Meycauayan 450

Meycauayan 450 Pahinang nakatuon sa mga paghahanda ng Meycauayan para sa kanyang ika-450 anibersaryo sa 2028.

MGA KABATAANG FRANCISCANO SA TRÁNSITO EXHIBIT NG MEYCAUAYAN Hindi hadlang ang murang gulang para maging banal. Maraming ...
27/09/2026

MGA KABATAANG FRANCISCANO SA TRÁNSITO EXHIBIT NG MEYCAUAYAN

Hindi hadlang ang murang gulang para maging banal. Maraming mga kabataan na sumapi sa Tercera Orden Franciscana at sumunod sa panawagan ni San Francisco

Narito ang mga imahen na nasa hanay ng Parokya ng San Francisco ng Assisi-Meycauayan:

- Santa Rosa de Viterbo, patrona ng mga kabataang Franciscano; 18 taong gulang nang pumanaw matapos gugulin ang buhay sa pangangaral at pag-aayuno; ipinakikitang nakatayo sa siga habang nangangaral sa isang mangkukulam

- San Luis Ibaraki, sakristan at martir na Hapones; 12 taong gulang nang siya ay hulihin at patayin sa Nagasaki dahil sa pagiging Kristiyano

- Santa Bernardita Soubirous, 14 taong gulang siya nang nagpakita sa kanya ang Mahal na Birhen ng Lourdes; nagmongha matapos nito at pumanaw sa gulang na 35

- San Luis de Tolosa, prinsipe ng Anjou sa Francia na iniwan ang masaganang buhay para maging Franciscano; ginawang obispo ng Tolosa sa gulang na 21 at namatay isang taon matapos nito.

Bukás ang Tránsito Exhibit ng araw-araw hanggang sa ika-3 ng Oktubre.

Lahat kayong mga kabataang Franciscano na naging santo, ipanalangin ninyo kami!






MGA HARI’T REYNANG FRANCISCANO SA TRÁNSITO EXHIBIT NG MEYCAUAYAN Naakit sa panawagan ni San Francisco sa kapayakan ng bu...
27/09/2026

MGA HARI’T REYNANG FRANCISCANO SA TRÁNSITO EXHIBIT NG MEYCAUAYAN

Naakit sa panawagan ni San Francisco sa kapayakan ng buhay ang maraming mga maharlika na mula sa kani-kanilang posisyon ng yaman at kapangyarihan ay nanatiling tapat sa halimbawa ng Franciscano.

Narito ang mga imahen na nasa hanay ng Parokya ng San Francisco ng Assisi-Meycauayan:

- Santa Isabel de Ungria, prinsesa ng Ungria at landgravina ng Turingia, patrona ng Tercera Orden; kilala sa pagtatakas ng mga pagkain mula sa palasyo para ipamigay sa mga mahihirap
- San Luis de Francia, hari ng Francia at patron ng Tercera Orden; siya ang nag-uwi sa Francia ng koronang tinik ng Panginoong Jesucristo
- San Fernando, hari ng Castilla at León at patron ng mga inhinyero; siya ang gumapi sa mga hukbong Moro sa katimugan ng bansang kilala ngayon bilang Espanya
- Santa Juana de Valois, kubang reyna ng Francia bago siya hiniwalayan ng hari dahil sa kanyang kapangitan; ginawang duquesa ng Berry at naging pundadora ng mga Monghang Anunciada.

Bukás ang Tránsito Exhibit ng araw-araw hanggang sa ika-3 ng Oktubre.

Lahat kayong mga hari at reyna ng Orden Franciscana, ipanalangin ninyo kami!






Sa pagwawakas ng Dakilang Kapistahan ni San Francisco de Asis, ngayong mabiyayang taon ng Jubileo Franciscano 2026, tayo...
27/09/2026

Sa pagwawakas ng Dakilang Kapistahan ni San Francisco de Asis, ngayong mabiyayang taon ng Jubileo Franciscano 2026, tayong lahat ay inaanyayahan upang sumama at makiisa sa MARINGAL NA PRUSISYONG FRANCISCANO NG MEYCAUAYAN.

