30/08/2026
Sa nakalipas na nagdaang taon, patuloy pa rin ang paglilingkod ng mga lingkod altar ng San Lorenzo Ruiz at mga Kasamahang Martir at sa patnunay at turo ng mga Paring Dominicano.
Ngayong taon, ating ipinagpapasalamat ang ika-43 taong anibersaryo ng Ministry of Altar Servers (MOAS) at Ministry of Altar Servers Parents Association (MASPA).
Nagpapasalamat tayo sa Diyos sa biyaya ng buhay paglilingkod at bokasyon na kanyang patuloy na ipinaparamdam sa atin at sa tulong ng mga magagandang asal, turo at panalangin ay mas bukas tayo sa pakikipag kapwa, pagmamahal sa pamilya at sa ating Inang simbahan.
Pinapanalangin din namin ang mga kapatid namin sa ministry na pumanaw na, makapiling nawa sila ng Diyos sa kaharian sa langit. At sa kanilang maikling panahon na paglilingkod ay ipiniparam sa kanila ng Diyos ang mga biyaya at pagpapala bilang kapatid sa ministeryo
Sa tulong at panalangin ng ating mga banal na patron, nawa’y maging bukas ang ating mga puso at tainga sa pakikinig, pag-unawa, at pakikibahagi sa ating kapwa. Nawa’y sa kanilang mga buhay, halimbawa, sakripisyo, at mga aral na buong pusong inialay sa Diyos, matutuhan nating mas malalim na mamuhay sa pananampalataya at tunay na paglilingkod.
At sa bawat henerasyon ng mga Lingkod Altar, patuloy nating isabuhay ang diwa ng ating paglilingkod:
Amare et Servire. To Love and To Serve.
