St. Mark the Evangelist Chapel - BPC Tadlac

28/05/2025

𝗣𝗔𝗦𝗔𝗦𝗔𝗟𝗔𝗠𝗔𝗧 | 𝗠𝗔𝗬𝗢 𝟮𝟳, 𝟮𝟬𝟮𝟱

Sa kapilya ni San Marcos Ebanghelista, kung saan idinaos ang makahulugang Flores de Maria isang tradisyong puno ng panalangin, pag-aalay ng bulaklak, at pagpupugay kay Maria bilang Ina ng Awa ay lalong sumidhi ang aming pananampalataya. Sa bawat hakbang ng pagdiriwang, naalala namin ang halaga ng pagtutulungan at pagbibigay-pugay sa mga biyayang hatid ng Panginoon.

Nais naming ipaabot ang taos-pusong pasasalamat sa Pamilya Mendoza sa inyong mapagpalang handog: ang imahe ng Banal na Santatlo na ngayon ay tanglaw ng aming kapilya. Ang inyong kaloob ay hindi lamang dekorasyon kundi simbolo ng inyong pagmamahal sa pananampalataya at pagbibigay-inspirasyon sa aming komunidad. Dahil sa inyong kabutihan, nabubuksan ang aming mga puso upang lalong mapalapit sa Diyos at matuto ng paghahandog na tulad ng inyong ginawa.

Ang imaheng ito ay magiging sentro ng aming mga panalangin, lalo na sa pagdiriwang ng Flores de Maria at iba pang makabuluhang okasyon. Sa bawat sulyap dito, maaalaala namin ang inyong pamilya isang halimbawa ng pagiging alay sa kapwa at sa Maykapal.

28/05/2025

𝗠𝗚𝗔 𝗟𝗔𝗥𝗔𝗪𝗔𝗡 | 𝗠𝗔𝗬𝗢 𝟮𝟳, 𝟮𝟬𝟮𝟱 | 𝗠𝗔𝗥𝗧𝗘𝗦

Matagumpay na naidaos ang 𝗙𝗹𝗼𝗿𝗲𝘀 𝗗𝗲 𝗠𝗮𝗿𝗶𝗮 𝟮𝟬𝟮𝟱.

Pagpupugay sa Mahal na Birheng Maria sa isang makulay na prusisyon ng pananampalataya at debosyon.

09/05/2025

Habemus Papam!

Habemus Papam! We have a Pope!

The Cardinals gathered in the Vatican’s Sistine Chapel have elected Cardinal Robert Francis Prevost as the 267th Pope, who took the name Pope Leo XIV.

01/05/2025

𝗠𝗚𝗔 𝗟𝗔𝗥𝗔𝗪𝗔𝗡 | 𝗠𝗔𝗬𝗢 𝟭, 𝟮𝟬𝟮𝟱 | 𝗛𝘂𝘄𝗲𝗯𝗲𝘀

Sa paggunita ng 𝗞𝗮𝗽𝗶𝘀𝘁𝗮𝗵𝗮𝗻 𝗻𝗶 𝗦𝗮𝗻 𝗝𝗼𝘀𝗲 𝗠𝗮𝗻𝗴𝗴𝗮𝗴𝗮𝘄𝗮, matagumpay na naisagawa ang Little SAGALA 2025. Kasabay din nito ang makulay na pag-aalay ng bulaklak sa Mahal na Birhen isang patunay ng masigla, buhay na pananampalataya at matatag na pagkakaisa ng pamayanan.

San Marcos Ebanghelista at San Jose Manggagawa, ipanalangin niyo kami!

26/04/2025

Funeral Mass for Pope Francis — Live from St. Peter’s Basilica, Vatican

Today, April 26, 2025, at 4:00 PM PHT

Our live broadcast of the Requiem Mass for Pope Francis has begun, with the liturgy scheduled to start at 10 am Rome time. Watch live on the Vatican News Facebook or YouTube page.