Kung loloobin ng Manlilikha sa pagdalangin ni San Francisco at ng mga Santong Franciscano, higit sa tatlumpung imahen ng mga Banal na tumatalima sa Panuntunan ng Franciscanismo ang matitipon sa Parokya ng San Francisco ng Assisi-Meycauayan, ang pinakamatandang Parokya sa Pilipinas na namimintakasi kay San Francisco de Asis.

Ang Maringal na Prusisyong Franciscano ng Meycauayan ay gaganapin sa ika-4 ng Oktubre 2026, Araw ng Linggo at mismong Araw ng Kapistahan ni San Francisco, sa ganap na ika-7 ng Gabi. Halina at ating sama-samang bagtasin ang mga lansangan ng Meycauayan at ipagbunyi ang kasaganahang ipinagkaloob at patuloy na ipinagkakaloob sa ating pagdalangin sa ating Amang Serafico.





3 MAGKAKAIBIGANG SANTO SA TRÁNSITO EXHIBIT NG MEYCAUAYAN Ang tunay na pagkakaibigan ay naghahatid sa kabanalan. Maraming...
27/09/2026

3 MAGKAKAIBIGANG SANTO SA TRÁNSITO EXHIBIT NG MEYCAUAYAN

Ang tunay na pagkakaibigan ay naghahatid sa kabanalan. Maraming mga magkakaibigang santo sa loob ng Orden Franciscana na sa kani-kaniyang paraan ay nakaabot sa malalim na pagkakilala sa Diyos at masidhing paglilingkod sa Simbahan.

Narito ang isang halimbawa sa mga imahen sa Parokya ng San Francisco ng Assisi-Meycauayan:

- San Bernardino de Siena, pari ng Unang Orden at tagapagpalaganap ng debosyon sa Banal na Ngalan ni Jesus
- San Juan de Capistrano, pari ng Unang Orden na naglingkod bilang sundalo para ipagtanggol ang Europa mula sa mga Moro
- San Jaime de la Marca, pari ng Unang Orden, tagapangaral sa tunay na presensya ni Jesus sa anyo ng tinapay at alak.

Bukás ang Tránsito Exhibit ng araw-araw hanggang sa ika-3 ng Oktubre.

Lahat kayong magkakaibigang paring Franciscano na ipinakilala si Jesus sa mundo, ipanalangin ninyo kami!






MGA SANTOS DOCTORES SA TRÁNSITO EXHIBIT NG MEYCAUAYAN Ang takot sa Diyos ang simula ng karunungan, sabi ng Bibliya. Ang ...
27/09/2026

MGA SANTOS DOCTORES SA TRÁNSITO EXHIBIT NG MEYCAUAYAN

Ang takot sa Diyos ang simula ng karunungan, sabi ng Bibliya. Ang Orden Franciscana ay biniyayaan ng mga santo na natagpuan ang kabanalan sa pamamagitan ng pag-aaral, pagsusulat at pagtuturo tungkol sa Maykapal. Kinikilala natin sila bilang mga Pantas, o Doktor, ng Simbahan:

Narito ang kanilang mga imahen sa Parokya ng San Francisco ng Assisi-Meycauayan.

Ang tatlong opisyal na Doctor ng Unang Orden ng mga Franciscano ay sina:

- San Buenaventura, Doctor Seraphicus, propesor, kardenal at ministro general ng Orden Franciscana
- San Antonio de Padua, Doctor Evangelicus, pari at tagapangaral,
- San Lorenzo de Brindisi, Doctor Apostolicus, pari ar tagapangaral na Capuchino.

Sa Tercera Orden, naroroon din si San Francisco de Sales, Doctor Caritatis, obispo at manunulat, patron ng mga mamamahayag.

Maaari ring banggitin si Beato Juan Duns Escoto, teologo at pari, ang sumulat ng katuruan na pinaghanguan ng opisyal na dogma ng Inmaculada Concepcion, bagaman hindi pa siya ganap na santo.

