay Kristo, si Kristo mismo ang nabubuhay sa kanya. Hindi na ang sarili ang nangingibabaw, kundi ang pag-ibig, habag, at liwanag ni Hesus ang siyang naghahari sa puso at gawa.

Pagnilayan:
May puwang pa ba sa aking buhay para sa kalooban ni Kristo, o punô na ito ng aking sariling plano?