Parokya ng mga Banal na Anghel

26/05/2026

23/05/2026

𝐋𝐈𝐕𝐄: 𝐋𝐈𝐍𝐆𝐆𝐎 𝐍𝐆 𝐏𝐄𝐍𝐓𝐄𝐊𝐎𝐒𝐓𝐄𝐒 | 𝐌𝐀𝐘𝐎 𝟐𝟒, 𝟐𝟎𝟐𝟔

Punong Tagapagdiwang: Rdo. Padre Alberto M. Dela Cruz

𝗨𝗡𝗔𝗡𝗚 𝗣𝗔𝗚𝗕𝗔𝗦𝗔
Mga Gawa 2, 1-11

𝗦𝗔𝗟𝗠𝗢𝗡𝗚 𝗧𝗨𝗚𝗨𝗡𝗔𝗡
Salmo 103, 1ab at 24ak. 29bk-30. 31 at 34

Espiritu mo’y suguin,
P**n, tana’y ‘yong baguhin.

𝐈𝐊𝐀𝐋𝐀𝐖𝐀𝐍𝐆 𝐏𝐀𝐆𝐁𝐀𝐒𝐀
1 Corinto 12, 3b-7. 12-13

MABUTING BALITA
Juan 20, 19-23

23/05/2026

𝐋𝐈𝐍𝐆𝐆𝐎 𝐍𝐆 𝐏𝐄𝐍𝐓𝐄𝐊𝐎𝐒𝐓𝐄𝐒 🔥🕊️

𝟬𝟱.𝟮𝟰.𝟮𝟲 | Sa pagdiriwang ng Linggo ng Pentekostes, ginugunita natin ang pagbaba ng Espiritu Santo sa mga Apostol — ang katuparan ng pangako ni Kristo at simula ng matatag na misyon ng Simbahan sa pagpapahayag ng Mabuting Balita.

Nawa’y muling mag-alab sa ating mga puso ang apoy ng pananampalataya, pag-asa, at pag-ibig na nagmumula sa Espiritu Santo. Sa Kanyang paggabay, maging bukas nawa tayo sa paglilingkod, pagkakaisa, at patuloy na pagsunod sa kalooban ng Diyos.

“𝘛𝘢𝘯𝘨𝘨𝘢𝘱𝘪𝘯 𝘯𝘪𝘯𝘺𝘰 𝘢𝘯𝘨 𝘌𝘴𝘱𝘪𝘳𝘪𝘵𝘶 𝘚𝘢𝘯𝘵𝘰.”
— 𝘑𝘶𝘢𝘯 20:22

Maligayang Kapistahan ng Pentekostes sa ating lahat!

🖼️ | Ang Pagaspas - SOCCOM - Parokya ng mga Banal na Anghel

23/05/2026

𝙏𝙖𝙣𝙜𝙜𝙖𝙥𝙞𝙣 𝙢𝙤 𝙖𝙣𝙜 𝙀𝙨𝙥𝙞𝙧𝙞𝙩𝙪 𝙎𝙖𝙣𝙩𝙤...

𝟎𝟓.𝟐𝟑.𝟐𝟔 | Sa biyaya ng Diyos, matagumpay na ginanap ngayong araw ang 𝗞𝘂𝗺𝗽𝗶𝗹𝗮𝗻𝗴 𝗣𝗮𝗺𝗽𝗮𝗿𝗼𝗸𝘆𝗮 kung saan (50) limampung mga lalaki at babae ang tumanggap ng 𝙎𝙖𝙠𝙧𝙖𝙢𝙚𝙣𝙩𝙤 𝙣𝙜 𝙆𝙪𝙢𝙥𝙞𝙡 sa pangunguna ni 𝗠𝘀𝗴𝗿. 𝗝𝗼𝘀𝗲 𝗥𝗼𝗱𝗲𝗹 𝗥. 𝗣𝗼𝗻𝗰𝗲.

Sa pagtanggap nila sa Espiritu Santo, nawa’y higit silang tumatag sa pananampalataya at maging mga tunay na saksi ni Kristo sa gitna ng mundo. Ang sakramento ng kumpil ay hindi lamang tanda ng paglago sa pananampalataya, kundi isang paanyaya upang mamuhay nang may pag-ibig, paglilingkod, at katapatan sa Panginoon.

Dalangin ng buong sambayanan na patuloy silang gabayan at pag-alabin ng Espiritu Santo upang maging asin at ilaw ng sanlibutan.

Halina, Espiritu Santo, punuin Mo ang puso ng Iyong mga lingkod at pagningasin Mo sa kanila ang apoy ng Iyong pag-ibig. Amen.

