Kapilya ng Mahal na Birhen ng Fatima - Kapilya ng Bulihan

23/01/2026

17/01/2026

Isang pinagpalang umaga po sa ating lahat.
𝐕𝐈𝐕𝐀 𝐏𝐈𝐓 𝐒𝐄𝐍𝐘𝐎𝐑!

Tayo po ay magkakaroon ng banal na pagdiriwang (bible service) bukas, ika-18 ng Enero, sa ating kapilya, Kapilya ng Mahal na Birhen ng Fatima. Sa ganap na ika-8 ng umaga, bilang pagdiriwang ng 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗻𝗴𝗶𝗻𝗼𝗼𝗻𝗴 𝗛𝗲𝘀𝘂𝘀, 𝗮𝗻𝗴 𝗕𝗮𝗻𝗮𝗹 𝗻𝗮 𝗦𝗮𝗻𝗴𝗴𝗼𝗹.

Inaanyayahan din po ang lahat na magdala ng kanilang mga imahe ng Santo Niño upang ito ay mababasbasan.

28/12/2025

Desyembre 28,2025
Mga Larawan
Bible Service with Kuya Bubot Mamaril and Ate Cristy Mamaril

17/12/2025

𝐒𝐈𝐌𝐁𝐀𝐍𝐆 𝐆𝐀𝐁𝐈 𝟐𝟎𝟐𝟓 | 𝐃𝐈𝐒𝐘𝐄𝐌𝐁𝐑𝐄 𝟏𝟔, 𝟐𝟎𝟐𝟓

Narito po ang ilang mga litrato mula sa naganap na unang araw ng Simbang Gabi sa ating kapilya. Lubos po ang aming pasasalamat sa lahat ng mga naging tagapagtangkilik at nakibahagi sa banal na pagdiriwang. Nawa’y patuloy tayong pagpalain sa mga susunod pang gabi ng sama-samang pananalangin. ✨🙏

17/12/2025

𝐒𝐈𝐌𝐁𝐀𝐍𝐆 𝐆𝐀𝐁𝐈 𝟐𝟎𝟐𝟓

Inaanyayahan po ang lahat na makiisa sa Simbang Gabi sa ating Kapilya mula Disyembre 16–24, 2025, sa ganap na ika-5:15 ng hapon.

Sama-sama po nating ipagdiwang ang pagdating ng ating Panginoon sa panalangin at pananampalataya. 🙏🎄

13/12/2025

Maraming Salamat sa inyo mga Kabataan


Karen Gay Castro Reyes

04/10/2025

Ang buwan ng Oktubre ay Buwan ng Santo Rosaryo. Sama-sama tayong manalangin, magnilay, at magpuri sa Mahal na Birheng Maria.🙏✨

02/10/2025

Sa ngalan ng buong pamunuan at pamayanan ng Sitio Bulihan – Kapilya ng Mahal na Birhen ng Fatima, kami po ay nagpapahayag ng aming taos-pusong pasasalamat a Rev. Fr. Roy Rejuso sa tatlong (3) taon ng kanyang tapat, maalab, at mapagmahal na paglilingkod

Sa bawat misa, pangaral, at pagkalinga na inyong ibinahagi, kami ay naging higit na matatag sa pananampalataya, mas nagkakaisa bilang isang pamayanan, at mas malapit sa ating Panginoon sa pamamagitan ng gabay ng Mahal na Birhen ng Fatima.

Hindi matutumbasan ng anumang salita ang inyong sakripisyo, malasakit, at pagbabahagi ng inyong oras at sarili para sa aming kapakanan espiritual. Ang inyong paglilingkod ay naging biyaya at inspirasyon sa aming lahat.

Nawa’y patuloy kayong pagpalain ng Panginoon at ng Mahal na Birhen sa inyong bokasyon at sa lahat ng inyong gagampanang misyon.

Maraming salamat po, Reberendo Padre Roy E. Rejuso, OFS!

28/09/2025

𝐃𝐀𝐍𝐙𝐀 𝐃𝐄 𝐁𝐈𝐁𝐋𝐈𝐀 | 𝗔𝗻𝗴 𝗣𝗮𝗻𝗮𝗻𝗮𝗺𝗽𝗮𝗹𝗮𝘁𝗮𝘆𝗮 𝗮𝘁 𝗗𝗲𝗯𝗼𝘀𝘆𝗼𝗻 𝘀𝗮 𝗣𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗚𝗮𝗹𝗮𝘄 𝗮𝘁 𝗦𝗶𝗻𝗶𝗻𝗴

Nakiisa ang ating kapilya sa isinagawang Danza de Biblia kahapon, Setyembre 7, sa Baloc Junction. Ang Bible Dance (Danza de Biblia) ay isang tradisyunal na gawain ng 𝗣𝗮𝗿𝗿𝗼𝗾𝘂𝗶𝗮 𝗦𝗮𝗻𝘁𝘂𝗮𝗿𝗶𝗼 𝗱𝗲 𝗦𝗮𝗻 𝗝𝗲𝗿𝗼𝗻𝗶𝗺𝗼 bilang paggunita sa mahal na patron ng ating parokya, si 𝗦𝗮𝗻 𝗝𝗲𝗿𝗼𝗻𝗶𝗺𝗼.

Dinaluhan ito ng mahigit dalawampung barangay at sitio na nasasakupan ng parokya mula sa bayan ng Sto. Domingo, Talavera, at Science City of Muñoz; na nagpakita ng kanilang pananampalataya at debosyon sa pamamagitan ng sining at galaw.

26/09/2025

Ipinababatid po sa lahat ng mga mananampalataya mula sa Sitio Bulihan, na kabilang sa nasasakupan ng Kapilya ng Mahal na Birhen ng Fatima, na kayo po ay inaanyayahang makiisa sa ikapitong araw ng misa nobenaryo sa karangalan ni San Jeronimo, bilang paghahanda sa kanyang nalalapit na kapistahan.

Ang ating kapilya ay isa sa mga tagapagtangkilik ng banal na misa sa araw na ito. Hinihikayat po ang lahat na makibahagi at makiisa sa pagdiriwang upang sama-sama nating ipahayag ang ating pananampalataya at debosyon.