Kalendaryo Ng Katesismong Katoliko

Kalendaryo Ng Katesismong Katoliko Tulong at Gabay sa Pamilyang Pilipino sa Pagpapalalim ng Pananampalatayang Katoliko.

AYON SA SALITA NG DIYOS:Nangyari ang lahat ng ito para matupad ang sinabi ng Panginoon sa propeta, "Maglilihi ang isang ...
26/05/2026

AYON SA SALITA NG DIYOS:

Nangyari ang lahat ng ito para matupad ang sinabi ng Panginoon sa propeta, "Maglilihi ang isang birhen at magkakaanak siya ng isang batang lalaki....Pagkagising ni Joseph, sinunod niya ang utos ng anghel ng Panginoon at pinakasalan niya si Maria. Pero hindi siya nagkaroon ng pakikipagtalik kay Maria bago ipanganak ang anak niyang lalaki (Mateo 1:22, 23a, 24).

Si Maria, ang Ina ng Diyos, ang kalinis-linisang birhen, ipinaglihing walang bahid kasalanan, iniakyat sa langit at ang unang tumanggap at nanampalataya kay Jesus. Dahil dito siya ang naging huwaran natin sa pananampalataya kay Kristo Jesus.

SALITA NG DIYOS NA PANGHAHAWAKAN:

Sumagot si Maria, "Ako'y alipin ng Panginoon; mangyari sa akin ang iyong sinabi" (Lukas 1:38).

ANG HAMON SA PAMILYA:

Dumalaw "pilgrimage" sa Simbahang nakapangalan sa Mahal na Ina at mag-alay ng panalangin para sa pamilya.

Mayo 26, 2026MGA DOGMA PATUNGKOL KAY MARIAAno ang Dogma patungkol kay Maria?Ang Turo ng Simbahan:Ang Dogma ay mga katoto...
26/05/2026

Mayo 26, 2026
MGA DOGMA PATUNGKOL KAY MARIA

Ano ang Dogma patungkol kay Maria?

Ang Turo ng Simbahan:

Ang Dogma ay mga katotohanang itinakda ng Simbahan upang tayo'y maliwanagan sa ating pananampalataya, tinatanglawan ito at binibigyan ng katiyakan. Ipinapaliwanag sa atin upang higit na maunawaan ang ating pinaniniwalaan.

Ang mga Dogma ay mga katotohanan tungkol sa pananampalataya na dapat nating unawain at paniwalaan. Apat ang Dogma patungkol kay Maria ayon sa paglalahad ng Vaticano II. (1) Kinikilala at pinararangalan ang Birheng Maria bilang tunay na Ina ng Diyos "Divine Motherhood" (KPK 519, Lumen Gentium 53); (2) Ang panghabang-panahong pagkabirhen ni Maria "Perpetual Virginity" ay hindi lamang basta pagpigil sa pakikipagtalik sa sekswal kundi ng positibong pagpapahalaga ng ganap at personal niyang dangal sa paghahandog niya ng buong sarili sa Diyos (KPK 521); (3) Si Maria sa mula't sapul na paglilihi sa kanya ay pinangalagaan upang hindi mabahiran ng dungis ng kasalanang-mana "Immaculate Concepcion" alang-alang sa mga kagalingang dulot ni Kristo Jesus (Ang kalinis-linisang Paglilihi) (KPK 523); 4) Ang pag-akyat sa kanya sa langit "Assumption" upang makasama ang kanyang Anak na si Kristong nabuhay na mag-uli (Iniakyat-katawan at kaluluwa) (KPK 524).

AYON SA SALITA NG DIYOS:Nang marinig ni Elizabet ang pagbati ni Maria, biglang gumalaw ang sanggol sa kanyang sinapupuna...
25/05/2026

AYON SA SALITA NG DIYOS:

Nang marinig ni Elizabet ang pagbati ni Maria, biglang gumalaw ang sanggol sa kanyang sinapupunan at siya ay napuspos ng Espiritu Santo. Napasigaw siya sa galak, "Pinagpala ka sa mga babae, at pinagpala rin ang dinadala mo sa iyong sinapupunan!" Sino ako upang dalawin ng ina ng aking Panginoon? (Lukas 1:41-43).

