29/05/2024
Ang PULONG SA GINOO mao ang kamatuoran nga maghatag kanato ug kagawasan sa mga butang nga nakagapos kanato niini nga kalibotan.
Take note:
Mao kini nga mga nakagapos sa tawo aron dili makapangalagad sa Ginoo.
Galacia 5:19-21 APSD
[19] Ang mga tawo nga nagasunod lamang sa ilang tawhanon nga kinaiya maila gayod pinaagi sa ilang binuhatan: nagapakighilawas sila gawas sa kaminyoon, hugaw ug malaw-ay ang ilang mga binuhatan, [20] nagasimba sila sa mga dios-dios, mga mambabarang, madinumtanon, palaaway, abughoan, masuk-anon, hakog, hinungdan sa pagbahin-bahin ug pagpundok-pundok, [21] masinahon, palahubog, mahigugmaon sa mga kalibotanon nga kalipay, ug uban pang gibuhat nila nga mahugaw. Giingnan ko na kamo kaniadto ug karon pasidan-an ko kamo pag-usab, nga ang mga tawo nga nagabuhat niini dili makapanunod sa gingharian sa Dios.
1 JUAN 2:16 ABCEB
Kay ang tanan nga anaa sa kalibotan, ang pangibog sa unod ug ang pangibog sa mga mata ug ang garbo sa kinabuhi, dili gikan sa Amahan kondili sa kalibotan.
Ang PULONG SA DIOS mao ang maghatag kanatog kagawasan!
Juan 17:17 APSD
[17] Ilain sila aron mahimong imo pinaagi sa kamatuoran; ang imong pulong mao ang kamatuoran.
Juan 8:32 APSD
Masayran ninyo ang kamatuoran, ug ang kamatuoran mao ang maghatag kaninyo ug kagawasan.”
