https://www.facebook.com/100809969496989/

Camangaan Joy Christian BC

Home
Philippines
Pangasinan
Camangaan Joy Christian BC

"For I am confident of this thing.. that He will complete what He has started"

04/04/2026

Mataas na papuri at pasasalamat sa ating Diyos na buhay. Mere words are not enough to express how grateful we are at CJCBC, knowing that Jesus died on the cross to redeem us through His blood, for the forgiveness of our sins . A celebration of Jesus 'sacrifice , THE SEVEN LAST WORDS!

Thanking God for those who attended, even more grateful for the sponsors of the food, who also opened their house for the activity.. salamat Family of Cherry Quinones ..

18/02/2026

Masaya at nakaka -encourage talaga ang sama-samang magkakapatid sa ating Panginoon. Salamat sa Maambal Christian Baptist Church , who sponsored the fellowship of Zone 4 Young People, thank you Lord naka-join kami.

22/12/2025

"Payak na kapaskuhan subalit puno ng kaligayahang nagmumula sa ating Diyos na mapagmahal."

Christmas celebration, December 20,2025
Speaker: Ptr Alejandro A. Pasalo
Our God is a forgiving God!
Text: Matthew 1:18-21

According to his message, sa sobrang pagmamahal ng Diyos sa atin, ibinigay Niya ang Kanyang bugtong na Anak para tubusin tayo sa ating mga kasalanan. Si Jesus ang natatanging dahilan kung bakit may pasko.

Ang ating Diyos ay nagpapatawad sa lahat ng ating kasalanan, intentional man o hindi.
Tayo din bilang mga anak na napatawad ay kailangan ding magpatawad ng mga taong nagkasala sa atin upang tayo ay mapagpala ng mapagpatawad na Diyos.

Maraming salamat po sa lahat ng nagkaloob, sa mga donors ng raffle, gifts and food! Purihin ang Panginoon sa buhay ng aming pastor, pastor Al Mark Aldas Pasalo ..

29/10/2025

Mga kapatid, basahin po natin!I-post ko po dito ang devotional message ng ating pastor sa Pozorrubio New Christian Baptist Church , nawa po ay may matutunan tayong lesson mula sa ating Diyos na buhay.
Magandang araw na muli mga minamahal kong mga kapatid kay Kristo Jesus.

Basahin natin ang II Peter 1:3-4
3 Tinanggap natin sa pamamagitan ng kapangyarihan ng Diyos ang lahat ng bagay na magtuturo sa atin upang tayo'y mamuhay na maka-Diyos. Ito'y dahil sa ating pagkakilala kay Jesus, na siya ring tumawag sa atin upang bahaginan tayo ng kanyang kaluwalhatian at kadakilaan.

Anu ano nga ba ang makapagtuturo sa atin sa pamamagitan ng kapangyarihan ng Diyos, upang tayo ay makapamuhay nang maka-Diyos? Paano nga ba tayo makasisiguradong pagdating ng araw sa ating pagharap sa Kanya, ay masisiyahan ang ating Diyos?

Maraming paraan ang ibinibigay ng Diyos sa atin upang matuto tayo sa kapangyarihan ng Diyos at maisapamuhay ang mga ito ayon sa Kanyang kapangyarihan.

Una, may Biblia na pwede nating pagkunan ng mga kautusan at mga pangako, pwede tayong magbasa at mag-aral tuwing personal daily devotion natin. Yan ang nais ng Diyos para sa ating lahat, ang matuto.

Pangalwa, pwede tayong taus pusong making sa Sunday School, sa pastor, sa mga nagtuturo ng Salita ng Diyos, ganun din ang mga kapatiran. Sa ganung paraan, nalalaman natin ang mga bagay bagay na makakatulong upang tayo ay makapamuhay ng ayon sa Kanyang kalooban.

Panghuli, ginagamit din ng Panginoon ang mga nangyayari sa ating mga buhay upang mangusap sa atin at mabago ang ating pananaw at paraan ng pamumuhay.

