https://www.facebook.com/346578971878631/

Cor Devotum

Home
Philippines
Malolos
Cor Devotum

Religious Layouts

29/07/2025

𝙃𝙪𝙡𝙮𝙤 29 | 𝙁𝙞𝙚𝙨𝙩𝙖 𝙙𝙚 𝙇𝙤𝙨 𝙃𝙚𝙧𝙢𝙖𝙣𝙤𝙨 𝙙𝙚 𝘽𝙚𝙩𝙖𝙣𝙞𝙖

𝙋𝙖𝙣𝙖𝙡𝙖𝙣𝙜𝙞𝙣 𝙨𝙖 𝙈𝙖𝙜𝙠𝙖𝙠𝙖𝙥𝙖𝙩𝙞𝙙 𝙣𝙖 𝙏𝙖𝙜𝙖 𝘽𝙚𝙩𝙖𝙣𝙞𝙖 ( 𝙎𝙖𝙣 𝙇𝙖𝙯𝙖𝙧𝙤, 𝙎𝙖𝙣𝙩𝙖 𝙈𝙖𝙧𝙩𝙖, 𝙖𝙩 𝙎𝙖𝙣𝙩𝙖 𝙈𝙖𝙧𝙞𝙖 𝙙𝙚 𝘽𝙚𝙩𝙖𝙣𝙞𝙖 )

Amang Makapangyarihan,
kami po’y dumudulog sa Inyong harapan sa pamamagitan nina San Lazaro, Santa Marta, at Santa Maria ng Betania — mga huwaran ng pananampalataya, paglilingkod, at pananalangin.

Sa kanilang halimbawa, nawa’y matutunan naming tanggapin si Kristo sa aming mga puso at tahanan. Ipagkaloob Mo po sa amin ang biyayang maging tapat sa aming bokasyon bilang mga alagad ng Iyong Anak.

𝙈𝙖𝙜𝙠𝙖𝙠𝙖𝙥𝙖𝙩𝙞𝙙 𝙣𝙖 𝙏𝙖𝙜𝙖 𝘽𝙚𝙩𝙖𝙣𝙞𝙖, 𝙄𝙥𝙖𝙣𝙖𝙡𝙖𝙣𝙜𝙞𝙣 𝙣𝙞𝙣𝙮𝙤 𝙠𝙖𝙢𝙞.

Amen.

Ang imahen ng Magkakapatud na Taga Betania ay mula sa Bisita ng San Nicolas de Tolentino, Babatnin

27/07/2025

Maraming salamat po, Santa Ana, La Niña Maria, at San Joaquin, sa inyong dakilang patnubay at panalangin para sa amin, inyong mga deboto. Sa gitna ng aming mga pagsubok, kayo po ang aming naging sandigan at huwaran ng pananampalataya, kababaang-loob, at matatag na pananalig sa Diyos. Sa inyong mga banal na halimbawa, kami ay naaalalang manalangin, maglingkod, at magmahal nang tapat ayon sa kalooban ng Ama. Dalangin po namin na patuloy ninyo kaming ipanalangin at gabayan sa aming araw-araw na pamumuhay, upang kami rin ay maging kasangkapan ng pag-ibig at kapayapaan ng Diyos. Mula sa aming mga puso—maraming, maraming salamat po.

26/07/2025

𝙃𝙚𝙮 𝙝𝙚𝙮, 𝙃𝙤𝙤𝙧𝙖𝙮!! 𝙑𝙞𝙫𝙖 𝘼𝙥𝙤 𝘼𝙣𝙖!

𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙥𝙞𝙨𝙩𝙖𝙝𝙖𝙣 𝙨𝙖 𝙋𝙖𝙢𝙗𝙖𝙣𝙨𝙖𝙣𝙜 𝘿𝙖𝙢𝙗𝙖𝙣𝙖 𝙖𝙩 𝙋𝙖𝙧𝙤𝙠𝙮𝙖 𝙣𝙞 𝙎𝙖𝙣𝙩𝙖 𝘼𝙣𝙖 𝙙𝙚 𝙃𝙖𝙜𝙤𝙣𝙤𝙮!

Maulan man ang panahon at may bahang dala ng kalikasan, hindi ito hadlang sa pusong nagkakaisa sa pananampalataya.

Sa kabila ng unos, patuloy tayong nagdiriwang at nagpapasalamat sa panalangin at patnubay ng ating mahal na Patronang si Santa Ana. Nawa’y pagpalain niya ang bawat pamilya at parokyano ng Hagonoy ng lakas, kaligtasan, at panibagong sigla sa paglilingkod.

𝙑𝙞𝙫𝙖 𝙎𝙖𝙣𝙩𝙖 𝘼𝙣𝙖 𝙙𝙚 𝙃𝙖𝙜𝙤𝙣𝙤𝙮!

