27/09/2024
DUHA KA MGA MISSIONARY SANG SIMBAHAN NI JESUCRISTO SANG MGA SANTOS SA ULIHING MGA ADLAW GIN-HOLD UP SA BANWA SANG MOISES PADILLA
DUHA KA MGA MISSIONARY SANG MORMON GIN-HOLD UP SA BANWA SANG MOISES PADILLA
Gin-hold up ang duha ka mga missionary sang Church of Jesus Christ of Latter day Saints (Mormon) pasado las-9 sang gab-i, Setyembre 25, sa bahin sang Brgy. 1 Poblacion, banwa sang Moises Padilla.
Sa report sang Moises Padilla Police Station, ang mga biktima isa ka 18-anyos nga lalaki, single, residente sang Laluanan, Isabela Province, kag 20-anyos nga lalaki, single,residente naman sang Brgy. Rajal, Pangasinan kag lunsay temporaryo nga nagatinir sa Hda. San Benito, sa Brgy. Crossing Magallon, sa amo nga banwa.
Base sa inisyal nga imbestigasyon, nahibaluan nga pauli na kontani ang mga biktima matapos nga nagwali sang ebanghelyo sa puluy-an sang ila miembro sang hinali nalang ang mga ini ginbalabagan sang wala pa makilala nga suspetsado samtang maysuksuk nga bonnet kag armado.
Nakuha sa mga biktima ang isa ka yunit sang Samsung A53 Cellphone nga ginabulubanta yara sa kapin P20,000, duha (2) ka credit card ( Master Cards), ID's (National Id & Postal ID), kag kapin P4,700 nga balor sang cash.
Padayon pa sa karon ang imbestigasyon sang Moises Padilla Municipal PNP angut sa sa amo insedente.
