28/05/2022
Mga paalala sa mga magulang mula sa Amoris Laetitia (Chapter 7: Towards a Better Education of Children)
- Ang pamilya ang unang institusyon ng pagtuturo sa mga anak
- Ang mga magulang ang may unang responsibilidad sa pagtuturo ng pananampalataya sa mga anak
- Ang mga anak ay hindi dapat angkinin ng mga magulang, bagkus ay dapat turuan at mahubog para sa kanilang sariling buhay
- Kailangang maihanda ang mga anak sa panghinaharap, na magkaroon sila ng sarili nilang pag-iisip at kalayaang mamili ng makabubuti para sa kanilang sarili
- Kailangang makaramdam ng kalayaan ang mga anak sa loob ng tahanan, upang hindi nila ito hanapin sa ibang tao, ibang lugar, o ibang institusyon
- Huwag maging mapagmalaki sa mga anak, bagkus ay iparamdam sa kanila ang kanilang kabutihan at kagalingan upang mabuo ang kanilang loob at maging matatag ang kanilang tiwala sa sarili
- Importante ang tama at maayos na pagtuturo tungkol sa sekswalidad (s*x education) mula sa mga magulang, upang mabigyan ng tuwid na pang-unawa ang maaring matutunan ng mga anak sa ibang institusyon
- Ang mga magulang ang may responsibilidad sa paghubog ng mabuting kalooban, pag-uugali, at pakikisalamuha sa kapwa - sa pamamagitan ng mabuting halimbawa na nakikita sa aktuwal na pagsasabuhay, maliban sa pagtuturo sa pamamagitan ng pananalita
---------
"Minsan ang mga nagkakasala, ang mga nagkakamali, ang mga nasasaktan, at mga nasusugatan - ay ayaw lumapit sa atin, dahil takot sila, dahil sa pakiramdam na huhusgahan at papagalitan lamang natin sila. At minsan sila ay mismong mga anak natin."