Bukás ang Tránsito Exhibit ng araw-araw hanggang sa ika-3 ng Oktubre.

Lahat kayong mga Santos Doctores ni San Francisco, ipanalangin ninyo kami!






MGA KASAPING DI-PARI NG UNANG ORDEN SA TRÁNSITO EXHIBIT NG MEYCAUAYAN Binubuo ang Primera Orden ni San Francisco ng mga ...
27/09/2026

MGA KASAPING DI-PARI NG UNANG ORDEN SA TRÁNSITO EXHIBIT NG MEYCAUAYAN

Binubuo ang Primera Orden ni San Francisco ng mga lalaking pari at di-pari. Itong mga di-paring kasapi ay tinatawag na hermano lego. Sa mga lego karaniwang iniaatang ang mga gawain sa loob ng komunidad tulad ng paglilinis, pagluluto, paghingi at pamamahagi ng limos, atbp.

Patunay ito na malaki man o maliit na gawain, basta ginagawa nang buong puso at katapatan sa abot ng makakayanan ay daan din tungo sa kabanalan.

Limang hermanos legos ang kasama sa ating exhibit sa Parokya ng San Francisco ng Assisi-Meycauayan:

- San Diego de Alcalá, patron ng mga Hermanos Legos at ng Polo sa Lungsod ng Valenzuela na dating sakop ng Meycauayan
- San Pascual Baylon, patron ng mga humihingi ng anak at ng bayan ng Obando, Bulacan na dating sakop ng Meycauayan
- San Benito el Moro, patron ng mga Africano
- San Salvador de Horta, mapaghimalang hermano lego mula sa España (PRIMERA SALIDA)
- San Crispin de Viterbo, hermano lego sa sangay ng mga Capuchino

Bukás ang Tránsito Exhibit ng araw-araw hanggang sa ika-3 ng Oktubre.

Lahat kayong mga banal na hermanos legos ng Unang Orden ni San Francisco, ipanalangin ninyo kami!






MGA SANTANG CLARISA SA TRÁNSITO EXHIBIT NG MEYCAUAYAN Kalinisan, paghihirap, pagsunod, at pagtalikod sa mundo... ito ang...
26/09/2026

MGA SANTANG CLARISA SA TRÁNSITO EXHIBIT NG MEYCAUAYAN

Kalinisan, paghihirap, pagsunod, at pagtalikod sa mundo... ito ang panuntunan ng buhay ng mga Madres Clarisas, o Poor Clares, na itinatag ni Santa Clara de Asís at bumubuo sa Segunda Orden ng Pamilya ng mga Franciscano.

Mapalad tayo sa Parokya ng San Francisco ng Assisi-Meycauayan dahil marami ang mga imahen natin ng mga santa mula sa mga Madres Clarisas na kasama sa ating hanay. Patunay lamang ito na hindi natin mauunawaan ang naging misyon sa buhay ni San Francisco kung hindi natin ito iuugnay sa buhay-kabanalan ng kaibigan niyang si Santa Clara.

- Ang Ating Serapikang Inang si Santa Clara de Asís, pundadora ng Segunda Orden Franciscana ng mga Madres Clarisas
- Santa Inés de Asís, abadesang Clarisa at kapatid ni Santa Clara
- Santa Catalina de Bolonia, abadesang Clarisa at patrona ng mga manlilikha ng sining
- Santa Coleta de Corbie, abadesang at repormadorang Clarisa at tagapagtatag ng mga Clarisas Coletinas
- Santa Veronica Giuliani, monghang Clarisa sa sangay ng mga Capuchina at tulad ni San Francisco ay tumanggap din ng mga sugat ni Kristo.

Bukás ang Tránsito Exhibit ng araw-araw hanggang sa ika-3 ng Oktubre.

Lahat kayong mga Santang Clarisa ng Segunda Orden Franciscana, mga pinipintaking anak ni Santa Clara, ipanalangin ninyo kami!






