Talasuyu Ning Indu

02/12/2024

IGMP 2024 🫶
VIVA INDU NING CAPALDANAN!
VIVA REINA NING CAPAMPANGAN!
VIVA VIRGEN DELOS REMEDIOS!

25/11/2024

Caring lalapit magsacdal q***a
Ala na pin e mipatawaran 🙏

Pamagrosaryo at Tambuli para Fiesta capasalamatan quing Indung Virgen Delos Remedios. Dacal pung salamat Barrio Camias Magalang 🫶

Viva Virgen Delos Remedios! 😇

24/11/2024

Nobyembre 24, 2024

Solemnidad para quing Cristong Ari 😇

Cristo Vincit! Cristo Reignat! Cristo Imperat!

Pusu nang hesus malam at mamu
Damdam ca sana caring mamaus
Ibuclat me ing mal a pusu mu
Carening inatbus mu

Mayumung pusu , pusu nang hesus
Mipnu quing lugud caring anggang tau
Gawan mo sana ding pusu mi
Malugud q***a , oh Ginung hesus 🙏

Ctto: Laruan ibat quing parroquia ning Sagradung Pusu Nang Hesus Telabastagan Page 🫶

18/11/2024

Ing milabas a pamandalo ding Talasuyu Ning Indu quing Cruzada De Penitencia Y Caridad Dane Aslagan quing parroquia nang San Rafael b***n Macabebe 😇🙏

Mapamacalulung Sto.Cristo Del Perdon, Pacaluluan mu cami 🙏
Maligayang Indung Virgen Delos Remedios, Ipanalangin mu cami 🙏

13/11/2024

Oh maligayang Padre Pio, Ume yula pu sanang pacayapan ding capatad ming masaquit atiu quing bawat ospital at pamibale-bale a daranas nanu man capanamdam quing carelang pisikal a catauan. Pasawup cami pu q***a oh malugud a Padre Pio, pagcaluban yula pu sanang capaldanan. Amen!

10/11/2024

Oh lubus mayupayang Ginung Diyos a mipaku quing krus pauli ning maragul a lugud mu caring tau at quing yatu. Dinanas cang emu nanung casaquitan angga na quing mete ca uli ning pamanatbus mu quing quequeng sala. Lalapit cami pu q***a at manyambitan, manyawad quing maragul mung kasaupan para caniting katakut-takut a sakuna ning bagyu. Maniwala cami pu na ika ing peka makapangyarihan queti yatu. Emu pu cami pu sana pabustan. Kanlungan mu kami pu sana caring gamat mung mapamacalulu. Ingatan mu cami pung anac mu oh lubus malugud a Ginu.

Mapamacalulung Santissimo
Sto.Cristo Del Perdon
Pacaluluan mu cami 🙏

26/10/2024

Magsayaw ng turumba , puri sa Birhen Maria! 🫶

Viva ! Viva! Nuestra Señora Delos Dolores De Turumba 🙏 Indu at Patrona De Pakil, Laguna 😇

26/10/2024

Ing pamaciagum ning patrona ning Pakil, Laguna bilang festejada quing Grand Marian Procession meganap quing B***n Candaba! 🫶

Viva! Viva! Viva! Nuestra Señora Delos Dolores De Turumba!! 🎉😇🙏

25/10/2024

Solemnidad nang Apung Mamacalulu 😇🙏

24/10/2024

𝑯𝒂𝒑𝒑𝒚 𝑭𝒊𝒆𝒔𝒕𝒂 𝑨𝒑𝒖𝒏𝒈 𝑴𝒂𝒎𝒂𝒄𝒂𝒍𝒖𝒍𝒖

Panalangin cang Apung Mamacalulu

Lalapit cu Keca o Apung Mamacalulu,
cambe ning beyatan ning caladua cu,
cambe ring lingasngas at pigagap cu,
cambe ring capagsubucan a árapan cu,
cambe ring bage liligalig king pusu at caisipan cu,
cambe ring pamangailangan da reng taung caluguran cu,
cambe ring pamicasala’t keinan cu,
cambe ning mabule cung casalpantayanan,
cambe ning matbud cung capanaligan,
cambe ning dimut cung lugud.

