26/08/2026
PAYAPA ( Poem ) 🇮🇹
Author: Ka.Albert ☘🤍
Payapa ang puso kapag Ama ang sandigan,
Sa gitna ng unos, Siya ang nagbibigay-katapangan;
Kahit may luha at bigat na pinagdaraanan,
Sa Kaniyang paggabay, nakakamtan ang kapanatagan.
Payapa ang isip kapag may tiwala sa Ama,
Kahit ang paligid ay puno ng ingay at pangamba;
Sa bawat pagsubok, hindi ako mawawala,
Sapagkat alam kong Siya ang aking lakas at pag-asa.
May mga gabing tahimik ngunit puso’y nag-aalala,
May mga araw na tila mabigat ang bawat problema;
Ngunit sa halip na pangamba ang manaig sa diwa,
Pananampalataya ang aking yayakapin sa tuwina.
Hindi man malinaw ang bukas na naghihintay,
Hindi ko hahayaang takot ang pumigil sa buhay;
Sa bawat hakbang, Ama, Ikaw ang aking gabay,
Kaya ang puso kong dati’y magulo ay nagiging payapa’t tunay.
Kaya sa bawat umaga at bawat pagdating ng gabi,
Pasasalamat sa Ama ang laman ng aking labi;
Sa hirap man o ginhawa, sa lungkot man o ngiti,
Kapag kasama Ka, Ama, payapa ang puso at tahimik ang aking sarili. ☘🤍