Sa pagdalaw pa lamang ni Maria sa kanyang pinsan na si Elizabet ay tunay na naipahayag na siya ay pinagpala. Nagalak si Elizabet at ang anak niya sa sinapupunan na si San Juan sa pagdalaw ni Maria, tayo rin ay dapat na magalak at ipagdiwang ang mga pistang inilaan para sa kanya tanda ng ating pagmamahal at pagkilala sa kanya. Si Maria ay Ina ng ating Panginoon na marapat lamang nating parangalan.

SALITA NG DIYOS NA PANGHAHAWAKAN:

Sumagot si Maria, "Ako'y alipin ng Panginoon; mangyari sa akin ang iyong sinabi" (Lukas 1:38).

ANG HAMON SA PAMILYA:

Dumalaw "pilgrimage" sa Simbahang nakapangalan sa Mahal na Ina at mag-alay ng panalangin para sa pamilya.

Mayo 25, 2026MGA DAKILANG KAPISTAHAN NG BIRHENG MARIAAno ang mga dakilang kapistahan ng Birheng Maria?Ang Turo ng Simbah...
25/05/2026

Mayo 25, 2026
MGA DAKILANG KAPISTAHAN NG BIRHENG MARIA

Ano ang mga dakilang kapistahan ng Birheng Maria?

Ang Turo ng Simbahan:

Sa liturhiya ng Simbahan, isa sa mga matitingkad na pagdiriwang ay ang pagkilala sa Mahal na Birheng Maria. Napakahalaga ng ginagampanan niya sa ating kaligtasan at labis din natin siyang pinasasalamatan.

Pinatitingkad sa taong liturhikal (Liturhical Calendar) ang apat na maringal na kapistahan para kay Maria:

▪️Ang Kapistahan ng Kalinis-linisang Paglilihi sa Birheng Maria "Immaculate Concepcion" sa sinapupunan ng kanyang Ina sa Adbiyento, ika-8 ng Disyembre;

▪️Ang Kapistahan ni Maria, bilang Ina ng Diyos "Mary Mother of God", ika-1 ng Enero;

▪️ Ang sinaunang Kapistahan ng Pagbabalita ng Anghel kay Maria "Annunciation", ika-25 ng Marso at pangwakas,

▪️ Ang Kapistahan ng Pag-akyat sa Langit ng Mahal na Birhen "Assumption", ika-25 ng Agosto na pinagpapatuloy sa pagdiriwang ng Pagka-Reyna ng Mahal na Birheng Maria (Queenship of Mary), makalipas ang pitong araw (KPK 1539).

AYON SA SALITA NG DIYOS:Pinadala ng Diyos si Anghel Gabriel sa bayan ng Nazareth, sa Galilee upang magdala ng mensahe. ...
24/05/2026

AYON SA SALITA NG DIYOS:

Pinadala ng Diyos si Anghel Gabriel sa bayan ng Nazareth, sa Galilee upang magdala ng mensahe. "Maria! Sobrang pinagpala ka! Kasama mo ang Panginoon! "Magbubuntis ka at manganganak ng isang batang lalaki. Jesus ang ipapangalan mo sa kanya. Magiging dakila siya at tatawagin siyang Anak ng Kataas-taasang Diyos (Lukas 1:26-27). Tunay ngang napakahalaga ng Mahal na Birhen Maria sa ating Simbahan sapagkat siya ay Ina ni Jesus na ating Tagapagligtas at Panginoon. Siya rin ay ating ina sapagkat siya ay ibinigay ni Jesus noong siya ay nakapako sa krus sa pagsasabi kay Juan na kanyanga alagad, "Siya ang iyong Ina (Juan 19:27).

SALITA NG DIYOS NA PANGHAHAWAKAN:

Sumagot si Maria, "Ako'y alipin ng Panginoon; mangyari sa akin ang iyong sinabi" (Lukas 1:38).

ANG HAMON SA PAMILYA:

Dumalaw "pilgrimage" sa Simbahang nakapangalan sa Mahal na Ina at mag-alay ng panalangin para sa pamilya.

Mayo 24, 2026MGA TITULO NI MARIABakit napakaraming katawagan o titulo si Maria?Ang Turo ng Simbahan:Ang iba't ibang kata...
24/05/2026

Mayo 24, 2026
MGA TITULO NI MARIA

Bakit napakaraming katawagan o titulo si Maria?

Ang Turo ng Simbahan:

Ang iba't ibang katawagan at titulo ni Maria ay tanda lamang ng iba't ibang pagkilala sa kanya dahil sa iba't ibang ginampanan niya para sa ating kaligtasan.

