16/08/2026
๐จ๐๐๐๐๐๐ ๐๐ ๐๐๐๐'๐ ๐๐๐๐๐๐,
๐น๐๐๐๐๐๐ ๐๐๐๐๐๐๐๐'๐ ๐๐๐๐๐๐.
๐ฆ๐๐ก ๐ฅ๐ข๐ค๐จ๐ ๐๐ ๐ ๐ข๐ก๐ง๐ฃ๐๐๐๐๐๐ฅ
๐ฃ๐ถ๐ป๐๐ฎ๐ธ๐ฎ๐๐ถ ๐น๐ฎ๐ฏ๐ฎ๐ป ๐๐ฎ ๐บ๐ด๐ฎ ๐ฆ๐ฎ๐ธ๐ถ๐ ๐ฎ๐ ๐ฆ๐ฎ๐น๐ผ๐; ๐ฆ๐ฎ๐ป๐๐ผ๐ป๐ด ๐๐ถ๐น๐ฎ๐น๐ฎ ๐๐ฎ ๐๐ถ๐๐ฎ๐๐ฎ ๐ป๐ด ๐ฃ๐ฎ๐ด๐ฝ๐ฎ๐ฝ๐ฎ๐ด๐ฎ๐น๐ถ๐ป๐ด ๐ป๐ด ๐ฆ๐ฎ๐ธ๐ถ๐; ๐ ๐ถ๐๐ฒ๐บ๐ฏ๐ฟ๐ผ ๐ป๐ด ๐๐ธ๐ฎ๐๐น๐ผ๐ป๐ด ๐ข๐ฟ๐ฑ๐ฒ๐ป ๐ป๐ถ ๐ฆ๐ฎ๐ป ๐๐ฟ๐ฎ๐ป๐ฐ๐ถ๐๐ฐ๐ผ; ๐๐๐บ๐ฝ๐ฒ๐๐ผ๐ฟ ๐ฎ๐ ๐ฃ๐ฒ๐ฟ๐ฒ๐ด๐ฟ๐ถ๐ป๐ผ.
๐๐๐๐๐๐๐๐๐๐ ๐๐ ๐๐๐ ๐๐๐๐๐
Siya ay anak ng isang Gobernador sa Montpellier, bansang Francia. Siya ay naulila sa edad na labingdalawa sa kanyang ama, at edad na dalawapu sa kanyang ina. Sinasabing si San Roque ay hiningi ng kanyang mga magulang sa Mahal na Birhen at noong ito'y ipinanganak ay nakita ang isang Krus na Mapula sa kanyang dibdib na ikinahula ng mga kabanalang gagawin niya. Noong maulila siya sa kanyang magulang, ang lahat ng kanyang kayamanan ay kanyang ipinamahagi ng lihim sa mga mahihirap. Nagdamit siya bilang Peregrino at naglakbay patungong Roma. Sa lahat ng bayang nadadaanan niya ay may salot na pumupuksa sa mga tao, kaya't siya'y nanggagamot sa pamamagitan ng pagku-krus sa mga maysakit at sila'y gumagaling. Sa Roma, siya'y nakahalik sa mga paa ng Papa Benedicto XI. Sa Bayan ng Placencia, sinubok siya ng Diyos. Nahawa si San Roque ng salot at pinatapon siya sa gubat, doon ay hindi siya pinabayaan ng Diyos, may nagdadala kay San Roque ng tinapay at ang nagdadala nito ay isang a*o. Noong gumaling si San Roque, siya ay bumalik sa sarili niyang bayan, ngunit hindi siya nakilala ninuman at inakusaan pang espiya ng kanilang kaaway. Hinatulan siyang mabilanggo habang-buhay ng kanya mismong tiyuhin. Namatay si San Roque noong Agosto 16, 1327 at nakita ang isang Tablang kinasusulatan nito: "AVISO, Los Que Fueren Heridos de Peste E Implora de ROQUE Alcanzaran, SALUD" na ang kahulugan ay "Kung Sino mang Tumawag sa aking Aliping si ROQUE ay Ipag-aadya ko laban sa Salot, Alang-alang sa kanya." Siya ang Patron ng mga maysakit at mga tinamaan ng salot.
๐๐๐๐๐๐๐๐๐๐
Panginoon Kong Diyos, sinasamba ka namin at pinupuri sapagkat nagdulot ka kay San Roque ng isang bagay na anghel. Pinadalhan rin siya ng kaputol na tabla, na doo'y pinagtibay Mo ang pangako sa kanya. Magsalita ka at kami'y tatalima sa Iyong hangarin. Ipagkaloob Mong maligtas kami sa salot na nakamamatay sa kaluluwa at katawan, pakundangan sa mga merito ni San Roque at alang-alang kay Jesukristong Panginoon namin. Amen.
SAN ROQUE DE MONTPELLIER, Patron laban sa mga Sakit at Salot at siyang Pag-asa ng mga Maysakit, Ipanalangin mo kami!
Ang imahen ni San Roque de Montpellier ay isa sa mga santong dinedebosyonan sa ating sambayanan ng Panungyan bilang siya ay pinaniniwalaang magaling na manggagamot ng mga sakit at patron laban sa mga salot at peste.