𝙋𝘼𝙂𝘽𝘼𝙏𝙄 𝙎𝘼 : National Shrine and Parish of St. Anne - Social Communication

25/07/2025

Maligayang Kapistahan ni Santiago Apostol de Quingua!

Isang maalab na pagbati ng pananampalataya at kagalakan sa lahat ng deboto at mamamayan ng Quingua sa pagdiriwang ng kapistahan ng inyong minamahal na patron, Santiago Apostol!

Nawa’y patuloy kayong pagpalain ng ating mahal na patron na si Señor Santiago — ang matapang na tagapagtanggol ng pananampalataya, ang saksi ng katotohanan, at ang matapat na alagad ni Kristo. Sa kanyang inspirasyon, nawa'y maging matatag din tayo sa ating pananalig, maging handang tumugon sa tawag ng paglilingkod, at maging saksi ng pag-ibig ng Diyos sa ating kapwa.

¡Viva Señor Santiago!

Pagbati sa : Parokya ni Santiago Apostol- Plaridel, Bulacan

24/07/2025

Panalangin sa Panahon ng Kalamidad
(San Nicolas de Tolentino, Santa Lucia de Namayan, Santa Lucia de Caliligawan, Mahal na Birhen Delos Remedios, at Mahal na Birhen Tala ng Karagatan)

Aming mapagmahal na Diyos, kami po’y dumudulog sa Inyong habag sa oras ng panganib at kaguluhan. Sa gitna ng unos, baha, lindol, o anumang kalamidad, kami’y umaasa sa Inyong pagkalinga at pagtubos.

Sa tulong at panalangin ni San Nicolas de Tolentino, tagapagtanggol ng mga nagdurusa at tagapamagitan ng mga nangangailangan, ipagkaloob Mo sa amin ang kapanatagan ng loob at katatagan ng pananampalataya.

Sa pamamagitan ni Santa Lucia de Namayan at Santa Lucia de Caliligawan,isang martir ng liwanag at pananalig, liwanagan Mo po ang aming mga isip upang hindi kami magpadala sa takot at kawalan ng pag-asa.

Mahal na Birhen Delos Remedios, Ina ng saklolo, Ina ng kagalingan, kami po’y humihingi ng Iyong mapagpalang pagkalinga. Ikaw po ang aming lunas at aliw sa oras ng pangangailangan.

At sa Inang Patrona ng buong Parokya, ang Mahal na Birhen Tala ng Karagatan, aming Ina sa gitna ng unos ng buhay, gabayan Mo po kami sa ligtas na daan. Tulungan Mo kaming marating ang baybayin ng kapayapaan at katiwasayan.

Kami po ay nagtitiwala sa Iyong masaganang habag, O Panginoon, at sa pamamagitan ng mga panalangin ng Iyong mga banal, kami ay humihiling ng kaligtasan, katatagan, at patuloy na pananalig.

Amen.

22/07/2025

𝙈𝙖𝙗𝙪𝙝𝙖𝙮 𝙖𝙣𝙜 𝙖𝙩𝙞𝙣 𝙋𝙖𝙩𝙧𝙤𝙣𝙖 𝙣𝙖 𝙨𝙞 𝙈𝙖𝙧𝙞𝙖 𝙈𝙖𝙜𝙙𝙖𝙡𝙚𝙣𝙖🎶🎵

Si Santa Maria Magdalena ay isa sa mga tapat na tagasunod ni Hesus. Ayon sa Ebanghelyo, siya ay pinalaya ni Hesus mula sa pitong masasamang espiritu (Lucas 8:2). Mula noon, buong puso siyang naglingkod at sumunod kay Hesus. Isa rin siya sa mga naroon sa ilalim ng krus noong ipinako si Hesus, at siya ang unang nakakita sa Muling Pagkabuhay ng Panginoon (Juan 20:11–18), na siya ring ipinag-utos sa kanya na ipamalita sa mga alagad.

Maligayang Kapistahan ni Santa Maria Magdalena!
Ipagdiwang natin ang kanyang pananampalataya, tapang, at pagmamahal sa Panginoon. Nawa'y tularan natin ang kanyang debosyon sa ating sariling buhay pananampalataya.

Viva Santa Maria Magdalena!!

Pagbati sa Santuario Diocesano y Iglesia Parroquial de Santa Maria Magdalena

Address

Malolos
3000

Website

facebook.com

Alerts

Be the first to know and let us send you an email when Cor Devotum posts news and promotions. Your email address will not be used for any other purpose, and you can unsubscribe at any time.

Shortcuts

Want your place of worship to be the top-listed Place Of Worship in Malolos?