Kinikilala at pinararangalan ang Birhen Maria bilang tunay na Ina ng Diyos at ng Tagapagligtas. Siya ay iniligtas sa isang higit na kapuri- puring paraan dahilan sa katangian ng kanyang Anak at pinagkalooban ng mataas na katungkulan at karangalan bilang Ina ng Anak ng Diyos. Siya rin ay mahal na anak na babae ng Ama at ang templo ng Espiritu Santo (KPK 519). Gayon din si Maria ay ang Anak na Dalaga ng Simbahan bilang tinubos; Ina ng Simbahan dahil siya ang Ina ni JesuKristo at katuwang niya sa kanyang gawaing mapagligtas; at Huwaran ng Simbahan dahil siya ang unang tumanggap at unang tagapagpahayag ng Ebanghelyo (KPK 1464, 1465). Ito ang ilan sa dahilan kung bakit napakaraming katawagan at titulo ang Birheng Maria. Siya ay namamagitan upang iparating ang ating panalangin kay Jesus na ngayon ay kapiling na niya sa langit.

AYON SA SALITA NG DIYOS:Ang Birheng Maria ay hindi lamang ating Ina, kundi siya ay huwaran natin lalo na sa kanyang pagi...
23/05/2026

AYON SA SALITA NG DIYOS:

Ang Birheng Maria ay hindi lamang ating Ina, kundi siya ay huwaran natin lalo na sa kanyang pagiging masunurin sa kalooban ng Diyos, "Ako'y alipin ng Panginoon. Mangyari nawa sa akin ang iyong sinabi" (Lk. 1:38).

Ang tugon ni Maria sa balita ng Anghel ang hamon sa bawat isa sa atin, ang masabi natin sa Diyos na mangyari ang Kanyang kalooban at ating buhay.

Siya ang unang naging masunuring tagasunod ni Jesus. Siya din ang huwaran o tinutularan ng mga ina sa pagpapalaki sa kanilang mga anak. Kaya nga ito ang ating ipinagdarasal kay Inang Maria ang matularan natin siya sa pagiging masunurin lalo na sa kalooban ng ating Diyos.

SALITA NG DIYOS NA PANGHAHAWAKAN:

Sumagot si Maria, "Ako'y alipin ng Panginoon; mangyari sa akin ang iyong sinabi" (Lukas 1:38).

ANG HAMON SA PAMILYA:

Makiisa sa misyon ni Jesus at Maria sa pamamagitan ng pagtulong sa Simbahan.

Mayo 23, 2026SI MARIA HUWARAN NG PAGSUNOD KAY JESUSBakit huwaran si Maria sa pagsunod kay Jesus?Ang Turo ng Simbahan:Si ...
23/05/2026

Mayo 23, 2026
SI MARIA HUWARAN NG PAGSUNOD KAY JESUS

Bakit huwaran si Maria sa pagsunod kay Jesus?

Ang Turo ng Simbahan:

Si Maria ay isang mabuti at tapat na tagasunod ni Jesus. Siya ay kasama ni Jesus sa kanyang buong buhay dito sa lupa, mula sa pagsilang "from the womb" hanggang sa kamatayan sa krus "to the tomb" ay matapat na sumunod si Maria sa kanyang Anak na si Jesus.

Sa pagsang-ayon niya sa Salita ng Diyos, si Maria ay naging Ina ni Jesus; tinanggap ng buong puso ang kalooban ng Diyos, nang walang kasalanang humahadlang, at inilaan ang sarili nang lubusan sa persona at gawa ng kanyang Anak upang maglingkod sa misteryong katubusan na kasama ng Anak (LG 56).

Si Maria ay nakiisa dahil sa kanyang malaking pananampalataya at kusang pagsunod sa kalooban ng Diyos Ama para sa kaligtasan ng sangkatauhan. Sinabi niya "ako'y alipin ng Panginoon, maganap sa akin ayon sa wika mo.". Siya ay huwaran ng pakikinig at pagiging masunurin sa kalooban ng Diyos, na kahit buhay niya ay kanyang isinakripisyo.

AYON SA SALITA NG DIYOS:Sa ebanghelyo ni San Juan ay inilarawan si Maria bilang matapat na Ina at alagad ni Jesus, mula ...
22/05/2026

AYON SA SALITA NG DIYOS:

Sa ebanghelyo ni San Juan ay inilarawan si Maria bilang matapat na Ina at alagad ni Jesus, mula sa kanyang pagsilang hanggang sa kamatayan ng kanyang anak sa Krus, si Maria ay matapat na nakasunod. Sinupurtahan at inunawa ang misyon ng Anak bagamat mahirap itong tanggapin bilang isang Ina.