Nawa, mga kapatid, sa tulong ng Diyos ay maging bukas ang ating mga puso, pandinig at paningin at maunawaan natin ang sinasabi ng Diyos sa atin.

Tayo'y manalangin:
Ama naming Diyos na mapagpatawad at mapagmahal, kami po ay nagpapasalamat na ang layunin mo sa aming buhay ay makapamuhay ng ayon sa Inyong mga Salita, upang maging maka-Diyos sa lahat ng oras. Tulungan po Ninyo kaming matuto sa Iyong mga Salita, makapamuhay ayon sa Iyong sinasabi sa amin at makabahagi sa Iyong kadakilaan at kaluwalhatian. Bigyan po Ninyo kami ng katalinuhan, lakas at katiagaan upang pagdating ng tamang panahon, kami ay makaharap sa Iyo ng may katagumpayan. Sa Ngalan ni Jesus, amen..

26/10/2025

Lubos po kaming nagpapasalamat sa kabutihan ng Diyos sa Camangaan Joy Christian BC , naramdaman at naranasan namin ang Kanyang katapatan sa pamamagitan ng buhay nang aming pastor, Pastor Al Mark Aldas Pasalo .

Patuloy naming dalangin ang inyong magandang kalusugan, katalinuhang nagmumula sa Diyos at nawa ay ipagkaloob ng ating Diyos na mkapangyarihan sa lahat ang lahat ng inyong pangangailangan.
Happy Pastor's Appreciation Day, pastor Al Mark!!

14/10/2025

Posting here the devotional message of our pastor at Pozorrubio New Christian Baptist Church ..

Magandang araw sa ating lahat mga minamahal kong mga kapatid kay Kristo Jesus.

Muli, magbasa tayo ng Salita ng Diyos. Basahin natin ang
I Tesalonica 3:12-13
12' Nawa'y palaguin at pasaganain ng Panginoon ang inyong pag-ibig sa isa't isa at sa lahat ng tao, tulad ng pag-ibig namin sa inyo. 13 Nang sa gayo'y palalakasin niya ang inyong loob upang kayo'y manatiling banal at walang kapintasan sa harap ng ating Diyos at Ama hanggang sa pagdating ng ating Panginoong Jesus, kasama ang lahat ng kanyang mga hinirang."

Layunin ng Diyos na tayong mga magkakapatid sa pananampalataya ay patuloy na lumago sa pagmamahalan sa isa't isa gaya ng ginawa ng mga naunang mananampalataya.

Sa ganung kaparaanan ng pagtutulungan, pagmamahalan bilang magkakapatid kay Kristo Jesus, matutulungan din tayong manatiling banal at walang kapintasan sa harap ng Diyos. Binigyan tayo ng Banal na Espiritu upang may tumulong sa ating magawa ang mga bagay na parang hindi natin kaya.

Kailangan din ito upang maging handa tayo anumang oras sa pagbabalik ng ating Panginoong Jesus dito sa lupa.

Ama naming Diyos na nagmamahal sa amin, na Siyang nagpapalago ng aming pag-ibig sa isa't isa, tulungan po Ninyo kaming maging mapagmahal,matulungin, mabait sa aming kapwa lalo na sa aming mga kapatiran. Magkaron po nawa kami ng oras upang tumulong at dumamay sa mga kapatid na may mga kalungkutan at pangangailangan. Nang sa ganun ay gawin po Ninyo kaming banal at walang kapintasan sa Inyong harapan hanggang sa muli Ninyong pagbabalik dito sa lupa. Sa Pangalan ni Jesus, amen.

10/10/2025

Magandang araw sa lahat!
Post ko po dito devotional message ng ating senior pastor sa Pozorrubio New Christian Baptist Church
Mga minamahal kong mga kapatid kay Kristo Jesus, magandang umaga!

Basahin natin ang Isaiah 41:10
"Ako'y sasaiyo, huwag kang matakot, ako ang iyong Diyos, hindi ka dapat mangamba. Palalakasin kita at tutulungan, iingatan at ililigtas."

Yan po ay pangako ng Diyos para sa ating lahat na kumikilala kay Jesus bilang sariling Panginoon at Tagapagligtas.

