Dalan ba Emaus ho Esperansa - DAME

Dalan ba Emaus ho Esperansa - DAME Contact information, map and directions, contact form, opening hours, services, ratings, photos, videos and announcements from Dalan ba Emaus ho Esperansa - DAME, Religious organisation, Manila, Manila.

Komunidade Dalan ba Emaús ho Esperansa (DAME) mak grupu Timoroan ida iha Filipina ne'ebé kompostu husi ema relijiozu no leigu sira ho nia misaun atu sai mahon hodi forma no akompaña joven Timoroan sira iha sira-nia moris espiritual, moral no emosional.

Iha Loron 25 Abril 2026, grupu Dalan ba Emaus ho Esperansa (DAME) hala’o sesaun online ida ho nia titulu “Kontemplasaun ...
07/05/2026

Iha Loron 25 Abril 2026, grupu Dalan ba Emaus ho Esperansa (DAME) hala’o sesaun online ida ho nia titulu “Kontemplasaun iha Asaun: balansu entre orasaun no estudu” ne’ebe fó husi orador Fr. Efrizidio Amon Alves, SJ ho nia objetivu:
- Atu komprende ho simples liu saida mak “Kontemplasaun iha Asaun”
- Oinsa atu hare Maromak presente iha ita nia moris lor-loron, liu-liu iha ita nia estudu sira.
- Atu aprende prátika simples sira atu halo balansu iha orasaun no moris akademiku.
- Atu halo reflesaun ba ita nia moris no hahu ho pasu kiik no konkretu.

No ho nia konkluzaun:
- Kontemplasaun iha asaun la'ós kona-ba atu halo buat barak...Ida-ne'e kona-ba atu haree liután (seeing more / awareness).
- Maromak iha ona ita nia moris (estudu)…Ita presiza de'it atu nota Nia.
- Buka tempu atu nonook, atu reflete & atu reza (relasaun pesoál ho Na'i).

Iha Loron 15 Marsu 2026, iha tempu kuaresma, DAME fo rekoleksaun ba sarani balun ho nia tema “Hader no Fila ba uma: Qua...
07/05/2026

Iha Loron 15 Marsu 2026, iha tempu kuaresma, DAME fo rekoleksaun ba sarani balun ho nia tema “Hader no Fila ba uma: Quaresma nu’udar viajen ida atu fila ba Aman” iha Loyola House of Study iha Ateneo de Manila University.

Selebrasaun Eukaristia prezide husi Pe. Valerio ho Pe. Nico no Diacono Marcos Apu, Sj nu’udar pregador rekoleksaun. Iha mos konfesaun ne'ebe rona mos husi Pe. Valerio ho Pe. Nico.

Paz Kristu nian ba ita hotu!Ita dala ruma hanoin ona:-Oinsá mak ita bele balansa entre orasaun no estudu iha moris loron...
20/04/2026

Paz Kristu nian ba ita hotu!

Ita dala ruma hanoin ona:
-Oinsá mak ita bele balansa entre orasaun no estudu iha moris loron-loron?
-Estudu de’it sufisiente ka presiza mos tempu atu reza no reflete?
-Oinsá mak ita bele sai “kontemplativu iha asaun” iha tempu modernu ohin loron?
-Iha dalan saida mak ajuda ita integra fé no koñesimentu iha vida real?

Se pergunta sira ne’e mos iha ita nia laran, mai hamutuk ho ami!

Dalan ba Emaus ho Esperansa (DAME) hakarak konvida ita hotu atu partisipa sesaun online ida kona ba pergunta sira ne’e ho nia detallu iha kraik.

Detallu Eventu:
• Tema: Kontemplasaun iha Asaun: balansu entre orasaun no estudu
• Loron no data: Sabadu, 25 Abril 2026
• Oras: 8:00 – 9:00 kalan
• Orador: Fr. Efrizidio Amon Alves, SJ

Mai partisipa iha apresentasaun ida ne’ebé sei ko’alia kle’an kona ba oinsá ita bele moris ho balansu entre orasaun no estudu.

Espera ita hotu bele partisipa!

Obrigado barak!

Paz iha Kristu!Iha tempu Quaresma ne'e, ami, grupu DAME (Dalan ba Emaus ho Esperansa) hakarak oferese rekoleksaun ba mal...
05/03/2026

Paz iha Kristu!

Iha tempu Quaresma ne'e, ami, grupu DAME (Dalan ba Emaus ho Esperansa) hakarak oferese rekoleksaun ba maluk Timoroan sira (estudante ou la'e) iha Filipina.

Rekoleksaun mak tempu kmanek mai ita atu pauza hodi reflete no renova ita-nia relasaun ho Na'i Maromak.

Tan ne'e ami ho ksolok hakarak konvida maluk sira atu hola parte iha rekoleksaun ida ne’e.

1. Rekoleksaun Quaresmal refere sei hala'o iha Domingo, dia 15 de Março 2026.
2. Rekolesaun sei Iha lian Tetun.
3. Fatin: Lucas Hall, Loyola House of Studies, Ateneo de Manila University.
4. Partisipante sei limita ba ema 30 deit.
5. Almosu sei provided.
6. Ita sei iha mos Sakramentu Rekonsiliasaun durante rekoleksaun refere.
7. Rekoleksaun sei taka ho missa hamutuk iha Tetun.
Informasaun klaru bele konfirma iha panfletu.