Lalapit cu Keca nung macananung lepitan na Ca nitang babaing cayayagasan daya,
ban calupa na, atagkil ke agyang ing laylayan na mu ning imalan Mu at cumayap cu.

Lalapit cu Keca nung macananung lepitan na Ca nitang taung maki-ketung,
ban tagkilan mu cu’t pacayapan,
ban linisan mu cu caladua’t catawan,
ban dinan mu cung bayung bie at parasan.

Lalápit cu la naman Keca deng pacamalan cu king bie.
Calupa da retang taung memitbit ketang paralitiku at memusbus king bubungan
ban iculdas de at ilapit Keca itang cacaluguran dang ating capansanan,
Acu man pu Ginu buri co sang ilapit Keca deng caluguran cu king bie
ban ila man damdaman do ring amanu Mung macapasno
at ban ing upaya ning calam Mu munie bayung sicanan
caring tud dang mangalgal at maybug dang masira lub,
ban ena la mitakid pasibayu o malili king paglacad da.

Lalapit cu Keca o Apung Mamacalulu,
nung macananu na cang lepitan nitang babaing Cananea,
a megmacalunus alang-alang king másakit a anac na,
at menalig king degulan ning pusu Mu,
ning lunus Mu at masabal careng alang acarapat.
Kalupa na, lalapit cung anting asung manenaya king pamangan
a mababalag ibat king lamesa ning cayang amu.

Lalapit cu Keca, calupa na nitang babaing micasala
a ume da nang basibasan detang taung mapanusga,
uling balu cung mapaglunus ca at
Ica mung bucud ing macapangatmu king sablang caculangan cu,
ca mung bucud ing macapanacap king camarinayan cu,
Ica mung bucud ing macapibangun canacu ibat king pangalugmuc cu.

Lalapit cu Keca, calupa nang San Pedro
iniang pepakit Ca keya at maibug yang lumbug king dine na,
iniang inagcat meng mangan at mipasiag pasibayu king lugud na,
sumangid ning gewa nang pamaglingad Keca.

Lalapit cu Keca, antimo retang alagad king Emaus,
ban calupa da, acayabe da Ca king paglakad cu,
atalastas cu ing sablang mangapalyari king bie cu,
at ban capamilatan ding banal Mung amanu
ing pusu cung dirimla at daralumdum micapali ya at miyaslagan-sala,
at ban akilala da Ca potang casulu da Ca
at mirinan cung sicanan-lub marap pasibayu careng bage tatacasan cu.

Susúcu cu Keca, O Apung Mamacalulu , ing sablang canacu,
uling ica mung bucud ing Ginu cu at Dios ning bie cu
Icang mabibie at mag-ari cambe ning Ibpa at ning Espiritu Santo,
mangga man king alang angga. Amen.

Ctto: Larauan at amanu ibat quing Apung Mamacalulu Shrine FB Page 🫶

19/10/2024

Ing abak calagu na
Ngening migising naca
Panibayung aldo pigcalub na
Ginung Dios pasalamatan ya 😇🙏

Mayap a abak pu! 🫶

16/10/2024

Pamandalo quing cruzada ning Birhen Santo Rosario at Sto.Domingo De Guzman visitas nang San Isidro Labrador barrio Laug Mexico Pampanga. Dacal pung salamat quing pamangumbira 🫶

Maligayang Birhen Ning Santo Rosaryo, Ipanalangin mu cami 🙏

Maligayang Sto.Domingo De Guzman, Ipanalangin mu cami 🙏

Maligayang San Isidro Labrador, Ipanalangin mu cami 🙏