📸 | Ang Pagaspas - SOCCOM - Parokya ng mga Banal na Anghel

21/05/2026

𝐈𝐊𝐀𝐋𝐀𝐖𝐀𝐍𝐆 𝐋𝐈𝐍𝐆𝐆𝐎 𝐍𝐆 𝐒𝐈𝐌𝐁𝐀-𝐀𝐑𝐀𝐋𝐀𝐍 | 𝐌𝐚𝐲𝐨 𝟏𝟏-𝟏𝟓, 𝟐𝟎𝟐𝟔

Sa pagpapatuloy ng paglalakbay ng Simba-Aralan, lalo pang namukadkad ang pananampalataya sa puso ng bawat kabataan. Sa ikalawang linggo, ang bawat awit, panalangin, at aral ay naging tila ilaw na marahang gumagabay sa kanilang murang isipan tungo sa mas malalim na pagkilala sa Diyos.

MASDAN | Patuloy na nagningning ang pitong kapilya bilang tahanan ng pag-asa at paghubog. Sa tulong ng P***a, SPPC, Young Catechist, Legion, at mga magulang na walang sawang umaalalay, naging buhay ang bawat sandali ng pagkatuto at paglilingkod. Sa bawat larawan ay mababanaag ang galak ng mga batang pusong bukas sa Salita ng Panginoon at sa pagmamahal ng Simbahan.

Maraming salamat sa mga batang patuloy na nakikiisa, sa mga lingkod na buong pusong nagtuturo, at sa mga magulang na katuwang sa paggabay sa pananampalataya ng kabataan.

📷 | Tampok na larawan mula sa Komisiyon ng Kumunikasiyon Panlipunan ng bawat kapilya.

19/05/2026

✨ 𝗛𝗮𝗹𝗶𝗻𝗮’𝘁 𝗠𝗮𝗸𝗶𝗴𝗮𝗹𝗮𝗸! ✨

Inaanyayahan po ang lahat na makiisa sa ating masayang pagdiriwang ng BEC FESTIVAL

"𝗣𝗶𝘀𝘁𝗮 𝗻𝗴 𝗜𝗶𝘀𝗮, 𝗮𝘁 𝗟𝗮𝗴𝗶𝗻𝗴 𝗡𝗮𝗴𝗸𝗮𝗸𝗮𝗶𝘀𝗮𝗻𝗴 𝗧𝗮𝘁𝗹𝗼"

Isang araw ng pagkakaisa, pananampalataya, at kasiyahan para sa buong pamayanan. 💛

📅 Mayo 31, 2026 | Linggo
🕛 Oras ng pagpapatala : 12:00 NT – 1:00 NH

Sama-sama nating ipadama ang diwa ng pagkakapatiran, pananampalataya, at kasiyahan! 🎊

16/05/2026

𝐌𝐚𝐥𝐢𝐠𝐚𝐲𝐚𝐧𝐠 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠-𝐚𝐤𝐲𝐚𝐭 𝐬𝐚 𝐋𝐚𝐧𝐠𝐢𝐭 𝐧𝐠 𝐏𝐚𝐧𝐠𝐢𝐧𝐨𝐨𝐧!

Sa ating pagdiriwang nito, ipinapaalala sa atin na si Kristo ay hindi lumisan upang tayo’y iwan, kundi umakyat sa kaluwalhatian upang ihanda ang ating lugar sa piling ng Ama.

Ang Kanyang pag-akyat sa langit ay tanda ng tagumpay ng pag-ibig, pag-asa, at muling pagkabuhay. At bilang Kanyang Simbahan, tayo ay tinatawag na magpatuloy sa misyon ng pananampalataya—maglingkod, magmahal, at magbahagi ng Mabuting Balita sa bawat isa.

Nawa’y maging buhay na saksi tayo ng Kanyang presensya sa pamamagitan ng ating kabutihan, pagkakaisa, at pananalig. Sapagkat kahit Siya’y umakyat sa langit, nananatili Siyang buhay at kumikilos sa ating buhay.

Patuloy nawa tayong akayin ni Kristo tungo sa kabanalan at buhay na walang hanggan.

16/05/2026

𝐇𝐚𝐩𝐩𝐲 𝐖𝐨𝐫𝐥𝐝 𝐂𝐨𝐦𝐦𝐮𝐧𝐢𝐜𝐚𝐭𝐢𝐨𝐧’𝐬 𝐒𝐮𝐧𝐝𝐚𝐲!

Sa panahong ang mundo ay konektado sa pamamagitan ng teknolohiya, nawa’y panatilihin nating konektado ang bawat puso kay Kristo.