25/04/2025

▫️Kaganapan Noong Nakaraang Linggo sa Easter Egg Hunt ▫️

Isang masayang pagdiriwang ng muling pagkabuhay na puno ng sigla at saya kasama ang pamilya at mga kaibigan!

25/04/2025

PRUSISYON SA KAPISTAHAN NI SAN MARCOS EBANGHELISTA 🦁

22/11/2024

𝐏𝐀𝐁𝐀𝐓𝐈𝐃

Sa darating na Sabado at Linggo, wala pong misa sa mga nasasakupang BPC ng Parokya ng Santisima Trinidad upang bigyang-daan ang mga pagdiriwang para sa Kapistahan ng Kristong Hari.

𝐍𝐚𝐫𝐢𝐭𝐨 𝐩𝐨 𝐚𝐧𝐠 𝐬𝐜𝐡𝐞𝐝𝐮𝐥𝐞 𝐧𝐠 𝐦𝐠𝐚 𝐠𝐚𝐰𝐚𝐢𝐧:
𝐍𝐨𝐛𝐲𝐞𝐦𝐛𝐫𝐞 𝟐𝟑, 𝟐𝟎𝟐𝟒 (𝐒𝐚𝐛𝐚𝐝𝐨 - 𝐕𝐢𝐠𝐢𝐥)
Venue: Montana Clubhouse, Brgy. Bucal
- 𝟔:𝟎𝟎 𝐏𝐌 – Vigil Mass
- 𝟕:𝟎𝟎 𝐏𝐌 𝐡𝐚𝐧𝐠𝐠𝐚𝐧𝐠 𝟒:𝟎𝟎 𝐀𝐌 – Pagtatanod

𝐍𝐨𝐛𝐲𝐞𝐦𝐛𝐫𝐞 𝟐𝟒, 𝟐𝟎𝟐𝟒 (𝐋𝐢𝐧𝐠𝐠𝐨 - 𝐊𝐚𝐩𝐢𝐬𝐭𝐚𝐡𝐚𝐧)
𝟓:𝟎𝟎 𝐀𝐌 – Motorcade mula Montana papunta sa kanto ng Pansol
– Pagprusisyon mula kanto ng Pansol papunta sa Holy Trinity Parish
𝟳:𝟬𝟬 𝗔𝗠 – Punong Tagapagdiwang, Rev. Fr. Marlu Marasigan. Kura Paroko
𝟭𝟬:𝟯𝟬 𝗔𝗠 – Punong Tagapagdiwang, Rev. Fr. Ronie Teman, SVD
𝟯:𝟬𝟬 𝗣𝗠 – Punong Tagapagdiwang, Rev. Fr. Marlu Marasigan. Kura Paroko

Inaasahan po namin ang inyong pakikiisa upang sabay-sabay na ipagdiwang ang pagiging Hari ng ating Panginoon. Maraming salamat po.

16/11/2024

Linggo, Nobyembre 17, 2024
Ika-33 Linggo sa Karaniwang Panahon
Banal na Misa | alas 4:30 ng hapon
Punong Tagapagdiwang | Kura Paroko Rev. Fr. Marlu Marasigan

UNANG PAGBASA
Daniel 12, 1-3

SALMONG TUGUNAN
Salmo 15, 5 at 8. 9-10. 11

D’yos ko, ang aking dalangi’y
ako’y iyong tangkilin.

IKALAWANG PAGBASA
Hebreo 10, 11-14. 18

MABUTING BALITA
Marcos 13, 24-32

Ang Mabuting Balita ng Panginoon ayon kay San Marcos

Noong panahong iyon, sinabi ni Hesus sa kanyang mga alagad: “Sa mga araw na iyon, pagkatapos ng mga napakalaking kapighatian, magdidilim ang araw, hindi magliliwanag ang buwan, malalaglag mula sa langit ang mga bituin, at mayayanig ang mga kapangyarihan sa kalawakan. At makikita ang Anak ng Tao na nasa alapaap, dumarating na may dakilang kapangyarihan at malaking karangalan. Susuguin niya ang kanyang mga anghel sa apat na panig ng daigdig at titipunin nila ang mga hinirang ng Diyos, mula sa lahat ng dako.