"Nakatayo sa tabi ng Krus ni Jesus ang kanyang ina at ang kapatid na babae nitong si Maria na asawa ni Cleopas" (Juan 19:25). Ang pagbasang ito ay naglalarawan ng tapang, katapatan at pagmamahal ni Maria sa kanyang Anak. Umalis ang mga apostol dahil sa takot at hirap na dinanas ng kanilang Panginoon, ngunit kailanman si Maria ay hindi nawala. Patuloy na umalalay bilang isang Ina at tagasunod.

SALITA NG DIYOS NA PANGHAHAWAKAN:

Sumagot si Maria, "Ako'y alipin ng Panginoon; mangyari sa akin ang iyong sinabi" (Lukas 1:38).

ANG HAMON SA PAMILYA:

Makiisa sa misyon ni Jesus at Maria sa pamamagitan ng pagtulong sa Simbahan.

Mayo 22, 2026SI MARIA AY ALAGAD NI JESUSPaano naging alagad ni Jesus si Maria?Ang Turo ng Simbahan:Bagamat si Maria ay I...
22/05/2026

Mayo 22, 2026
SI MARIA AY ALAGAD NI JESUS

Paano naging alagad ni Jesus si Maria?

Ang Turo ng Simbahan:

Bagamat si Maria ay Ina ni Jesus, si Maria ay taga-sunod ni Jesus sapagkat siya ang Anak ng Diyos. Si Maria ay hindi Diyos. Ang kanyang pagsang-ayon sa kalooban ng Diyos na maging Ina ni Jesus ang una niyang pagpapakita ng pagsunod sa kalooban ng Diyos. Buong buhay na naging matapat na taga-sunod si Maria, sa simula pa lamang ng kanyang misyon hanggang sa paanan ng Krus si Maria ay makikita na naka-sunod at kailan man ay hindi iniwan ang kanyang Anak.

Bilang "katuwang sa mapagligtas na gawain ni Kristo" si Maria ay nakikiisa sa natatanging paraan sa pamamagitan ng kanyang pagsunod, pananampalataya, pag-asa at nag-aalab na pag-ibig (KPK 1433).

Sa pag-akyat ni Jesus sa kalangitan, si Maria ay patuloy pa ring naglilingkod kasama ng mga apostol sa pagbuo ng Simbahan. Siya ang unang tagasunod ng kanyang Anak simula noon, hanggang ngayon at sa wakas ng panahon.

AYON SA SALITA NG DIYOS:Pagkatapos marinig ang balita ng anghel, naghanda si Maria at nagpunta sa kanyang pinsang si Eli...
21/05/2026

AYON SA SALITA NG DIYOS:

Pagkatapos marinig ang balita ng anghel, naghanda si Maria at nagpunta sa kanyang pinsang si Elisabet para ito ay samahan at alagaan habang ito ay nagdadalantao at hanggang makapanganak. Kaya naman masayang sinalubong si Maria ng kanyang pinsan, kahit na ang sanggol na nasa sinapupunan nito ay lumundag sa tuwa sapagkat sila ay dinalaw ng ina ng Diyos. At si Maria ay nanatili roon hanggang sa ito'y makapanganak (Lukas 1:39-56).

Sa binasang Ebanghelyo nakita natin ang kagalakan ni Elisabet at ng sanggol sa kanyang sinapupunan sa pagdalaw ni Maria at Jesus. Tayo rin ay dapat magalak at gumalang kay Maria. Sa pangyayaring ito sa buhay ni Maria nakita natin ang kababang-loob at pagmamalasakit niya sa kapwa. Kaya marapat lamang na siya'y ating igalang at tularan sa kanyang katangian.

SALITA NG DIYOS NA PANGHAHAWAKAN:

Sumagot si Maria, "Ako'y alipin ng Panginoon; mangyari sa akin ang iyong sinabi" (Lukas 1:38).

ANG HAMON SA PAMILYA:

Makiisa sa misyon ni Jesus at Maria sa pamamagitan ng pagtulong sa Simbahan.

Address

Malamig Calapan City
Oriental Mindoro

Website

Alerts

Be the first to know and let us send you an email when Kalendaryo Ng Katesismong Katoliko posts news and promotions. Your email address will not be used for any other purpose, and you can unsubscribe at any time.

Shortcuts

Share

Category