Tinatawag tayo ng Panginoon na maging tinig ng katotohanan at ilaw sa gitna ng makabagong paraan ng komunikasyon. Sa bawat pagbabahagi, nawa’y si Kristo ang higit na makita kaysa sa ating sarili.

Sa paglilingkod ng Commission on Social Communications, bawat kuha, edit, live, at mga anunsyo ay nagiging munting misyon para maipalaganap ang pag-ibig ng Diyos sa sambayanan.

Maraming salamat sa mga taong tahimik na naglilingkod sa likod ng kamera, kompyuter, at mikropono—ang inyong talento, oras, at dedikasyon ay nagsisilbing daan upang mas maraming puso ang mapalapit kay Kristo.

Nawa’y gabayan tayo ng Espiritu Santo upang gamitin ang media sa pagpapalalim ng pananampalataya, pagkakaisa, at pag-ibig sa Simbahan.

14/05/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧, 𝐒𝐚𝐧 𝐈𝐬𝐢𝐝𝐫𝐨 𝐋𝐚𝐛𝐫𝐚𝐝𝐨𝐫!

Sa bawat butil ng palay at bawat bungang inaani, naroon ang biyaya ng Diyos.

Ngayong Kapistahan ni San Isidro Labrador, ating pinararangalan ang huwaran ng kasipagan, pananampalataya, at kababaang-loob. Bilang patron ng mga magsasaka, ipinapaalala niya sa atin na ang bawat ani ay bunga hindi lamang ng pagod at sipag, kundi ng pagtitiwala sa Diyos na nagbibigay-buhay sa ating mga bukirin.

Nawa’y patuloy niyang gabayan at pagpalain ang lahat ng magsasaka at manggagawang nagpapagal upang may maihaing pagkain sa bawat hapag.

𝙎𝙖𝙣 𝙄𝙨𝙞𝙙𝙧𝙤 𝙇𝙖𝙗𝙧𝙖𝙙𝙤𝙧, 𝙞𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞!

12/05/2026

𝐇𝐚𝐥𝐢𝐧𝐚’𝐭 𝐌𝐚𝐤𝐢𝐢𝐬𝐚 𝐬𝐚 𝐁𝐄𝐂 𝐅𝐄𝐒𝐓𝐈𝐕𝐀𝐋 𝟐𝟎𝟐𝟔!

“𝙄𝙄𝙎𝘼 𝙖𝙩 𝙡𝙖𝙜𝙞𝙣𝙜 𝙣𝙖𝙜𝙠𝙖𝙠𝙖𝙞𝙨𝙖𝙣𝙜 𝙏𝘼𝙏𝙇𝙊
𝙎𝙖 𝙆𝙖𝙗𝙖𝙣𝙖𝙡𝙖𝙣, 𝙆𝙖𝙥𝙖𝙣𝙜𝙮𝙖𝙧𝙞𝙝𝙖𝙣 𝙖𝙩 𝙋𝙖𝙜𝙠𝙖𝙠𝙖𝙗𝙪𝙠𝙡𝙤𝙙 —
𝘼𝙢𝙖, 𝘼𝙣𝙖𝙠, 𝙖𝙩 𝙀𝙨𝙥𝙞𝙧𝙞𝙩𝙪 𝙎𝙖𝙣𝙩𝙤.”

Sa diwa ng pagkakaisa at pananampalataya, malugod naming inaanyayahan ang bawat BEC, kapitbahayan, pamilya, at mananampalataya na makiisa sa isang makabuluhan at masayang pagdiriwang ng ating pagiging sambayanan ng Diyos.

Nawa’y magsilbing paalala ang pagdiriwang na ito na tulad ng Santatlo, tayo rin ay tinatawagan na mamuhay sa pag-ibig, pagkakaisa, at paglilingkod sa isa’t isa.

📅 𝗟𝗶𝗻𝗴𝗴𝗼 | 𝗠𝗮𝘆𝗼 𝟯𝟭, 𝟮𝟬𝟮𝟲
📍 𝗣𝗮𝗿𝗼𝗸𝘆𝗮 𝗻𝗴 𝗺𝗴𝗮 𝗕𝗮𝗻𝗮𝗹 𝗻𝗮 𝗔𝗻𝗴𝗵𝗲𝗹
𝗦𝗮𝗻 𝗝𝗼𝘀𝗲, 𝗣𝗹𝗮𝗿𝗶𝗱𝗲𝗹, 𝗕𝘂𝗹𝗮𝗰𝗮𝗻

Sama-sama tayong magdiwang, manalangin, at magbuklod bilang isang Simbahang buhay kay Kristo!