“Unawain ninyo ang aral mula sa puno ng igos: kapag sumisipot na ang mga dahon sa sanga nito, alam ninyong malapit na ang tag-araw. Gayun din naman, kapag nakita ninyong nangyayari na ang mga bagay na ito, malalaman ninyong malapit na ang panahon ng pagparito niya – nagsisimula na. Tandaan ninyo: magaganap ang mga bagay na ito bago mamatay ang mga taong nabubuhay sa ngayon. Mawawala ang langit at ang lupa, ngunit ang mga salita ko’y hindi magkakabula.

“Ngunit walang nakaaalam ng araw o oras ng pagsapit niyon, kahit ang mga anghel sa langit o ang Anak man – ang Ama lamang ang nakakaalam nito.”

Ang Mabuting Balita ng Panginoon.

PANALANGIN NG BAYAN:
Maluwalhating Diyos, dinggin Mo ang aming panalangin!

09/11/2024

𝗣𝗮𝗯𝗮𝘁𝗶𝗱:

Para po sa lahat ng nagtitirik ng kandila, ang schedule po ay tuwing Linggo na lamang, mula 7:00 ng umaga hanggang 6:00 ng gabi. Ito po ay para maiwasan ang mga aksidente at masigurado ang kaligtasan ng lahat matapos magkaroon ng maliit na sunog dahil sa mga kandilang nakatirik magdamag.

Alinsunod sa payo ng ating kura paroko, hinihikayat namin ang lahat na sundin ang bagong schedule at maging maingat sa pagtitirik ng kandila.

Maraming salamat po sa inyong pag-unawa at pakikiisa sa ating layunin na panatilihing ligtas ang ating simbahan.

09/11/2024

Linggo, Nobyembre 10, 2024
Ika-32 Linggo sa Karaniwang Panahon
Banal na Misa | alas 4:30 ng hapon
Punong Tagapagdiwang | Rev. Fr. Ronie Teman, SVD

UNANG PAGBASA
1 Hari 17, 10-16

SALMONG TUGUNAN
Salmo 145, 7. 8-9a. 9bk-10

Kalul’wa ko, ‘yong purihin
ang Panginoong butihin.

IKALAWANG PAGBASA
Hebreo 9, 24-28

MABUTING BALITA
Marcos 12, 38-44

Ang Mabuting Balita ng Panginoon ayon kay San Marcos

Noong panahong iyon, sinabi ni Hesus sa kanyang pagtuturo. “Mag-ingat kayo sa mga eskriba na mahilig maglalakad nang may mahabang kasuutan at natutuwang pagpugayan sa mga liwasan. Ang ibig nila’y ang mga tanging luklukan sa mga sinagoga, at ang mga upuang pandangal sa mga piging. Inuubos nila ang kabuhayan ng mga babaing balo, at ang sinasangkala’y ang pagdarasal nang mahaba! Lalo pang bibigat ang parusa sa kanila!”

Umupo si Hesus sa tapat ng hulugan ng mga kaloob doon sa templo, at pinagmasdan ang mga taong naghuhulog ng salapi. Maraming mayayamang naghulog ng malalaking halaga. Lumapit naman ang isang babaing balo at naghulog ng dalawang kusing na katumbas ng isang pera. Tinawag ni Hesus ang kanyang mga alagad at kanyang sinabi, “Sinasabi ko sa inyo: ang dukhang balong iyon ay naghulog ng higit sa kanilang lahat. Sapagkat ang iba’y nagkaloob ng bahagi lamang ng hindi na nila kailangan, ngunit ibinigay ng balong ito na dukhang-dukha ang buo niyang ikabubuhay.”

Ang Mabuting Balita ng Panginoon.