MGA MARTIR NA FRANCISCANO SA TRÁNSITO EXHIBIT NG MEYCAUAYANApat na iba’t ibang uri ng pag-aalay ng buhay sa hangad na tu...
26/09/2026

MGA MARTIR NA FRANCISCANO SA TRÁNSITO EXHIBIT NG MEYCAUAYAN

Apat na iba’t ibang uri ng pag-aalay ng buhay sa hangad na tularan ang halimbawa ni San Francisco. Limang buhay na ginugol para sa kaluwalhatian ng Maykapal.

Sa gitna ng exhibition hall ng ng Parokya ng San Francisco ng Assisi-Meycauayan nakalagak ang imahen ni San Francisco at nasa kanyang ulunan ang Krus ng San Damiano, kung saan narinig ng batang Francisco na tawag na muling itayo ang Simbahan ng Diyos.

Sa apat na gilid nito nama’y nakatayo na animo’y mga tanod pandangal ang imahen ng apat na martir mula sa Orden Franciscano:

- Si San Berardo de Carbio, ang unang martir ng Orden na tinaga ng mga Muslim sa Marruecos, ay nasa paanan sa gawing kanan.
- Si San Pedro Bautista, paring nadestino sa Meycauayan at martir sa Japan na ipinako sa krus at sinibat, ay nasa paanan sa gawing kaliwa.
- Si San Fidel de Sigmaringa, martir na Capuchino na pinaghahambalos sa Alemanya, ay nasa ulunan sa gawing kanan.
- Si San Maximiliano Maria Kolbe, martir na Conventual sa Auschwitz, ay nasa ulunan sa gawing kaliwa.

Bukás ang Exhibit ng TRÁNSITO sa araw-araw hanggang sa ika-3 ng Oktubre.

Lahat kayong mga Banal na Martir ng Orden Franciscana, ipanalangin ninyo kami!






Ngayong madaling-araw ng Sabado, ika-26 ng Setyembre, dumayo ang mga mananampalataya mula Quezon City sa Parokya ng San ...
26/09/2026

Ngayong madaling-araw ng Sabado, ika-26 ng Setyembre, dumayo ang mga mananampalataya mula Quezon City sa Parokya ng San Francisco ng Assisi-Meycauayan bilang bahagi ng kanilang pilgrimage para sa nalalapit na Dakilang Kapistahan ni San Francisco de Asis sa Taon ng Jubileo Franciscano 2026. Naging pagkakataon din ito upang kanilang mabisita ang TRÁNSITO, ang Eksibit ng mga Santong Franciscano sa Meycauayan.

Taus-puso po kaming nagpapasalamat kay Gng. Ruby Macario at Pamilya at sa NATIONAL SHRINE of OUR LADY of LOURDES QUEZON CITY para sa pagdalaw ninyo sa amin at sa pagpapaunlak sa aming imbitasyon na maisama ang imahen ni Santa Bernadita Soubirous sa aming exhibit. Nagpapasalamat din po kami kay Fr. Ding Camus, OFMCap, na nagsilbing pilgrimage chaplain at nanguna sa pagmimisa at pagdarasal ng unang misteryo ng coronilla ni San Francisco.

Gabayan po nawa kayo ng ating Amang San Francisco sa maghapon.






Napasinayaan na ang Tránsito, ang exhibit ng mga Santong Franciscano, na tampok ang halos 50 imahen ng mga banal ng Orde...
25/09/2026

Napasinayaan na ang Tránsito, ang exhibit ng mga Santong Franciscano, na tampok ang halos 50 imahen ng mga banal ng Orden Franciscana.

Parito na po kayo sa , ang pinakamatandang parokya sa buong Pilipinas na nasa pagkandili ni San Francisco de Asís sa ika-800 taon ng kanyang pagtawid sa buhay na walang hanggan.

Bukás ang Franciscan exhibit ng Meycauayan araw-araw hanggang sa ika-3 ng Oktubre.






Address

Parokya Ni San Francisco Ng Assisi
Meycauayan
3020

Website

Alerts

Be the first to know and let us send you an email when Meycauayan 450 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category