Ang ating Panginoong Jesus ay nagtuturo sa atin na ang lakas ay hindi lang basta pisikal. Ito din ay nangangahulugan ng lakas ng kalooban, pananampalataya at katiagaan.

Sa buong kasulatan ng biblia, palagi tayong pinapaalalahanan, na ang kalakasan natin ay nagmumula sa Diyos sa pamamagitan ng pagtitiwala na alam Niya ang lahat ng nangyayari sa ating buhay, nang paniniwalang walang hanggan ang Kanyang pagmamahal sa atin at ayon sa Kanyang kalooban, matatapos din ang lahat ng ating paghihirap sa Kanyang tamang panahon.

Tayo'y manalangin
Panginoon naming Diyos na aming sinasamba at pinagtitiwalaan, maraming salamat sa Inyong mga Salita na wala kaming dapat ipangamba sapagkat palalakasin Ninyo kami at tutulungan. Sa Inyo po namin ipinagkakatiwala ang aming bukas at ang kinabukasan ng aming mga mahal sa buhay. Patuloy po Ninyo kaming palakasin, pagpalain at ingatan sa araw araw naming pamumuhay, sa Pangalan ni Jesus, amen.

08/10/2025

Eto po ang devotional message ng ating senior pastor sa Pozorrubio New Christian Baptist Church , para din po sa ating pagbubulay bulay

Magandang araw mga kapatid kong minamahal kay Kristo Jesus na ating Panginoon at Tagapagligtas.

Basahin natin ang Acts 4:33-35
33 Taglay ang dakilang kapangyarihan, ang mga apostol ay patuloy na nagpapatotoo tungkol sa muling pagkabuhay ng Panginoong Jesus. At ang masaganang pagpapala ay tinaglay nilang lahat.
34 Walang kinakapos sa kanila sapagkat ipinagbibili nila ang kani-kanilang lupa o bahay, at ang pinagbilhan
35 ay ipinagkakatiwala nila sa mga apostol. Ipinamamahagi naman iyon ayon sa pangangailangan ng bawat isa.

Napakagandang halimbawa ng "encouragement." Paano nga ba tayo magsisilbing halimbawa sa ating kapwa upang sila din ay sumunod sa ating Diyos?

Una, makikita natin na ang mga manggagawa ng Panginoon, ang mga apostol ay tuloy tuloy lang sa pagpapahayag ng Salita ng Diyos sa pamamagitan ng kapangyarihan ng Diyos.

At nakita ng nakapaligid sa kanila na sila ay pinagpapala.

Pangalwa, walang halong pagdadamot, nagsilbi silang encouragement sa mga mananampalataya na makibahagi sa pagpapahayag sa pamamagitan ng pagbibigay nang anumang meron sila.

Panghuli, ang mga naunang mananampalataya ay nagtiwala sa mga apostol at ang mga apostol ay natagpuan naman nilang matapat

Napakagandang halimbawa ng magandang pagsasamahan. Mga manggagawang matapat, masipag at maaasahan at mga mananampalatayang mapagbigay at nakakakita ng mga pangangailangan ng mga kapwa mananampalataya kung kayat may samahang makaka-encourage ng iba pang tao sa paligid.
Para po satin:

Panginoon, salamat po sa isang pamilyang katulad ng CJCBC mga kapatirang nagmamahalan at nagbibigayan. Nawa ang CJCBC ay magpatuloy sa pagkakaisa, pagmamahalan at makita ng mga taong nakapaligid sa amin na kami ay Iyong mga anak.Luwalhatiin po Ninyo ang Inyong banal na Pangalan sa aming mga buhay..Sa Ngalan ni Jesus, amen.

Address

Camangaan, Sison
Pangasinan

Telephone

+639088968466

Website

facebook.com

Alerts

Be the first to know and let us send you an email when Camangaan Joy Christian BC posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Camangaan Joy Christian BC:

Shortcuts

Address
Telephone
Alerts
Contact The Place Of Worship
Claim ownership or report listing

Want your place of worship to be the top-listed Place Of Worship in Pangasinan?