28/08/2026
Sa wikang Hebrew, ang El Shaddai ay isa sa mga ipinakilalang Pangalan ng Diyos Amang Makapangyarihan sa lahat (Genesis 17:1, 35:11).
Siya ang lumikha ng langit at lupa. Siya ang Diyos ng bansang Israel-ang Diyos ni Abraham, Isaac, at Jacob. Siya ang Diyos noon, ngayon at magpakailanman (Hebreo 13:8). Siya ang pinagbubuhatan ng buhay at ikinabubuhay ng sangkatauhan, at magagawa niya ang lahat ng bagay.
Layunin ng El Shaddai DWXI Prayer Partners Fellowship International na ihayag sa lahat ang Salita ng Diyos ang kanyang kadakilaan, katapatan, kapangyarihan, kabutihan at pag-ibig. Nang sa gayon, mabigyan ng kapayapaan sa isip, puso at kalooban ang mga taong batbat ng suliranin at kaguluhan: mabigyan ng kagalingan ang lahat ng uri ng karamdamang pisikal at espirituwal, at higit sa lahat, tumanggap ang bawat isa ng kaligtasang alok ng Diyos sa pamamagitan ng kanyang Bugtong na Anak, ang Panginoong Jesu-Cristo.
Ang El Shaddai DWXI PPFI ay isang Catholic charismatic movement under the banner of Catholic Church.
Kaya nga, hindi kumpleto ang aming pagsamba kung walang PINAKA-MATAAS NA URI ng pagsamba , ang BANAL NA MISA.
