16/05/2026
The EUCHARIST transforms us to be like JESUS.
Inaanyayahan ang lahat ng KABATAAN ng ating Parokya na makiisa at dumalo sa ating MASS FOR THE YOUTH, na ipinagdiriwang tuwing IKATLONG LINGGO NG BUWAN (3rd Sunday of the Month), sa ganap na 6:15 PM. Matapos ang bawat Misa ay magkakaroon ng picture-taking sa harap ng dambana para sa lahat ng kabataang dumalo.
Ang Mass for the Youth, na muling ibinalik noong Oktubre 2025 sa pangunguna ng Pamparokyang Komisyon ng Kabataan, ay may layuning tipunin ang kabataan sa pagsamba kay Jesus, na tunay nating kapiling sa pagdiriwang ng Banal na Eukaristiya. Sa Misang ito, makikita ang mga kabataan na naglilingkod sa dambana, at nawa sa kanilang halimbawa ay mahikayat ang iba pang mga kabataan na sumunod sa yapak ng paglilingkod sa iba't ibang paraan. Pagkatapos ng Misa ay pagkakataon naman ito upang makilala ang mga kapwa kabataan at magbuklod bilang magkakaibigan.
Halina at sama-sama tayong magtungo sa dambana ng Panginoon, na nagbibigay sa atin ng nag-uumapaw na kaligayahan! Sa Eukaristiya na rurok at bukal ng ating pananampalataya, ang kabataan nawa ay magbuklod nang sama-sama at lumago sa buhay na matapat at marangal.
Kita-kits, mga Kabataan ng Parokya ng Santo Niño, tuwing 3rd Sunday of the Month, 6:15 PM! Magsimba tayo at tagpuin natin si Jesus!