Tan ne'e keta lakon oportunidade ida ne atu haburas ita-nia vida espiritual iha tempu Quaresma no prepara ita-nia an halo didiak hodi simu festa Paskua.

Keta haluha rejistu no toma atensaun ba reminder sira.

Bele rejistu liu husi scan qr code iha panfletu ne'e ou bele mós liu husi link ida ne'e:
https://forms.gle/g385Qibmc7UbncNE8

Obrigado wain no ate dia 15/03/2026 iha Ateneo🙏

Kalan diak ba ita hotu!Iha imi nia moris lorloron koko husu ona nia signifikadu? Ha'u nia jornada sei ba ne'ebé loos? Ou...
20/01/2026

Kalan diak ba ita hotu!

Iha imi nia moris lorloron koko husu ona nia signifikadu? Ha'u nia jornada sei ba ne'ebé loos? Ou Buat ne'ebé ha'u halo daudaun ne'e ninia finalidade ba ne'ebé? Ha'u haksolok hela ka lae, ho sa mak ha'u halo? Pergunta ne'ebé klean liu, Na'i Maromak mós bolu ha'u ka lae? Maské hau sempre dook husi Nia?

Mai ita eksplora pergunta sira ne'e ho Frater Bonifácio Lay Ribeiro, SJ, ne'ebé sei koko guia ita atu koñese no kompriende ita ida-idak nia vokasaun ne'ebé Na'i Maromak rasik bolu ona ita ida idak.
Ita sei rona klean liutan iha formasaun online (Zoom) ne’ebe Grupu : "DAME" sei realiza iha loron 24 fulan Janeiro 2026 husi tuku 7:30 to tuku 9 kalan ho nia tema:
"Na'i nia Bolu - Disernimentu iha Moris Lor-loron” ou “Call of God – Discernment for Life."

Liu husi meiu ida ne’e, Grupu DAME hakarak konvida ita hotu atu hola parte iha formasaun online ida ne’e.

Detallu Zoom nian mak iha kraik ne’e:
Link: https://us06web.zoom.us/j/5753958141?pwd=daLCKJaHfv3rqkOfppJn1Wf7awyAgr.1&omn=81256123423
Meeting ID: 575 395 8141
Passcode: w9btTU

Espera ita hotu-hotu sei partisipa!

Obrigado barak.

Iha loron Novembru 29, 2025 DAME hala'o formasaun online da-ruak ne’ebe nakloke ba estudante sira hotu ho kona ba Exame ...
14/12/2025

Iha loron Novembru 29, 2025 DAME hala'o formasaun online da-ruak ne’ebe nakloke ba estudante sira hotu ho kona ba Exame da Consciênica ne’ebe mak fó husi Fr. Jonas Carvalho Soares, SJ.

Iha loron Novembru 22, 2025 DAME hala'o formasaun online dahuluk ne’ebe nakloke ba estudante sira hotu ho nia tópiku Cur...
14/12/2025

Iha loron Novembru 22, 2025 DAME hala'o formasaun online dahuluk ne’ebe nakloke ba estudante sira hotu ho nia tópiku Cura Personalis ne’ebe mak fó husi Fr. Carlos Cesar Barbosa, SJ.

Loron Kmanek ba ita hotu!Atu aviza no konvida ita hotu atu partisipa formasaun online da-ruak ba estudante sira ne'ebe m...
27/11/2025

Loron Kmanek ba ita hotu!

Atu aviza no konvida ita hotu atu partisipa formasaun online da-ruak ba estudante sira ne'ebe mak organiza husi grupu DAME ho nia tema Exame da Consciência ne'ebe sei hala'o iha Zoom iha loron Sábado, 29 Novembru 2025 tuku 8:30 to'o 9:30 pm.

Detallu zoom mak:
Meeting ID: 865 4450 4325
Passcode: 852406
Link: https://us06web.zoom.us/j/86544504325?pwd=qLXrhvzqUgVM7gMCBfvx5HyuFaUFSf.1

Detallu seluk mos bele hare iha majem iha kraik ne’e.

Espera ita hotu bele partisipa!

Obrigado barak!

Dame ba ita hotu!Atu avizu katak grupu DAME sei halao formasaun online ida ho nia tópiku Cura Personalis iha loron 22 fu...
18/11/2025

Dame ba ita hotu!

Atu avizu katak grupu DAME sei halao formasaun online ida ho nia tópiku Cura Personalis iha loron 22 fulan Novembru 2025 tuku 8:30 kalan. Formasaun ne'e nakloke ba estudante Timoroan sira iha Filipina, tan ne'e, ho meiu ida ne'e konvida maluk estudante Timoroan hotu iha Filipina atu partisipa.

Zoom link ba meeting mak:
https://us06web.zoom.us/j/87455441814?pwd=skzaw7OVCZErZUT4qaNbluRKoCGFaY.1

Meeting ID: 874 5544 1814
Passcode: 818214

Ba ajenda no orador, bele hare’e iha imajen kraik ne’e.

Espera ita hotu sei tuir.

Obrigadu.

Address

Manila
Manila

Website

Alerts

Be the first to know and let us send you an email when Dalan ba Emaus ho Esperansa - DAME posts news and promotions. Your email address will not be used for any other purpose, and you can unsubscribe at any time.

Shortcuts

Share

Category