IFI Parokya ng La Purisima Concepcion de Marikina

24/05/2026

Flores de Maria 2026

10/05/2026

Isang malugod na pagbati sa ating kura, Reb. Mary Grace E. Masegman, sa kanyang pagkakahalal bilang bagong Tagapangulo ng Council of Priests ng Iglesia Filipina Independiente.

Sa pagsalubong natin sa Triennium 2026–2029, dalangin namin ang inyong lakas, karunungan, at patuloy na gabay ng Panginoong Hesukristo sa pagtahak ninyo sa panibagong yugto ng pamumuno para sa mas malawak na hanay ng mga lingkod ng simbahan at ng sambayanan.

10/05/2026

Maligayang Araw ng mga Ina!

Pinagpupugayan natin sa mga sandaling ito ang mga inang patuloy na nagdadala ng malasakit, lakas, at pag-asa sa gitna ng mga hamon ng buhay. Tulad ng Birhen ng La Purisima Concepcion, sila’y sagisag ng dalisay na pag-ibig at tahimik na katatagan na humuhubog sa isang lipunang mas mahabagin, makatao, at mapagkalinga.

08/05/2026

POV: may naka-ready nang outfit para sa Sagala. 🌹✨

Inaanyayahan ang lahat na makiisa sa mga aktibidad natin ngayong darating na Flores de Maria 2026 bilang pagpapakita ng pagmamahal at debosyon sa ating Ina at pinakamamahal na Birhen ng La Purisima Concepcion.

Tara na’t sama-sama nating gawing mas makahulugan, makulay, at masaya ang buong buwan ng Mayo!

Nobena
Mayo 15-23 | 6:00 n.g.

Huling Araw ng Pagpapatala
Mayo 17 | 7:00 n.u.

Oryentasyon sa mga Sasagala
Mayo 17 | 9:30 n.u.

Misa Cantada
Mayo 24 | 7:30 n.u.

Banal na Prusisyon
Mayo 24 | 6:00 n.g.

07/05/2026

Vacation Church School, ANO TARA? ❤️‍🔥

Halina’t gawing makabuluhan ang iyong bakasyon at simulan ang bawat umaga sa pagkatuto, saya, at pagbuo ng bagong pagkakaibigan.

Ngayong Mayo 12, Martes, sisimulan ng ating parokya ang dalawang linggong Vacation Church School 2026 na may temang, “Ako ay Kawangis ng Diyos.” Buong galak na inaanyayahan ang lahat ng kabataang may edad 4–13 na makiisa at makibahagi sa mga inihandang laro, aral, and on repeat ng ating mga titser.

Para sa mga nais sumali, magpatala lamang sa link https://forms.gle/MApfS7D37Hc8KbSL9 at/o makipag-ugnayan kina Kuya Jamil Caballes at Ate Leian Rein Romero sa darating na Linggo, Mayo 9.

Yieee! Syempre, mag-eenroll 🤸‍♀️ na 🤸‍♀️ ang 🤸‍♀️ beshy 🤸‍♀️ ko 🤸‍♀️

01/05/2026

PAANYAYA |

May nagbabalik 😯👀

Panahon na naman ng buwan ng Mayo, at kasabay nito ang pagsibol ng mga bagong bulaklak ng pag-asa at debosyon.

Buong galak na ipinababatid ng Parokya ng La Purísima Concepcion ang muling pagdaraos ng isa sa ating mga selebrasyon tuwing Mayo–ang Flores de Maria.

Sa diwang ito, inaanyayahan ang lahat ng batang babae at kababaihan (edad 5 pataas) na makilahok bilang Sagala upang sama-sama nating parangalan ang ating Ina at pinipintakasi, La Purisima Concepcion.

Para sa mga nais sumali, makipag-ugnayan lamang kay G. Peter dela Paz (tagapangulo ng komite) o magpatala sa registration form na makikita sa ibaba:

https://forms.gle/nqScdbZs8tz8SeeF6

Orientation
🗓 Mayo 17, 2026
⛪ Pagkatapos ng Banal na Misa (9:30 AM)

Tara na’t makiisa sa pagpaparangal sa ating Birheng Maria! 💐🌸

19/04/2026

Sa gitna ng ingay ng mundo, nawa'y mahanap natin ang katahimikan sa piling ng Diyos. Ngayong Mahal na Araw, samahan ninyo kaming magnilay, magpasalamat, at alalahanin ang dakilang pag-ibig na nagligtas sa atin.

09/04/2026

PASKO NG MULING PAGKABUHAY
“Wala Siya rito; Siya ay muling nabuhay.” (Lucas 24:6)

Buong galak na ipinagdiwang ng ating parokya ang puso ng ating pananampalataya—ang muling pagkabuhay ni Hesus.

Sinimulan ito sa pagtatanghal at pagsasadula ng pagsalubong ni Hesus at Maria, kung saan tila bumukas ang langit at nagsiawit ang mga anghel sa dakilang pagtatagumpay—ang pagtubos sa sanlibutan at paggapi sa kamatayan.

Matapos ang Kuwaresma at mga Mahal na Araw, nawa’y mas nakilala natin ang Diyos at nabigyan tayo ng pagkakataong huminto, magpahinga, at magnilay. Ang Kaniyang muling pagkabuhay ay patunay na natupad ang bawat pangako—na ang pag-ibig ng Diyos ay higit na makapangyarihan kaysa kamatayan.

Kumapit tayo sa Kaniya at patuloy na umasa: na sa bawat krus at kapighatian ay may kasunod na muling pagkabuhay sa takdang panahon.

Aleluya, Aleluya!

06/04/2026