11/01/2019
NOVENA SA MAHAL NA STO.NIÑO JESUS
+Sa ngalan ng ama ng anak at ng espiritu santo Amen.
Ang Pagsisisi
Panginoon kong Hesukristo , Diyos na totoo at tao namang
totoo, gumawa at sumakop sa akin, pinagsisihan kong masakit sa tanang
loob ko ang dilang pagkakasala ko sa Iyo, na ikaw nga ang Diyos ko,
Panginoon ko at Ama ko na iniibig kong higit sa lahat. Nagtitika akong
matibay na di na ako muling magkakasala sa Iyo, at nagtitka naman
akong magkukumpisal ng dilang kasalanan ko. Umaasa akong
patatawarin Mo rin alang-alang sa Iyong mahal na Pasyon at
pagkamatay Mo sa Krus dahilan sa akin. Siya nawa.
Paghahandog Paghahandog
Oh, katamistamisang Hesus! Inihahandog ko po sa Iyo ang aking
kaluluwa; sapagkat dahil sa pag-ibig sa Sangkatauhan, Ikaw ay
nagkatawang-tao at upang magbigay ng halimbawa ng kababaan, Ikaw
ay sumilang sa isang yungib na sinisilungan ng mga hayop. At Ikaw ay
napalagay lamang sa isang sabsaban.
Alang-alang nga sa pag-ibig mo at pagpapakasakit, ako'y
nagtitikang matibay na hindi na muling magkakasala sa Iyo.
At nawa'y pagkalooban Mo po ako ng Iyong mahal na biyaya na
aking pakaiingatan, sa hangad na kung ako'y mamatay, ako'y maging
marapat sa kaluwalhatian ng Langit. Siya nawa.
PANALANGIN
Oh, maawaing Hesus!
Nanalig po akong lubos na Ikaw ay Diyos na totoo, bugtong na
Anak ng Diyos at tunay na Anak ni Maria.
Sa pagkilala ko sa Iyong kabutihan at pagkamahabagin, pinupuri
po Kita at sinasamba.
At sa kabanalbanalan Mong pangalan, hinihiling kong ako'y
pagkalooban Mo po ng iyong biyaya at ng hinihingi ko sa pabnonobena
na ito, kung baga marapat sa Iyong kaluwalhatian at ikagagaling ng
kaluluwa ko. Siya nawa.
